« ថ្ងៃទី ២៨ ខែ មិថុនា–ថ្ងៃទី ៤ ខែ កក្កដា ។ គោលលទ្ធិ និងសេចក្ដីសញ្ញា ៧១-៧៥ ៖ ‹គ្មានគ្រឿងសស្ត្រាវុធណាមួយដែលបានធ្វើឡើងនឹងអាចទាស់នឹងអ្នកបានឡើយ ›» ចូរមកតាមខ្ញុំ—សម្រាប់ថ្នាក់បឋមសិក្សា ៖ គោលលទ្ធិ និង សេចក្ដីសញ្ញា ឆ្នាំ ២០២១ ( ឆ្នាំ ២០២០ )
« ថ្ងៃទី ២៨ ខែ មិថុនា–ថ្ងៃទី ៤ ខែ កក្កដា ។ គោលលទ្ធិ និង សេចក្តីសញ្ញា ៧១-៧៥ » ចូរមកតាមខ្ញុំ—សម្រាប់ថ្នាក់បឋមសិក្សា ៖ ឆ្នាំ ២០២១
« បណ្ដូលចិត្តរបស់អ្នកគង្វាល »ដោយស៉ីម៉ូន ឌីវី
ថ្ងៃទី ២៨ ខែ មិថុនា–ថ្ងៃទី ៤ ខែ កក្កដា
គោលលទ្ធិ និង សេចក្តីសញ្ញា ៧១-៧៥
« គ្មានគ្រឿងសស្ត្រាវុធណាមួយដែលបានធ្វើឡើងនឹងអាចទាស់នឹងអ្នកបានឡើយ »
កុមារដែលអ្នកបង្រៀនអាចរៀនច្រើននៅក្នុងថ្នាក់ ប៉ុន្តែពួកគេនឹងរៀនកាន់តែច្រើនទៀត ប្រសិនបើពួកគេអភិវឌ្ឍទម្លាប់នៃការសិក្សាព្រះគម្ពីរនៅគេហដ្ឋាន ។ សូមពិចារណាអំពីរបៀបដែលអ្នកអាចលើកទឹកចិត្ត និងគាំទ្រឲ្យមានការរៀនសូត្រដំណឹងល្អនៅក្នុងគេហដ្ឋាន ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមឲ្យកុមារអង្គុយលើកម្រាលឥដ្ឋជារង្វង់ ហើយរមៀលបាល់ឲ្យទៅកុមារម្នាក់ក្នុងចំណោមពួកគេ ។ សូមឲ្យកុមារចែកចាយអ្វីដែលគាត់បានរៀននាពេលថ្មីៗនេះ អំពីដំណឹងល្អនៅឯគេហដ្ឋាន ឬនៅក្នុងថ្នាក់អង្គការបឋមសិក្សា ។ បន្ទាប់មក សូមឲ្យកុមាររមៀលបាល់ឲ្យទៅកុមារម្នាក់ទៀត ។ សូមធ្វើដូចនេះរហូតដល់កុមារគ្រប់គ្នាមានឱកាសចែកចាយអ្វីមួយ ។
បង្រៀនគោលលទ្ធិ ៖ កុមារតូចៗ
គោលលទ្ធិ និង សេចក្ដីសញ្ញា ៧២:២, ១០
ព្រះអម្ចាស់បានហៅប៊ីស្សពឲ្យជួយខ្ញុំ ។
កុមារតូចៗអាចមិនដឹងច្រើនអំពីអ្វីដែលប៊ីស្សពរបស់ពួកគេធ្វើដើម្បីបម្រើដល់ពួកគេ និងសមាជិកដទៃទៀតនៅក្នុងវួដឡើយ ។ អ្នកអាចជួយពួកគេថ្លែងអំណរគុណដល់ការបម្រើរបស់ប៊ីស្សពពួកគេ ។
សកម្មភាពដែលអាចជ្រើសរើស
-
សូមយកសម្ភារដែលតំណាងឲ្យការទទួលខុសត្រូវរបស់ប៊ីស្សពមកថ្នាក់រៀន ដូចជា ក្រដាសដង្វាយមួយភាគក្នុងដប់ ព្រះគម្ពីរ ឬ រូបភាពរបស់ប៊ីស្សពកំពុងប្រឹក្សា ( សូមមើលរូបភាពនៅចុងនៃគម្រោងមេរៀនប្រចាំសប្ដាហ៍នេះនៅក្នុងចូរមកតាមខ្ញុំ—សម្រាប់បុគ្គល និងក្រុមគ្រួសារ) ។ សូមអាន គោលលទ្ធិ និងសេចក្ដីសញ្ញា ៧២:២ ហើយសូមពន្យល់ថា ព្រះអម្ចាស់បានហៅប៊ីស្សពឲ្យជួយយើង ។ សូមប្រើសម្ភារដែលអ្នកយកមកដើម្បីជួយកុមារយល់កិច្ចការមួយចំនួនដែលប៊ីស្សពធ្វើដើម្បីបម្រើនៅក្នុងវួដ ។
-
សូមនាំកុមារដើរទៅកាន់ការិយាល័យរបស់ប៊ីស្សព ( អ្នកអាចចង់សម្របសម្រួលជាមួយគ្រូដទៃទៀត ) ។ សូមពន្យល់ពីស្ថានភាពមួយចំនួន នៅពេលពួកគេអាចជួបនឹងប៊ីស្សពក្នុងការិយាល័យរបស់លោក ( ដូចជា ការសម្ភាសន៍ទទួលបុណ្យជ្រមុជទឹក ឬការទូរទាត់ដង្វាយមួយភាគក្នុងដប់ ) ។ សូមប្រាប់កុមារអំពីរបៀបដែលអ្នកបានទទួលពរជ័យតាមរយៈការម្រើរបស់ប៊ីស្សព ។
-
សូមជួយកុមារធ្វើប័ណ្ណជូនទៅប៊ីស្សព ដោយការអរគុណគាត់ចំពោះអ្វីដែលគាត់បានធ្វើដើម្បីជួយដល់ការងាររបស់ព្រះអម្ចាស់ ។
គោលលទ្ធិ និង សេចក្តីសញ្ញា ៧៥:៣
ខ្ញុំអាចធ្វើអស់ពីលទ្ធភាពថ្វាយដល់ព្រះអម្ចាស់ ។
ទោះជានៅវ័យក្មេងក្ដីក៏ កុមារអាចរកឃើញនូវអំណរក្នុងការគោរពតាមបទបញ្ញត្តិរបស់ព្រះអម្ចាស់ឲ្យអស់ពីលទ្ធភាពរបស់ពួកគេផងដែរ ។
សកម្មភាពដែលអាចជ្រើសរើស
-
សូមអញ្ជើញកុមារម្នាក់ៗឲ្យប្ដូរវេនគ្នាសម្ដែងពីរបៀបដែលពួកគេនឹងធ្វើសកម្មភាពបម្រើមួយ ដូចជា ការសម្អាតបន្ទប់មួយនៅក្នុងព្រះវិហារ ឬការលាងចាននៅឯផ្ទះ ។ សូមអានគោលលទ្ធិ និង សេចក្ដីសញ្ញា ៧៥:៣ ហើយសុំឲ្យកុមារបង្ហាញពីរបៀបដែលពួកគេនឹងធ្វើវាដោយភាពខ្ជិលច្រអូស ពេលអ្នកនិយាយពាក្យថា « ខ្ជិលច្រអូស » ហើយបង្ហាញពីរបៀបខិតខំធ្វើការ ពេលអ្នកនិយាយពាក្យថា « ប៉ុន្តែធ្វើការដោយកម្លាំងរបស់អ្នក » ។ ហេតុអ្វីវាសំខាន់ថា យើងបម្រើព្រះអម្ចាស់អស់ពីសមត្ថភាព ?
-
សូមចែកចាយជាមួយកុមារអំពីដំណើររឿងរបស់ប្រធាន ឌៀថើរ អេស្វ អុជដូហ្វ អំពីធ្វើការនៅក្នុង « Two Principles for Any Economy »( Ensign ឬ Liahona ខែ វិច្ឆិកា ឆ្នាំ ២០១៤ ទំព័រ ៥៥-៥៨ ) ។ តើយើងមានអារម្មណ៍បែបណា នៅពេលដឹងថាយើងបានធ្វើអស់ពីសមត្ថភាពរបស់យើង ?
-
សូមច្រៀងចម្រៀងមួយបទពីការធ្វើការជាមួយគ្នា ដូចជាបទ « ពេលយើងជួយសៀវភៅចម្រៀងកុមារទំព័រ ១០៨ ) ។ សូមជួយកុមារបង្កើតសកម្មភាពតាមពាក្យពេចន៍ ។
រូបភាពធុង និងបាវអាហារកាលពីដើម ពេលខ្លះសមាជិកនៃសាសនាចក្រផ្តល់អាហារដល់សាសនាចក្រដើម្បីជួយអ្នកដទៃទៀត ។
បង្រៀនគោលលទ្ធិ ៖ កុមារធំៗ
ខ្ញុំអាចការពារសេចក្តីពិត តាមរយៈការចែកចាយទីបន្ទាល់ ។
ព្រះអម្ចាស់មិនបានរំពឹងឲ្យកុមារឆ្លើយតបទៅនឹងការទិទៀនចំពោះសាសនាចក្រនោះទេ នៅពេលដែលទ្រង់បានហៅយ៉ូសែប ស្ម៉ីធ និង ស៉ីឌនី រិកដុន ឲ្យវធ្វើ ។ អ្នកអាចជួយកុមារយល់ថា ទីបន្ទាល់ដ៏ងាយៗរបស់ពួកគេពីសេចក្តីពិតអាចជះឥទ្ធិពលដល់អ្នកដទៃ ។
សកម្មភាពដែលអាចជ្រើសរើស
-
សូមប្រើ ក្បាលកណ្ឌ សម្រាប់គោលលទ្ធិ និង សេចក្តីសញ្ញា ៧១ ឬ «ជំពូកទី ២៥ ៖ យ៉ូសែប ស្ម៉ីធ និង ស៉ីឌនី រិកដុន ទៅបម្រើបេសកកម្ម» (ដំណើររឿងនៃគោលលទ្ធិ និងសេចក្ដីសញ្ញា ៩៦ ) ដើម្បីបង្រៀនកុមារអំពីកាលៈទេសៈដែលបានបំផុសគំនិត កណ្ឌទី ៧១។ សូមអាន គោលលទ្ធិ និងសេចក្ដីសញ្ញា ៧១:១ ជាមួយកុមារ ហើយជួយពួកគេរកមើលនូវអ្វីដែលព្រះអម្ចាស់មានព្រះទ័យចង់ឲ្យយ៉ូសែប និងស៉ីឌនី ធ្វើអំពី « អារម្មណ៍មិនចូលចិត្ត » ថដែលប្រជាជនមានចំពោះសាសនាចក្រ (ក្បាលកណ្ឌ) ។ តើទ្រង់បានមានបន្ទូលថានឹងប្រទានអ្វីដើម្បីជួយពួកគេ ? តើយើងអាចធ្វើដូចជា យ៉ូសែប និងស៉ីឌនី យ៉ាងដូចម្តេច ?
-
សូមអញ្ជើញកុមារឲ្យអនុវត្តជាដៃគូ នូវរបៀបដើម្បីចែកចាយជាមួយអ្នកដទៃនូវអ្វីដែលពួកគេដឹងអំពីសាសនាចក្រ ។ ឧទាហរណ៍ ពួកគេអាចចែកចាយទីបន្ទាល់សាមញ្ញមួយ ឬចែកចាយមាត្រានៃសេចក្តីជំនឿមួយមាត្រានៃសេចក្តីជំនឿ។
គោលលទ្ធិ និង សេចក្តីសញ្ញា ៧២:៨ ។
ព្រះអម្ចាស់បានហៅពួកប៊ីស្សពដើម្បីជួយទ្រង់ធ្វើកិច្ចការរបស់ទ្រង់ ។
ប៊ីស្សពម្នាក់អាចឥទ្ធិពលដ៏ខ្លាំងចំពោះជីវិតយុវវ័យ ។ តើអ្នកអាចធ្វើអ្វីដើម្បីជួយដល់កុមារមើលឃើញប៊ីស្សពជាអ្នកតំណាងឲ្យព្រះអម្ចាស់ព្រះយេស៊ូវ គ្រីស្ទ ?
សកម្មភាពដែលអាចជ្រើសរើស
-
សូមពន្យល់ថា នៅឆ្នាំ ១៨៣១ ព្រះអម្ចាស់បានហៅប៊ីស្សពនៃសាសនាចក្រ ឈ្មោះ អែតវឺត ប៉ាទ្រិច ឲ្យប្តូរលំនៅពីទីក្រុង ខឺតឡង់ រដ្ឋអូហៃអូ ដើម្បីធ្វើជាប៊ីស្សពនៅ អ៊ិនឌីប៉ែនដែនស៍ មិសសួរី ( សូមមើល «ជំពូកទី ១៧ ៖ ប៊ីស្សពដំបូងគេនៃសាសនាចក្រ»ដំណើររឿងនៃគោលលទ្ធិ និងសេចក្តីសញ្ញា ៦៤-៦៦ ) ។ សូមអាន គោលលទ្ធិ និងសេចក្តីសញ្ញា ៧២:៨ ជាមួយកុមារ ហើយសូមប្រាប់ឲ្យពួកគេស្តាប់រកថាតើនរណាដែលព្រះអម្ចាស់បានហៅឲ្យបម្រើជាប៊ីស្សពនៅទីក្រុង ខឺតឡង់ ។ ហេតុអ្វីព្រះអម្ចាស់ហៅឲ្យមានប៊ីស្សព ? សូមចែកចាយជាមួយកុមារនូវបទពិសោធន៍មួយ នៅពេលអ្នកត្រូវបានប្រទានពរជ័យតាមរយៈការបម្រើរបស់ប៊ីស្សព ។
-
សូមអញ្ជើញកុមារឲ្យធ្វើបញ្ជីមួយនូវកិច្ចការដែលពួកគេបានឃើញប៊ីស្សពធ្វើ ដើម្បីជួយសមាជិកនៅក្នុងវួដ ។ សូមឲ្យកុមារគូររូបភាពរបស់ប៊ីស្សពកំពុងធ្វើអ្វីមួយដែលពួកគេបានលើកឡើង ។ សូមថ្លែងទីបន្ទាល់ថា ប៊ីស្សពរបស់អ្នកត្រូវបានហៅដោយព្រះអម្ចាស់ដើម្បីធ្វើជាអ្នកបម្រើរបស់ទ្រង់ ។ ហេតុអ្វីយើងមានអំណរគុណដែល ព្រះអម្ចាស់បានហៅឲ្យមានប៊ីស្សពនៅក្នុងវួដរបស់យើង ?
គោលលទ្ធិ និង សេចក្តីសញ្ញា ៧៣:៣
ព្រះអម្ចាស់បានបញ្ជា យ៉ូសែប ស្ម៉ីធ ឲ្យស្តារសេចក្តីពិតដ៏មានតម្លៃដែលត្រូវបានបាត់ចេញពីព្រះគម្ពីរប៊ីបឡើងវិញ ។
ជាផ្នែកមួយនៃការហៅរបស់លោកក្នុងនាមជាព្យាការី នោះយ៉ូសែប ស្ម៉ីធ ត្រូវបញ្ជាដោយព្រះអម្ចាស់ឲ្យធ្វើការកែតម្រូវព្រះគម្ពីរប៊ីបឡើងវិញដោយការបំផុសគំនិត ។ ការកែតម្រូវទាំងនេះដែលព្រះអម្ចាស់បានហៅថា « ការបកប្រែ » (គោលលទ្ធិ និងសេចក្តីសញ្ញា ៩០:១៣) បានស្តារឡើងវិញនូវសេចក្តីពិតដ៏សំខាន់ៗដែលត្រូវបានបាត់ ឬដកចេញពីព្រះគម្ពីរប៊ីបអស់ជាច្រើនសតវត្សរ៍ ។
សកម្មភាពដែលអាចជ្រើសរើស
-
សូមពន្យល់ថា នៅពេលយ៉ូសែប ស្ម៉ីធ និងស៉ីឌនី រិកដុន ត្រឡប់មកពី បេសកកម្មរយៈពេលខ្លីមួយ នៅជិតខឺតឡង់ អូហៃអូវិញ នោះព្រះអម្ចាស់បានមានព្រះទ័យចង់ឲ្យពួកគេត្រឡប់មកវិញដើម្បីធ្វើការលើគម្រោងសំខាន់មួយ ។ សូមអញ្ជើញកុមារឲ្យអាន គោលលទ្ធិ និង សេចក្តីសញ្ញា ៧៣:៣ ដើម្បីស្វែងរកថាតើគម្រោងនោះគឺជាអ្វី ។ ដើម្បីជួយកុមារយល់អ្វីដែលព្រះអម្ចាស់មានព្រះទ័យចង់ឲ្យយ៉ូសែប និងស៉ីឌនីបកប្រែ សូមអានជាមួយពួកគេនូវផ្នែកវេចនានុក្រមព្រះគម្ពីរប៊ីប «Joseph Smith Translation (JST) » ។
-
សូមហុចព្រះគម្ពីរប៊ីបតគ្នា ហើយឲ្យកុមារបើកព្រះគម្ពីរប៊ីប និងមើលថាតើវាមានប៉ុន្មានទំព័រក្នុងនោះ ។ សូមអញ្ជើញកុមារឲ្យស្រម៉ៃថា ពួកគេត្រូវបានសុំឲ្យបកប្រែព្រះគម្ពីរប៊ីបទៅជាភាសាផ្សេងទៀត ។ តើពួកគេអាចធ្វើកំហុសអ្វីខ្លះ ? សូមពន្យល់ថា នៅពេលមនុស្សបានបកប្រែ ឬថតចម្លងព្រះគម្ពីរប៊ីបពីមុនជំនាន់របស់យ៉ូសែប ស៊្មីធ ពួកគេបានធ្វើឲ្យមានកំហុសខ្លះ ហើយនៅពេលខ្លះពួកគេបានលុបសេចក្តីពិតសំខាន់ៗមួយចំនួន ។ ព្រះអម្ចាស់បានបញ្ជាឲ្យយ៉ូសែប ស្ម៉ីធ ឲ្យធ្វើការកែតម្រូវដោយការបំផុសគំនិត ។ ហេតុអ្វីកិច្ចការរបស់យ៉ូសែប ស៊្មីធ មានតម្លៃចំពោះយើង ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមអញ្ជើញកុមារឲ្យជ្រើសរើសអ្វីមួយដែលពួកគេនឹងធ្វើ ពីព្រោះមកពីអ្វីដែលពួកគេបានរៀននៅថ្ងៃនេះ ដូចជា អរគុណដល់ប៊ីស្សពចំពោះការបម្រើរបស់គាត់ ឬរៀបចំដើម្បីការពារជំនឿរបស់ពួកលោក តាមរយៈការរៀនពីមាត្រានៃក្តីជំនឿ ។
ការអភិវឌ្ឍន៍ការបង្រៀនរបស់យើង
ដាក់បញ្ចូលញាណទាំងឡាយ ។ « កុមារភាគច្រើន ( និងមនុស្សពេញវ័យ ) រៀនសូត្រឆាប់ចេះ នៅពេលមានការដាក់បញ្ចូលញាណទាំងឡាយ ។ សូមស្វែងរករបៀបដើម្បីជួយកុមារតូចៗឲ្យប្រើចក្ខុវិញ្ញាណ សោតវិញ្ញាណ និងកាយវិញ្ញាណរបស់ពួកគេនៅពេលពួកគេរៀន » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ២៥ ) ។