“Nobiembre 25–Disiembre1. 1 ken 2 Pedro; ‘Agrag-okayo iti Di Mayebkas a Rag-o ken Napno iti Dayag’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Nobiembre 25–Disiembre.1. 1 ken 2 Pedro,” Umaykayo, Sumurot Kaniak—Para kadagiti Indibidual ken Pamilia: 2019
Ni Cristo a Mangaskasaba iti Lubong ti Espiritu, ni Robert T. Barrett
Nobiembre 25–Disiembre 1
1 ken 2 Pedro
“Agrag-okayo iti Di Mayebkas a Rag-o ken Napno iti Dayag”
Bayat ti panangbasam iti Dagiti Surat ni Pedro, makaawatka kadagiti parikna nga agtignay. Isuratmo dagitoy a parikna bayat ti “kaaddam iti Espiritu (DkK 76:80) tapno napudpudno ti inka pannakaawat iti no ania ti naisuro kenka.
Isuratmo Dagiti Impresionmo
Sigud a kalpasan Ti Panagungarna,nagipadto ti Mangisalakan nga isu ti adda a mangburburibor ken ni Pedro. Kinunana nga inton ni Pedro ket lakayen, bitbitendanto “ipandananto iti di[ka] kayat … , impaawatna no anianto nga ipapatay ti pangidaydayawnanto iti Dios” (Juan 21:18–19). Idi insurat ni Pedro dagiti sursuratna, ammona a daytoy naipadto nga ipapatay kas maysa a martir ket asidegen: “Ta ammok nga umay a sipapardas ti panagwayawayko ditoy abungko a kas met imbaga kaniak ni Apotayo a Jesucristo” (2 Pedro 1:14). Daksanggasat ta, iti kasta a kinakaro ti pannakaidadanes ket gagangay para kadagiti Santo kadagiti probinsia ti Roma, nga isu a sinursuratan ni Pedro (kitaen iti 1 Pedro 1:1). Ket uray ti kasta dagiti balikasna ket awanan iti buteng wenno rikna nga adda dakes a mapasamak. Ngem ketdi, insurona dagiti Santo nga “agragrag-okayo unay,” nupay ita addada iti “panagladingit gapu kadagiti nadumaduma a pannulisog.” Imbalakadna kadakuada a manglagip a “ti pannakasuot ti pammati[da]” ti mangiturong iti “pakaidayawan ken dayag ken tan-ok iti pannakairangarang ni Jesucristo” ken “ti pannakaisalakan dagiti kararua[da]” (1 Pedro 1:6–7, 9). Ti pammati ni Pedro ti rumbeng nga adda idi a nangliwliwa kadagidiay nagkauna a Sasanto, kas ti panangparparegta kadagiti Santo ita nga agdama, nga isuda pay dagiti mairaman iti panagitured ni Cristo; a, no maibutaktakto ti gloriana,maragsakan[tayo] met nga addaan iti aglaplapusanan a rag-o” (1 Pedro 4:13).
Dagiti Kapanunotan para iti Bukod a Panagadal iti Nasantuan a Kasuratan
1 Pedro 1:3–9; 2:19–24; 3:14–17; 4:12–19
Adda masarakak a rag-o kadagiti panawen ti pannubok ken panagsagsagaba.
Iti umuna a taldiap, a mabalin a kasla karkarna ta ni Pedro ket nagaramat kadagiti balikas kas agrag-okayo, naragsak, dayag, ken aglaplapusanan a rag-o ti pannakipulapoltayo kadagiti balikas a gagangay nga nakipulapol iti rigat: liday, sulisog, ladingit, pannakasubok,ken panagitured (kitaen iti 1 Pedro 1:6; 2:19; 4:12–13). Ti mensahe ni Pedro kadagiti nagkauna a santo ti isu met laeng a mensahe nga insuro ni Presidente Russell M. Nelson: “Mabalin a naragsak dagiti Sasanto babaen iti tunggal kasasaad. … No ti pokus dagiti biagtayo ket ti plano ti Dios iti pannakaisalakan … ken ni Jesucristo ken ti ebangheliona, mariknatayo ti rag-o ania man ti mapaspasamak—wenno saan a mapaspasamak—kadagiti biagtayo. Umay ti rag-o manipud ken gapu Kenkuana. Isuna ti paggapuan ti amin a rag-o” (“ Joy and Spiritual Survival,” Ensign wenno Liahona, Nob. 2016, 82).
Bayat ti panangbasam iti 1 Pedro 1:3–9; 2:19–24; 3:14–17; 4:12–19, ania ti mangted kenka iti namnama a masarakam ti rag-o uray iti tengnga dagiti narigat a kasasaad?
Maikasaba ti ebanghelio kadagiti natay tapno nalinteg ti pannakaukomda.
Iti maysa nga aldaw, agtakderto ti tunggal tao iti pangukoman ket “mangted iti pakaammo kenkuana nga isu ket sisasagana a mangukom kadagiti sibibiag ken natay” (1 Pedro 4:5). Mabalin a masdaaw ti sumagmamano iti no kasano nga ukomen ti Dios dagiti tattao a nalinteg a maigiddiat dagiti gundawayda a makaawat ken agbiag iti ebanghelio. Kitaen ti doktrina nga insuro ni Pedro iti 1 Pedro 3:18–20; 4:6 a mangtulong kadagiti Santo iti aldawna a maawatan a dagiti panangukomto ti Dios ket nainkalintegan. Kasano a mapatibker dagitoy a bersikulo ti pammatim iti kinasimbeng ken kinalinteg ti Dios?
Tapno ad-adu pay ti adalen iti daytoy a doktrina,agsukisok iti Doktrina ken Katulagan 138, maysa a paltiing a naawat ni Panguluen Joseph F. Smith kabayatan ti panangutobna kadagitoy a sinurat ni Pedro. Ania dagiti bendision a maawat dagiti agaramid kadagiti ordinansa ti ebanghelio a magun-od dagiti miembro ti pamiliada a pimmusayen ken agur- uray pay laeng kadagitoy nga ordinansa?
Kitaen met iti “Panagbuniag para kadagiti Natay,” Gospel Topics, topics.lds.org.
Babaen ti bilegni Jesucristo, mapadur-asko ti nadiosan a sagudayko.
Mariknam kadi a ti panagbalin a kas ken Ni Jesucristo ken padpadur-asen dagiti kababalinna ket imposible? Inted ni Elder Robert D. Hales daytoy a makaparegta a pampanunot maipapan iti no kasano a mapadur-astayo dagiti kababalin a kas iti adda ken ni Cristo: “Dagiti kababalin ti Mangisalakan … ket dagiti nailagalaga a galgalad a naitipon iti maysa ken maysa, a nagdur-as kadatayo iti panagi-innuman a wagas. Iti sabali a pannao, saantayo a magun-od ti maysa a kababalin a kas iti adda ken Cristo no awan met iti pananggun-od ken panangaring kadagiti dadduma. Kas iti panagbalin ti maysa a galad a napigsa, kasta met iti ad- adu pay” (“ Panagbalin a Disipulo ni Apotayo a Jesucristo,” Ensign wenno Liahona, Mayo 2017, 46).
Tunggal saguday a kas iti adda ken Cristo a padur-asentayo ket tulungannatayo a mangabel iti maysa a naespirituan a tapiseria ti kinadisipulo.
Ibilang ti panangbasa iti 2 Pedro 1:1–11 a naigiddan iti mensahe ni Elder Hales. Ania ti masursurom manipud kadagitoy dua nga Apostol a mangtulong kenka iti inka panagkagumaan nga agbalin nga ad-adda a kasla ken ni Jesucristo?
Kitaen met iti 1 Pedro 4:8; David A. Bednar, “Exceeding Great and Precious Promises,” Ensign wenno Liahona, Nob. 2017, 90–93.
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Bayat ti panangbasam kadagitoy a bersikulo a kaduam ti pamiliam, ibilangmo ti panangusar kadagiti bato a mangtulong nga iladawan dagiti pannursuro ni Pedro a ti Mangisalakan ti “bato a panuli.” Kasano a kapadatayo ti “kas batbato a sibibiag[nabiag] nga us-usaren ti Dios a mangbangon iti pagarianna? Ania ti masursurotayo manipud ken ni Pedro maipapan iti Mangisalakan ken ti akemtayo iti pagarianna? Ania ti mensahe ni Pedro iti pamiliam?
No kasanotayo nga “agsagana a kanayon nga ited ti maysa a sungbat” kadagiti agsaludsod kadatayo maipapan iti pammatitayo? Nalabit a magustuan ti pamiliayo dagiti panangyakem a sitwasyon nga adda maysa nga umasideg kadakuada ket agsaludsod maipapan iti ebanghelio.
Ania ti maaramidmo kas maysa a pamilia nga agsursuro maipapan kadagiti pimmusayen a kapupuonyo? Nalabit iti panagkasangay ti pimmusayen a kapuonan mabalinmo ti agluto iti paborito a makan ti kapuonam, idisplay dagiti ladawan, wenno agestoria manipud iti kabibiag dagiti kapuonam. No posible, mabalinmo met ti agplano nga awaten dagiti ordinansa para iti daytoy a kapuonan iti templo.
Kadagitoy a bersikulo, impalagip ni Pedro kadagiti Santo ti padasna iti Bantay ti Panagbalbaliw-langa (kitaen met iti Mateo 17:1–9). Ania ti masursurotayo manipud kadagitoy a bersikulo maipapan kadagiti pannursuro dagiti propeta? (Kitaen met iti DkK 1:38). Ania ti mangted kadatayo iti panagtalek a mangsurot kadagiti sibibiag a propetatayo iti agdama?
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Panangisurotayo
“Agbalin a kanayon a nakasagana.” Dagiti saan a pormal a kanito ti panangisuro iti pagtaengan ket umay ken pumanaw daras, isu a napateg a gundawayan ida no sumangbayda. Kasano ti panagkagumaanam a “sisasagana a kanayon” nga isuro dagiti miembro ti pamiliam dagiti kinapudno ti ebanghelio ken mangibinglay “iti namnama nga adda kadakayo” (1 Pedro 3:15) no kanito ti panangisuro ket sumangbay? (Kitaen ti Panangisuro iti Wagas ti Mangisalakan, 16.)
Nupay naipasango ni Pedro iti adu a pannakaidadanes ken pannakasuppiat, nagtalinaed isuna a natibker iti pammaneknekna maipapan ken ni Cristo.