“Disiembre 2–8. 1–3 Juan; Judas: ‘Ti Dios Isu ti Ayat’” Umaykayo, Sumurot Kaniak—Para kadagiti Indibidual ken Pamilia: Baro a Tulag 2019 (2019)
“Disiembre 2–8. 1–3 Juan; Judas,” Umaykayo, Sumurot Kaniak—Para kadagiti Indibidual ken Pamilia: 2019
Naan-anay nga Ayat, ni Del Parson
Disiembre 2–8
1–3 Juan; Judas
“Ti Dios Isu ti Ayat”
Bayat ti panagbasam ti Dagiti Surat ni Juan ken Judas, agsapul iti pammaregta maipapan iti no kasano nga ipakitam ti ayatmo iti Dios Isuratmo dagiti ania man nga impresion a maawatmo ken agtignay kadagitoy.
Isuratmo Dagiti Impresionmo
Idi insurat ni Juan ken Judas ti sursuratda, ti nakaipadlesan nga ikakalilis iti Kinapudno ket naaramiden, kas bunga ti nakaro a pannakaidadanes ken nadadael a doktrina. Sumagmamano a palso a mannursuro ti nagduadua pay no pudno a nagparang ni Jesucristo “iti lasag” (kitaen, kas pagarigan, 1 Juan 4:1–3; 2 Juan 1:7). Isu nga inrugi ni Apostol Juan ti umuna a suratna babaen iti pannangtedna iti bukodna a panangsaksi iti Mangisalakan: “Daytoy ti pammaneknek a maitedmi maipapan iti dayta a manipud iti punganay, a nangngegantayo, a makitatayo iti matatayo, a saantayo koma kimmita ken kadagiti imami ti maiggaman no saan, ti Balikas ti biag “(Patarus ni Joseph Smith, 1 Juan 1:1 [iti 1 Juan 1:1, footnote iti]). Ngem mabalin a ti kapigsaan a mensahe dagiti surat ni Juan ket ti ayat: Ti ayat ti Dios kadatayo ken ti ayat nga adda kadatayo para Kenkuana ken dagiti amin nga annakna. Kalpasan ti amin, personal a napadasan ni Juan ti ayat ti Mangisalakan (kitaen iti Juan 13:23; 20:2), ket kinalikagumanna dagiti Santo a mariknada ti isu met laeng nga ayat iti sanguanan ti kinarigat ken pannupiat, ta “awan ti buteng ken ayat; no di ket ti ayat a nagdanunan paksiatenna ti buteng” (1 Juan 4:18).
Dagiti Kapanunotan para iti Bukod a Panagadal iti Nasantuan a Kasuratan
Ti Dios ti lawag, ken ti Dios ti ayat.
No maysaka idi a pumili iti maysa wenno dua a balikas a mangiladawan iti Dios, ania da koma? Kadagiti sursuratna, inusar ni Juan dagiti balikas a “lawag” ken “ayat” (1 Juan 1:5; 4:8, 16). Bayat ti panangbasam iti 1 Juan, utobem dagiti padas ni Juan a naisurat iti Ebanghelio ni Juan, ket ibilang no kasano a dagitoy a padas ket mabalinna nga isuro ni Juan maipapan iti lawag ken ti ayat ti Dios. Ania ti naisuro dagiti personal a padas kenka a ti Dios ti lawag ken ayat?
Kitaen met iti Juan 3:16–21; 15:9–17; 2 Nephi 26:24; Doktrina ken Katulagan 50:24; 88:6, 12–13; 93:36–37.
Makapagbalinak a kas ken ni Jesucristo.
Ti kadi panggep a tun-oyen a panagbalin a kas ken ni Cristo ket kasla awan inggana a kinapasindayag kenka? Ibilang ti makaparegta a balakad ni Juan: “Kas kadagiti babassit nga ubbing, agtaengkay kenkuana; tapno inton maiparangarang, addanto panagtalektayo … [ken] agbalintayonto a kas kenkuana” (1 Juan 2:28; 3:2). Ania ti masarakam iti 1 Juan 2:24–3:3 a mangted kenka iti panagtalek ken liwliwa kas disipulo ni Jesucristo? Bayat ti panangsursurom kadagiti sursurat ni Juan, kitaem dagiti dadduma a pagbatayan wenno balakad a makatulong kenka iti inka panagkagumaan nga agbalin nga ad-adda a kasla ken ni Jesucristo.
Kiten met ti Moroni 7:48; Doktrina ken Katulagan 88:67-68; “Becoming Like God,” Gospel Topics, topics.lds.org.
Joseph Smith Patarus, 1 Juan 4:12
Kadi nga “awan pay … ti nakakita iti Dios iti kaano man”?
TiPatarus ni Joseph Smith, 1 Juan 4:12 ket lawlawaganna nga “awan pay ti nakakita iti Dios iti kaano man, malaksid kadakuada a namati” (iti 1 Juan 4:12, footnote ti; kitaen met iti Juan 6:46; 3 Juan 1:11). Naisurat dagiti nasantuan a kasuratan ti sumagmamano a gundaway idi ti Dios nga Ama ket impakitana ti Bagina kadagiti napudno nga indibidual, pakairamanan mismo ni Juan (kitaen iti Apocalipsis 4; kitaen met iti Dagiti Aramid 7:55–56; 1 Nephi 1:8; Doktrina ken Katulagan 76:23; Joseph Smith—Pakasaritaan 1:16–17).
Iti panangipakatko ti pammatik ken ni Jesucristo ket mayanakak manen, maparmekko ti lubong.
Nailanad ti kapanunotan a panangparmek iti lubong iti adu a panawen kadagiti sinurat ni Juan. Insurat ni Juan ti sasawen ni Jesus, “Ditoy lubong addanto rigatyo: ngem mananginanamakayo; siak pinarmekko ti lubong” (Juan 16:33). Ken iti Apocalipsis 2–3, insurat ni Juan dagiti kari ti Apo kadagitoy a mangparmek iti lubong. Ania ti insuro ni Pablo maipapan iti panangparmek iti lubong iti 1 Juan 5:3–5? Bayat ti panangbasam iti 1 Juan 5, sapulem no ania ti nasken nga aramidentayo a parmeken ti lubong ket magun-od ti biag nga agnanayon. Ania ti kasla kitana iti biagmo ti panangparmek iti lubong? Mabalin met masarakam dagiti sungbat ken dagiti nauneg a pannakaammo ken pannakaawat iti mensahe ni Elder Neil L. Andersen “Panangparmek iti Lubong” (Ensign wenno Liahona,Mayo 2017, 58–62).
Dagiti Kapanunotan para iti Sangapamiliaan a Panagadal iti Nasantuan a Kasuratan ken Family Home Evening
Bayat ti panagbasam kadagiti nasantuan a kasuratan iti pamiliam, makatulong kenka ti Espiritu a mangammo no ania dagiti pagbatayan a yunay-unay ken ilawlawag tapno mangipaay kadagiti kasapulan ti pamiliam. Dagitoy ti sumagmamano a singasing:
Tapno matulongan ti pamiliam a mangutob kadagiti pannursuro ni Juan, agummong iti nasipnget a siled ket bay-an dagiti miembro ti pamilia a padasenda ti paggidiatan ti magmagna “iti kasipngetan” ken magmagna “iti ti lawag.” Kasano a ti gura ti makaigapu iti pannagnatayo iti kasipngetan ket maitibkol? Kasano a ti panangay-ayat iti tunggal maysa ket mangisangbay iti lawag kadagiti biagtayo?
Ania kadagitoy a bersikulo ti mangpapigsa iti “panagtalek” nga adda kadatayo iti Dios ken ti kabaelantayo nga umawat kadagiti sungbat dagiti kararagtayo? Mabalinyo met a saraken ti “Kararag” iti Bible Dictionary, Pangiwanwan iti Nasantuan a Kasuratan (scriptures.lds.org), wenno Gospel Topics (topics.lds.org).
Adda kadi dagiti ania man a bilin a saantayo nga ibilang a “nadagsen” wenno narigat a suroten? Kasano a ti panagayattayo iti Dios mabalbaliwanna ti wagas a mariknatayo maipapan kadagiti Bilbilinna?
Makatulong kadatayo ti panagtungpal kadagiti bilin ti Dios a mangparmek iti lubong.
Adda kadi dagiti ania man a naespirituan a pagpeggadan a “simrekda” kadagiti biagtayo ken pamilia? (Judas 1:4). Kasano a surotentayo ti balakad ni Judas a “makidangadangkayo a sibibileg gapu iti pammati” ken mangkedked kadagitoy a peggad? (Judas 1:3). Ania ti mabalintayo nga aramiden tapno masigurado a “talna, ken ayat, umaduda koma” iti pamiliatayo? (Judas 1:2).
Para iti ad-adu pay a kapanunotan para iti panangisuro kadagiti ubbing, kitaen iti balabala iti daytoy a lawas iti Umaykayo, Sumurot Kaniak—Para iti Primary.
Panangpadur-as iti Bukod a Panagadal
Mangsapul iti ayat ti Dios. Insuro ni Elder M. Russell Ballard, “[Ti] ebanghelio ti ebanghelio ti ayat —ayat para iti Dios ken ayat para iti tunggal maysa” (“Ti Ayat ti Dios para Kadagiti Annakna,” Ensign, Mayo 1988, 59). Bayat ti panangbasam kadagiti nasantuan a kasuratan, ibilangmo ti panangisurat wenno panangmarka kadagiti balikas ken ragup dagiti balikas a mangipakita ti pammaneknek iti ayat ti Dios.
Makipagnakayo Kaniak, ni Greg K. Olsen