Te Kabanea ni Katairiki, iroun William Henry Margetson

Tuun 5–11

Ioane 14- 17

“Kam Na Maeka N Tangirau”

Ngkai ko wareka ana reirei te Tia Kamaiu ni Ioane 14–17, e na buokiko te Tamnei ae Raoiroi ni kaoti rongorongo ibukim. Korea am namakin ake ko karekei.

Korea Am Namakin

Boong aikai ao ti aranna bwa te “Kabanea n Katairiki,” ma ti aki ataia ngkana ana reirei Iesu a bon ataia raoi, ngke a ikotaki ibukin te bukamaruan n tain te Riao n te ririki, bwa aio bon aia kabanea n amwarake ma aia Tia Reirei imwain matena. E ngae n anne, Iesu, „“e ataia are e a roko ana aua” (Ioane 13:1). E na waekoa ni kaitara te karawawata i Keketemane, kamwaneana ao kakeaana mairouia raoraona aika a kaan Nakoina, ao rawawatan kamarakin te mate iaon te kaibangaki. Ma engae ngke ni kabane raraoma ni bwaai ake ana riki nakoina E katurua ana tai riki nakoia ana reirei ma tiaki Nakoina. Tera ae a na kainanoia n ataia inanon boong ao ririki aika imwaia? Ana reirei Iesu ae amarau n Ioane 14–17 e kaota aron Ana namakin ibukiia Ana reirei, ngkekei ao n te tai aei. Ibuakon mwaitin koaua aika a karaunano are E tibwaia bon te manga kauring bwa, ni bon arona, E na bon aki kitaniira. “Ngkana kam kawakin au tua,” E berita, “kam na maeka n tangirau” (Ioane 15:10).

Iango ibukin te Kamatebwai i bon Iroum ni Koroboki aika Tabu

Ioane 14-15

I kaota au tangira ibukin Iesu Kristo man kawakinan Ana tua.

Ngkai ko wareka Ioane 14–15, ko riai ni taui mwin ke ni mwaakena kamanenaan te taeka tangira. Ko na bae n noora te taeka tuua n mwaiti okiokina n rekereke ma te taeka ae tangira inanon mwakoro aikai. Tera ae ko reiakinna ibukin irekereken te tangira ao tuua imarenaia man ana reirei te Tia Kamaiu? Tera taeka tabeua ao kibu n taeka ae ko kunea n irekereke ma te tangira ni mwakoro aikai?

Iangoia raoi bwa e kanga ana tangira te Tia Kamaiu n anaa nanom?.

Taraa naba Ioane 13:34–35; D. Todd Christofferson, “Kam Na Maeka N AuTangira,” Riaona, Nob. 2016, 48–51.

Te Kabanea ni Katairiki, iroun Clark Kelley Price

Ioane 14–16

Te Tamnei ae Raoiroi e buokai ni kakoroa au kantaninga bwa ana reirei Iesu Kristo.

E bon bae n riki bwa te kauruaki n nano irouia ana reirei n ongo bwa aia tai ma te Tia Kamaiu e nang roko n tokina. Abon bae naba ni karekea te raraoma bwa a na kanga n reitinako ni waaki inanon maiuia n akea Ngaia. Ngkai ko wareka Ioane 14–16, taraia bwa tera are e taekinna te Tia Kamaiu ni manga kauringiia. N etina raoi, nooria bwa tera ae E reireiia ibukin taekan te Tamnei ae Raoiroi. Tera ae ko reiakinna ibukin te Tamnei ae Raoiroi man ana taeka te Tia Kamaiu inanon kiibu aika imwina?

• Ioane 14:16–17, 26

• Ioane 15:26

• Ioane 16:7–11

• Ioane 16:12–15

Bukin tera ana reirei a kainnanoa te aekaki n ibuobuoki aei mairoun te Tamnei ae Raoiroi? E kanga te Tamnei ae Raoiroi n tia ni kakoroa nanon tibwanga aikai ibukim? Iangoia tera ae ko kona ni karaoia n te aro are Ana anainano e na riki ni matoatoa inanon maium.

Taraa naba 3 Nibwaai 19:9; 27:20; Reirei ao Berita aika Tabu 11:12–14; Mote 6:61; Michelle D. Craig, “Spiritual Capacity,” Riaona, Nob. 2019, 19–21.

Ioane 15:1–8

Ngkai kam maeka inanon Kristo, N na uotii uaana aika tamaroa.

“Tera ae nanonaki ni “maeka n tangiran [Kristo]”? (Ioane 15:4). Tera “uaam” ae kaotia bwa ko nim nakon te kain te wain , are e tei ibukin Iesu Kristo?

Ioane 17

Iesu Kristo e tei ibukiia Ana reirei.

Ana taeka Iesu are koreaki n Ioane 17 a ataaki bwa aron te Tataro Ibukiia Tabeman. N te tataro aei, Iesu e tataro ibukiia Ana Reirei ao “ibukiia naba ake ana onimaki [Irouna] rinanon aia taeka” (Ioane 17:20). E nanonaki bwa E bon tataro ibukim. Tera ae bubuti Iesu mairoun Tamana are e tei ibukim ao ni kabane ake taan kakoaua? Tera ae e reireiniko ibukin Ana namakin ibukim?

Te tataro aio e reirei naba bwaninin, koaua aika akea tokina. Tera taian koaua ake ko kunei? Ngkai ko wareka te mwakoro aei, iangoia n koreia bwa tera ae ko reiakinna taekana aika a oti imwina:

• Tataro

• Ana reitaki te Tia Kamaiu ma Tamana

• Ana reitaki te Tia Kamaiu ma Ana reirei

• Ana kanga ana reirei n riki ni kaokoro man te aonaaba

• Koaua tabeua ake a kakaawaki riki iroum

Ioane 17:11, 21–23

Tamara are i Karawa ao Iesu Kristo a kororaoi ni katiteuanaaki.

N Ana tataro n Ioane 17, Iesu Kristo e katuruturua Katiteuanakina ma te Tama. N te kawai raa are te Tama ao te Natin a “katiteuanaaki”? (Ioane 17:11, 21–23). Taraia naba are te Tia Kamaiu e tataro bwa Ana reirei a na kona n riki n teuana “riki n aron”—ke n te aro ae ti te arona n aron—Ngaia ao Tamana ngkai teuana ngaiia (Ioane 17:22). Tera nanon anne iroum? Iangoa aron reitakim—te katooto, ma buum ke tabeman kaain te utu, ma kaain te uoote, ao raom ni Kiritian. Ko na kanga ni mwakuri nakon aekan te katiteuanaki are Iesu e karaoia ma te Tama?

Taraa naba Quentin L. Cook, “Hearts Knit in Righteousness and Unity,” Riaona, Nob. 2020, 18–22; Sharon Eubank, “By Union of Feeling We Obtain Power with God,” Riaona, Nob . 2020, 55–57.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Ioane 14:5–6.Kain am utu a na kona ni kaungaiia n ikaruoruo ni kaira am utu n nakonako iaon te kawai. E kanga Iesu n riki bwa “te kawai”? E na kairiira nakea?

Ioane 14:26–27.E kanga ana rau Iesu ni kaokoro man aekan ae e “anga te aonaaba”? Kaain te utu a kona ni tibwauai kawai ake a tia ni kunea te rau ao te kabebeteaki rinanon te Tamnei ae Raoiroi.

Ioane 15:1–8.E na bon kaunga warekan kiibu aikai itinaniku ni kaan mai kureebe, te aroka, ke te aroka riki teuana. Tera ae na riki nakon te mwaanga ngkana e koutaki man te aroka? Ko kona n taetae bwa ti ngaira kanga ngaira n riki n ai aron te mwaanga ao tera ae nanonaki ni “maeka” n tangiran te Tia Kamaiu ao “kariki uaa.”

Ioane 15:17–27; 16:1–7.Bukin tera ko iangoia bwa Iesu Kristo e kauringiia Ana reirei taekan te bwainikirinaki? A kanga ana reirei Kristo ni bwainikirinaki ni boong aikai? E kanga ana reirei te Tia Kamaiu inanon kiibu aikai ni buokiira ngkana ti kaitaraa te bwainikirinaki?

Ioane 16:33.E kanga Iesu Kristo n tia n tokanikai n te aonaaba? E kanga Ana Mwakuri ni Kamaiu ni uota nakoira te rau ao te kukurei? (taraa naba Reirei ao Berita aika a Tabu 68:6).

Ioane 17:21–23.Tera e na buokiia am utu n reiakinna bwa a na kanga riki ni katiteuanaaki n aron Iesu Kristo ao Tamara are i Karawa? Tao ko kona n taetae n taekan te tiim n takakaro ae mamate te nano iai ao a kanga ni mwakuri n ikotaki nakon aia kouru. Ke ko kona n ongora nakon te kuaea ke taan katangtang ao ni maroroakinna bwa a kanga taan katangitang ni katiteuanaia ni karaoan aia katangitang ae tangiraoi.

Ibukin iango riki tabeua ibukin reireinaia ataei, taraa te kamataata n te wiiki aei n Nakomai, Iriirai—Ibukin te Moanrinan.

Te Anene ae rineaki: “Te Tamnei ae Raoiroi,” Aia Boki n Anene Ataei105.

Kanakoraoan Ara Anga Reirei

Kabonganai bwaai n rawerawe. Ngkai ko reireiniia am utu koroboki aika tabu, iangoia n ongora nakon taian rawerawe ni booki aika tabu, aika kuneaki iaon ChurchofJesusChrist.org ke inanon te Gospel Library app. Te ongora nakon Ioane 14–17 a kona n riki n onoti ni korakora ibukin mwakoro aikai iai inanoia ana taeka te Tia Kamaiu aika a rang mwaiti.

Iesu e reirei, “Ngai kaina, ngkami mwaangana” (Ioane 15:5).