Jeri reCarthage

Mbudzi 24–30: “Akasimbisa Basa Rake uye Mishando Yake neRopa Rake Pachake”

Dzidziso neZvibvumirano 135–136

Masikati emusi waChikumi 27, 1844, Joseph naHyrum Smith vakaiswa mujeri zvakare, pamwechete naJohn Taylor naWillard Richards. Vaitenda kuti vaiva vasina kupara mhosva ipi zvayo, asi vakabvuma kusungwa, vaine tarisiro yekuchengeta Vatendi muNauvoo vakachengeteka. Iyi yakanga isiri nguva yokutanga iyo vavengi veChechi yavakanga vaisa Muporofita Joseph mutirongo, asi panguva iyi airatidzika kuziva kuti haaizodzoka ari mupenyu. Iye neshamwari dzake vakaedza kunyaradzana kuburikidza nokuverenga kubva muBhuku raMormoni uye nekuimba nziyo. Zvino kurira kwepfuti kwakanzwika, uye mukati memaminitsi mashomanana Joseph Smith nemukoma wake Hyrum vakanga vauraiwa.

Asi zvakadaro kwaiva kusiri kuguma kwechinangwa chehumwari chavakanga vatambira nechido. Uye kwakanga kusiri kuguma kweKudzorerwa kwevhangeri raJesu Kristu. Pakanga paine rimwe basa rakawanda rokuita uye zvimwe zvakazarurwa zvakawanda zvaizotungamirira Chechi kufambira mberi. Kuguma kweupenyu hweMuporofita kwaiva kusiri magumo ebasa raMwari.

Ona­ Saints, 1:521–52.

Mazano eKudzidza Kumba uye kuChechi

Dzidziso neZvibvumirano 135; 136:37–39

Joseph naHyrum Smith vakasimbisa uchapupu hwavo neropa ravo.

Fungidzira kuti ungadai wakanzwa sei dai wakanga uchigara muNauvoo apo Joseph naHyrum Smith pavakauraiwa. (Ona Saints, 1:554–55). Waizonzwisisa sei chiitiko chakaipa zvikurusa ichi? Dzidziso neZvibvumirano 135, chikamu icho chakashambadzwa mwedzi mitatu pashure pechiitiko ichi, pamwe chingadai chakabatsira. Apo paunotsvagurudza chikamu ichi, funga pamusoro pokuti chii chaizokuunzira nzwisiso nesimbiso. Chii chaungataure kune mumwe munhu anobvunza kuti, “Ko sei Mwari vakabvumira kuti Muporofita Wavo auraiwe?” (ona Dzidziso neZvibvumirano 136:37–39).

Unokwanisawo kutsvagurudza chikamu 135 kuti uwane mashoko nendevo izvo zvinokukurudzira kuva wakatendeka kusvikira kumagumo, sezvaiva zvakaita Joseph naHyrum.

Onawo Dzidziso neZvibvumirano 5:21–22; “Remembering the Martyrdom,” muna Revelations in Context, 299–306; Teachings of Presidents of the Church: Joseph Smith (2011), 522–23, 529–40; “Testimony of the Book of Mormon” (vhidhiyo), Gospel Library.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Dzidziso neZvibvumirano 135:3

Joseph Smith aiva muporofita uye chapupu chaJesu Kristu

Dzidziso neZvibvumirano 135: 3 inodoma zvimwe zvezvinhu izvo Joseph Smith zvaakazadzikisa “munguva diki yemakore makumi maviri.” Zvinhu izvi zvakakushandura sei iwe uye hukama hwako naBaba Vokudenga naJesu Kristu? Funga pamusoro pokuti unozopedzisa sei mutsetse wakaita souyu: Nokuda kweizvo Ishe zvavakaita kuburikidza naJoseph Smith, ini … Ungangonyorawo pasi nokugoverana uchapupu hwako hweMuporofita Joseph Smith navamwe.

Imwe nzira yokudzidza nayo pamusoro pebasa raJoseph Smith ndeyokuedza kunyora nhoroondo pfupi yeupenyu hwake kana mashoko erumbidzo yake. Chii chaungazotaura kuitira kuvaka rutendo muna Kristu nevhangeri rakadzorerwa Rake? Ungangoda kusanganisira zviitiko zvakakosha kana budiriro dzakakosha dzinowanikwa muDzidziso neZvibvumirano 135 kana izvo zvakataurwa muzvinyorwa zviri pazasi.

Jesu Kristu akaratidza zvokwadi zvakawanda pamusoro Pake Iye pachake uye Rudzikinuro Rwake kuburikidza naJoseph Smith. Funga pamusoro pokufungisisa chiitiko chawakava nacho mukunzvera Dzidziso neZvibvumirano gore rino? Ndezvipi zvokwadi zvakaratidzika sezvakakosha kwauri? Ungangoda kugoverana zvokwadi izvi nemhuri yako, kirasi kana nhengo dzechikwata chako, kana vamwe apo paunonzvera vhiki rino. Zvokwadi izvi zvinokubatsira sei kunzwisisa uye kuswedera pedyo neMuponesi?

Onawo “Joseph Smith: The Prophet of the Restoration” (vhidhiyo), Gospel Library; Tad R. Callister, “Joseph Smith—Prophet of the Restoration,” Liahona, Mbudzi 2009, 35–37; “Mbiri Kumunhu,” Nziyo neDzeVana Vadiki, nhamba. 98; Topics and Questions, “Joseph Smith,” Gospel Library.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

Mimhanzi Inoenderana Nazvo

Kuimba nziyo dzinotevera kana kuona mavhidhiyo kunokwanisa kukoka Mweya Mutsvene kana kukurudzira hurukuro pamusoro pebasa reMuporofita Joseph Smith uye kuzvipira kweVatendi avo vakaenderera mberi mushure make.

“A Poor Wayfaring Man of Grief” (Hymns, nhamba 29). Apo pavaiva muJeri reCarthage, John Taylor akaimba rwiyo urwu.

“Mbiri kuMunhu” (Nziyo neDzeVana Vadiki, nhamba ;) 98; onawo vhidhiyo). Mashoko erwiyo urwu akanyorwa serumbidzo kuna Joseph Smith.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Huyai, Huyai, Vatendi” (Nziyo neDzeVana, no. 30; onawo vhidhiyo).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Faith in Every Footstep” (ona vhidhiyo).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Dzidziso neZvibvumirano 136

Ndinokwanisa kubatsira kuzadzikisa chido chaIshe apo pandinotevera rairo Yavo.

Mushure mokunge Joseph Smith afa, Vatendi vakatandaniswa kubva muNauvoo. Zvino vakanga vatarisana nemamaira 1 300 (makiromita 2 100) erwendo nemurenje raiva rakaipa. Brigham Young, Mutungamiri weChikwata chevaApositora vane Gumi neVaviri, ainetsekana kuti vatendi vaizopona sei parwendo rwacho. Munzvimbo yekusanogara kwenguva pfupi yainzi Winter Quarters, akatetera nhungamiro. Mhinduro yaIshe yakanyorwa muchikamu 136. “Nokubatsira Vatendi kuti vayeuke kuti hunhu hwavo parwendo rwacho hwakanga hwakakosha sekukosha kwaiva kwakaita uko kwavaienda, zvakazarurwa zvakabatsira kushandura kutamira kwavo kumadokero kubva mukuva chidikanwi chaiva chisina kunaka kuenda kuchiitiko chezvepamweya chavakava nacho vose.” (“This Shall Be Our Covenant,” muna Revelations in Context, 308).

Chengeta izvi mupfungwa apo paunonzvera chikamu 136. Irairo ipi yaunowana inokwanisa kubatsira kushandura muedzo wakaoma muupenyu hwako “kuuita chiitiko chakakosha … chezvepamweya”? Ungangofungisisawo kuti rairo yacho inokwanisa kukubatsira sei kuzadzikisa chido chaIshe muupenyu hwako pachako, sekubatsira kwayakaita Vatendi vokutanga murwendo rwavo.

Onawo “This Shall Be Our Covenant,” muna Revelations in Context, 307–14; “Huyai, Huyai, Vatendi,” Nziyo neDzevana Vadiki, nhamba 2; Church History Topics, “Succession of Church Leadership,” Gospel Library.

Chikamu chakabva kuWinter Quarters, naGreg Olsen

Mazano eKudzidzisa Vana

Dzidziso neZvibvumirano 135:1–2, 4–5

Joseph naHyrum Smith vakapira upenyu hwavo kuitira Jesu Kristu neVhangeri Rake.

• Pfupisira vana vako Dzidziso neZvibvumirano 135:1 kana kugovera “Chapter 57: The Prophet Is Killed” (muDoctrine and Covenants Stories, 201–5, kana vhidhiyo inoenderana nazvo muGospel Library). Uyu ungava mukana wakanaka wokuti iwe navana mugoverane manzwiro enyu pamusoro pekuzvipira uko Joseph naHyrum kwavakaitira Muponesi nevhangeri Rake.

  Chapter 57: The Prophet Is Killed: June 1844

• Dzidziso neZvibvumirano 135:4–5 inotaura kuti Hyrum Smith akaverenga ndima kubva muBhuku raMormoni asati aenda kuJeri reCarthage. Iwe navana vako munokwanisa kuverenga ndima iyi pamwechete (ona Eta 12:36–38). Ndima idzi dzingava dzakanyaradza sei Hyrum? Unokwanisawo kugovera zvinyorwa zvitsvene zvinokuunzira nyaradzo apo paunenge uchinetsekana kana kuti wakasuwa.

• Iwe navana vako munokwanisa kutarisa pamifananidzo yevaporofita (ona Bhuku reMifananidzo yeVhangeri, nhamba 7, 14, 67) uye motaura pamusoro pezvimwe zvinhu izvo Mwari zvavanokumbira vaporofita kuita. Chii icho vaporofita ava chavakazvipira pachiri kuitira Muponesi?

  

Mumba, kudzidza nekurarama hazvikwanisi kuparadzaniswa “Vhangeri rinova chinhu chakakosha pakarepo mumba. Imomo vanhu vauri kudzidza navo vhangeri ndivo vanhu avo vaunorirarama navo—mazuva ose. Pachokwadi, nguva zhinji dzacho, kurarama vhangeri ndiwo madzidziro atinoita vhangeri” (Teaching in the Savior’s Way,31).

Dzidziso neZvibvumirano 135:3

Joseph Smith aiva muporofita uye chapupu chaJesu Kristu

• Kuti ubatsire vana vako kurangarira nokuvonga maropafadziro ayo Ishe avakatiita kuburikidza nebasa raJoseph Smith, unokwanisa kuratidza zvinhu izvo zvinomiririra zvinhu zvakaitwa naJoseph, sezvakaita Bhuku raMormoni, Dzidziso neZvibvumirano, kana mufananidzo wetemberi (onawo peji yechiitwa yevhiki ino). Zvino vana vako vanokwanisa kutsvaka muDzidziso neZvibvumirano 135:3 kuti vawane zvimwe zvinhu izvo Joseph Smith zvaakaita kutibatsira kuswedera pedyo naBaba Vokudenga naJesu Kristu. Koka vana vako kugovera kuti sei vachivonga nezvinhu izvi.

American Prophet [Muporofita wechiAmerican], naDel Parson

Dzidziso neZvibvumirano 136

Ishe vanokwanisa kundiropafadza apo pandinenge ndichinetsekana.

• Funga pamusoro pokuisa mufananidzo weTemberi yeNauvoo kudivi rimwechete remupanda uye nokugadzira musasa wokugara wakareruka kune rumwe rutivi. Koka vana vako kuti vaungane pedyo nemufananidzo wacho, uye wovataurira pamusoro paVatendi avo vakafanira kubuda muNauvoo mushure mokufa kwaJoseph Smith (ona chapters 58, 60, uye 62 muDoctrine and Covenants Stories, 206–8, 211–16, 222–24, kana vhidhiyo inoenderana nazvo muGospel Library). Simbisisa rutendo urwo Vatendi ava rwavakanga vainarwo muna Jesu Kristu, uye wokoka vana vako kuti vafambe kuenda kumusasa kuti zvimiririre rwendo rwekuWinter Quarters. Vanokwanisa zvino kuimba rumbo rwakaita serwunoti “To Be a Pioneer” (Children’s Songbook, 218–19) apo pavanenge vachifamba.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Tsanangura kuti muDzidziso neZvibvumirano 136, Ishe vakapa rairo yokubatsira Vatendi parwendo rwavo kuenda kuNyika yeSalt Lake. Batsira vana vako kuwana chimwe chinhu muchakazarurwa ichi icho chinokwanisa kuvapa ushingi hwerwendo urwu (ona ndima 4, 10–11, 18–30). Rairo iyi ingakwanisa kutibatsira sei nezviedzo zvatinotarisana nazvo nhasi?

­­­

Greater Love Hath No Man [Hakuna Munhu Ane Rudo Rukuru Kupfuura Urwu],, naCasey Childs