« ថ្ងៃទី ១២–១៨ ខែ កក្កដា ។ គោលលទ្ធិ និង សេចក្ដីសញ្ញា ៧៧–៨០ ៖ ‹ យើងនឹងដឹកនាំអ្នករាល់គ្នា › » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរគោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )

« ថ្ងៃទី ១២–១៨ ខែ កក្កដា ។ គោលលទ្ធិ និង សេចក្ដីសញ្ញា ៧៧–៨០ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២១

រូបភាព

សត្វចៀមដើរតាមព្រះយេស៊ូវ

ទៅផ្ទះ ដោយ យ៉ុងសាំង គីម

ថ្ងៃទី ១២–១៨ ខែ កក្កដា

គោលលទ្ធិ និង សេចក្តីសញ្ញា ៧៧–៨០

« យើងនឹងដឹកនាំអ្នករាល់គ្នា »

ព្រះអម្ចាស់បានមានបន្ទូលទៅយ៉ូសែប ស្ម៊ីធថា ទ្រង់នឹង « មានព្រះបន្ទូលដាក់ត្រចៀក [ លោក ] ប្រាប់ពីពាក្យសម្ដីនៃប្រាជ្ញាវាងវៃ » ( គោលលទ្ធិ និង សេចក្ដីសញ្ញា ៧៨:២ ) ។ តើពាក្យសម្ដីនៃប្រាជ្ញាវាងវៃអ្វីដែលបងប្អូនទទួលបាន នៅពេលបងប្អូនសិក្សា គោលលទ្ធិ និង សេចក្ដីសញ្ញា ៧៧–៨០ ?

កត់ត្រាចំណាប់អារម្មណ៍របស់បងប្អូន

មិនដល់ពីរឆ្នាំផងក្រោយពីសាសនាចក្រនៃព្រះយេស៊ូវគ្រីស្ទត្រូវបានស្ដារឡើងវិញ ចំនួនសមាជិកបានកើនឡើងដល់ជាង ២០០០ នាក់ ហើយបានបានកើនឡើងយ៉ាងលឿន ។ នៅខែ មីនា ឆ្នាំ ១៨៣២ យ៉ូសែប ស្ម៊ីធ បានជួបនឹងថ្នាក់ដឹកនាំសាសនាចក្រផ្សេងទៀត « ដើម្បីពិភាក្សាពីកិច្ចការសាសនាចក្រ » ៖ តម្រូវការបោះពុម្ពវិវរណៈ ទិញដីដើម្បីប្រជុំគ្នា និងថែទាំដល់អ្នកទ័លក្រ ( សូមមើល គោលលទ្ធិ និង សេចក្តីសញ្ញា ៧៨ ក្បាលកណ្ឌ ) ។ ដើម្បីបំពេញតាមតម្រូវការទាំងនេះ ព្រះអម្ចាស់បានហៅថ្នាក់ដឹកនាំសាសនាចក្រមួយចំនួនតូចឲ្យបង្កើតជាសហក្រុម ជាក្រុមមួយដែលនឹងបង្រួមកិច្ចខិតខំរបស់ពួកគេដើម្បី « បន្តគតិតទៅ » របស់ព្រះអម្ចាស់ ( ខទី ៤ ) នៅក្នុងតំបន់ទាំងនេះ ។ ប៉ុន្ដែទោះជាក្នុងបញ្ហារដ្ឋបាលបែបនេះក្ដី ក៏ព្រះអម្ចាស់បានផ្ដោតលើការណ៍អស់កល្បដែរ ។ នៅទីបំផុត គោលបំណងនៃរោងពុម្ព ឬឃ្លាំងនោះ—ដូចជាអ្វីគ្រប់យ៉ាងផ្សេងទៀតនៅក្នុងនគររបស់ព្រះដែរ—គឺដើម្បីរៀបចំបុត្រាបុត្រីរបស់ទ្រង់ឲ្យទទួលបាន « កន្លែងមួយនៅក្នុងពិភពសេឡេស្ទាល » និង « ទ្រព្យសម្បត្តិទាំងឡាយខាងភាពអស់កល្បជានិច្ច » ( ខទី ៧, ១៨ ) ។ ហើយប្រសិនបើពរជ័យទាំងនោះពិបាកនឹងយល់នាពេលនេះ នៅចំណោមជីវិតប្រចាំថ្ងៃដ៏មមាញឹក នោះទ្រង់នឹងអះអាងប្រាប់យើងថា « ចូរសង្ឃឹមឡើង ត្បិតយើងនឹងដឹកនាំអ្នករាល់គ្នា » ( ខទី ១៨ ) ។

រូបភាព

រូបសញ្ញាការសិក្សាផ្ទាល់ខ្លួន

គំនិតយោបល់សម្រាប់ការសិក្សាព្រះគម្ពីរផ្ទាល់ខ្លួន

គោលលទ្ធិ និង សេចក្ដីសញ្ញា ៧៧

ព្រះបើកសម្ដែងអាថ៌កំបាំងរបស់ទ្រង់ដល់អស់អ្នកដែលព្យាយាមចង់ដឹងពីវា ។

ដប់ពីរឆ្នាំបន្ទាប់ពីការនិមិត្តដំបូង ការអញ្ជើញនៅក្នុង យ៉ាកុប ១:៥ ឲ្យ « សូមដល់ព្រះ » បានបន្ដដឹកនាំយ៉ូសែប ស្ម៊ីធ នៅពេលលោកបានខ្វះប្រាជ្ញា ។ នៅពេលលោក និងស៊ីឌនី រិកដុនបានមានសំណួរអំពីគម្ពីរនៃវិវរណៈ កាលពួកលោកបានធ្វើការលើការបកប្រែព្រះគម្ពីរប៊ីបដ៏បំផុសគំនិត នោះយ៉ូសែបបានស្វែងរកប្រាជ្ញាពីព្រះតាមធម្មតា ។ នៅពេលបងប្អូនអាន គោលលទ្ធិ និង សេចក្ដី សញ្ញា ៧៧ សូមពិចារណាកត់ត្រាការយល់ដឹងរបស់បងប្អូននៅក្នុងជំពូកទាក់ទងនៅក្នុងគម្ពីរនៃវិវរណៈនេះ ។

លើសពីនេះ សូមសញ្ជឹងគិតពីរបៀបដែលបងប្អូនអាចធ្វើតាមគំរូរបស់ព្យាការីយ៉ូសែប នៅពេលបងប្អូនសិក្សាព្រះគម្ពីរ ។ បងប្អូនអាចសួរដល់ព្រះវរបិតាសួគ៌ថា « តើខ្ញុំត្រូវយល់ពីអ្វីខ្លះ ? »

ការបកប្រែព្រះគម្ពីរប៊ីប ដោយ លីស្ស លីម៉ូន ស្វីនឌល

គោលលទ្ធិ និង សេចក្តីសញ្ញា ៧៨

តើសហក្រុមគឺជាអ្វី ?

សហក្រុមត្រូវបានបង្កើតឡើងដើម្បីគ្រប់គ្រងកិច្ចការបោះពុម្ព និងកិច្ចការផ្សេងទៀតក្នុងសាសនាចក្រនៅរដ្ឋអូហៃអូ និងមិសសួរី ។ សហក្រុមរួមមានយ៉ូសែប ស្ម៊ីធ នូវល ខេ វិតនី និងថ្នាក់ដឹកនាំសាសនាចក្រផ្សេងទៀតដែលបញ្ចូលធនធានរបស់ពួកលោក ដើម្បីបំពេញតាមតម្រូវការខាងសាច់ឈាមនៃការរីកចម្រើនក្នុងសាសនាចក្រ ។ ជាអកុសល សហក្រុមធ្លាក់ខ្លួនជាប់បំណុល ហើយបានរំលាយនៅឆ្នាំ ១៨៣៤ នៅពេលបំណុលដ៏ច្រើនលើសលុបមិនអាចដោះស្រាយបាន ។

សូមមើលផងដែរ « Newel K. Whitney and the United Firm » Revelations in Context ទំព័រ ១៤២–៤៧, « United Firm » Church History Topics នៅលើគេហទំព័រ ChurchofJesusChrist.org/study/church-history ។

គោលលទ្ធិ និង សេចក្ដីសញ្ញា ៧៨:១–៧

ខ្ញុំអាចជួយ « បន្តគតិតទៅទៀត » អំពីសាសនាចក្រ ។

ព្រះអម្ចាស់បានមានបន្ទូលទៅយ៉ូសែប ស្ម៊ីធ និងថ្នាក់ដឹកនាំសាសនាចក្រផ្សេងទៀតថា ការគ្រប់គ្រងឃ្លាំង និងរោងពុម្ពនឹងជួយ « ដើម្បីបន្តគតិតទៅទៀត ដែលអ្នករាល់គ្នាបានប្រកាន់ » ( គោលលទ្ធិ និង សេចក្ដីសញ្ញា ៧៨:៤ ) ។ តើបងប្អូនគិតថាអ្វីទៅជា « គតិ » នៃសាសនាចក្រ ? សូមសញ្ជឹងគិតពីការណ៍នេះ កាលបងប្អូនអាន គោលលទ្ធិ និង សេចក្តីសញ្ញា ៧៨:១–៧ ។ ប្រហែលការគិតអំពីខគម្ពីរទាំងនេះអាចមានឥទ្ធិពលលើរបៀបដែលបងប្អូនបំពេញការហៅក្នុងសាសនាចក្ររបស់បងប្អូន ឬបម្រើដល់គ្រួសាររបស់បងប្អូន ។ តើការបម្រើរបស់បងប្អូនអាចជួយ « បន្តគតិ » របស់ព្រះអម្ចាស់ដោយរបៀបណា ? តើវារៀបចំបងប្អូនយ៉ាងដូចម្ដេចសម្រាប់ « កន្លែងមួយនៅក្នុងពិភពសេឡេស្ទាល » ? ( ខទី ៧ ) ។

គោលលទ្ធិ និង សេចក្ដីសញ្ញា ៧៨:១៧–២២

ព្រះអម្ចាស់នឹងដឹកនាំខ្ញុំ ។

តើបងប្អូនធ្លាប់មានអារម្មណ៍ដូចជាកូនក្មេងតូចម្នាក់ ប្រហែលដោយសារតែអ្វីមួយដែលបងប្អូន « ពុំទាន់យល់នៅឡើយ » ឬ « ពុំអាចទ្រាំបាន » ដែរឬទេ ? ( គោលលទ្ធិ និង សេចក្ដីសញ្ញា ៧៨:១៧–១៨ ) ។ សូមរកមើលការប្រឹក្សានៅក្នុងខគម្ពីរទាំងនេះ ដែលអាចជួយបងប្អូនឲ្យ « សង្ឃឹមឡើង » ( ខទី ១៨ ) ក្នុងពេលបែបនេះ ។ ហេតុអ្វីបងប្អូនគិតថា ពេលខ្លះព្រះអម្ចាស់ហៅអ្នកដើរតាមទ្រង់ថាជា « កូនក្មេងតូច » ? ( ខទី ១៧ ) ។ បងប្អូនក៏អាចសញ្ជឹងគិតពីរបៀប ដែលព្រះអម្ចាស់អាច « ដឹកនាំអ្នករាល់គ្នា » ( ខទី ១៨ ) ។

គោលលទ្ធិ និង សេចក្តីសញ្ញា ៧៩–៨០

ការហៅឲ្យបម្រើព្រះសំខាន់ជាងកន្លែងដែលខ្ញុំបម្រើ ។

ទាក់ទងនឹង គោលលទ្ធិ និងសេចក្ដីសញ្ញា ៨០ អែលឌើរ ដេវីឌ អេ បែដណា បានបង្រៀនថា « ប្រហែលមេរៀនមួយដែលព្រះអង្គសង្គ្រោះកំពុងបង្រៀនដល់យើងនៅក្នុងវិវរណៈនេះ គឺថាការចាត់តាំងឲ្យធ្វើកិច្ចការនៅកន្លែងជាក់លាក់គឺសំខាន់ និងមានសារៈសំខាន់ ប៉ុន្តែវានៅក្នុងកម្រិតទីពីរបន្ទាប់ពីការហៅឲ្យធ្វើកិច្ចការ » ( « ហៅឲ្យធ្វើកិច្ចការ » Ensign ឬ Liahona ខែ ឧសភា ឆ្នាំ ២០១៧ ទំព័រ ៦៨ ) ។ សូមគិតពីការហៅក្នុងសាសនាចក្ររបស់បងប្អូននាពេលនេះ ឬកាលពីអតីត ។ តើបទពិសោធន៍អ្វីខ្លះដែលបានជួយបងប្អូនឲ្យរៀនថា សម្ដីរបស់អែលឌើរបែដណាគឺពិតនោះ ? តើបងប្អូនរកឃើញមេរៀនបន្ថែមអ្វីខ្លះនៅក្នុង គោលលទ្ធិ និង សេចក្តីសញ្ញា ៧៩–៨០ ដែលអាចជួយនរណាម្នាក់ ដែលទើបបានទទួលការហៅថ្មីមួយ ?

រូបភាព

រូបសញ្ញាការសិក្សាជាគ្រួសារ

គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ

គោលលទ្ធិ និង សេចក្ដីសញ្ញា ៧៧:២ ។ក្រោយពីអានខគម្ពីរនេះហើយ សមាជិកគ្រួសារអាចគូររូបភាពចំណូលចិត្តរបស់គេនៃ « សត្វជើងបួន លើវាល [ ឬ ] សត្វហើរលើអាកាស » ដែលបានបង្កើតដោយព្រះ ។ តើយើងរៀនអ្វីខ្លះអំពីការបង្កបង្កើតរបស់ព្រះចេញពីខគម្ពីរនេះ ? ( សូមមើល គោលលទ្ធិ និង សេចសេចក្តីសញ្ញា ៥៩:១៦–២០ ) ។ បងប្អូនក៏អាចច្រៀងចម្រៀងមួយបទអំពីការបង្កបង្កើតរបស់ព្រះ ដូចជាបទ « ព្រះវរបិតាស្រឡាញ់ខ្ញុំ » ( សៀវភៅចម្រៀងកុមារ ទំព័រ ១៦–១៧ ) ហើយបង្ហាញគំនូរដែលមាននៅក្នុងគម្រោងមេរៀននេះផងដែរ ។

គោលលទ្ធិ និង សេចក្ដីសញ្ញា ៧៧:១៤ ។ខគម្ពីរនេះពន្យល់ថា យ៉ូហានបានលេបគម្ពីរ ដែលបានតំណាងឲ្យបេសកកម្មរបស់លោកដើម្បីប្រមូលផ្ដុំអ៊ីស្រាអែល ។ តើនិមិត្តរូបនៃការលេបនេះប្រាប់អ្វីខ្លះ អំពីរបៀបដែលយើងគួរបំពេញតួនាទីរបស់យើងក្នុងការប្រមូលផ្ដុំអ៊ីស្រាអែល ឬធ្វើការណ៍ផ្សេងទៀត ដែលព្រះអម្ចាស់សព្វព្រះទ័យឲ្យយើងធ្វើ ? នេះគឺជាបទគម្ពីរមួយចំនួនផ្សេងទៀត ដែលការលេបត្រូវបានប្រើដើម្បីបង្រៀនពីសេចក្ដីពិតខាងវិញ្ញាណមួយ ៖ យ៉ូហាន ៦:៤៨–៥១; នីហ្វៃទី ២ ៣២:៣; មរ៉ូណៃ ៤ ។ ប្រហែលបងប្អូនអាចធ្វើម្ហូបចំណូលចិត្តរបស់គ្រួសារ ហើយបរិភោគរួមគ្នាអំឡុងពេលការពិភាក្សានេះ ។

គោលលទ្ធិ និង សេចក្ដីសញ្ញា ៧៨:១៧–១៩ ។សមាជិកគ្រួសារអាចគូររូបពរជ័យមកពីព្រះ ដែលពួកគេមានអំណរគុណ ។ តើយើងត្រូវធ្វើអ្វីខ្លះដើម្បីបង្ហាញអំណរគុណរបស់យើងចំពោះពរជ័យទាំងនេះ ? បងប្អូនក៏អាចពិភាក្សាពីរបៀបដែលគ្រួសាររបស់បងប្អូនកំពុងធ្វើតាមការប្រឹក្សានេះ ដើម្បីទទួលបាន « គ្រប់ទាំងអស់ដោយអំណរអរគុណ » ( ខទី ១៩ ) ។ តើព្រះអម្ចាស់សន្យាអ្វីខ្លះដល់អស់អ្នកដែលធ្វើដូច្នេះ ?

គោលលទ្ធិ និង សេចក្ដីសញ្ញា ៧៩:១ ។សូមចែកចាយទីបន្ទាល់របស់បងប្អូនអំពី « អំណាច » ដែលបងប្អូនបានទទួល នៅពេលបងប្អូនត្រូវបានតែងតាំង ឬញែកចេញជាបរិសុទ្ធសម្រាប់ការហៅនៅក្នុងសាសនាចក្រ ។ តើអំណោយទាន និងការបំផុសគំនិតពិសេសអ្វីខ្លះ ដែលព្រះអម្ចាស់បានប្រទានពរដល់បងប្អូន កាលបងប្អូនបានបម្រើ ?

សម្រាប់គំនិតបន្ថែមសម្រាប់ការបង្រៀនដល់កុមារ សូមមើល គម្រោងមេរៀនប្រចាំសប្ដាហ៍នេះនៅក្នុងសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា

ចម្រៀងស្នើ ៖ « ចូររាប់ព្រះពរ » ទំនុកតម្កើង ល.រ. ១៥០ ។

ការកែលម្អការបង្រៀនរបស់យើង

សូមគូររូបភាព ។ បងប្អូនអាចអានខគម្ពីរពីរបីជាគ្រួសារ រួចហើយទុកពេលឲ្យសមាជិកគ្រួសារគូរូបអ្វីមួយ ដែលជាប់ទាក់ទងនឹងអ្វីដែលពួកគេបានអាន ។ សូមដាក់តាំងរូបភាពនោះនៅជុំវិញគេហដ្ឋានបងប្អូន ដើម្បីរំឭកគ្រួសារបងប្អូនអំពីគោលការណ៍ ដែលបងប្អូនបានរៀន ។