Tamnein Iotebwa mai Aikubita i nanon te onikaikain, iroun Jeff Ward

Maati 7–13

Karikani Bwaai 37–41

“E Mena te Uea iroun Iotebwa”

Ngkai ko wareka Karikani Bwaai 37–41, tataro bwa te Tamnei ae Raoiroi e na buokiko n noori irekereken kiibu nakon maium. Korei iango ake ko karekei.

Korea Am Namakin

N tabetai a riki bwai aika aki raoiroi nakoia aomata aika raoiroi. Te maiu aei e reireiniira te reirei anne, ao e riki naba nakon maiun Iotebwa, are natin Iakobwa. Bon ngaia te tia bwaibwai nakon te berita are karaoia te Atua ma ana bakatibu, ma e ribaaki irouia tarina ao e kaboakinako bwa te kaunga. E aki kukurei bwa e na kabareka itiakina ngke e kabwakaaki iroun buun Botibara ao ngaia are e kabureaki. E taraa n ae n rikiraken raoiroina, e bati riki te kangaanga are e rinanona. Ma kangaanga aikai bon tiaki te kanikina bwa e aki kukurei te Atua. Ni koauana, i nanon bwaai aikai ni kabane, “e mena irouna te Uea” (Karikani Bwaai 39:3). Maiun Iotebwa bon kaotan te koaua ae kakawaki, E na aki mwanuokinira te Atua. “Iriiran te Tia Kamaiu e na aki kakeai kataakim ni kabane,” e reirei Beretitenti Dieter F. Uchtdorf. “Ma, e na katoki baika a tukiko imarenam ma ana buoka te Tama are i Karawa are e na anganiko. E na mena iroum te Atua” (“A Yearning for Home,” Riaona, Nov. 2017, 22).

Iango ibukin te Kamatebwai i bon Iroum ni Koroboki aika Tabu

Karikani Bwaai 37:1–28; 39; 41:9–45

“E memena te Uea iroun Iotebwa” i nanon ana kangaanga.

E riki aei n tainako, te tekeraoi e taraa ni kitana Iotebwa, ma e aki kitanna te Uea. Ngkai ko wareka karakinan Iotebwa, iangoi titiraki n aron aikai: Tera ae e karaoia Iotebwa ni kaania te Uea i nanon ana tai ni kataaki? E kanga ni “mena irouna” te Uea? (Karikani Bwaai 39:2–3, 21, 23).

Ko kona naba n tabeki titiraki ibukin maium. Tera bwai aika ko nori are e a tia iai te Uea n aki mwanuokiniko n am tai ni kangaanga? Iangoia bwa ko na kanga n tibwaa are ko rinanona nakoia kaain am utu ke roro aika a na roko (taraa 1 Nibwaai 5:14). Tera ae ko kona ni karaoia ngkai ni katauraoiko n teimatoa ni kakaonimaki ngkana ko kaitara ma te kanganga n taai aika a na roko?

Taraa naba Ioane 14:18; I-Rom 8:28; Aramwa 36:3; Reirei ao Berita aika Tabu 121:7–8; D. Todd Christofferson, “Te Kimwareirei ae Reke Irouia Aika Itiaki,” Riaona, Nobembwa. 2019, 15–18.

Karikani Bwaai 37:5–11; 40; 41:1–38

Ngkana I kakaonimaki, e na kairai te Uea ao e na kakorakoraai.

E reirei Unimwaane David A. Bednar, “A kaoti taian kaotioti n aanga aika kakaokoro, n aron, te katooto, te mii, te mii ni burabeti, te marooro ma taan uarongorongo mai karawa, ao te kairaki” (“Tamnein te Kaotioti,” Riaona, Meei 2011, 88). E kabongana te mii te Uea ni kaotii koaua nakon Iotebwa, te tia taraa ni man Barao ao ana tia umuum, ao bon Barao. Te Uea e kaota naba nakon Iotebwa bwa e na kanga ni kabwarai mii aikai. Tera ae ko kona n reikinna man Karikani Bwaai 37:5–11; 40:5–8; 41:14–25, 37–38 i aon karekean ao atakin te kaotioti mairoun te Uea? N aron te katooto, tera ae ko reiakinna man bannan Iotebwa ngke e taraa ni kangaanga te oota n te kaotioti? (taraa Karikani Bwaai 40:8; 41:16).

Iotebwa ngke Kabwarai Miia te Tia Taraa Niman Barao ao te Tia Umuum, iroun François Gérard

Iangoia bwa e kanga te Uea ni kaota nanona nakoim. Tera ae ko karaoia ni mwakurii kaotioti are e a tia te Uea n anganiko? Tera arom n ukoukoran te kairi ae bati riki mai Irouna?

Taraa naba Russell M. Nelson, “Te Kaotioti ibukin te Ekaretia, Te Kaotioti Ibukin Maiura,” Riaona, Meei 2018, 93–96; Michelle Craig, “Konabwai n te Maiu n Tamnei,” Riaona, Nov. 2019, 19–21.

Karikani Bwaai 38; 39:7–20

Man ana ibuobuoki te Uea, I kona n tokanikai man te kariiri.

Ngkana ko kariiriaki, ana katooto Iotebwa e kona n anganiko te kaunganano ao te korakora. Ngkai ko wareka are rinanona i nanon Karikani Bwaai 39, tarai baike e karaoi Iotebwa n totokoi kairiiri. Te katooto:

• E “aki kariaia” ana kabwakabwaka buun Botibara (kibu 8).

• E ataia bwa te bure e na kauna te Atua ao tabeman (kiibu 8–9).

• E “aki ongo” nakon kariiri, e ngae ngke e reitinako “n te bong teuana ma teuana” (kibu 10).

• E “katuka kunnikaina … ao e birinako, ao e otinako” (kibu 12).

N ana katooto Iotebwa n am iango, iangoa karaoakin te babaire ibukin totokoan ao te tokanikai i aon te kariiri. N aron te katooto, ko kona n iangoa te kariiri are ko kaitaraa, korei bwaai ake kona taobarai, ao karaoa te babaire n onimakina Tamara are i Karawa ngkana e kaoti te kariiri (taraa 2 Nibwaai 4:18, 27–33).

Kariiri:

Bwaai aika a na taobaraaki:

Bwaai aika a na karaoaki:

Rongorongon korakoran Iotebwa ngke e katairai kairiiri e rimwiaki n te rongorongo ae rangi ni kaokoro ibukin tarira te ikawai ae Iuta, are e kuneaki i nanon Karikani Bwaai 38. Tera ae e reirei mwakoro 37, 38, ao 39, ngkana a botaki, i aon te itiaki?

Taraa naba 1 I-Korinto 10:13; 1 Nibwaai 15:23–24; 3 Nibwaai 18:17–18.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

Karikani Bwaai 37.Ngke arona bwa ngkoe temanna maibuokia tarin Iotebwa, tera ae ko kona ni karaoia ni kanakoa te bakantang man kamamaraan am reitaki ma ngaia? E na kanga ni buobuoki te “aamarau n taetae” i bon imarenara? (kibu 4).

Karikani Bwaai 39.Witeo aika “The Refiner’s Fire” ao “After the Storm” (ChurchofJesusChrist.org) a kaoti karakinaia aomata ake a karekea te korakora man te rairaki nakon te Uea inanon aia kangaanga. Tao kam kona ni mataku n teuana ao ni marooroakinna bwa tera ae na taekinna Iotebwa ngke arona bwa e na karaoa te witeo man baike e rinanona. Kam kona ni bootaki n anenea “I’m Trying to Be Like Jesus” (Children’s Songbook, 78–79) ao tarai reirei are a kona n tibwaia ma Iotebwa ngkae e kaitarai kangaanga.

Karikani Bwaai 39:7–12.Warekan kiibu aikai a kona ni karekea te tai ni marooro iaon tuan te itiaki ma am utu. Aika tabeua bwai ake a kona n ibuobuoki n te marooro: Iakobwa 2:28; Aramwa 39:3–9; “Sexual Purity” (i nanon Ibukin Kakorakoraia Kairake [2011], 35–37); “Sexual Intimacy Is Sacred and Beautiful” (i nanon Help for Parents [2019], AddressingPornography.ChurchofJesusChrist.org).

Karikani Bwaai 41:15–57.Tera ae ti reiakinna man kiibu aikai ngke te Uea e kakabwaia kaain Aikubita rinanon Iotebwa? Tera ae ti kona n reikinna ibukin te katauraoi imwain kanganga aika karina n taai aika a na roko? Marorooakinna bwa kam na kanga n tauraoi n ami utu. Ibukin iango, taraa Gospel Topics, “Emergency Preparedness,” topics.ChurchofJesusChrist.org.

Ibukin iango riki tabeua ibukin reiakinaia ataei, taraa te kanoa n te wiiki aei i nanon Nakomai, Iriirai—Ibukin te Moanrinan.

Te anene ae tamaroa: “Jesus Is Our Loving Friend,” Children’s Songbook, 58.

Kanakoraoan Am Kamatebwai

Kauaei koroboki aika tabu nakon maium. Ngkai ko wareware, iangoia bwa a kanga karaki ao reirei ni koroboki aika tabu ni uaana nakon maium. N aron te katooto, e kanga ana kakaonimaki Iotebwa i Aikubita n kaungako ni kakaonimaki nakon te Uea i nanon taian kangaanga?

Kamataataan tamnein tarin Iotebwa ngke a uotanako ana kunnikai, iroun Sam Lawlor