“26 ni Okotova–1 ni Noveba Momani 1–6: ‘Kau sa Gadreva Sara Meu Vakauqeti Kemuni Kecega … Mo ni Veivutuni,’” Lako Mai, Mo Muri Au — Me Baleta na Tamata Yadua kei na Matavuvale: Ai Vola i Momani 2020 (2020)

“26 ni Okotova–1 ni Noveba Mosaia 1–6,” Lako Mai, Mo Muri Au—Me Baleta na Tamata Yadua kei na Matavuvale: 2020

iVakatakilakila

E volavola koto o Momani ena peleti koula

Sa Vakalekalekataka o Momani na Peleti mai vei Tom Lovell

26 ni Okotova–1 ni Noveba

Momani 1–6

“Kau sa Gadreva Sara Meu Vakauqeti Kemuni Kecega … Mo ni Veivutuni”

Ni o wilika na Momani 1 – 6, vakasamataka vakatitobu na veika o vulica mai na ivakaraitaki nei Momani. Vola na cava o sa vakauqeti kina mo cakava.

Vola na Veika o Uqeti Kina

A sega ni solia o Momani vei keda na “itukutuku taucoko” ni “veika rerevaki” na caka ca kei na dave ni dra e raica vei ira na Nifai (Momani 2:18; 5:8). Ia na ka e vola ena Momani 1–6 e rauta me vakananuma vei keda na yawa ni vanua e rawa ni da lutu kina na tamata ivalavala dodonu. Ena maliwa ni ulutaga rabailevu ni caka ca, eda sega ni rawa ni beitaki Momani ena nona oca ka vaka yalolailaitaki. Ia mai na veika kece sara sa raica ka sotava, e sega vakadua ni yali na nona vakila na loloma cecere ni Kalou kei na nona ivakadinadina kei na veivutuni sai koya na sala meda ciqoma kina. E dina ga nira cata na tamata nei Momani na nona veisureti kei na vakatakekere me ra veivutuni ia e kila o koya ni tiko e dua na ivavakoso levu cake me na lai vakauqeti ira. “Raica,” au sa volavola, “Ki na iyalayala kei vuravura.” Ena dua tale na kena itukutukuni, sa vola yani vei kemudou (raica na Momani 3:17–20). Kei na nona itukutuku vei kemuni nikua, sa na itukutuku vata ga ka rawa ni vakabulai ira na Nifaiti ena nodra gauna: “Vakabauta na kosipeli i Jisu Karisito. … Veivutuni ka vakarau mo tu ena mata ni itikotiko ni veilewai nei Karisito” (Momani 3:21–22).

iVakatakilakila

ivakatakilakila ni vuli yadua

Vakasama eso ni Vuli iVolanikalou Yadua

Momani 1

Au rawa ni buladodonu se cava ga na ca e vakavolivoliti au tu.

Me tekivu ena imatai ni wase ni iVola i Momani, o na raica na duidui levu ena maliwa kei Momani kei ira na tamata era tu wavoliti koya. Ni o wilika na Momani 1, o rawa ni raica na duidui ni itagede kei na gagadre e tiko vei Momani kei ira na nona tamata. Raica na kena isau e lako mai vua kei ira (o na raica kina e dua na ivakaraitaki mai na tikina e 14–15). Na cava o sa vulica e vakauqeti iko mo bula dodonu ena dua na vuravura ni ivalavala ca?

Ni o wilika na Momani 2–6, vakaraica na sala a vakaraitaka kina o Momani na nona vakabauta na Tamada Vakalomalagi kei Jisu Karisito dina ga ni veivakayarayarataki butobuto era tu wavoliti koya.

Momani 2:10–15

Na rarawa va-Kalou e veiliutaki ki na veisau e dina ka tawamudu.

Ni sa raica o Momani na nodra rarawa na nona tamata, sa nuitaka era sa na veivutuni. Ia “na nodra rarawa e sega kina na veivutuni” (Momani 2:13)—e sega ni mataqali rarawa va-kalou e veimuataki ki na veisau dina (raica na 2 Korinica 7:8–11). Ia, era a vakila na rarawa vakavuravura o ira na Nifaiti (raica na Momani 2:10–11). Me kilai na kedrau duidui na rarawa va-kalou, kei na rarawa vakavuravura, vakasamataka mo ni vakarautaka e dua na ivolakabi mo na toqa kina na cava o sa vulica mai na Momani 2:10–15 me baleta na rua na veimataqali rarawa oqo. Na nomu volakabi me vaka toka oqo na kenai rairai:

Rarawa va-kalou	Rarawa vakavuravura
Rarawa va-kalou Lako mai vei Jisu (tikina 14)	Rarawa vakavuravura Vosacataka na Kalou (tikina 14)
Rarawa va-kalou	Rarawa vakavuravura
Rarawa va-kalou	Rarawa vakavuravura

Ni ko sa vakananuma tiko na veika o sa vulica, vakasamataka na sala e rawa ni veivakauqeti kina na nomu sasaga mo vorata na ivalavala ca kei na sasaga mo veiucui kei na Tamada Vakalomalagi kei na iVakabula.

Raica talega na Dieter F. Uchtdorf, “O Sa na Rawata ena Gauna Oqo!” Ensign se Liaona, Nove. 2013, 55–57.

Momani 3:3, 9

Au na dau vakadinadinataka na liga ni Kalou ena noqu bula.

E vola itukutuku taka o Momani e dua na malumalumu e a raica vei ira na Nifaiti: era sega ni rawa me ra vakadinadinataka na sala e vakalougatataki iratou kina na Turaga. E veivakauqeti o Peresitedi Henry B. Eyring “mo ni kunea na sala mo ni raica ka kila kina na nona yalovinaka na Kalou. … Masu ka vakasama vakatitobu, taroga na taro: E tala beka yani e dua na itukutuku na Kalou me baleti au ga? Au a raica beka na ligana ena noqu bula se ena nodra bula na luvequ? … Au vakadinadinataka ni o koya e lomani keda ka vakalougatataki keda, vakalevu cake mai ia era se bera nii raica e vuqa vei keda”(“O Remember, Remember,” Ensign se Liaona, Nove. 2007, 67, 69).

Ni o wilika na Momani 3:3, 9, o na vakasamataka vakatitobu ka vakadinadinataka na veivakauqeti ni Kalou ena nomu bula. Na veivakalougatataki cava ena lako mai ena nomu vakadinadinataka na Nona veivakauqeti? Na cava soti na revurevu ena nomu sega ni via kilai Koya? (raica Momani 2:26).

Momani 5:8–24; 6:16–22.

E tucake tu o Jisu Karisito ka dedeka tu mai na ligana me ciqomi au.

Era sega ni ciqoma na ivakavuvuli nei Momani o ira na Nifaiti, ia e vakanuinui tu o koya ni nona itukutuku ena vakauqeti iko. Ni o wilika na Momani 5:8–24 kei na 6:16–22, na cava o vulica me baleta na isau ni ivalavala ca? Cava o sa vulica mai na veitikina oqo me baleta na vakanananu nei Tamada Vakalomalagi kei Jisu vei iko, ena gauna sara mada ga o valavala ca kina? O a vakilai Jisu vakacava ni dodoka tiko mai na ligana kivei iko ena loloma? Na cava o vakauqeti kina mo cakava ena vuku ni ka oqo?

iVakatakilakila

ivakatakilakila ni vuli vakavuvale

Eso na Vakasama me baleta na Vuli iVolanikalou Vakavuvale kei na Lotu Vakavuvale

Ni o wilika na ivolanikalou kei na nomu vuvale, ena rawa ni vukei iko na Yalo mo kila na ivakavuvuli cava mo vakabibitaka ka veivosakitaka me rawa ni sotavi kina na gagadre ni nomu vuvale. Oqo e vica na vakasama.

Momani 1:2

Na cava na kena ibalebale mo “totolo mo dauvakarorogo”? Sa rawa mo raica na vakasama mai na vosa nei Elder David A. Bednar “Quick to Observe” (Ensign, Tise. 2006, 30–36). E rawa vakacava na nona veivakalougatataki o Momani ena isolisoli ni totolo me dauvakarorogo? E rawa vakacava me veivakalougatataki vei keda?

Momani 1:1–6, 15; 2:1–2

Era sa kila tiko beka na gone ena nomu matavuvale ni ra rawa ni tauyavutaka na cecere ni bula vakayalo kei na kaukauwa dina ga ni ra se gone? Na ivakaraitaki nei Momani ena rawa ni vukei ira. Vakasamataka mo ni vakarautaka e dua na ivola me toqai kina na nona bula mai vaka gone kei na tabagone o Momani ka vakayagataka na nodra yabaki kei na veika e yaco ena Momani 1:1–6, 15 kei na 2:1–2. Ni ko ni veitalanoataka na ivakarau kei na kila nei Momani, vakamatatataka na veitiki ni bula vei ira na luvemu sa vakauqeti iko kei ira na tamata wavoliti ira.

Momani 2:18–19

Na vosa cava a vakayagataka o Momani me vakamacalataka kina na vuravura e tiko kina? A nuidei tikoga vakacava o koya se cava ga na caka ca sa tu wavoliti koya? Ena vakayacora vakakina vakacava na noda matavuvale?

Momani 3:12

Na cava na nanuma nei Momani me baleti ira na tamata era voliti koya tiko, e dina ga ni ra sa tamata ca? Na cava e rawa ni da cakava me da vakatorocaketaka kina na mataqali loloma a tu vua?

Momani 5:2

Na cava beka eda lomalomaruataka na masuta na Tamada Vakalomalagi ena gauna eda sa sotava tiko na dredre? Na cava eda rawa ni cakava me da vakararavi kina vakalevu vua na Tamada Vakalomalagi?

Momani 5:16–18

Me vukea na nomu matavuvale me raitayaloyalotaka na ibalebale ni “sila sa cagina vaka na qa ni sila ena mata ni cagi” (tikina 16), dresuka vakamatailalai e dua na tiki ni pepa ka mera uvuca wavoki na lewe ni matavuvale. Vakamacalataka vei ira na qa ni sila ni kulina mamare e kau tani mai na dua na sorenikau, ka sa mamada sara me rawa ni uvuci laivi. E yaco vakacava ni “sega na Karisito kei na Kalou e vuravura” (tikina 16) sa vaka sara na qa ni sila ena cagi?

Na ikuri ni tukutuku ni vakavulici ni gone, raica na ituvatuva ena macawa oqo ena Lako Mai, Mo Muri Au—Me Baleta na Lalai.

Vakatorocaketaki Noda Veivakavulici

Vakavulica na ivunau e matata ka rawarawa. E totoka tu na kosipeli ena kena rawarawa (raica na VV 133:57 Ena vinaka cake mo kakua ni vakalasa na nomu matavuvale ena veimataqali lesoni, ia mo vakadeitaka mo vakavulica ga na vunau e savasava ka rawarawa.