Us with Them and Them with Us [Rona le Bone le Bone le Rona], ka Caitlin Connolly

Ngwanatsele 3–9: “Lentswe la Boipelo mo Batsheding le mo Baswing”

Dithuto le Dikgolagano 125–128

Ka Phatwe 1840, Jane Neyman yo o neng a hutsafetse o ne a reeditse Moperofeti Joseph a bua kwa losong la tsala ya gagwe Seymour Brunson. Morwa wa ga Jane wa monana Cyrus le ene o ne a tlhokafetse bosheng. Go tlaleletsa go hutsafala ga gagwe e ne e le bonnete jwa gore Cyrus o ne a sa kolobediwa, mme Jane o ne a tshwenyegile gore se se raya eng ka mowa wa gagwe ka bosakhutleng. Joseph le ene o ne a kile a tshwenyega ka ga mokaulengwe wa gagwe yo o rategang Alvin, yo le ene a tlhokafetseng pele ga go kolobediwa. Ka jalo Moperofeti a swetsa ka go abelana le mongwe le mongwe kwa losong ka se Morena a se mo senoletseng ka ga batho ba ba tlhokafetseng ba sa amogela ditao tsa efangele—le se re ka se dirang go ba thusa.

Dithuto tsa kolobetso ya baswi tsa itumedisa Baitshepi; ditlhaloganyo tsa bone tsa sokologela ka bofefo go maloko a lelwapa a atlhokafetseng. Jaanong go ne go na le tsholofelo ka ga bone! Joseph o ne a abelana boitumelo jwa bone, mme mo lokwalong a ruta dithuto tse, o ne a dirisa puo ya boitumelo, ya matlhagatlhaga go supa se Morena a se rutileng ka ga poloko ya baswi: “A dithaba di gowe ka boitumelo, mme lona mekgatšha yotlhe kuelang kwa godimo; mme lona mawatle otlhe le mafatshe a a omeletseng bolelang dikgakgamatso tsa Kgosi ya lona ya Bosakhutleng!” (Dithuto le Dikgolagano 128:23).

Bona Saints, 1:415–27; “Letters on Baptism for the Dead,” in Revelations in Context, 272–76.

Megopolo ya go Ithuta kwa Gae le kwa Kerekeng

Dithuto le Dikgolagano 126

Morena o batla ke tlhokomela lelwapa la me.

Morago ga go bowa go tswa kwa thomong kwa England—nngwe ya dithomo tse dintsi tse a di diretseng—Brigham Young o ne a amogela pitso e nngwe e e botlhokwa go tswa go Morena. O ne a kopiwa go “tlamela thata lelwapa la [gagwe]” (temana 3), le le sokotseng fa a ne a seo. Jaaka o ithutuntsha tsetlana e, akanya gore ke eng Morena dinako tse dingwe a tlhoka setlhabelo mo tirelong ya rona. O ka dira eng go tlhokomela lelwapa la gago?

Bona le gone “Take Special Care of Your Family,” mo Revelations in Context, 242–49.

Dithuto le Dikgolagano 127:2–4

Ke ka ikaega ka Morena fa dinako di le thata.

Go patelediwa le matshosetsi a go tshwarwa gape a ne a pateletsa Joseph Smith go iphitlha ka Phatwe 1842. Mme gone mafoko a a kwaletseng Baitshepi ka nako eo (jaanong Dithuto le Dikgolagano 127) a tletse ka tsholofelo le boitumelo. Ke eng se ditemana 2–4 di go rutang ka ga Modimo? Ka go lebagana le go sotlwa le kganetso? Ke dieele dife go tswa mo ditemaneng tse tse di ka go thusang fa o ikutlwa o tshwenngwa? Akanya go gatisa ka fa Morena a go tshegeditseng ka teng mo “boteng jwa metsi” a botshelo jwa gago.

Dithuto le Dikgolagano 127:5–8; 128:1–8

Le fa e le eng se o tlaa se gatisang mo lefatsheng se tlaa gatisiwa kwa legodimong.

Jaaka o bala Dithuto le Dikgolagano 127:5–8; 128:1–8, lebelela mabaka a Morena a neetseng Joseph Smith jaaka ditaelo tse di tlhamaletseng ka ga go gatisa kolobetso ya baswi. Se se go ruta eng ka ga Morena le tiro ya Gagwe? O ikutlwa jang gore taelo e e ka diragadiwa jang mo dikgatisong tsa lelwapa la gago, jaaka dijenale?

Go dira tirelo ya tempele ya bagologolo ba rona e hapela dipelo tsa rona kwa go bone.

Dithuto le Dikgolagano 128:5–25

Poloko ya bagologolo ba me e botlhokwa mo polokong ya me.

Go a bonala sentle go tswa mo Modimo a go senoletseng Joseph Smith gore ke eng bagologolo ba rona ba ba neng ba sa kolobediwa mo botshelong jo ba re tlhoka: re kolobediwa mo boemong jwa bone gore ba ka itlhophela go amogela kgotsa go gana tao e. Mme le gone Moperofeti o ruta gore poloko ya bagologolo ba rona e “e a tlhokega ebile e botlhokwa mo go ya rona poloko.” Jaaka o bala Dithuto le Dikgolagano 128:15–18, akanya gore ke eng seo se ntse jalo.

Temana 5 e ruta gore tao ya kolobetso ya baswi e ne e “baakantswe pele ga motheo wa lefatshe.” Boammaaruri jo bo go ruta eng ka Modimo le togamaano ya Gagwe? Molaetsa wa ga Mogolwane Dale G. Renlund “Family History and Temple Work: Sealing and Healing” o tlalaletsa eng mo go tlhaloganyeng gago? (Liahona, May 2018, 46–49).

Joseph Smith o dirisitse dieele jaaka” thata e e bofang,” “kgokagano e e tshwaraganeng,” le “bokopano jo bo itekanetseng” fa a ruta ka ga ditao tsa boperesiti le kolobetso ya baswi. Lebelela se le diele tse di tshwanang jaaka o bala Dithuto le Dikgolagano 128:5–25. A o ka akanya ka didirisiwa tse o ka di dirisang go supa diele tse, jaaka keetane kgotsa mogala? Ke eng se e le diele tse di siameng go tlhalosa dithuto tse?

Go akanya ka dipotso tse di latelang le gone go ka go thusa mo ithutuntshong ya ditemana tse:

• Mo mogopolong wa gago, ke eng kolobetso ya baswi e tsewa e le “thuto e e itumedisang e ya dithuto tsotlhe tse e leng tsa efangele e e sa khutleng”? (temana 17). Ke a fe maitemogelo a a go thusitseng go ikutlwa jalo?

• Ke ka tlhaloganyo e fe gore lefatshe le ka hutsiwa fa gone go sena “kgokagano e e tshwaraganeng … magareng ga borre le bana”? (temana 18).

• Ke eng se se go kgatlhang ka ga mafoko a ga Joseph Smith mo ditemana 19–25? Ditemana tse di ama jang tsela e o ikutlwang ka ga Jeso Keresete? ka ga tirelo ya temepele ya bagologolo ba gago? (bona le gone “Come, Rejoice,” Hymns, no. 9).

Morago ga go ithutuntsha ditemana tse, o ka ikutlwa o tlhotlhelesega go direla bagologolo ba gago sengwe. Megopolo mo FamilySearch.org e ka thusa.

Di “Inspirational Videos” mo kgobokanyong ya “Temple and Family History” ya Motlobo wa Efangele e ka go neela thuso e e maleba, dipolelo tse di tlhotlheletsang, le melaetsa go tswa go baeteledipele ka ga ditso tsa lelwapa.

Dirisa di dirisiwa tse di maleba tsa Kereke. Digokaganyi mo pading ya Tlayang, Ntshalang Morago di tlamela go fitlhelela mo go motlhofo go di dirisiwa go go thusa go tlhaloganya le go diragatsa boammaaruri kgotsa go diragatsa megopolo e o e amogelang. Ka sekai, kgokaganyi e e fa godimo ya FamilySearch e isa kwa ditiragatsong jaaka tsa go aga setlhare sa lelwapa la gago, go batla bagologolo ba ba tlhokang ditao tsa tempele, go bona kwa bagologolo ba gago ba tswang teng, kgotsa go tsenya polelo ya lelwapa.

Bona le gone Kevin R. Duncan, “A Voice of Gladness!,” Liahona, May 2023, 95–97.

“A Tlamelo e e Galalelang le e Gakgamatsang.”

Poresidente Gordon B. Hinckley o ne a re:

“Tetlanyo ya ga Jeso mo boemong jwa botlhe e kaya setlhabelo se segolo sa boemedi. O beile mokgwa yo ka one A neng a nna moemedi wa batho botlhe. Mokgwa o yo motho a le mongwe a ka dirang mo boemong jwa yo mongwe o tsweledisiwa go ya pele mo ditaong tsa ntlo ya Morena. Fano re direla mo boemong jwa bao ba suleng ba sena kitso ya efangele. Mo go bone ke boikgethelo jwa go amogela kgotsa go gana tao e e diragaditsweng. Ba bewa mo seemong se se tshwanang le bao ba ba tshelang mo lefatsheng. Baswi ba neelwa tshono e e tshwanang le ya ba batshelang. Gape, a tlamelo e e galalelang le e e gakgamatsang e Mothataotlhe a e dirileng ka tshenolo ya Gagwe go Moperofeti wa Gagwe” (“The Great Things Which God Has Revealed,” Liahona, May 2005, 82–83).

Megopolo ya go Ruta Bana

Dithuto le Dikgolagano126:3

Ke ka thusa go tlhokomela lelwapa lwa me.

• Go thusa bana ba gago go ithuta go direla maloko a lelwapa la bone, akanya ka go abelana molaetsa ka ga Brigham Young mo “Chapter 50: The Saints in Nauvoo” (mo Doctrine and Covenants Stories, 184, kgotsa setshwantsho sa motsikinyego se se tsamaelanang mo Motlobo wa Efangele) kgotsa khutshwafatsa Dithuto le Dikgolagano 126 ka mafoko a gago. O ka gatelela seele “tlamela thata lelwapa la gago” (temana 3) mme o bue le bana ba gago ka ga gore go tewa eng go tlamela thata malwapa a rona.

  Chapter 50: The Saints in Nauvoo: January–July 1841

• Go ka kgatlhisa go wena le bana ba gago go lebelela dinepe tsa lelwapa (kgotsa go tshwantsha ditshwantsho) jaaka lo bua mmogo ka ditsela tse lo ka thusang go “tlamela” maloko a lelwapa. Le gone le ka opela pina jaaka “Home Can Be a Heaven on Earth” (Hymns, no. 298).

Dithuto le Dikgolagano 128:5, 12

Bana botlhe ba Modimo ba tlhoka monyetla wa go kolobediwa.

• Laletsa bana ba gago go batla mo Dithuto le Dikgolagano 128:1 gore ke e fe thuto e e neng e le mo tlhaloganyong ya ga Joseph Smith. Le gone ba ka batla temana 17 go batla gore ke thuto e fe e a neng a akanya gore e a “itumedisa.” A ba abelane se ba se bonang mme ba bue gore ke eng thuto e e kgatlhisa.

• Mo go tlalaletseng go thusa bana ba gago go ipaakanyetsa (le go tshela) dikgolagano tsa bone tsa kolobetso, o ka ba thusa go itse ka fa ba ka thusang batho ba ba sa dirang dikgolagano tse mo botshelong jwa bone. Akanya ka go bolelela bana ba gago ka mongwe yo o mo itseng yo a suleng a sa kolobediwa. Ke gone le ka bala mmogo Dithuto le Dikgolagano 128:5 mme lo lebelele senepe sa fonte ya kolobetso ya tempele (jaaka nngwe e e kwa bokhutlong jwa padi e). Bolelela bana ba gago ka fa o ikutlwang ka teng go kolobetswa mo ditempeleng mo boemong jwa batho ba ba tlhokafetseng gore mongwe le mongwe a nne le monyetla wa go dira dikgolagano le Rara wa Legodimo.

Dithuto le Dikgolagano 128:18

Rara wa Legodimo o batla ke ithuta ka ga ditso tsa lelwapa la me.

• Go ka kgatlhisa go wena le bana ba gago go dira keetane ya pampiri ya maina a batsadi, batsadi ba batsadi, le batsadi ba bogologolo, le go ya jalo (bona ya beke e tsebe ya diragatso). Ke gone o ka abelana le mongwe le mongwe se o se itseng ka ga bagologolo ba. Bala mmogo Dithuto le Dikgolagano 128:18 go batla gore “kgokagano e e tshwarantsweng” ke eng e dirang ditso tsa lelwapa la rona “mmogo ebile le feletse.” Le gone le ka lebelela mmogo setshwantsho sa motshikinyego “Courage: I Think I Get It from Him” (Motlobo wa Efangele).

  Courage: I Think I Get It From Him

  Learn about your ancestors strengths to discover your own strengths.

• Ditiragatso tse di tlalaletsang go thusa bana ba gago go tsaya karolo mo ditsong tsa lelwapa di ka bonwa mo “The Temple and the Plan of Happiness“ mo aphentikise B kgotsa kwa FamilySearch.org.

Ditao tsa tempele di re thusa go kopanya malwapa jaaka digokaganyi mo keetaneng

Ka ga megopolo e mentsi, bona kgatiso ya kgwedi e ya Friend makasine.

Fonte ya kolobetso ya Tempele ya Ogden Utah.