« ថ្ងៃទី ៩–១៥ ខែ មករា ។ ម៉ាថាយ ២; លូកា ២ ៖ ពួកយើងមកថ្វាយបង្គំទ្រង់ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាថ្មី ឆ្នាំ ២០២៣ ( ឆ្នាំ ២០២២ )

« ថ្ងៃទី ៩–១៥ ខែ មករា ។ ម៉ាថាយ ២; លូកា ២ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២៣

ចូរយើងសរសើរថ្វាយទ្រង់ ដោយ ដាណា ម៉ារីអូ វូឌ

ថ្ងៃទី ៩–១៥ ខែ មករា

ម៉ាថាយ ២; លូកា ២

ពួកយើងមកថ្វាយបង្គំទ្រង់

ពេលដែលបងប្អូនអាន ម៉ាថាយ ២ និង លូកា ២ សូមផ្ដោតយកចិត្តទុកដាក់ទៅលើការយល់ដឹងខាងវិញ្ញាណនានាដែលបងប្អូនទទួល ។ គំនិតសម្រាប់ការសិក្សានៅក្នុងគម្រោងនេះ អាចជួយបងប្អូនឲ្យស្គាល់គោលការណ៍សំខាន់ និងទំនាក់ទំនងនៅក្នុងជំពូកទាំងនេះ ។

កត់ត្រាចំណាប់អារម្មណ៍របស់បងប្អូន

ចាប់តាំងពីថ្ងៃនៃការប្រសូតរបស់ទ្រង់ វាបង្ហាញយ៉ាងច្បាស់ថា ព្រះយេស៊ូវគឺកុមារដ៏អស្ចារ្យ ។ វាពុំគ្រាន់តែជាផ្កាយថ្មីរះឡើងនៅលើមេឃ ឬដោយការប្រកាសរបស់ទេវតាដោយអំណរដែលធ្វើឲ្យភាពជាទារករបស់ព្រះយេស៊ូវមានលក្ខណៈពិសេសនោះទេ ។ វាក៏ជាកត្តាពិតផងដែរដែលមនុស្សស្មោះត្រង់ផ្សេងៗទាំងនោះ—មកពីជាតិសាសន៍ដែលមានវិជ្ជាជីវៈ និងជីវប្រវត្តិផ្សេងៗ—ទទួលអារម្មណ៍ខិតទៅរកទ្រង់មួយរំពេច ។ ពួកគេបានមក តាំងពីមុនទ្រង់ថ្លែងការអញ្ជើញរបស់ទ្រង់ឲ្យ « មកតាមខ្ញុំចុះ » ( លូកា ១៨:២២ ) ។ ពិតណាស់ ពុំមែនមនុស្សគ្រប់គ្នាបានមករកទ្រង់ទេ ។ មានមនុស្សជាច្រើនដែលពុំបានកត់សម្គាល់ពីទ្រង់សោះ ហើយអ្នកគ្រប់គ្រងដែលមានចិត្តច្រណែនថែមទាំងតាមយកព្រះជន្មទ្រង់ទៀតផង ។ ប៉ុន្តែអ្នកស្វែងរកដ៏សុចរិតដែលមានចិត្តរាបទាប បរិសុទ្ធ និងលះបង់ បានមើលឃើញទ្រង់ថាទ្រង់ជានរណា—ថាជាព្រះមេស៊ីដែលបានសន្យារបស់ពួកគេ ។ ការលះបង់របស់ពួកគេបានបំផុសដល់ការលះបង់របស់ពួកយើងផ្ទាល់ចំពោះ « ដំណឹងល្អពីសេចក្ដីអំណរយ៉ាងអស្ចារ្យ » ដែលបាននាំមកពួកគង្វាល គឺសម្រាប់ « មនុស្សទាំងអស់ » ហើយ « មានព្រះអង្គសង្គ្រោះ ព្រះគ្រីស្ទដ៏ជាព្រះអម្ចាស់ » ត្រូវបានប្រសូតមកនៅថ្ងៃនោះដើម្បីយើងទាំងអស់គ្នា ( សូមមើល លូកា ២:១០–១១ ) ។

គំនិតយោបល់សម្រាប់ការសិក្សាព្រះគម្ពីរផ្ទាល់ខ្លួន

លូកា ២:១–៧

ព្រះយេស៊ូវគ្រីស្ទបានប្រសូតមកក្នុងស្ថានភាពដ៏រាបសា ។

ទោះជាព្រះយេស៊ូវគ្រីស្ទមានសិរីល្អជាមួយព្រះ ជាព្រះវរបិតា « កាលលោកីយ៍មិនទាន់បានកើតនៅឡើយ » ក្ដី ( យ៉ូហាន ១៧:៥ ) ក៏ទ្រង់ស្ម័គ្រព្រះទ័យប្រសូតមកនៅក្នុងកន្លែងដ៏តូចទាប ហើយរស់នៅក្នុងចំណោមពួកយើងនៅលើផែនដីដែរ ។ កាលដែលបងប្អូនអាន លូកា ២:១–៧ សូមពិចារណាថា តើដំណើររឿងនៃការប្រសូតរបស់ទ្រង់នេះបង្រៀនបងប្អូនអ្វីខ្លះអំពីទ្រង់ ។ សូមព្យាយាមរកមើលព័ត៌មានលម្អិត ឬការយល់ដឹងនៅក្នុងរឿងនេះ ដែលបងប្អូនពុំបានកត់សម្គាល់កាលពីមុនមក ។ តើការកត់សម្គាល់ចំណុចទាំងនេះជះឥទ្ធិពលដល់អារម្មណ៍របស់បងប្អូនចំពោះទ្រង់យ៉ាងដូចម្ដេច ?

សូមមើលផងដែរ « The Christ Child » ( វីដេអូ ) នៅលើគេហទំព័រ ChurchofJesusChrist.org ។

17:56

ម៉ាថាយ ២:១–១២; លូកា ២:៨–៣៨ ។

មានសាក្សីជាច្រើនដែលបានឃើញការប្រសូតរបស់ព្រះគ្រីស្ទ ។

ការប្រសូត និងទារកភាពរបស់ព្រះគ្រីស្ទត្រូវបានគូសបញ្ជាក់ដោយពួកសាក្សី និងពួកអ្នកថ្វាយបង្គំពីគ្រប់មជ្ឈដ្ឋាននៃជីវិត ។ នៅពេលបងប្អូនសិក្សាដំណើររឿងរបស់ពួកគេ តើបងប្អូនរៀនអ្វីខ្លះអំពីរបៀបដើម្បីថ្វាយបង្គំ និងការធ្វើជាសាក្សីចំពោះព្រះគ្រីស្ទ ?

ទីបន្ទាល់អំពីព្រះគ្រីស្ទ	តើបងប្អូនរៀនអ្វីខ្លះអំពីការថ្វាយបង្គំ និងការធ្វើជាសាក្សីចំពោះព្រះគ្រីស្ទ ?
ទីបន្ទាល់អំពីព្រះគ្រីស្ទ ពួកគង្វាល ( លូកា ២:៨–២០ )	តើបងប្អូនរៀនអ្វីខ្លះអំពីការថ្វាយបង្គំ និងការធ្វើជាសាក្សីចំពោះព្រះគ្រីស្ទ ?
ទីបន្ទាល់អំពីព្រះគ្រីស្ទ ស៊ីម្មាន ( លូកា ២:២៥–៣៥ )	តើបងប្អូនរៀនអ្វីខ្លះអំពីការថ្វាយបង្គំ និងការធ្វើជាសាក្សីចំពោះព្រះគ្រីស្ទ ?
ទីបន្ទាល់អំពីព្រះគ្រីស្ទ អាណ ( លូកា ២:៣៦–៣៨ )	តើបងប្អូនរៀនអ្វីខ្លះអំពីការថ្វាយបង្គំ និងការធ្វើជាសាក្សីចំពោះព្រះគ្រីស្ទ ?
ទីបន្ទាល់អំពីព្រះគ្រីស្ទ ពួកហោរា ( ម៉ាថាយ ២:១–១២ )	តើបងប្អូនរៀនអ្វីខ្លះអំពីការថ្វាយបង្គំ និងការធ្វើជាសាក្សីចំពោះព្រះគ្រីស្ទ ?

សូមមើលផងដែរ នីហ្វៃទី១ ១១:១៣–២៣; នីហ្វៃទី៣ ១:៥–២១; « Shepherds Learn of the Birth of Christ » និង « The Christ Child Is Presented at the Temple » ( វីដេអូ ) នៅលើគេហទំព័រ ChurchofJesusChrist.org ។

2:50

2:3

ម៉ាថាយ ២:១៣–២៣

ឪពុកម្ដាយអាចទទួលបានវិវរណៈដើម្បីការពារដល់ក្រុមគ្រួសាររបស់ពួកគេ ។

យ៉ូសែប ពុំធ្លាប់បានធ្វើនូវអ្វីដែលលោកត្រូវបានសុំឲ្យធ្វើ—ដើម្បីការពារដល់ព្រះយេស៊ូវកាលពីកុមារភាពរបស់ទ្រង់—ដោយគ្មានជំនួយពីស្ថានសួគ៌នោះទេ ។ ដូចជាពួកហោរា គាត់បានទទួលវិវរណៈមួយដែលព្រមានដល់គាត់អំពីគ្រោះថ្នាក់ ។ នៅពេលបងប្អូនអានអំពីបទពិសោធន៍របស់យ៉ូសែបនៅក្នុង ម៉ាថាយ ២:១៣–២៣ សូមគិតអំពីគ្រោះថ្នាក់ខាងសាច់ឈាម និងខាងវិញ្ញាណដែលយើងប្រឈមនាសព្វថ្ងៃនេះ ។ សូមពិចារណាអំពីបទពិសោធន៍ទាំងឡាយនៅពេលដែលបងប្អូនបានទទួលអារម្មណ៍ពីការដឹកនាំរបស់ព្រះ នៅក្នុងការការពារដល់បងប្អូន និងគ្រួសាររបស់បងប្អូន ឬមនុស្សជាទីស្រឡាញ់របស់បងប្អូន ។ ចូរពិចារណាចែកចាយពីបទពិសោធន៍ទាំងនេះជាមួយនឹងអ្នកដទៃ ។ តើបងប្អូនអាចធ្វើអ្វីខ្លះដើម្បីទទួលបានការដឹកនាំដូច្នោះនាពេលអនាគត ?

បន្ថែមពីលើនោះ បងប្អូនអាចនឹងពិចារណាមើលវីដេអូ « The First Christmas Spirit » ( នៅលើគេហទំព័រ ChurchofJesusChrist.org ) សម្រាប់ជាការបរិយាយមួយអំពីអ្វីដែលយ៉ូសែបអាចមានអារម្មណ៍ នៅពេលលោកមានការទទួលខុសត្រូវក្នុងការមើលថែដល់ព្រះរាជបុត្រានៃព្រះ ។

6:41

លូកា ២:៤០–៥២

ទោះជានៅក្នុងយុវវ័យក្ដី ក៏ព្រះយេស៊ូវបានផ្ដោតទៅលើការធ្វើតាមព្រះហឫទ័យរបស់ព្រះវរបិតាទ្រង់ដែរ ។

ក្នុងនាមជាយុវជនមួយរូប ព្រះអង្គសង្គ្រោះបានបង្រៀនដំណឹងល្អយ៉ាងមានអានុភាពដែលសូម្បីតែគ្រូបង្រៀននៅក្នុងព្រះវិហារក៏មានការអស្ចារ្យចំពោះ « ប្រាជ្ញា និងពាក្យចម្លើយ » របស់ទ្រង់ផងដែរ ( លូកា ២:៤៧ ) ។ តើបងប្អូនបានរៀនអ្វីខ្លះមកពីខគម្ពីរទាំងនេះអំពីព្រះអង្គសង្គ្រោះ កាលទ្រង់ជាយុវជនមួយរូប ? តើមនុស្សវ័យក្មេងដែលបងប្អូនស្គាល់កំពុងព្យាយាមធ្វើ « កិច្ចការរបស់ព្រះបិតា [ របស់ពួកគេ ] » យ៉ាងដូចម្ដេច ? ( លូកា ២:៤៩ ) ។ តើពួកយុវវ័យ និងកុមារតូចៗបានជួយបងប្អូនទទួលបានការយល់ដឹងអំពីដំណឹងល្អកាន់តែជ្រាលជ្រៅយ៉ាងដូចម្ដេច ? តើបងប្អូនបានរៀនអ្វីខ្លះទៀតមកពីគំរូពីកុមារភាពរបស់ព្រះយេស៊ូវនៅក្នុង លូកា ២:៤០–៥២ និងនៅក្នុង ការបកប្រែដោយយ៉ូសែប ស្ម៊ីធ, ម៉ាថាយ ៣:២៤–២៦ ( នៅក្នុង ការបកប្រែដោយយ៉ូសែប ស្ម៊ីធ ) ?

« តើមិនជ្រាបថា គួរឲ្យខ្ញុំនៅក្នុងព្រះវិហាររបស់ព្រះវរបិតានៃខ្ញុំទេឬអី ? » ( លូកា ២:៤៩ ) ។

តើការបកប្រែដោយយ៉ូសែប ស្ម៊ីធគឺជាអ្វី ?

ដោយសារតែ មានសេចក្ដីពិត « ដ៏ច្បាស់ និងពិសេសៗទាំងឡាយ » ត្រូវបានបាត់បង់ពីព្រះគម្ពីរបរិសុទ្ធអស់ជាច្រើនសតវត្សរ៍មកហើយនោះ ( នីហ្វៃទី១ ១៣:២៨; សូមមើលផងដែរ ម៉ូសេ ១:៤១ ) ព្រះអម្ចាស់បានបង្គាប់ឲ្យយ៉ូសែប ស្ម៊ីធ ធ្វើកំណែព្រះគម្ពីរបរិសុទ្ធដ៏បំផុសគំនិតមួយ ដែលត្រូវបានស្គាល់ថាជាការបកប្រែដោយយ៉ូសែប ស្ម៊ីធ ។ កំណែថ្មីជាច្រើនដែលត្រូវបានធ្វើឡើងដោយព្យាការី ត្រូវបានដាក់បញ្ចូលទៅក្នុងឧបសម្ព័ន្ធនៃការបោះពុម្ពព្រះគម្ពីររបស់ពួកបរិសុទ្ធថ្ងៃចុងក្រោយ ។ ការបកប្រែដោយយ៉ូសែប ស្ម៊ីធអំពី ម៉ាថាយ ២៤ ត្រូវបានស្គាល់ថាជា យ៉ូសែប ស្ម៊ីធ—ម៉ាថាយ អាចរកបាននៅក្នុងព្រះគម្ពីរមុក្តាដ៏មានតម្លៃមហិមា ។ សម្រាប់ព័ត៌មានបន្ថែមទៀត សូមមើល « ការបកប្រែដោយយ៉ូសែប ស៊្មីធ ( ក.យ.ស. ) » នៅក្នុងសេចក្ដីណែនាំដល់បទគម្ពីរទាំងឡាយ និងអត្ថបទ Gospel Topics « Bible, Inerrancy of » ( នៅលើគេហទំព័រ topics.ChurchofJesusChrist.org ) ។

គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ

លូកា ២ ។សូមអញ្ជើញសមាជិកគ្រួសារឲ្យជ្រើសរើសមនុស្សម្នាក់ដែលបានពិពណ៌នានៅក្នុង លូកា ២ ដោយអានខគម្ពីរមួយចំនួនអំពីការប្រាស្រ័យទាក់ទងរបស់បុគ្គលនោះជាមួយនឹងព្រះអង្គសង្គ្រោះ ហើយចែកចាយអ្វីមួយដែលពួកគេបានរៀនដែលចម្រើនដល់សេចក្ដីជំនឿរបស់ពួកគេទៅលើព្រះយេស៊ូវគ្រីស្ទ ។ ច្រៀងរួមគ្នានូវបទ « ម៉ារាបំពេកូន » ឬ « ចម្រៀងរឿងព្រេងណូអែល » ( សៀវភៅចម្រៀងកុមារ ទំព័រ ២៨–២៩, ៣២–៣៣ ) ។ តើយើងរៀនអ្វីខ្លះ មកពីចម្រៀងទាំងនេះអំពីការប្រសូតរបស់ព្រះអង្គសង្គ្រោះ ?

សូមពិចារណាអំពីរបៀបដែលស្នាដៃសិល្បៈអាចបង្កើនការពិភាក្សារបស់បងប្អូនអំពីការប្រសូតរបស់ព្រះគ្រីស្ទ ។ ( ឧទាហរណ៍ សូមមើល សៀវភៅរូបភាពដំណឹងល្អ ឬ history.ChurchofJesusChrist.org/exhibit/birth-of-Christ ) ។

ម៉ាថាយ ២:១–១២ ។តើយើងរៀនអ្វីខ្លះ អំពីការស្វែងរកព្រះអង្គសង្គ្រោះ ចេញមកពីគំរូរបស់ពួកហោរា ?

លូកា ២:៤១–៤៩ ។តើអ្វីទៅជា « កិច្ចការរបស់ព្រះវរបិតា » ? ( លូកា ២:៤៩; សូមមើល ម៉ូសេ ១:៣៩; ក្បួនខ្នាតទូទៅ ៖ ការបម្រើនៅក្នុងសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ១.២ នៅលើគេហទំព័រ ChurchofJesusChrist.org ) ។ តើយើងរៀនអ្វីខ្លះអំពីកិច្ចការនោះ មកពីដំណើររឿងនៅក្នុង លូកា ២:៤១–៤៩ ? សូមពិចារណាធ្វើការកត់ត្រាអំពីរបៀបខ្លះៗដែលគ្រួសារបងប្អូនអាចចូលរួមនៅក្នុងកិច្ចការរបស់ព្រះវរបិតា ហើយដាក់វាចូលទៅក្នុងក្រឡកែវមួយ ។ អំឡុងសប្ដាហ៍ក្រោយ នៅពេលគ្រួសាររបស់បងប្អូនរកមើលរបៀបដើម្បីជួយដល់កិច្ចការរបស់ព្រះវរបិតាសួគ៌ នោះពួកគេអាចជ្រើសរើសគំនិតយោបល់មកពីក្រឡកែវនោះ ។ សូមរៀបចំពេលមួយជាពេលដែលបងប្អូននឹងចែកចាយបទពិសោធន៍របស់បងប្អូន ។

លូកា ២:៥២ ។តើយើងអាចរៀនអ្វីខ្លះមកពី លូកា ២:៥២ អំពីរបៀបដែលព្រះយេស៊ូវបានអភិវឌ្ឍនៅក្នុងជីវិតរបស់ទ្រង់ ? តើគោលដៅផ្ទាល់ខ្លួន ឬគ្រួសារអ្វីខ្លះ ដែលយើងអាចដាក់ដើម្បីបង្កើន « ប្រាជ្ញារឹតតែច្រើនឡើង ហើយជាទីគាប់ព្រះហឫទ័យដល់ព្រះ និងចិត្តមនុស្សផង » ?

សម្រាប់គំនិតបន្ថែមដើម្បីការបង្រៀនដល់កុមារ សូមមើល គម្រោងមេរៀនសប្ដាហ៍នេះ នៅក្នុងសៀវភៅ ចូរមកតាមខ្ញុំ—សម្រាប់អង្គការបឋមសិក្សា ។

ចម្រៀងដែលលើកទឹកចិត្តឲ្យប្រើ ៖ « ផ្កាយចាំងពន្លឺ » សៀវភៅចម្រៀងកុមារ ទំព័រ ២៤ ។

ការកែលម្អដល់ការសិក្សាផ្ទាល់ខ្លួន

ប្រើជំនួយការសិក្សាព្រះគម្ពីរ ។ ដើម្បីទទួលបានការយល់ដឹងបន្ថែម កាលដែលបងប្អូនសិក្សាព្រះគម្ពីរ សូមប្រើធនធាននានាដូចជា លេខយោង Topical Guide, Bible Dictionary, សេចក្ដីណែនាំដល់បទគម្ពីរទាំងឡាយ និងជំនួយការសិក្សាផ្សេងៗទៀតដែលមាននៅលើគេហទំព័រ ChurchofJesusChrist.org ។