“Tebetembwa 25–Okitobwa 1. I-Karatia: ‘Nakonako Iroun te Tamnei,’” Come, Nakomai, Iriirai–Ibukiia Aomata n Tatabemaniia ao Utu: Te O Tetemanti 2023 (2022)

“Tebetembwa 25–Okitobwa 1. I-Karatia,” Nakomai, Iriirai—Ibukiia Aomata n Tatabemaniia ao Utu: 2023

Tamnei

Kristo e kaoti nakon Bauro n te Karabuti

Te Tia Kamaiu are e manga uti e kawara Bauro n te kaarabuti (taraa Mwakuri 23:11). Iesu Kristo e kona ni kainaomataira man te “amo n toronaki” (I-Karatia 5:1).

Tebetembwa 25–Okitobwa 1

I-Karatia

“Nakonako Iroun te Tamnei”

Ngkana ko wareka I-Karatia, korei am namakin are ko karekei. Karaoan anne e na buokiko ni ururinga ao ni iangoia n taai aika na roko.

Korei Am Namakin

Ana euangkerio Iesu Kristo e anga te inaomata man te kabaebae n tamnei. Ma n tabetai aomata ake a tia n taneiai n inanomatan te euangkerio a totokoia ao “tangiria riki n toro iai” (I-Karatia 4:9). Aio te bwai ae a karaoi I-Karatia aika Itiaki—a tannako man inaomataia are anganiia Kristo (taraa I-Karatia 1:6). Ana Reta Bauro nakoia I-Karatia, ngkanne bon te wewete ae katawe n okirikaaki nakon “te inaomata are e a tia Kristo ni karaoia ibukin kainaomatakira” (I-Karatia 5:1). Te wewete aei bon teuana naba ae ti kainanoa ongoraeakina ao te ongeaba nako iai ibukina ngkai aroaro a bibitaki, ma te ikakorakora imarenan te tautoronaki e bon teimatoa. Ngkai e reirei Bauro, e bon aki tau bwa kam na ti “weteaki nakon te inaomata” (I-Karatia 5:13); ti riai naba n, “teimatoa” inanona (I-Karatia 5:1) man katine iroun te Uea.

Tamnei

te aikaon ibukin te kamatebwai i bon iroum

Iango ibukin te Kamatebwai i bon Iroum ni Koroboki aika Tabu

I-Karatia 1–5

Ana tua Kristo e anganai te inaomata.

Bauro e koroboki nakoia I-Karatia aika Itiaki ngke e ataia bwa a kairaki n te kawai ae bure man reirei aia kairua (taraa I-Karatia 1:6–9). Teuana mai ibuakon reirei aikai bon are ngkana a kan kamaiuaki,Tientaire ake a tia ni kariaia te euangkerio a kainakoaki bwa a na korotobibiaki ao ni kawakin tabeua katei ake man ana tua Mote (taraa I-Karatia 2). Bauro e arani katei aikai bwa te “amo n toronaki” (I-Karatia 5:1). Ngkana ko wareka ana reirei Bauro nakoia I-Karatia, tarai reirei ake e kona ni buokiko n ota bwa tera raoi te inaomata. Ko kona naba n iangoia bwa tera katei aika bure ke tabeua amo n toronaki ake a kona n roko ni maium. Iai bwaai ake a tuukiko man te taneiai n inaomata are e anga te euangkerio? E kanga Kristo ao Ana euangkerio ni “karaoi [ko] n inaomata”? (I-Karatia 5:1).

Taraa naba 2 Nibwaai 2:27; 9:10–12.

I-Karatia 3

Ngai te tia bwaibwai nakon kakabwaia ake a beritanaki nakon Aberaam.

Tabeman I-Karatia aika Itiaki a mutiakinna bwa ibukina ngkai tiaki ngaiia raoi kanoan (“atin”) Aberaam, a na bon aki karekea te kakabwaia are e beritanaki nakon Aberaam, n ikotaki ma te karietataaki. Ma ni kaineti ma I-Karatia 3:7–9, 13–14, 27–29, tera ae a na tau iai aomata n riki bwa “kanoan Aberaam”?

N reiakina taekan taian kakabwai are a beritanaki nakon Aberaam ao kakabwaia are ti na kona ni bwaibwai iai ngaira ake kanoana, taraa Atuun te Euangkerio, “Abrahamic Covenant,” topics.ChurchofJesusChrist.org. Bukin tera kakabwaia ake a beritanaki nakon Aberaam a kakaawaki iroum?

I-Karatia 3:6–25

Aberaam iai ana euangkerio Iesu Kristo irouna.

Te Burabeti Iotebwa Timiti e kabwarabwara: “Ti aki kona ni kakoaua bwa aomata ake a maeka n taai ake ngkoa a bon nanoro man tuua ake a karaoaki mai karawa n aron ae a taku aika mwaiti, ngkai ni kabane a bane ni kamaiuaki rinnanon mwaakan korakoran te babaire ni kabooia, n aron mwaitiia mai mwain rokon Kristo . … Aberaam e anga karea, ao n aki ongean aio, e reiakinaki te euangkerio nakoina” (“The Elders of the Church in Kirtland to Their Brethren Abroad,” The Evening and the Morning Star, Maati 1834, 143, JosephSmithPapers.org). Bukin tera ko iangoia bwa e bon kakawaki ibukiia aika Itiaki n ana tai Bauro n ataia are Aberaam ao tabeman burabeti ake ngkoa iai irouia ana euangkerio Iesu Kristo? Bukin tera e kakaawaki iroum ataakin aei? (Taraa Ereman 8:13–20; Mote 5:58–59; 6:50–66.)

Taraa naba Teachings of Presidents of the Church: Joseph Smith (2007), 45–56.

I-Karatia 5:13–26; 6:7–10

Ngkana I “nakonako iroun te Tamnei,” N na karekea “uaan te Tamnei.”

Kamatebwaian kiibu aikai e kona ni buokiko ni kamatoa bwa e kanga bwaninna are ko nakonako iroun te Tamnei. Ko a tia n taneiai ni uaan te Tamnei ae e taekinaki ni kiibu 22–23? Tera tabeua uaa, ke mwiia, man maiuakinan te tamnei ae ko nooria n am iango? Iangoia bwa tera ae ko kainanoia ni karaoia n ribana raoi te uaai aei. Ko na kanga n ribana te uaa aei ni katamaroa kakawakin te iraorao inanon mauim?

N na ukora te “uaan te Tamnei” inanon maiu.

Ngkana ko kataia n nakonako iroun te Tamnei ma korakoram e aki taraa ni uota te uaa are e beritanaki, wareka I-Karatia 6:7–10. Tera te rongorongo ae ko namakinna are iai iroun te Uea ibukim inanon kiibu aikai?

Taraa naba Aramwa 32:28, 41–43; Reirei ao Berita aika Tabu 64:32–34.

Tamnei

te aikaon ibukin te kamatebwai n te utu

Iango ibukin Kamatebwai ni Koroboki aika Tabu n te Utu ao te Bootaki n te Tairiki

I-Karatia 3:11.Tera ae nanonaki n “maiuakina te onimaki”? Ti kanga ni maiuakina te onimaki n te utu?

I-Karatia 4:1–7.Ko riai ni kabwarabwara I-Karatia 4 man maroroakina te kaokoro imarenan ana toro te uea ao natina. Tera bwaai ke konabwai ae iai iroun natin te uea ao akea iroun te toro? Iangoa te titiraki aei ngkana ko wareka kiibu 1–7. Tera ae reireinira kiibu aikai ibukin taekan ara iraorao ma Tamara are i Karawa?

I-Karatia 5:16–26.Iangoa maroroakinan te kaokoro imarenan ana “mwakuri te rabwata” ao “uaan te Tamnei.” N reita tabeua te kaunga nakon te marooro, am utu a kona ni karinani uanikai aika kakaokoro ma taeka ake e kabonganai Bauro ni kabwarabwara uaan te Tamnei. Ngkanne kaain te utu n tatabeman a kona ni rinea teuana te uanikai, kabwarabwara arona, ao n taetae iaon temanna are anga katooton te uanikai n anne. Aei e kona ni kaira maroroakinan taekan kawai ake am utu a kona ni kaoa te Tamnei inanon mweengaia ao n ribana te uanikai aei. Imwiin te marooro, ko kona ni kukurei n ikotaki ni kana te tiaereti ni uanikai.

I-Karatia 6:1–2.E na bon iai taai ngkana temanna man am utu e na “ituaki n te bure.” Tera reirei ake ko kunei inanon I-Karatia 6:1–2 ibukin bwaai ae e na karaoaki n aron aroaro akan ne?

I-Karatia 6:7–10.Ngkana am utu a tia ni unika te bwai teuana n ikotaki, ko kona ni kabongana te taneiai anne ni kamataata te reirei “bwa te bae e nunikia te aomata, ao e na manga ana naba uaana” (kibu 7). Ke kona n titirakinia kaain te utu taekan uanikai ke bukinikai ake mamatennanoia ao n taetae iaona bwa tera aron karikirakean te aroka are e na karekea te amwarake anne. (Taraa te tamnei ni banen te kamataata aei.) Ko kona n taetae iaon kakabwaia ake am utu a kantaningaia ni karekea ao a na kanga n “anaa uaan” kakabwaia akanne.

Ibukin iango aika a mwaiti ibukin reireinaia ataei, taraa te kamataata n te wiiki aei n Nakomai, Iriirai—Ibukin te Moanrinan.

Anene aika a rineaki: “Teach Me to Walk in the Light,” Aia Boki n Anene Ataei,, 177.

Kanakoraoan Ara Anga reirei

Buokiia am utu bwa a na kakabootauii koroboki aika tabu nakoia. E taku Nibwaai, “I kabootaui kanoan koroboki aika tabu nakon maiura, bwa ti aonga n raka man reireinaki iai” (1 Nibwaai 19:23). Ni buokiia kaain am utu ni karaoa aei, ko kona ni kaoia n iangoi taai are a tia ni karekea te taneiai n te uaanikai n Tamnei ae kabwarabwaraki n I-Karatia 5:22–23. (Taraa Reirei n Ana Kawai te Tia Kamaiu, 21.)