« ថ្ងៃទី ២៧ ខែឧសភា–ថ្ងៃទី ២ ខែមិថុនា ។ យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១ ៖ ‹ កូនមនុស្សនឹងចុះមក ›» ។ ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី ឆ្នាំ ២០១៩( ឆ្នាំ ២០១៩ )
« ថ្ងៃទី ២៧ ខែឧសភា–ថ្ងៃទី ២ ខែមិថុនា ។ យ៉ូសែប ស្ម៊ីធ—ម៉ាថាយ ១ ម៉ាថាយ ២៥ ម៉ាកុស ១២–១៣ លូកា ២១ »ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០១៩
ការយាងមកជាលើកទីពីរដោយ ហារីអាន់ឌើរសិន
ថ្ងៃទី ២៧ ខែឧសភា–ថ្ងៃទី ២ ខែមិថុនា
យ៉ូសែប ស្ម៊ីធ—ម៉ាថាយ ១; ម៉ាថាយ ២៥; ម៉ាកុស ១២–១៣; លូកា ២១
« កូនមនុស្សនឹងចុះមក »
នៅពេលអ្នកអាន យ៉ូសែប ស្ម៊ីធ--ម៉ាថាយ ១; ម៉ាថាយ ២៥; ម៉ាកុស ១២–១៣; និង លូកា ២១, អ្នកអាចសួរ « តើមានសារលិខិតអ្វីខ្លះដែលជំពូកនេះមានសម្រាប់ខ្ញុំ ? សម្រាប់គ្រួសារខ្ញុំ ? សម្រាប់ការហៅបម្រើរបស់ខ្ញុំ ? »
កត់ត្រាចំណាប់អារម្មណ៍របស់អ្នក
ពួកសិស្សរបស់ព្រះយេស៊ូវច្បាស់ជាបានរកឃើញការព្យាករណ៍របស់ទ្រង់ដោយការភ្ញាក់ផ្អើលថា ៖ ព្រះវិហារបរិសុទ្ធនៅកុ្រងយេរូសាឡិមដ៏ធំ ជាមជ្ឈមណ្ឌលវប្បធម៌ និងខាងវិញ្ញាណរបស់ប្រជាជនយូដា នឹងត្រូវបំផ្លាញទាំងស្រុង « ដែល[ នឹង ]គ្មានអ្វីនៅសល់ …គ្មានថ្មនៅត្រួតលើថ្មនោះទេ » ។ ជាធម្មតាពួកសិស្សចង់ដឹងបន្ថែមទៀត ។ ពួកគេបានសួរថា « តើនៅពេលណាដែលគ្រប់របស់ទាំងនោះនឹងបានប្រទានមក ? » « តើមានទីសម្គាល់ណាប្រាប់ពីការយាងមករបស់ទ្រង់ » ? ( យ៉ូសែប ស្ម៊ីធ—ម៉ាថាយ ១:២–៤) ។ ចម្លើយរបស់ព្រះអង្គសង្គ្រោះបានបើកសម្ដែងថា ការបំផ្លិចបំផ្លាញដ៏ធំនេះនឹងកើតមានចំពោះទីក្រុងយេរូសាឡិម—ការព្យាករណ៍ត្រូវបានបំពេញនៅ ក្នុង គ.ស ៧០—ដែលមានកម្រិតតូចបើប្រៀបទៅនឹងទីសម្គាល់នៃការយាងមករបស់ទ្រង់នៅក្នុងថ្ងៃចុងក្រោយ ។ រឿងដែលហាក់ដូចជាមានស្ថេរភាពជាងព្រះវិហារបរិសុទ្ធនៅ យេរូសាឡិម នឹងបង្ហាញថាជារឿងបណ្ដោះអាសន្នប៉ុណ្ណោះ—ដូចជាព្រះអាទិត្យ ព្រះចន្ទ ដួងតារា ជាតិសាសន៍នានា និងសមុទ្រ ។ សូម្បីតែ« អំណាចទាំងឡាយនៅលើមេឃនឹងត្រូវកក្រើករំពើក » (យ៉ូសែប ស្ម៊ីធ—ម៉ាថាយ ១:៣៣) ។ បើយើងបានដឹងជាមុនខាងវិញ្ញាណ ភាពចលាចលនេះអាចបង្រៀនយើងឲ្យដាក់ទីទុកចិត្តរបស់យើងទៅលើអ្វីដែលពិតមិនផ្លាស់ប្តូរ ។ ដូចព្រះយេស៊ូវបានសន្យាថា « ឯផ្ទៃមេឃ និង ផែនដីនោះនឹងកន្លងបាត់ទៅតែឯពាក្យខ្ញុំមិន ដែលកន្លងបាត់ឡើយ។… ហើយអស់អ្នកណាដែលរក្សាពាក្យខ្ញុំទុក នោះនឹងមិនត្រូវបញ្ឆោតឡើយ » ( យ៉ូសែប ស៊្មីធ—ម៉ាថាយ ១:៣៥, ៣៧ ។
គំនិតយោបល់សម្រាប់ការសិក្សាព្រះគម្ពីរផ្ទាល់ខ្លួន
យ៉ូសែប ស្ម៊ីធ—ម៉ាថាយ
តើយ៉ូសែប ស្ម៊ីធ—ម៉ាថាយ គឺជាអ្វី ?
យ៉ូសែប ស្ម៊ីធ—ម៉ាថាយ, មាននៅក្នុងមុក្ដាដ៏មានតម្លៃមហិមា គឺជាការដកស្រង់មកពីការបកប្រែព្រះគម្ពីរប៊ីបរបស់ យ៉ូសែប ស្ម៊ីធ ។ វាមាននូវកំណែថ្មីចំពោះ ខចុងក្រោយនៃគម្ពីរម៉ាថាយ ២៣ និងម៉ាថាយ ២៤ទាំងស្រុង ( សូមមើល Bible Dictionary, « ការបកប្រែរបស់យ៉ូសែប ស្ម៊ីធ » ) ។ កំណែថ្មីដ៏បំផុសគំនិតរបស់យ៉ូសែប ស្ម៊ីធ បានស្ដារឡើងវិញនូវសេចក្ដីពិតដ៏មានតម្លៃដែលបានបាត់បង់ទៅ ។ខ ១២–២១ នៃយ៉ូសែប ស្ម៊ីធ—ម៉ាថាយ សំដៅទៅលើការបំផ្លិចបំផ្លាញនៃទីក្រុងយេរូសាឡិមពីបុរាណ ខ ២១–៥៥ មាននូវការព្យាករណ៍អំពីថ្ងៃចុងក្រោយ ។
យ៉ូសែប ស្ម៊ីធ—ម៉ាថាយ ១:២១–៣៧; ម៉ាកុស ១៣:២១–៣៧; លូកា ២១:២៥–៣៨
ការព្យាករអំពីការយាងមកជាលើកទី ពីររបស់ព្រះអង្គសង្គ្រោះអាចជួយខ្ញុំប្រឈមមុខនឹងអនាគតកាលដោយសេចក្ដីជំនឿ ។
វាអាចនឹងមានការព្រួយបារម្ភដើម្បីអានអំពី ព្រឹត្តិការណ៍នានាដែលនាំទៅរកការយាងមកជាលើកទីពីររបស់ព្រះយេស៊ូវគ្រីស្ទ ។ ប៉ុន្តែនៅ ពេលព្រះយេស៊ូវបានព្យាករអំពីព្រឹត្តការណ៍ទាំងនេះ ទ្រង់បានប្រាប់ពួកសិស្សរបស់ទ្រង់« កុំខ្វល់ឡើយ » ( យ៉ូសែប ស្ម៊ីធ—ម៉ាថាយ ១:២៣ ) ។ តើអ្នកអាច « កុំខ្វល់ » នៅពេលអ្នកស្ដាប់ឮអំពីការរញ្ជួយដី សង្គ្រាម ការបោកបញ្ឆោត និងគ្រោះទុរភិក្សយ៉ាងដូចម្ដេចទៅ ? ចូរគិតអំពី សំណួរនេះ នៅពេលអ្នកអានខគម្ពីរទាំងនេះ ។ សូមគូសចំណាំ ឬកត់ចំណាំអំពីការប្រឹក្សាអះអាងណាដែលអ្នករកបាន ។
សូមមើលផងដែរ គោលលទ្ធិ និង សេចក្ដីសញ្ញា ២៩:១៤–២១; ៣៨:៣០; ៤៥:១៦–៥២; ៨៨:៨៦–៩៤; « Second Coming of Jesus Christ, » Gospel Topics, topics.lds.org ។
យ៉ូសែប ស្ម៊ីធ—ម៉ាថាយ ១:២៦–២៧, ៣៨–៥៥; ម៉ាថាយ ២៥:១–១៣; លូកា ២១:២៩–៣៦
ខ្ញុំត្រូវតែត្រៀមខ្លួនជានិច្ចសម្រាប់ការយាងមកជាលើកទីពីររបស់ព្រះអង្គសង្គ្រោះ ។
ព្រះមិនបានបើកសម្ដែងពី « ថ្ងៃណា ឬពេលណាដែលកូនមនុស្សត្រូវមកនោះទេ » (ម៉ាថាយ ២៥:១៣) ។ ប៉ុន្តែទ្រង់ពុំចង់ឲ្យថ្ងៃនោះមកដល់យើង « ភ្លាម » នោះទេ ( លូកា ២១:៣៤ ) ដូច្នេះទ្រង់បានប្រទានដល់យើងនូវដំបូន្មានអំពីរបៀបដើម្បីរៀបចំខ្លួន ។
នៅពេលអ្នកអានខគម្ពីរទាំងនេះ ចូរកត់សម្គាល់អំពីរឿងប្រៀបប្រដូច និងការប្រៀបធៀបដទៃទៀតដែលព្រះអង្គសង្គ្រោះបានប្រើដើម្បីបង្រៀនដល់យើងឲ្យត្រៀមខ្លួនជានិច្ចសម្រាប់ការយាងមកជាលើកទីពីររបស់ទ្រង់ ។ តើអ្នករៀនអ្វីខ្លះពីរឿងប្រៀបធៀបទាំងនេះ ? តើអ្នកត្រូវបានបំផុសគំនិតឲ្យធ្វើអ្វីខ្លះ ?
ព្រះវរបិតាសួគ៌រំពឹងឲ្យខ្ញុំប្រើអំណោយទានរបស់ទ្រង់ដោយឆ្លាតវៃ ។
នៅជំនាន់របស់ព្រះអង្គសង្គ្រោះ « កាក់ » សំដៅទៅលើប្រាក់ ។ ប៉ុន្តែក្នុងរឿងប្រៀបប្រដូចរបស់ព្រះអម្ចាស់អំពីកាក់ អាចបង្រៀនយើងអំពីរបៀបដែលទ្រង់ចង់ឲ្យយើងប្រើពរជ័យនានាដែលទ្រង់បានប្រទានដល់យើង ។ ព្រះអម្ចាស់រំពឹងឲ្យយើងកែលម្អអ្វីដែលទ្រង់បានប្រទានដល់យើង ។ នៅពេលអ្នកអានរឿងប្រៀបប្រដូចនេះ សូមធ្វើបញ្ជីមួយអំពីពរជ័យ និងឱកាសមួយចំនួនដែលព្រះវរបិតាសួគ៌បានប្រទានដល់អ្នក ។ តើទ្រង់រំពឹងឲ្យអ្នកធ្វើអ្វីខ្លះជាមួយនឹងពរជ័យទាំងនេះ ? តើអ្នកអាចប្រើអំណោយទានទាំងនេះឲ្យកាន់តែឆ្លាតវៃយ៉ាងដូចម្ដេច ? តើទេពកោសល្យរបស់អ្នកត្រូវបានតម្កើងឡើងយ៉ាងដូចម្ដេចនៅពេលអ្នកបម្រើព្រះអម្ចាស់ ?
នៅពេលខ្ញុំបម្រើអ្នកដទៃខ្ញុំកំពុងបម្រើដល់ព្រះ ។
បើអ្នកធ្លាប់ងឿងឆ្ងល់ថាតើព្រះអម្ចាស់នឹងជំនុំជម្រះជីវិតរបស់អ្នកតាមរបៀបណា សូមអានរឿងប្រៀបធៀបអំពីចៀម និងពពែ ។ តើអ្វីនឹងជារឿងសំខាន់បំផុត នៅពេលអ្នកឈរនៅចំពោះព្រះគ្រីស្ទ ?
សូមមើលផងដែរ ម៉ូសាយ ២:១៧ ។
តើអាពាហ៍ពិពាហ៍នឹងបន្ដមានបន្ទាប់ពីការរស់ឡើងវិញឬទេ ?
យើងរៀនមកពីវិវរណៈសម័យទំនើបដែលជា សេចក្ដីថ្លែងការណ៍របស់ព្រះយេស៊ូវថា « នៅពេលពួកគេរស់ឡើងវិញ នោះពួកគេពុំរៀបការ ទាំងពុំមែនរៀបការយកគ្នាជាប្ដីប្រពន្ធទៀតទេ » សំដៅទៅលើអស់អ្នកដែលពុំបានចូលទៅក្នុងសេចក្ដីសញ្ញានៃអាពាហ៍ពិពាហ៍សេឡេស្ទាល ( សូមមើលគ និង ស ១៣២:១៥-១៦) ។ អាពាហ៍ពិពាហ៍សេឡេស្ទាល ដែល « បុរសម្នាក់ [ រៀបការ ] ប្រពន្ធម្នាក់ …ដោយសេចក្ដីសញ្ញាថ្មី និងនៅអស់កល្បអស់កាលជានិច្ច » និង នៅ« ដល់អស់កល្បជានិច្ច » បើស្វាមី និងភរិយានោះនៅស្មោះចំពោះសេចក្ដីសញ្ញារបស់ពួកគេ ( គ និង ស ១៣២:១៩) ។
គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ
នៅពេលអ្នកអានគម្ពីរជាមួយនឹងគ្រួសាររបស់អ្នក នោះព្រះវិញ្ញាណអាចជួយអ្នកស្គាល់ថាគោលការណ៍អ្វីដែលត្រូវគូសបញ្ជាក់ និងពិភាក្សាដើម្បីបំពេញតាមតម្រូវការរបស់គ្រួសារអ្នក ។ នេះ គឺជាការផ្ដល់យោបល់មួយចំនួន ៖
ដើម្បីជួយគ្រួសាររបស់អ្នករកមើលក្នុងជំពូកនេះ សូមអញ្ជើញ ពួកគេឲ្យរកមើលការបង្រៀនរបស់ព្រះអង្គសង្គ្រោះអំពីរបៀបដែលយើងអាចរៀបចំខ្លួនសម្រាប់ការយាងមកជាលើកទីពីររបស់ទ្រង់ ( សូមមើល ឧទាហរណ៍ខ ២២–២៣, ២៩–៣០, ៣៧, ៤៦–៤៨ ) ។ តើគ្រួសារអ្នកអាចធ្វើអ្វីខ្លះដើម្បីធ្វើតាមដំបូន្មាន នេះ ?
តើវាមានន័យដូចម្ដេចក្នុងការ រក្សាទុកព្រះបន្ទូលរបស់ព្រះ ? តើយើងអាចធ្វើរឿងនេះជាគ្រួសារយ៉ាងដូចម្ដេច ? តើការធ្វើដូច្នេះជួយយើងចៀសវាងពីការបោកបញ្ឆោតយ៉ាងដូចម្ដេច ?
អ្នកអាចប្រើរូបភាពនៃស្ត្រីព្រហ្មចារីដប់នាក់ ដែលមានជាមួយនឹងគម្រោងនេះ ដើម្បីពិភាក្សាម៉ាថាយ ២៥:១–១៣ ។ តើរឿងលម្អិតអ្វីខ្លះដែលសមាជិកគ្រួសារមើលឃើញនៅក្នុងរូបភាពដែលពិពណ៌នានៅក្នុងខគម្ពីរទាំងនេះ ?
តើសមាជិកគ្រួសាររីករាយនឹងការរកមើលនៅជុំវិញផ្ទះដើររកក្រដាសតំណក់ប្រេងដែលអ្នកបានលាក់ដែរឬទេ ? អ្នកអាចភ្ជាប់ក្រដាសតំណក់ប្រេងទាំងនោះទៅនឹងវត្ថុដែលតំណាងឲ្យរឿងដែលសមាជិកគ្រួសារអាចធ្វើដើម្បីពង្រឹងទីបន្ទាល់របស់ពួកគេ ហើយត្រៀមខ្លួនសម្រាប់ការយាងមកជាលើកទីពីរ ដូចជាព្រះគម្ពីរ សម្លៀកបំពាក់ទៅព្រះវិហារ ឬរូបថតព្រះវិហារបរិសុទ្ធ ។
តើសមាជិកគ្រួសារអ្នករៀនអ្វីខ្លះមកពីគំរូរបស់ស្ត្រីមេម៉ាយ ? តើព្រះអង្គសង្គ្រោះបានបង្រៀនអ្វីខ្លះ ដល់ពួកសិស្សរបស់ទ្រង់អំពីការថ្វាយ ? សូមបង្ហាញក្រដាសថ្វាយដង្វាយមួយភាគក្នុងដប់ ហើយពិភាក្សាអំពីការថ្វាយរបស់គ្រួសារអ្នកទៅព្រះអម្ចាស់ និងរបៀបដែលការថ្វាយទាំងនេះជួយស្ថាបនាដល់នគររបស់ព្រះ ។ តើមានការថ្វាយណាមួយដែលគ្រួសាររបស់អ្នកថ្វាយ ដែល ពុំអាចកត់ត្រានៅលើក្រដាសដង្វាយដែរឬទេ ?
ប្រាក់របស់ស្ត្រីមេម៉ាយដោយ សាន់ដ្រា រ៉េស្ទ
សម្រាប់គំនិតបន្ថែមដើម្បីបង្រៀនកុមារ សូមមើល គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់ថ្នាក់អង្គការបឋមសិក្សា ។
ការកែលម្អដល់ការសិក្សាផ្ទាល់ខ្លួន
រៀបចំបរិដ្ឋានជុំវិញ ។ « បរិដ្ឋានជុំវិញរបស់យើង អាចជះឥទ្ធិពលយ៉ាងខ្លាំងទៅលើសមត្ថភាពរបស់យើងដើម្បីរៀន និងដឹងពីសេចក្ដីពិត » ( ការបង្រៀនតាមរបៀបរបស់ព្រះអង្គសង្គ្រោះ ទំព័រ ១៥ ) ។ សូមព្យាយាមស្វែងរកកន្លែងមួយដើម្បីសិក្សាព្រះគម្ពីរដែលនឹងអញ្ជើញឲ្យមានឥទ្ធិពលពីព្រះវិញ្ញាណបរិសុទ្ធ ។ តន្ត្រីលើកតម្កើង និងរូបភាពក៏អាចអញ្ជើញយាងព្រះវិញ្ញាណបរិសុទ្ធផងដែរ ។
ស្ត្រីប្រាំនាក់ដែលឈ្លាសវៃដោយ វលធើរ រេន