« ថ្ងៃទី ១២–១៨ ខែ កក្កដា គោលលទ្ធិ និងសេចក្ដីសញ្ញា ៧៧-៨០ ៖ ‹ យើងនឹងដឹកនាំអ្នករាល់គ្នា ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១(ឆ្នាំ ២០២០ )

« ថ្ងៃទី ១២–១៨ ខែ កក្កដា គោលលទ្ធិ និង សេចក្តីសញ្ញា ៧៧-៨០ » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១

ទៅផ្ទះ ដោយ យ៉ុងសាំង គីម

ថ្ងៃទី ១២-១៨ ខែ កក្កដា

គោលលទ្ធិ និង សេចក្តីសញ្ញា ៧៧-៨០

« យើងនឹងដឹកនាំអ្នករាល់គ្នា »

នៅពេលអ្នកសិក្សា គោលលទ្ធិ និងសេចក្តីសញ្ញា ៧៧-៨០ សូមរកមើលឃ្លា ឬខគម្ពីរដែលអាចជួយកុមារយល់គោលការណ៍ដំណឹងល្អកាន់តែប្រសើរ ។ សូមចែកចាយខគម្ពីរទាំងឡាយដែលអ្នកបានរកឃើញតាមចិត្ត ទោះបីជាពួកគេមិនត្រូវនឹងសកម្មភាពខាងក្រោមក្តី ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

សូមអញ្ជើញកុមារឲ្យចែកចាយអ្វីដែលពួកគេមានអំណរគុណចំពោះ ។ តើពួកគេ និងក្រុមគ្រួសារពួកគេធ្វើអ្វីដើម្បីបង្ហាញព្រះវរបិតាសួគ៌ថា ពួកគេមានអំណរគុណចំពោះពរជ័យដែលទ្រង់ប្រទាន ?

បង្រៀនគោលលទ្ធិ ៖ កុមារតូចៗ

គោលលទ្ធិ និង សេចក្តីសញ្ញា ៧៧:២

ព្រះបានបង្កើតសត្វសព្វសារពើនៅលើផែនដី ។

ការរៀនអំពីអ្វីៗដែលព្រះបានបង្កើតអាចជួយកុមារទទួលអារម្មណ៍នៃសេចក្តីស្រឡាញ់របស់ទ្រង់ចំពោះពួកគេ ។

សកម្មភាពដែលអាចជ្រើសរើស

សូមបង្ហាញរូបភាពសត្វពាហនៈ រួមទាំងសត្វល្អិត និងសត្វបក្សីដល់កុមារ ។ នៅពេលអ្នកអានពាក្យ« សត្វ » , « សត្វលូនវារ » និង « សត្វហើរលើអាកាស » ចេញពីគោលលទ្ធិ និងសេចក្តីសញ្ញា ៧៧:២សូមអញ្ជើញកុមារឲ្យចង្អុលទៅរូបភាពដែលជាប់ទាក់ទង ។ សូមថ្លែងទីបន្ទាល់ថា ព្រះបានបង្កើតអ្វីៗទាំងអស់នេះ ពីព្រោះទ្រង់ស្រឡាញ់យើង ហើយចង់ឲ្យយើងសប្បាយរីករាយ ( សូមមើលផងដែរ គោលលទ្ធិ និងសេចក្តីសញ្ញា ៥៩:១៦–២០) ។
សូមច្រៀងចម្រៀងជាមួយកុមារអំពីការបង្កបង្កើតរបស់ព្រះ ដូចជាបទ « ព្រះវរបិតាស្រឡាញ់ខ្ញុំ » ( សៀវភៅចម្រៀងកុមារ ទំព័រ ១៦–១៧ ) ។ សូមសួរកុមារថាតើអ្វីដែលពួកគេកំពុងច្រៀង បានជួយពួកគេឲ្យទទួលអារម្មណ៍នៃសេចក្តីស្រឡាញ់របស់ព្រះយ៉ាងដូចម្តេច ។

ព្រះបានបង្កើតផែនដី និងអ្វីៗនៅលើផែនដី ។

គោលលទ្ធិ និង សេចក្ដីសញ្ញា ៧៨:៦

ខ្ញុំអាចចែកចាយអ្វីដែលខ្ញុំមានជាមួយអ្នកដទៃ ។

ព្រះវរបិតាសួគ៌ចង់ឲ្យយើងចែកចាយពរជ័យរបស់យើងជាមួយគ្នាទៅវិញទៅមកដោយសេរី ដើម្បីយើងអាច « ស្មើគ្នាក្នុងអ្វីៗខាងផែនដី » ហើយក្នុង « អ្វីៗខាងស្ថានសួគ៌ » (ខទី ៦) ។

សកម្មភាពដែលអាចជ្រើសរើស

ដើម្បីបង្រៀនពីអត្ថន័យនៃ « ស្មើគ្នាក្នុងអ្វីៗខាងផែនដី » ខទី ៦) សូមឲ្យរូបភាពជនក្រីក្រ ( ដូចជា មនុស្សកំពុងស្រេកឃ្លាន ត្រូវរបួស ឬ រងារ ) ។ បន្ទាប់មក សូមឲ្យក្មេងដទៃទៀតនូវវត្ថុដែលនឹងជួយ ( ដូចជា អាហារ បង់រុំរបួស ឬភួយ ) ។ សូមអញ្ជើញកុមារទាំងនេះឲ្យចែកចាយអ្វីដែលពួកគេមានដើម្បីជួយមនុស្សដែលមាននៅក្នុងរូបភាព ។ សូមឲ្យកុមារផ្សេងទៀតប្តូរវេណដើម្បីចែករំលែក ។ សូមជួយកុមារយល់ថា ព្រះវរបិតាសួគ៌មានព្រះទ័យចង់ឲ្យកូនចៅរបស់ទ្រង់ទាំងអស់មានអ្វីៗដែលពួកគេត្រូវការ ហើយដើម្បីធ្វើដូច្នេះបាន នោះជាញឹកញាប់ ទ្រង់បានសូមឲ្យយើងចែករំលែកជាមួយអ្នកដទៃ ។
សូមអានឲ្យកុមារស្តាប់នូវឃ្លាទាំងឡាយដែលមាននៅក្រោមរូបភាពពីរដំបូងនៃ ជំពូកទី ២៨ ៖ ព្យាការីយ៉ូសែប ទៅរដ្ឋមិសសួរីម្តងទៀត » ដំណើររឿងគោលលទ្ធិ និងសេចក្ដីសញ្ញា ទំព័រ ១០៨ ) ។ សូមឲ្យកុមារសម្តែងថាពួកគេកំពុងជួយនរណាម្នាក់សង់ផ្ទះ ដោយការចែករំលែកអាហារ ឬបម្រើតាមរបៀបផ្សេងទៀត ។ តើយើងមានអារម្មណ៍យ៉ាងណានៅពេលយើងជួយគេ និងចែករំលែក ? សូមជួយកុមារគិតពីអ្វីៗដែលព្រះយេស៊ូវ គ្រីស្ទ ចែកចាយជាមួយយើង ។

គោលលទ្ធិ និង សេចក្ដីសញ្ញា ៧៨:១៨

ព្រះយេស៊ូវ គ្រីស្ទ នឹងដឹកនាំផ្លូវខ្ញុំ ។

ប្រសិនបើយើងស្ម័គ្រចិត្តឲ្យព្រះអម្ចាស់ « ដឹកនាំ [យើង] រាល់គ្នា » នោះយើងអាចមាន « សង្ឃឹមឡើង » ទោះបីជាមានរឿងដែលយើង « ពុំអាចទ្រាំគ្រប់ការណ៍ទាំងអស់… នៅពេលឥឡូវនេះ » ក្តី (ខទី ១៨) ។

សកម្មភាពដែលអាចជ្រើសរើស

សូមអញ្ជើញកុមារឲ្យចែកចាយគ្រានៅពេលដែលពួកគេបានធ្វើជាអ្នកដឹកនាំ ដូចជា បាននៅជួរមុខគេ ឬដឹកនាំតន្រ្តី ។ តើអ្នកដឹកនាំធ្វើអ្វីខ្លះ ? សូមបង្ហាញរូបភាពរបស់ព្រះអង្គសង្រ្គោះនៅពេលអ្នកអានឃ្លាខាងក្រោមចេញពី គោលលទ្ធិ និងសេចក្តីសញ្ញា ៧៨:១៨៖ « ចូរសង្ឃឹមឡើង ត្បិតយើងនឹងដឹកនាំអ្នករាល់គ្នា » ។ សូមប្រើទំព័រសកម្មភាពប្រចាំសប្តាហ៍នេះដើម្បីជួយអ្នកគិតពីវិធីនានាដែលយើងអាចធ្វើដើម្បីធ្វើតាមព្រះអង្គសង្រ្គោះ ។
សូមអញ្ជើញកុមារឲ្យធ្វើតាមព្រះយេស៊ូវគ្រីស្ទ ហើយនាំពួកគេដើរជុំវិញថ្នាក់រៀន នៅពេលដែលអ្នកកាន់រូបភាពរបស់ទ្រង់ ។ នៅពេលអ្នកធ្វើដូច្នោះ សូមច្រៀងជាមួយគ្នាអំពីការធ្វើតាមព្រះយេស៊ូវ គ្រីស្ទ ដូចជាបទ « ខ្ញុំព្យាយាមក្លាយដូចព្រះយេស៊ូវ » ឬ « ជ្រើសរើសផ្លូវត្រូវ » ( សៀវភៅចម្រៀងកុមារ ទំព័រ ៤០–៤១, ៨២ ) ។ អនុញ្ញាតឲ្យកុមារប្ដូរវេនគ្នាកាន់រូបភាព ហើយដឹកនាំកុមារដទៃទៀត ។

បង្រៀនគោលលទ្ធិ ៖ កុមារធំៗ

គោលលទ្ធិ និងសេចក្ដីសញ្ញា ៧៧

ខ្ញុំអាចទទួលបានចម្លើយចំពោះសំណួររបស់ខ្ញុំអំពីព្រះគម្ពីរទាំងឡាយ ។

សូមបង្រៀនកុមារអំពីរបៀបដែលយ៉ូសែប ស្ម៉ីធ បានស្វែងរកចម្លើយចំពោះសំណួររបស់គាត់ អាចជួយពួកគេដឹងថា ព្រះវរបិតាសួគ៌នឹងឆ្លើយតបពួកគេ នៅពេលពួកគេស្វែងរកការដឹកនាំរបស់ទ្រង់ ។ សូមពិចារណាការចែកចាយបទពិសោធន៍នានា នៅពេលអ្នកបានទទួលចម្លើយពីទ្រង់ ។

សកម្មភាពដែលអាចជ្រើសរើស

សូមអានពាក្យនៅក្រោមរូបភាពបីដំបូងនៃ ជំពូកទី ២៧ ៖ ព្យាការីបន្តកិច្ចការរបស់ទ្រង់ ទោះបីជាមានការបៀតបៀនក្តី » ដំណើររឿងគោលលទ្ធិ និងសេចក្ដីសញ្ញា ទំព័រ ១០៤ ) ។ សូមសួរកុមារក្រែងពួកគេធ្លាប់ដូចជា យ៉ូសែប ដែរ ធ្លាប់ទទួលអារម្មណ៍ថា ពួកគេមិនយល់អ្វីមួយនៅក្នុងព្រះគម្ពីរឡើយ ។ សូមឲ្យពួកគេចែកចាយបទពិសោធន៍របស់ពួកគេ ។ តើយ៉ូសែប បានធ្វើអ្វីដើម្បីទទួលបានចម្លើយ ? សូមប្រាប់កុមារអំពីគ្រានៅពេលដែលព្រះវរបិតាសួគ៌បានជួយអ្នកយល់អ្វីមួយនៅក្នុងព្រះគម្ពីរ ។
កុមារដែលអ្នកបង្រៀនអាចរីករាយនឹងការអានខគម្ពីរមួយចំនួននៅក្នុងគម្ពីរវិវរណៈដែលយ៉ូសែប ស្ម៉ីធ បានមានចម្ងល់ ។ នោះពួកគេអាចមើលនៅក្នុង គោលលទ្ធិ និង សេចក្តីសញ្ញា ៧៧ ចំពោះអ្វីដែលព្រះអម្ចាស់មានព្រះទ័យឲ្យគាត់យល់ ។ សូមជ្រើសរើសពីរបីខគម្ពីរដែលអ្នកគិតថាអាចមានអត្ថ័យជ្រាលជ្រៅ ។

គោលលទ្ធិ និង សេចក្ដីសញ្ញា ៧៨:៣-៧

ខ្ញុំអាចជួយ « បន្តគតិតទៅទៀត »ពីព្រះយេស៊ូវ គ្រីស្ទ ។

នៅក្នុងកណ្ឌ ៧៨ព្រះអម្ចាស់បានប្រទានសេចក្តីណែនាំជាក់លាក់មួយចំនួន ទៅកាន់ថ្នាក់ដឹកនាំរបស់សាសនាចក្រមួយចំនួនដែលអាចជួយពួកលោក « បន្តគតិតទៅទៀត » ពីព្រះអម្ចាស់ (ខទី ៤) ។ សូមជួយកុមារគិតពីរបៀប តើពួកគេអាចធ្វើអ្វីបានក្នុងការជួយបន្តគតិតពីកិច្ចការរបស់ព្រះអម្ចាស់ ។

សកម្មភាពដែលអាចជ្រើសរើស

សូមឲ្យកុមារអាន គោលលទ្ធិ និង សេចក្ដីសញ្ញា ៧៨:៤។ តើអ្វីទៅជាការ « បន្តគតិ » យើង « បានប្រកាន់ » ( បានទទួលយក ឬបានជ្រើសរើសដើម្បីជួយ ) នៅពេលដែលយើងបានជ្រមុជទឹក ? សូមលើកទឹកចិត្តពួកគេឲ្យមើលនៅក្នុងវគ្គបទគម្ពីរដូចខាងក្រោមនេះ ដើម្បីរកចម្លើយដែលអាចមាន ៖ម៉ូសាយ ១៨:៨–១០; គោលលទ្ធិ និងសេចក្តីសញ្ញា ២០:៣៧; ម៉ូសេ ១:៣៩។
សូមពន្យល់ទៅកុមារថា នូវល ខេ វិតនី ជាម្ចាស់ហាងមួយ ហើយថា ព្រះអម្ចាស់បានសូមឲ្យគាត់ និងបុរសដទៃទៀតប្រើប្រាស់លុយរបស់ពួកគាត់មួយចំនួនសម្រាប់ការបង់ដល់កិច្ចការរបស់ព្រះអម្ចាស់ ( សូមមើលគោលលទ្ធិ និងសេចក្តីសញ្ញា ៦៣:៤២–៤៣) ។ សូមអញ្ជើញពួកគេឲ្យអាន គោលលទ្ធិ និង សេចក្តីសញ្ញា ៧៨:៣-៧ ហើយរកមើលមូលេហតុដែលបុរសទាំងនេះត្រូវបានសុំឲ្យធ្វើដូច្នោះ ។ តើយើងនឹងមានអារម្មណ៍បែបណា ប្រសិនបើយើងត្រូវបានសុំឲ្យធ្វើដូចជា នូវល ដែរនោះ ? សូមជួយពួកគេគិតពីវិធីទាំងឡាយដែលមនុស្សបរិច្ចាគដល់កិច្ចការរបស់ព្រះអម្ចាស់នៅក្នុងសម័យរបស់យើង ដូចជា ការបង់ដង្វាយមួយភាគក្នុងដប់ ការតមអាហារ និងការបម្រើក្នុងការហៅបម្រើ ជាដើម ។

គោលលទ្ធិ និង សេចក្តីសញ្ញា ៧៨:១៩

ខ្ញុំគួរទទួល « គ្រប់ទាំងអស់ដោយកអំណរអរគុណ » ។

ជាញឹកញាប់ព្រះអម្ចាស់ប្រទានពរជ័យដល់យើងថែមទៀត ប្រសិនបើយើងមានអំណរគុណចំពោះអ្វីដែលទ្រង់បានប្រទានដល់យើងរួចទៅហើយ ។ តើអ្នកអាចជួយកុមារដែលអ្នកបង្រៀនឲ្យមានអំណរគុណចំពោះពរជ័យរបស់ពួកគេយ៉ាងដូម្តេច ?

សកម្មភាពដែលអាចជ្រើសរើស

សូមឲ្យកុមារអាន គោលលទ្ធិ និង សេចក្តីសញ្ញា ៧៨:១៩ ហើយរកមើលអ្វីដែលព្រះអម្ចាស់សន្យាដល់ជនដែលមានអំណរគុណ ។ សូមជួយកុមារឲ្យយល់ពីអត្ថន័យ « មួយរយភាគថែមទៀត » ប្រហែលជាតាមរយៈការបង្ហាញវត្ថុតូចៗ ហើយបន្ថែមវត្ថុចំនួន ១០០ ថែមទៀត ។
សូមច្រៀងចម្រៀងអំពីអំណរគុណ ដូចជា « I Am Glad for Many Things » ( សៀវភៅចម្រៀងកុមារ លេខ ១៥១ ) ឬ មើលវីដេអូ « Think to Thank » ChurchofJesusChrist.org ។ សូមឲ្យពេលវេលាកុមារធ្វើបញ្ជីពីអ្វីដែលពួកគេមានអំណរគុណអំពី ។ សូមលើកទឹកចិត្តពួកគេឲ្យសរសេរឲ្យបានច្រើនតាមដែលអាចធ្វើបាន ក្នុងរយៈពេលមួយដែលអ្នកឲ្យទៅពួកគេ ។

លើកទឹកចិត្តឲ្យមានការរៀនសូត្រនៅឯគេហដ្ឋាន

សូមពិចារណាធ្វើការទំនាក់ទំនងទៅឪពុកម្តាយរបស់កុមារដែលអ្នកបង្រៀន ហើយស្នើឲ្យសួរសំណួរដែលពួកគាត់គួរសួរទៅកុមារអំពីអ្វីដែលពួកគេបានរៀនក្នុងថ្នាក់ ។

ការអភិវឌ្ឍន៍ការបង្រៀនរបស់យើង

សូមថ្លែងទីបន្ទាល់អំពីពរជ័យទាំងឡាយដែលបានសន្យា ។ នៅពេលអ្នកអញ្ជើញកុមារឲ្យរស់នៅតាមគោលការណ៍ជាក់លាក់មួយចំនួន សូមចែកចាយសេចក្តីសន្យាដែលព្រះបានធ្វើតាមរយៈព្យាការី ដល់ជនទាំងឡាយណាដែលរស់នៅតាមគោលការណ៍នោះ ។ ឧទាហរណ៍មួយនៃការសន្យាដែលអ្នកអាចចែកចាយដែលមាននៅក្នុង គោលលទ្ធិ និងសេចក្ដីសញ្ញា ៧៨:១៩ ។ ( សូមមើលផងដែរ ការបង្រៀនតាមរបៀបរបស់ព្រះអង្គសង្គ្រោះទំព័រ ៣៥

ទំព័រសកម្មភាព ៖ ព្រះយេស៊ូវ គ្រីស្ទនឹងដឹកនាំខ្ញុំ