Nauvoo the Beautiful, (Nauvoo Yakanaka), naLarry Winborg. Copyright 2023

Gumiguru 27–Mbudzi 2 “Imba muZita Rangu,”

Dzidziso neZvibvumirano 124

Kunyangwe zvazvo mumakore matanhatu akanga apfuura zvinhu zvakanga zvakaomera Vatendi zvikurusa, zvinhu zvakatanga kuva zvirinani muchirimo cha1839: Vatendi avo vaiva vapoteri vakanga vawana tsitsi pakati pevagari vemuQuincy, Illinois. Varindi vakanga vabvumira Muporofita Joseph Smith nevamwe vatungamiri veChechi kuti vatize kubva muhutapwa muMissouri. Uye Chechi yakanga ichangotenga nzvimbo muIllinois umo Vatendi mavaikwanisa kuungana zvakare. Hongu, yaiva nzvimbo yaiva nemachakwi, izere neutunga, asi yoenzwaniswa nematambudziko ayo Vatendi avakanga vatotarisana nawo, izvi pamwe zvaitaridzika sechinhu chavaikwanisa kukunda. Saka vakakupa mvura mumachakwi uye vakanyora bumbiro reguta idzva, iro ravakadaidza kuti Nauvoo. Izvi zvinoreva “runako” muchiHeberu, kunyangwe zvazvo zvainyanya kuva chiratidzo cherutendo kupfuura tsananguro chaiyo yezita racho, kunyanya pokutanga. Nerumwe rutivi, Ishe vakanga vachipa Muporofita wavo manzwiro ekurumidzo. Vakanga vaine zvimwe zvokwadi nezvisungo zvakawanda zvokudzorera, uye Vaida temberi tsvene umo maVaizokwanisa “kugadza [Vatendi Vavo] nerukudzo, nokusafa, uye noupenyu hwokusingaperi” (Dzidziso neZvibvumirano 124:55). Nenzira zhinji, manzwiro mamwechetewo aya erutendo nekurumidzo anoonekwa mubasa raIshe nhasi.

Ona Saints, 1:399–427; “Organizing the Church in Nauvoo,” muRevelations in Context,, 264–71.

Dzidza zvimwe zvakawanda pamusoro penzvimbo dzechinyakare dzeChechi muIllinois.

Mazano eKudzidza Kumba uye kuChechi

Dzidziso neZvibvumirano 124:2–11

Ndinokwanisa kukoka vamwe kuuya kuna Kristu.

Ishe vaitaurira Muporofita Joseph Smith “kuti aite chiziviso chakakosha chevhangeri [Ravo]” “kumadzimambo ose apanyika” (ona Dzidziso neZvibvumirano 124: 2–11). Kana waigamuchira basa iri, chiziviso chako chaizoiti chii pamusoro paJesu Kristu nevhangeri Rake rakadzorerwa? Fungisisawo kuti unokwanisa kugoverana sei uchapupu hwako nenzira yamazuva ose uye yemuzvarirwo navanhu vaunotaurirana navo zuva nezuva.

Onawo “Kudzorerwa kweKuzara kweVhangeri raJesu Kristu: Chiziviso kuNyika cheMhemberero yeMakore Mazana Maviri,” ChurchofJesusChrist.org

Dzidziso neZvibvumirano 124:12–21

Ndinokwanisa kuva mudzidzi uyo Ishe wavanovimba naye.

Funga pamusoro pokugoverana navamwe, sezvakaitwa neMuponesi muDzidziso neZvibvumirano 124:12–21, hunhu hwakafanana nehwaKristu hwaunoona mavari. Akataura sei kwauri rudo Rwake nechivimbo Chake?

Onawo Richard J. Maynes, “Earning the Trust of the Lord and Your Family,” Liahona, Mbudzi. 2017, 75–77.

Dzidziso neZvibvumirano 124:22–24, 60–61

Ishe vanoda kuti nditambire uye ndigamuchire vamwe.

Apo paunofungisisa rairo yaIshe muDzidziso neZvibvumirano 124:22–24, 60–61, funga pamusoro pokuti unokwanisa sei kuita imba yako uye wadhi yako nzvimbo yakaita seizvo Ishe zvavakanga vakatarisira kuti Nauvoo yaizova.

­Onawo “A Friend to All” (vhidhiyo), ChurchofJesusChrist.org.

A Friend to All

Elder Ulisses Soares talks of the need for kindness and acceptance.

Chikamu kubva kuJoseph Smith at the Nauvoo Temple, [Joseph Smith paTemberi yeNauvoo], naGary E. Smith

Dzidziso neZvibvumirano 124:25–45, 55

Tinovaka matemberi kuna Ishe kuti tigogamuchira zvisungo zvinoera.

Sei uchinzwa kuti Ishe “vakagara vachiraira” vanhu Vavo “kuvaka [matemberi] muzita [Ravo] dzvene”? Funga pamusoro pokuita mudorongodzwa wezvikonzero zvaunowana muDzidziso neZvibvumirano 124:25–45, 55. ­ ­­ Basa rokuvaka temberi chiratidzo cherudo rwaIshe kwauri sei?

What Is a Temple?

The difference between chapels, where Latter-day Saints meet for regular Sunday worship, and temples is also explained.

Kubvira pakavakwa Temberi yeNauvoo munana 1840, matemberi anopfuura mazana matatu akavakwa kana kuti akaziviswa. Mutungamiri Russell M. Nelson vakadzidzisa kuti “Tinoziva kuti nguva yedu mutemberi yakakosha zvikuru kuruponeso rwedu nekusumudzirwa kumusoro-soro kwedu uye neuko kwemhuri dzedu. … Kurwisa kwemuvengi kuri kuwedzera zvakanyanyisa, mukusimba nemukusiyana siyana. Kudikanwa kwedu kwekuti tive mutemberi nguva zhinji hakuna kumbova kwakakura kupfuura parizvino” (“Becoming Exemplary Latter-day Saints,” Liahona, Mbudzi. 2018, 114). Temberi yakakubatsira sei kukunda “kurwisa kwemuvengi”? Chii chaunonzwa kukurudzirwa kuita kuti utevere rairo yaMutungamiri Nelson?

Onawo “Why Latter-day Saints Build Temples,” temples.ChurchofJesusChrist.org.

Dzidziso neZvibvumirano 124:45–55

Ishe vanorapofadza vanhu avo vanoedza nesimba kuteerera kumirairo Yavo.

Vatendi vakanga varairwa kuvaka temberi muDunhu reJackson, Missouri, asi “vakadzivirirwa nemhandu dzavo” (Dzidziso neZvibvumirano 124:51). Ndima 49–55 ine shoko rinosimbisa kuvanhu avo vanoda kuteerera mirairo yaMwari asi vanodzivirirwa kubva mukuita kudaro nokuda kwemamiriro ezvinhu emhuri kana ezvimwewo. Ndeipi rairo yaunowana mundima idzi iyo inokwanisa kubatsira mumwe munhu ari mumamiriro ezvinhu akadaro?

Dzidziso neZvibvumirano 124:91–92

Ishe vanokwanisa kunditungamirira kuburikidza neropafadzo rangu rapatiriyaki.

Chinguva chidiki mushure mokunge baba veMuporofita, Joseph Smith Baba, vafa, Ishe vakadaidza Hyrum Smith kudaidzo iyo baba vake yavakanga vainayo—Patiriyaki weChechi. Unokwanisa kuverenga pamusoro peizvi muDzidziso neZvibvumirano 124:91–92.

Kuti udzidze zvimwe zvakawanda pamusoro pemapatiriyaki nemaropafadzo emapatiriyaki, dzvanya pano.

Ungatsanangura sei ropafadzo rapatiriyaki kune mumwe munhu uyo asina kumbonzwa nezvaro? Chii chaungazotaura kukurudzira mumwe munhu kugamuchira ropafadzo rapatiriyaki? Tsvaka mhinduro kumibvunzo iyi mushoko raGosa Randall K. Bennett “Your Patriarchal Blessing—Inspired Direction from Heavenly Father” (Liahona, Chivabvu 2023, 42–43) kana Topics and Questions, “ Patriarchal Blessings” (Gospel Library).

Maererano nezvawanzvera uye zvawanzwa, funga pamusoro pamapedzisiro aunozoita mutsetse uyu: “ropafadzo rapatiriyaki rakafanana .” Sei Baba Vokudenga vachida kuti vana Vavo vagamuchire ropafadzo rapatiriyaki?

Kana usati wagamuchira ropafadzo rapatiriyaki, chii chaungaita kuti ugadzirire kurigamuchira. Kana wakagamuchira ropafadzo rapatiriyaki, ungataridza sei Mwari kuti unorikoshesa.

Onawo Kazuhiko Yamashita, “When to Receive Your Patriarchal Blessing,” Liahona, Chivabvu 2023, 88–90; General Handbook, 18.17, Gospel Library.

Dzidzisa zvinobva mumwoyo. Kudzidzisa kunonyanyisa kureva chinhu apo pakunosanganisira zviitiko uye uchapupu hwemunhu pachake. Semuenzaniso, kana wakagamuchira ropafadzo rapatiriyaki, riwongorore apo paunenge uchigadzirira kudzidzisa pamusoro pemaropafadzo akakosha aya. Sei uchivonga neropafadzo rako? Unozokurudzira vamwe sei kugadzirira kugamuchira ropafadzo ravo kana kunzvera maropafadzo apatiriyaki kakanyanya kuwanda?

Mazano eKudzidzisa Vana

Dzidziso neZvibvumirano 124:15, 20

Jesu Kristu anoda hunhu wakarurama.

• Kuti ubatsire vana vako kurangarira izvo zvavanodzidza muDzidziso neZvibvumirano 124:15, 20, unokwanisa kuvabatsira kudhirowa nokucheka mwoyo yemapepa. Pamwoyo yacho, unokwanisa kuvabatsira kunyora ndevo dzakakosha kubva kundima idzi. ­Rumbo rwakaita sorwunoti “Stand for the Right” (Children’s Songbook, 159) runokwanisa kubatsira kusimbisa mashoko aIshe.

• Mushure mokuverenga pamwechete Dzidziso neZvibvumirano 124:15, 20, pamwe unokwanisa kubatsira vana vako kuwana izvo zvazvinoreva kurarama nehunhu hwakarurama papeji 31 yeFor the Strength of Youth: A Guide to Making Choices. Ishe vakati chii kunyanya pamusoro paGeorge Miller pachake mundima 20 “nokuda kweururami hwemwoyo [waGeorge]”? Unokwanisawo kugovera mienzaniso yevana vachitaridza hunhu hwakarurama kubva kuzviitiko zvako pachako kana kubva mumagazini rinonzi Friend. Koka vana vako kuti vamise chinangwa chokutaridza hunhu hwakarurama vhiki ino uye vokutaurira manzwiro avanoita apo pavanenge vaita kudaro.

Dzidziso neZvibvumirano 124:28–29, 39

Mwari vakaraira vanhu Vavo kuti vavake matemberi.

• Vana vako vangangonakidzwa nokutarisa pamifananidzo yematemberi, kusanganisira temberi yechinyakare uye temberi iri pedyo nekwavanogara (ona ChurchofJesusChrist.org/temples/list). Unokwanisa kushandisa mifananidzo iyi uye Dzidziso neZvibvumirano 124:39 kutsanangura kuti Jesu Kristu akagara achiraira vanhu Vake kuvaka matemberi—munguva dzechinyakare uye muzuva redu (onawo peji yechiitwa yevhiki rino).

• Kana uchigara pedyo netemberi zvakakwana, funga pamusoro pokutora vana vako kuenda ikoko uye neruremekedzo mofamba muchivanze chetemberi. Vakoke kuti vawane mashoko anoti “Holiness to the Lord—The House of the Lord” nechokunze kwetemberi. Taura nevana vako pamusoro pezvinoreva mashoko aya.

• Funga pamusoro pokushandisa mazano ari mumusoro wenyaya unoti “Kubhabhatidzirwa noKusimbisirwa Madziteteguru” muchiwedzerwa A kuitira kubatsira vana vako kutarisira kuzuva iro ravanokwanisa kupinda mutemberi (onawo “Temberi uye Chirongwa cheMufaro” muchiwedzerwa B).

Solomon’s Temple [Temberi yaSoromoni], naSam Lawlor

Dzidziso neZvibvumirano 124:91–92

Ishe vanozondiropafadza kuburikidza neropafadzo rapatiriyaki.

• Apo pamunoverenga pamwechete Dzidziso neZvibvumirano 124: 91–92, batsira vana vako kuwana izvo Ishe zvavakadaidza Hyrum kuti aite. Taura pamusoro pokuti ropafadzo rapatiriyaki chii: ropafadzo rakakosha umo Ishe mavanotidzidzisa pamusoro pedu pachedu uye izvo zvaVanoda kuti tiite uye kuti tive. Funga pamusoro pokushandisa chikamu chinoti “Kugamuchira Ropafadzo raPatiriyaki” muchiwedzerwa A kuitira kubatsira vana vako kugadzirira kugamuchira ropafadzo rapatiriyaki.

­­

The Nauvoo Temple [Temberi yeNauvoo], naGeorge D. Durrant