« ថ្ងៃទី ៨–១៤ ខែ ធ្នូ ៖ ‹ យើងខ្ញុំជឿ › ៖ មាត្រានៃសេចក្តីជំនឿ និងសេចក្ដីប្រកាសជាផ្លូវការទី១ និងទី២ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ គោលលទ្ធិ និងសេចក្ដីសញ្ញា ឆ្នាំ ២០២៥ ( ឆ្នាំ ២០២៥ )
« មាត្រានៃសេចក្ដីជំនឿ និងសេចក្តីប្រកាសជាផ្លូវការទី១ និងទី២ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៥
សេចក្តីលម្អិតមកពី To All Worthy Male Members [ ចំពោះសមាជិកបុរសដែលមានភាពស័ក្តិសមទាំងអស់ ] ដោយ អិមមា អាលីប៊ីស
ថ្ងៃទី ៨–១៤ ខែ ធ្នូ ៖ « យើងខ្ញុំជឿ »
មាត្រានៃសេចក្ដីជំនឿ និង សេចក្តីប្រកាសជាផ្លូវការទី១ និង ទី២
ចាប់តាំងពីការនិមិត្តលើកដំបូងរបស់ យ៉ូសែ ស្ម៊ីធ ព្រះបានបន្តដឹកនាំសាសនាចក្ររបស់ទ្រង់តាមរយៈវិវរណៈ ។ នៅក្នុងករណីមួយចំនួន វិវរណៈនោះបានបញ្ចូលនូវការផ្លាស់ប្តូរចំពោះគោលការណ៍ និងការអនុវត្តរបស់សាសនាចក្រ ។ សេចក្តីប្រកាសជាផ្លូវការទី១ និង ទី២ បានប្រកាសពីវិវរណៈប្រភេទនេះ—ហើយបាននាំឲ្យមានទីបញ្ចប់នៃការអនុវត្តខាងការមានប្រពន្ធច្រើន ហើយមួយទៀតបានធ្វើឲ្យមានពរជ័យនៃបព្វជិតភាពរួមទាំងពរជ័យនៃព្រះវិហារបរិសុទ្ធមានដល់មនុស្សគ្រប់ជាតិសាសន៍ទាំងអស់ ។ ការផ្លាស់ប្តូរដូច្នេះគឺជាផ្នែកមួយនៃអត្ថន័យក្នុងការមាន « សាសនាចក្រដែលពិតតែមួយ ហើយសកម្ម » ( គោលលទ្ធិ និងសេចក្ដីសញ្ញា ១:៣០ ) ជាមួយនឹងព្យាការីដែលពិតហើយនៅរស់ ។
ប៉ុន្តែសេចក្តីពិតដ៏នៅអស់កល្បជានិច្ចមិនផ្លាស់ប្តូរឡើយ ទោះបីជាការយល់ដឹងរបស់យើងផ្លាស់ប្តូរក៏ដោយ ។ ហើយពេលខ្លះវិវរណៈបន្ថែមការយល់ដឹងលើអំពីសេចក្ដីពិត ។ មាត្រានៃសេចក្ដីជំនឿ ជួយបញ្ជាក់ពីគោលបំណងនេះ ។ សាសនាចក្រត្រូវបានបង្កើតឡើងនៅលើសេចក្តីពិតដ៏នៅអស់កល្បជានិច្ចយ៉ាងរឹងមាំ ប៉ុន្តែអាចរីកចម្រើន និងផ្លាស់ប្តូរ « តាមបំណងរបស់ព្រះអម្ចាស់ដែលសមនឹងសេចក្តីមេត្តាករុណារបស់ទ្រង់តាមលក្ខខណ្ឌនៃកូនចៅមនុស្ស » ( គោលលទ្ធិ និងសេចក្ដីសញ្ញា ៤៦:១៥ ) ។ អាចនិយាយបានម្យ៉ាងទៀតថា « យើងខ្ញុំជឿចំពោះការណ៍ទាំងអស់ ដែលទ្រង់បានបើកសម្ដែងមក និងការណ៍ទាំងអស់ ដែលទ្រង់បើកសម្ដែងនៅពេលឥឡូវនេះ ហើយយើងខ្ញុំជឿថា ទ្រង់នឹងបើកសម្ដែងនូវការណ៍ដ៏ធំ និងសំខាន់ៗជាច្រើន ដែលទាក់ទងទៅនឹងនគរនៃព្រះ » ( មាត្រានៃសេចក្ដីជំនឿ ១:៩ ) ។
គំនិតសម្រាប់ការរៀនសូត្រនៅឯគេហដ្ឋាន និងនៅឯព្រះវិហារ
មាត្រានៃសេចក្ដីជំនឿមានសេចក្តីពិតជាមូលដ្ឋាននៃដំណឹងល្អដែលបានស្តារឡើងវិញ ។
សូមពិចារណាអំពីវិធីសាស្ត្រនេះក្នុងការសិក្សាមាត្រានៃសេចក្ដីជំនឿ ៖ សម្រាប់អត្ថបទនៃសេចក្ដីជំនឿនីមួយៗ សូមធ្វើ « មេរៀនតូចៗ » ដើម្បីពន្យល់អំពីអ្វីដែលបងប្អូនជឿ ។ មេរៀនតូចៗរបស់បងប្អូនអាចរួមបញ្ចូលបទគម្ពីរ រូបភាព ទំនុកតម្កើង ឬបទចម្រៀងរបស់កុមារ ឬបទពិសោធន៍ផ្ទាល់ខ្លួនអំពីការរស់នៅតាមសេចក្តីពិតដែលមាត្រានៃសេចក្តីជំនឿបង្រៀន ។
តើសេចក្ដីពិតទាំងនេះធ្វើឲ្យមានភាពខុសគ្នាអ្វីខ្លះនៅក្នុងទំនាក់ទំនងរបស់បងប្អូនជាមួយនឹងព្រះវរបិតាសួគ៌ និងព្រះយេស៊ូវគ្រីស្ទ ? តើមាត្រានៃសេចក្តីជំនឿបានធ្វើឲ្យការសិក្សាដំណឹងល្អរបស់បងប្អូនប្រសើរឡើង ឬជួយបងប្អូនចែកចាយដំណឹងល្អជាមួយអ្នកដទៃដោយរបៀបណា ?
សូមមើលផងដែរ សេចក្ដីណែនាំដល់បទគម្ពីរទាំងឡាយ « មាត្រានៃសេចក្ដីជំនឿ » នៅលើបណ្ណាល័យដំណឹងល្អ, អិល ថម ភែរី « The Doctrines and Principles Contained in the Articles of Faith » Liahona ខែ វិច្ឆិកា ឆ្នាំ ២០១៣ ទំព័រ ៤៦–៤៨ « Chapter 38: The Wentworth Letter » នៅក្នុង Teachings of Presidents of the Church: Joseph Smith ( ឆ្នាំ ២០១១ ) ទំព័រ ៤៣៥–៤៤៧ ។
មាត្រានៃសេចក្ដីជំនឿ ១:៩; សេចក្តីប្រកាសជាផ្លូវការទី១ និង ទី២
សាសនាចក្រនៃព្រះយេស៊ូវគ្រីស្ទត្រូវបានដឹកនាំដោយវិវរណៈ ។
« យើងខ្ញុំជឿថា [ ព្រះ ] នឹងបើកសម្ដែងនូវការណ៍ដ៏ធំ និងសំខាន់ៗជាច្រើន ដែលទាក់ទងទៅនឹងនគរនៃព្រះ » ( មាត្រានៃសេចក្ដីជំនឿ ១:៩ ) ។ ដោយមានគោលការណ៍នេះក្នុងចិត្ត សូមរំឭក សេចក្តីប្រកាសជាផ្លូវការទី១ និង ទី២ ឡើងវិញ ហើយរកមើលពាក្យ និងឃ្លាដែលពង្រឹងដល់សេចក្តីជំនឿរបស់បងប្អូនក្នុងការបន្តមានវិវរណៈ ។ តើវិវរណៈទាំងនេះមានឥទ្ធិពលលើជីវិតរបស់បងប្អូនយ៉ាងដូចម្ដេច ? តើវាបានជួយដល់កិច្ចការនៃនគររបស់ព្រះវរបិតាសួគ៌ឲ្យរីកចម្រើនដោយរបៀបណា ?
តើភស្ដុតាងអ្វីខ្លះដែលបងប្អូនឃើញថាសាសនាចក្រត្រូវបានដឹកនាំ « ដោយការបំផុសគំនិតពីព្រះដ៏មានមហិទ្ធិឫទ្ធិ » នៅសព្វថ្ងៃនេះ ? ( សេចក្តីប្រកាសជាផ្លូវការទី១ ) ។ ប្រហែលជាបងប្អូនអាចមើល សារលិខិតនៃសន្និសីទទូទៅនាពេលថ្មីៗនេះ មួយ ឬច្រើន ដោយរកមើលអំពីរបៀបដែលព្រះអម្ចាស់កំពុងដឹកនាំសាសនាចក្ររបស់ទ្រង់—និងជីវិតរបស់បងប្អូន ។ សារលិខិតថ្មីៗបំផុតពីប្រធានសាសនាចក្រអាចជាចំណុចដ៏ល្អដើម្បីចាប់ផ្ដើម ។
តើបងប្អូនអាចធ្វើដូចម្តេច ប្រសិនបើបងប្អូន ឬនរណាម្នាក់ដែលបងប្អូនស្រឡាញ់ស្មុគស្មាញនឹងការយល់ ឬទទួលយកអ្វីដែលព្រះអម្ចាស់បង្រៀនតាមរយៈព្យាការីរបស់ទ្រង់ ? ហេតុអ្វីបានជាបងប្អូនមានអំណរគុណសម្រាប់ព្យាការី ?
សូមមើលផងដែរ អេម៉ុស ៣:៧; នីហ្វៃទី២ ២៨:៣០; អាឡែន ឌី ហែនី « ព្យាការីដែលនៅរស់សម្រាប់ថ្ងៃចុងក្រោយ » លីអាហូណា ខែ ឧសភា ឆ្នាំ ២០២៣ ទំព័រ ២៥–២៨; ប្រធានបទ និង សំណួរ « Prophets » នៅលើបណ្ណាល័យដំណឹងល្អ « យើងអរគុណទ្រង់ចំពោះព្យាការី » ទំនុកតម្កើង ល.រ. ១០ ។
កិច្ចការនៃព្រះត្រូវតែឆ្ពោះទៅមុខ ។
នៅក្នុង « ជម្រើសចេញ ពីសុន្ទរកថាបីដោយប្រធាន វិលហ្វួឌ វូឌដ្រុព្វ អំពីសេចក្ដីប្រកាសនេះ » ( នៅចុងបញ្ចប់នៃ សេចក្ដីប្រកាសជាផ្លូវការទី១ ) តើព្យាការីបានផ្តល់មូលហេតុអ្វីខ្លះ ទាក់ទងនឹងការដែលព្រះអម្ចាស់បញ្ចប់ការអនុវត្តខាងការមានប្រពន្ធច្រើន ? តើចំណុចនេះបង្រៀនបងប្អូនអ្វីខ្លះអំពីកិច្ចការរបស់ព្រះ ?
សម្រាប់ព័ត៌មានបន្ថែមអំពីសាវតាប្រវត្តិសាស្ត្រនៃ សេចក្ដីប្រកាសជាផ្លូវការទី១ សូមមើល Saints ២:៦០២–៦១៥ « The Messenger and the Manifesto » នៅក្នុង Revelations in Context ទំព័រ ៣២៣–៣៣១; ប្រធានបទ និង សំណួរ « Plural Marriage and Families in Early Utah » នៅលើបណ្ណាល័យដំណឹងល្អ ។
Wilford Woodruff [ វិលហ្វូឌ វូឌដ្រុព្វ ] ដោយ អេច អ៊ី ភីថឺសុន
ខ្ញុំអាចទុកចិត្តលើព្រះអម្ចាស់បាន ទោះបីជាខ្ញុំគ្មានចំណេះដឹងឥតខ្ចោះក្តី ។
យើងមិនដឹងថាហេតុអ្វីបានជាការតែងតាំងបព្វជិតភាព និងពិធីបរិសុទ្ធនៃព្រះវិហារបរិសុទ្ធមិនមានសម្រាប់សមាជិកសាសនាចក្រដែលមានដើមកំណើតអាហ្វ្រិកមួយរយៈនោះទេ ។ សូម្បីតែនៅពេលប្រឈមមុខនឹងសំណួរដែលពិបាកៗមិនមានចម្លើយអំពីគោលការណ៍នោះ ក៏ពួកបរិសុទ្ធថ្ងៃចុងក្រោយដែលមានស្បែកខ្មៅជាច្រើននាក់បានទុកចិត្តលើព្រះអម្ចាស់ ( សូមមើល សុភាសិត ៣:៥ ) និងបន្តស្មោះត្រង់ចំពោះទ្រង់អស់មួយជីវិតរបស់ពួកគេដែរ ។ ការរៀនអំពីសេចក្តីជំនឿ និងបទពិសោធន៍របស់ពួកគេអាចបំផុសគំនិតដល់បងប្អូន ។ ទាំងនេះគឺជាដំណើររឿងមួយចំនួនរបស់ពួកគេ ដែលមាននៅលើគេហទំព័រ history.ChurchofJesusChrist.org ៖
-
« In My Father’s House Are Many Mansions » ( ដំណើររឿងរបស់ ហ្រ្គីន ហ្វ្លេក )
-
« You Have Come at Last » ( ដំណើររឿងរបស់ អាន់ថូនី អូនប៊ីណា )
-
« Break the Soil of Bitterness » ( ដំណើររឿងរបស់ ជូលៀ ម៉ាវិមប៊ីឡា )
-
« I Will Take It in Faith » ( ដំណើររឿងរបស់ ចច រីកហ្វត )
-
« Long-Promised Day » ( ដំណើររឿងរបស់ យ៉ូសែប ដបុលយូ ប៊ី. ចនសុន )
នៅពេលបងប្អូនអាន សេចក្តីប្រកាសជាផ្លូវការទី២ តើបងប្អូនរៀនអ្វីខ្លះអំពីដំណើរការរបស់ព្រះអម្ចាស់សម្រាប់ការដឹកនាំគោលការណ៍នៃសាសនាចក្ររបស់ទ្រង់ ? សូមជញ្ជឹងគិតអំពីរបៀបដែលបងប្អូនបានរៀនទុកចិត្តលើព្រះអម្ចាស់ ទោះជាបងប្អូនមិនមានការយល់ដឹងល្អឥតខ្ចោះក៏ដោយ ។
សូមមើលផងដែរ នីហ្វៃទី២ ២៦:៣៣; « Witnessing the Faithfulness » នៅក្នុង Revelations in Context ៣៣២–២៤១; ប្រធានបទ និង សំណួរ « Race and the Priesthood » នៅលើបណ្ណាល័យដំណឹងល្អ, អាម៉េឌ ខ័របីត « A Personal Essay on Race and the Priesthood » ផ្នែកទី ១–៤ នៅលើគេហទំព័រ history.ChurchofJesusChrist.org; BeOne.ChurchofJesusChrist.org ។
ការនិយាយពាក្យថា « ខ្ញុំមិនដឹងទេ » វាពុំមែនជាបញ្ហាឡើយ ។ ខណៈដែលបងប្អូនគួរធ្វើឲ្យអស់ពីលទ្ធភាពដើម្បីជួយអ្នកដែលបងប្អូនបង្រៀន ដើម្បីឆ្លើយសំណួរទាំងឡាយរបស់ពួកគេអំពីដំណឹងល្អ នោះព្រះអម្ចាស់ពុំរំពឹងទុកឲ្យបងប្អូនចេះអ្វីៗគ្រប់យ៉ាងនោះទេ ។ នៅពេលបងប្អូនមិនដឹងអំពីរបៀបឆ្លើយនឹងអ្វីមួយ សូមទទួលយកថាបងប្អូនមិនដឹង ។ រួចហើយ សូមណែនាំអ្នករៀនរបស់បងប្អូនទៅមើលគោលលទ្ធិដែលបានបើកបង្ហាញមក ហើយថ្លែងទីបន្ទាល់ដ៏ស្មោះត្រង់អំពីអ្វីដែលបងប្អូនពិតជាដឹង ។
សម្រាប់គំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
ខ្ញុំជឿលើដំណឹងល្អរបស់ព្រះយេស៊ូវគ្រីស្ទ ។
-
សូមពិចារណាស្វែងរក និងច្រៀងទំនុកតម្កើង ឬចម្រៀងកុមារដែលអាចជួយកុមាររបស់បងប្អូនយល់អំពី មាត្រានៃសេចក្ដីជំនឿ មួយ ឬច្រើនថែមទៀត ។ ប្រហែលជាពួកគេអាចជួយបងប្អូនឲ្យជ្រើសរើសទំនុកតម្កើង និងចម្រៀង ។ សូមជួយកុមាររបស់បងប្អូនមើលអំពីរបៀបដែលបទចម្រៀងនោះទាក់ទងនឹង មាត្រានៃសេចក្ដីជំនឿ ។
-
បងប្អូន និងកុមាររបស់បងប្អូនអាចធ្វើការជាមួយគ្នាដើម្បីសរសេរសំណួរដែលបងប្អូនអាចមានអំពីដំណឹងល្អនៃព្រះយេស៊ូវគ្រីស្ទ ឬសាសនាចក្ររបស់ទ្រង់ ។ បន្ទាប់មក បងប្អូនអាចធ្វើការរួមគ្នាដើម្បីឆ្លើយសំណួរទាំងនោះដោយប្រើ មាត្រានៃសេចក្ដីជំនឿ ។ តើយើងអាចទៅណាទៀត ពេលយើងមានសំណួរអំពីដំណឹងល្អ ?
មាត្រានៃសេចក្ដីជំនឿ ១:៩; សេចក្តីប្រកាសជាផ្លូវការទី២
ព្រះអម្ចាស់ដឹកនាំសាសនាចក្ររបស់ទ្រង់តាមរយៈព្យាការីរបស់ទ្រង់ ។
-
ដើម្បីជួយកុមាររបស់បងប្អូនយល់អំពី មាត្រានៃសេចក្តីជំនឿទីប្រាំបួន ប្រហែលជាបងប្អូនអាចផ្តល់ឲ្យពួកគេនូវបទគម្ពីរមួយឈុត និងរូបភាពរបស់ព្យាការីដែលមានជីវិតរស់ ( ឬច្បាប់សន្និសីទថ្មីៗនៃ លីអាហូណា ) ។ សូមសុំឲ្យពួកគេលើកព្រះគម្ពីររបស់ពួកគេឡើង នៅពេលបងប្អូនអានពាក្យ « ការណ៍ទាំងអស់ ដែលទ្រង់បានបើកសម្ដែង » និងរូបភាព ឬទស្សនាវដ្តី នៅពេលបងប្អូនអាន « ការណ៍ទាំងអស់ ដែលទ្រង់បើកសម្ដែងនៅពេលឥឡូវនេះ » ( មាត្រានៃសេចក្តីជំនឿ ១:៩ ) ។ ហេតុអ្វីបានជាយើងត្រូវការព្យាការីទាំងពីបុរាណ និងសម័យទំនើប ?
-
កុមាររបស់បងប្អូនអាចរៀនអំពីរបៀបដែលប្រសាសន៍របស់ព្យាការីដឹកនាំយើងតាមរយៈការធ្វើតាមការណែនាំដើម្បីធ្វើអ្វីមួយ ដូចជាអាហារ ឬរបស់លេងជាដើម ។ បងប្អូនអាចប្រៀបធៀបវាទៅនឹងការណែនាំដែលព្រះយេស៊ូវគ្រីស្ទប្រទានដល់យើងតាមរយៈព្យាការី ។ តើអ្វីខ្លះដែលព្រះអម្ចាស់បានបង្រៀនយើងតាមរយៈព្យាការីដែលមានព្រះជន្មរស់នៅសព្វថ្ងៃនេះ ?
ព្រះបានហៅពួកព្យាការីឲ្យដឹកនាំសាសនាចក្ររបស់ទ្រង់ ។
សេចក្តីប្រកាសជាផ្លូវការទី១ និង ទី២
ពួកព្យាការីជួយយើងឲ្យដឹងពីព្រះទ័យរបស់ព្រះវរបិតាសួគ៌ ។
-
ប្រហែលជាការមើលឃើញរបៀបដែលបទគម្ពីរពីបុរាណទាក់ទងនឹងវិវរណៈសម័យទំនើប អាចជួយកុមាររបស់បងប្អូនយល់ពីសេចក្តីប្រកាសជាផ្លូវការ ។ បងប្អូនក៏អាចសុំឲ្យពួកគេអាន កិច្ចការ ១០:៣៤–៣៥ និង យ៉ាកុប ២:២៧–៣០ និងអញ្ជើញពួកគេឲ្យកំណត់ តើបទគម្ពីរណាមួយដែលទាក់ទងនឹង សេចក្តីប្រកាសជាផ្លូវការទី១ ( ដែលបានដឹកនាំឲ្យបញ្ចប់ខាងការមានប្រពន្ធច្រើន ) និងមួយណាដែលទាក់ទងនឹង សេចក្តីប្រកាសជាផ្លូវការទី២ ( ដែលធ្វើឲ្យពរជ័យពិធីបរិសុទ្ធនៃបព្វជិតភាព និងពិធីបរិសុទ្ធនៃព្រះវិហារបរិសុទ្ធមានដល់មនុស្សគ្រប់ពូជសាសន៍ទាំងអស់ ) ។ សូមថ្លែងទីបន្ទាល់របស់បងប្អូនថា ព្រះអម្ចាស់បើកសម្តែងព្រះទ័យរបស់ទ្រង់ដល់ពួកព្យាការីពីបុរាណ និងសម័យទំនើប ។
សម្រាប់គំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។