“Agosto 23–29. Doktrina ken Katulagan 93: ‘Maawat iti Pakabuklanna,’” Umaykayo, Sumurot Kaniak—Para kadagiti Indibidual ken Pamilia: Doktrina ken Katulagan 2021 (2020)
“Agosto 23–29. “Doktrina ken Katulagan 93,” Umaykayo, Sumurot Kaniak—Para kadagiti Indibidual ken Pamilia: 2021
Makitak ti Anak ti Tao nga Agtaktakder iti Makanawan ti Dios, ni Walter Rane
Agosto 23–29
Doktrina ken Katulagan 93
“Maawat iti Pakabuklanna”
Isuro tiDoktrina ken Katulagan 93 a ti “kinapudno ti pannakaammo kadagiti banag a kas iti kasasaadda ita, ken kasasaadda idi, ken iti kasasaadda iti masakbayan” (bersikulo 24). Bayat ti panangadalmo iti daytoy a benneg, sapulem dagiti kinapudno ken isuratmo no ania dagiti masursurom. Ania ti sitatallugod nga aramidem tapno umawat iti kinapudno? (kitaen dagiti bersikulo 27–28).
Isuratmo dagiti Impresionmo
“No umulika iti agdan,” insuro ni Joseph Smith, “nasken a mangrugika iti baba, ket agpangalka nga agpangato, inggana a makadanonka iti ngato, isu a kasta met kadagiti pagbatayan ti ebanghelio—nasken a mangrugika iti umuna, ket agtultuloyka inggana a masursurom amin dagiti pagbatayan ti pannakaitan-ok” (Teachings of Presidents of the Church: Joseph Smith [2007], 268).
No dadduma dayta nga agdan ti pannakaitan-ok, ket kasla di kabaelan nga ulien, ngem nayanaktayo nga umuli iti ngato. Ania man dagiti limitasion a makitatayo iti bagbagitayo, adda makita ti Amatayo a Nailangitan ken ti Anakna a naindayagan a banag kadatayo, maysa a banag a nadiosan. Iti kasta a wagas ni Jesucristo “nga adda idi iti punganay iti Ama,” isu a “kaduayo met idi” (Doktrina ken Katulagan 93:21, 23). Kas met Isu a “nagtultuloy nga immawat iti ad-adu pay a parabur, agingga a naawatna ti pakabuklanna, “isu met nga “umawatkayonto iti ad-adu pay a parabur” (dagiti bersikulo 13, 20). Isuronatayo ti naisubli nga ebanghelio maipapan iti pudno a langa ti Dios, kasta met nga isuronatayo maipapan kadagiti bagbagitayo ken no ania ti mabalin a pagbalinantayo. Malaksid kadagiti panagkagumaan ti “dayta a nadangkes” (bersikulo 39)—ken malaksid iti ania man a mariknam a pagkurangam—literal nga Anaknaka ti Dios nga addaan iti potensial a “makaawat iti pakabuklanna iti naituding a panawen ” (bersikulo 19).
Dagiti Kapanunotan para iti Bukod a Panagadal iti Nasantuan a Kasuratan
Pagdaydayawantayo ti Dios nga Ama ken ti Anakna a ni Jesucristo.
Maipanggep iti paltiing iti Doktrina ken Katulagan 93, inlawlawag ti Apo, “Itedko kadakayo dagitoy a pagsasao tapno maawatan ken maammuanyo no kasano ti agdaydayaw, ken ammoyo no ania ti pagdaydayawanyo, tapno makaumaykayo iti Ama babaen ti naganko, ken maawatyo ti pakabuklanna iti naituding a panawen” (bersikulo 19). Bayat ti panangsursuroyo itoy a paltiing, markaan dagiti kinapudno a mabirokanyo maipapan kadagiti Kinatao a pagdaydayawantayo: ti Dios nga Ama ken ti Anakna ni Jesucristo. Ania ti masursurom maipapan iti “no kasano a pagdaydayawan” Ida? maipapan no kasano ti “umasideg iti Ama”?
Insuro ni Propeta Joseph Smith a,“No saan a maawatan ti tattao ti kababalin ti Dios, dida maawatan ti bagbagida” (Teachings: Joseph Smith,40). Bayat ti panagsursurom maipapan iti Mangisalakan babaen ti panagadal iti Doktrina ken Katulagan 93, kitaen no ania ti masursurom maipapan iti bagim. Kas pagarigan, ania ti masursurom maipapan Kenkuana manipud kadagiti bersikulo 3, 12, 21, ken 26? Ania dagiti agpapada a kinapudno maipapan iti bagim a masarakam kadagiiti bersikulo 20, 23, ken 28–29? (Kitaen met iti 1 Juan 3:2; 3 Nephi 27:27; Dean M. Davies, “The Blessings of Worship,” Ensign wenno Liahona, Nob. 2016, 93–95.)
Doktrina ken Katulagan 93:1–39
Ti dayag ti Dios ket silaw ken kinapudno.
Madlawmo a ti dayag, lawag, ken kinapudno ket masansan a madakamat iti daytoy a paltiing. Bayat iti panagadalmo kadagiti bersikulo 21–39 a naipangpangruna, mangaramid iti listaan dagiti kinapudno a masursurom maipapan iti dayag, lawag, ken kinapudno. Kasano a maparegtanaka dagitoy a kinapudno a mangbirok iti nain-indaklan a lawag ken kinapudno? Kasano nga aringan dagitoy a kinapudno ti wagas ti panagbiagmo iti inaldaw?
Maawattayo ti lawag ken kinapudno no tungpalentayo dagiti bilin ti Dios.
Doktrina ken Katulagan 93:40–50
“Urnosenyo ti balbalayyo.”
Maipanggep iti bersikulo 40, Doktrina ken Katulagan 93 kasla panangyallatiw manipud kadagiti sursuro maipapan iti kinadayag ti Dios ken ti nadiosan a potensialtayo iti pangiturong maipapan iti panagbalin a nagannak ken panangurnos iti balbalaytayo. Kasano a dagiti pannursuro ti Apo maipapan iti lawag, kinapudno, ken dayag kadagiti bersikulo 1–39 tulongannaka a maawatan ken suroten ti pammagbaga kadagiti bersikulo 40–50?
Kitaen met iti David A. Bednar, “More Diligent and Concerned at Home,” Ensign wenno Liahona, Nob. 2009, 17–20.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Home Evening
-
Doktrina ken Katulagan 93:2.Kasano a nagbalin ni Jesucristo a “pudno a silaw” iti biagtayo? Kasano a naimatangantayon ti Silawna kadagiti dadduma a tao iti aglawlawtayo?
-
Doktrina ken Katulagan 93:3–29.Tapno matulongam ti pamiliam a pagsasaritaan no ania ti nasursuroda iti benneg 93 maipapan iti Mangisalakan ken dagiti bagbagida, mabalinyo ti agay-ayam iti paris-paris (matching game). Kas pagtuladan, mangisaganaka iti maysa a set ti kard nga addaan kadagiti bersikulo manipud iti benneg 93 a mangisuro kadagiti kinapudno maipapan iti Mangisalakan (kitaen dagiti bersikulo 3, 12, 21, 26) ken sabali pay a set a mangisuro kadagiti banag a kapada maipapan iti bagbagitayo (kitaen kadagiti bersikulo 20, 23, 28–29). Agsusublat dagiti miembro ti pamilia a mangpidut iti maysa a kard manipud iti tunggal set, basaen dagiti bersikulo, ken padasen a sapulen dagiti kinapudno a maiparis. Kasano nga aringan dagitoy a kinapudno ti marikriknatayo maipapan iti Mangisalakan ken maipapan ti bagbagitayo?
-
Doktrina ken Katulagan 93:12–13, 20.Ania ti kayat a sawen ti umawat ti “ad-adu pay a parabur” ken agtultuloy nga “umawat iti ad-adu pay a parabur”? (dagiti bersikulo 12 –13). Ania ti isingasing dagitoy a bersikulo maipapan iti wagas nga agdur-as ken agsursurotayo? Kasano nga apektuan daytoy a kinapudno ti wagas a panangtratotayo kadagiti dadduma—ken bagbagitayo?
-
Doktrina ken Katulagan 93:24.Basaen ti pannakailawlawag ti kaipapanan ti kinapudno a mabirokan itoy a bersikulo, ken awisen dagiti miembro ti pamilia a mangibinglay iti maysa a banag manipud iti benneg 93 nga ibilangda a di magatadan a kinapudno. Ania pay dagiti pannakailawlawag ti kaipapanan ti kinapudno a masarakantayo iti Juan 14:6; Jacob 4:13; wenno maysa a himno maipapan iti kinapudno, a kas iti “Oh Say What Is Truth?” (Hymns no. 272).
-
Doktrina ken Katulagan 93:40No basaem daytoy a bersikulo, mabalin nga agkansion ti pamiliam iti maysa a kanta maipapan iti panagsursuro iti pagtaengan, kas iti “Teach Me to Walk in the Light” (Children’s Songbook, 177). Mabalin a magustuan dagiti babassit nga ubbing ti mangaramid kadagiti tignay a maibagay kadagiti balikas. Ania ti mariknam a makaparegta nga aramidem tapno maawismo ti ad-adu a “lawag ken kinapudno” iti pagtaenganyo?
-
Doktrina ken Katulagan 93:41–50.Agiinnumankayo a kas maysa a pamilia maipanggep iti mabalin a saan a “maiparbeng iti balaymo.” Ania ti maaramidtayo tapno “maurnos ti balay[tayo]?” (dagiti bersikulo 43–44).
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Naisingasing a kanta: “I Am a Child of God,” Children’s Songbook, 2–3.
Panangpadur-as iti Panagsursurotayo
Agbasa iti ad-adu pay ngem maminsan. Mabalinmo a pilien a basaen ti Doktrina ken Katulagan 93 nga ad-adu pay ngem maminsan kabayatan ti lawas. Tunggal agbasaka, madlawmo a nagduduma a kinapudno ti mariknam a napateg kenka wenno maparegtanaka iti baro a wagas. Ti panagbasa iti mamin-adu a daras ket makaipaayto pay kadagiti gundaway para kenka nga agutob iti naun-uneg pay.
Silaw ken Kinapudno, ni Simon Dewey