pamilya nga nanagdula

Dugang nga mga Kapanguhaan

Kining tanan nga mga kapanguhaan makita sa Gospel Library nga app ug sa ChurchofJesusChrist.org.

Mga Himno ug Songbook sa mga Bata

Ang sagradong musika nagdapit sa Espiritu ug nagtudlo og doktrina sa halandumong paagi. Agig dugang sa giimprintang mga bersyon sa Hymns [Mga Himno] ug Songbook sa mga Bata, makita nimo ang audio ug video nga mga rekord sa daghang himno ug kanta sa mga bata diha sa music.ChurchofJesusChrist.org ug sa LDS Music nga app.

Mga Magasin sa Simbahan

Ang Friend, New Era, Ensign, ug Liahona nga mga magasin naghatag og mga istorya ug mga kalihokan nga makasuporta sa mga baruganan nga imong gitudlo gikan sa Dali, Sunod Kanako—Alang sa mga Indibidwal ug mga Pamilya.

Mga Istorya sa Basahon ni Mormon

Ang Mga Istorya sa Basahon ni Mormon makatabang sa mga bata sa pagkat-on sa doktrina ug mga istorya nga makita diha sa Basahon ni Mormon. Makita usab nimo ang mga video niini nga mga istorya diha sa Gospel Library nga app ug sa medialibrary.ChurchofJesusChrist.org.

Mga Manwal sa Seminary ug Institute

Ang mga manwal sa seminary ug institute naghatag og makasaysayanong kaagi ug komentaryo sa doktrina alang sa mga baruganan ug mga istorya nga makita diha sa mga kasulatan.

Media Library

Ang Artwork, mga video, ug ubang media makatabang kanimo ug sa imong pamilya sa paglarawan sa doktrina ug mga istorya nga makita sa Basahon ni Mormon. Bisitaha ang medialibrary.ChurchofJesusChrist.org sa pag-suhid [pag-browse] sa koleksyon sa mga kapanguhaan sa media sa Simbahan, lakip na sa koleksyon sa video sa Basahon ni Mormon, nga nagpakita sa mga hitabo diha sa Basahon ni Mormon. Ang Media Library maanaa usab sa Library nga app.

Mga Hilisgutan sa Ebanghelyo

Diha sa topics.ChurchofJesusChrist.org makita nimo ang nag-unang impormasyon mahitungod sa nagkalain-laing mga hilisgutan sa ebanghelyo, nga dunay mga link ngadto sa makatabang nga mga kapanguhaan, sama sa mga pakigpulong sa kinatibuk-ang komperensya, mga artikulo, mga kasulatan, ug mga video. Makita usab nimo ang Gospel Topics Essays, nga nagtanyag og mga lawom nga tubag sa mga pangutana sa ebanghelyo.

Matinud-anon sa Tinuhoan

Kon nagkinahanglan ka og dugang nga tabang sa pagsabut sa sukaranang mga baruganan sa ebanghelyo, ikonsiderar ang pagpangita diha sa Matinud-anon sa Tinuhoan. Kini nga kapanguhaan naglangkob og naka-alpabeto nga lista sa mga hilisgutan sa ebanghelyo nga gipasabut sa yanong mga pulong.