“UCanzibe 2–8. Eksodus 35–40; Levitikus 1; 16; 19: “Ubungcwele eNkosini” Uze, Undilandele—Eyabantu Ngabanye kunye Neentsapho: iTestamente eNdala 2022 (2021)
“UCanzibe 2–8. Eksodus 35–40; Levitikus 1; 16; 19,” Uze, Undilandele—Eyabantu Ngabanye kunye Neentsapho: 2022
UCanzibe 2–8
Eksodus 35–40; Levitikus 1; 16; 19
“Ubungcwele eNkosini”
Njengoko ufunda izibhalo ezingcwele, nikela ingqalelo kwiimvakalelo zomoya malunga neendlela onokuthi ufane ngazo noBawo waseZulwini kunye noYesu Krestu.
Bhala Iimvakalelo Zakho
Ukushiya iYiputa—njengoko kwakubaluleke kwaye kungummangaliso njengoko kwakunjalo—akuzange kufezekise ngokupheleleyo iinjongo zikaThixo kubantwana bakwaSirayeli. Nkqu nobutyebi bekamva kwilizwe lesithembiso yayingeyonjongo yokugqibela kaThixo kubo. La yayingamanyathelo nje kuphela kwinto awayeyifunela ngokwenene uThixo abantu baKhe: “Yibani ngcwele, kuba ndiyiNgcwele mna, Yehova, uThixo wenu” (Levitikus 19:2). Ingaba uThixo wayefuna ukubenza ngcwele njani abantu baKhe ngelixa babengazi nto ngaphandle kokuthinjwa kwizizukulwana ngezizukulwana? Wabayalela ukuba bakhe indawo engcwele yeNkosi—umnquba entlango. Wabanika iminqophiso kunye nemithetho yokukhokela izenzo zabo kwaye, ekugqibeleni, batshintshe iintliziyo zabo. Bathe xa besilela kwimigudu yabo yokugcina loo mithetho, Yena wabayalela ukuba benze amadini ezilwanyana ukubonisa intlawulelo yezono zabo. Konke oku kwakwenzelwe ukwalatha iingqondo zabo, neentliziyo zabo, kunye nobomi babo kuMsindisi kunye nenkululeko anikela ngayo Yena. Uyindlela eyiyo eya ebungcweleni, kumaSirayeli nakuthi. Sonke sichithe ixesha elithile ekuthinjweni sisono, kwaye sonke siyamenywa ukuba siguquke—sishiye isono ngasemva silandele uYesu Krestu, othembisile, “Ndinako ukunenza ngcwele” (IMfundiso neMinqophiso 60:7).
Ukufumana inkcazo ngokubanzi ngencwadi yeLevetikus, bona “Levetikus” kwisichazi-magama seBhayibhile.
Iingcebiso Zokuzifundela Izibhalo Wedwa
INkosi ifuna ukuba ndibe ngcwele njengaYo.
Eksodus 25–31 ikhankanya imiyalelo yeNkosi eya kumaSirayeli malunga nendlela yokwakha umnquba, apho imimiselo engcwele ingabanceda ukuba babe ngabantu abangcwele. Eksodus 35–40 ichaza iinzame zamaSirayeli zokuthobela le miyalelo. Njengoko ufunda izahluko 35–40, jonga izinto iNkosi eyacela abantu bayo ukuba bazibeke emnqubeni, kwaye ucingisise ukuba zingamelwa yintoni na ezi zinto kwaye zicebisa ntoni kuwe ngokwanda kobungcwele. Ngakumbi cingisisa ukuba ezi zinto zitshintsha njani iingcinga zakho ziye kuMsindisi. Itafile efana nale inokukunceda:
|
Yintoni oyifumeneyo? |
Inokumela ntoni le nto? |
|---|---|
Yintoni oyifumeneyo? Ityeya yomnqophiso (Eksodus 37:1–9; 40:20–21) | Inokumela ntoni le nto? Ubukho bukaThixo; iminqophiso nemiyalelo yaKhe |
Yintoni oyifumeneyo? Isibingelelo sesiqhumiso (Eksodus 40:26–27; bona futhi Eksodus 30:1, 6–8) | Inokumela ntoni le nto? Imithandazo enyukela eNkosini |
Yintoni oyifumeneyo? Isiphatho sezibane okanye isiphatho sezibane (Eksodus 37:17–24) | |
Yintoni oyifumeneyo? Isibingelelo sedini (Eksodus 38:1–7; bona futhi Eksodus 27:1; 29:10–14) | |
Yintoni oyifumeneyo? Isitya sokuhlambela (isitya) samanzi (Eksodus 30:17–21) | |
Ukuba uthathe inxaxheba kwimimiselo yasetempileni, yintoni oyifundayo ngomnquba kwi-Eksodus 35–40 ekukhumbuza ngamava akho apho? (bona futhi “ Iingcinga Zokugcinwa Engqondweni: Umnquba kunye neDini”). Cingisisa ukuba iminqophiso yasetempileni ikunceda njani ukuba ubengcwele ngakumbi njengoBawo waseZulwini kunye noYesu Krestu.
Ngokwenene, ukubakhona nje kwiindawo ezingcwele akusenzi sibe ngcwele. Levitikus 19 ichaza imithetho nemiyalelo eyanikwa yiNkosi ukunceda amaSirayeli andise ubungcwele. Ufumanisa ntoni kule mithetho enokukunceda ube ngcwele ngakumbi? Yintoni oziva uchukumisekile ukuba uyenze ukuze uphile ngokupheleleyo le migaqo?
Bona naye uCarol F. McConkie, “The Beauty of Holiness,” Liyahona, Canzibe 2017, 9–12; “The Tabernacle” (umfanekiso bhanyabhanya), ChurchofJesusChrist.org; Isichazi-magama seBhayibhile, “Ubungcwele”; temples.ChurchofJesusChrist.org.
INkosi indicela ukuba ndenze iminikelo yam ngentliziyo evumayo.
Kunyaka emva kokuphuma eYiputa, ubudlelwane babantwana bakwaSirayeli noYehova bunokuchazwa njengobo babungangqinelaniyo. Kwaye ngoku, njengoko ufunda Eksodus 35:4–36:7, qaphela indlela awasabela ngayo amaSirayeli kumyalelo wokwakha umnquba. Ufunda ntoni kumaSirayeli enokukunceda ukhonze ngcono iNkosi?
UMongameli Bonnie L. Oscarson wafundisa: “Ilungu ngalinye kufuneka lazi ukuba lifuneka kangakanani. Umntu ngamnye unento ebalulekileyo yokwenza igalelo kwaye uneetalente ezizodwa kunye nezakhono ezinceda ukuhambisa lo msebenzi ubalulekileyo kunye” (“Young Women in the Work,” Liyahona, UCanzibe 2018, 37). Njengoko ufunda Eksodus 36:1–4, cingisisa ngoko iNkosi “ikubekileyo” kuwe. Cinga ngokubuza uBawo waseZulwini ukuba ukunike ntoni ukuze ukwazi ukuthatha inxaxheba emsebenzini waKhe.
Oonyana bakaSirayeli banikela iminikelo yomnquba “ngentliziyo evumayo” (Eksodus 35:5). Umzobo nguCorbert Gauthier, © Collection Lifeway/imvume ivela kwi-goodsalt.com
NgeNtlawulelo kaYesu Krestu, ndingaxolelwa.
Uninzi lwencwadi lweLevitikus lusenokubonakala lungaqhelekanga kuthi—amadini ezilwanyana, amasiko awabandakanya igazi namanzi, nemithetho elawula iinkcukacha zobomi. Kodwa ezi zithethe kunye nemithetho zazenzelwe ukufundisa imigaqo eyaziwayo—inguquko, ubungcwele, kunye neNtlawulelo yoMsindisi. Ukufumana le migaqo njengoko ufunda Levitikus 1:1–9; 16, qwalasela imibuzo efana nale: Ndingafunda ntoni kula madini ngoYesu Krestu nedini laKhe lokuhlawulela? Ndifana njani nabo abenza la madini? Unokucinga ngokujonga kwakhona “ Iingcinga Zokugcinwa Engqondweni: Umnquba kunye neDini ” kwesi sixhobo kunye “Idini” kwisiKhokelo kwiZibhalo (scriptures.ChurchofJesusChrist.org).
Ingcebiso Zofundo Lwezibhalo Ezingcwele Zosapho kunye Nomhlangano Wangorhatya Wosapho
-
Eksodus 36:1–7.Kwi-Eksodus 36:1–7, sifunda ntoni kwindlela amaSirayeli awaphendula ngayo kumyalelo wokwakha umnquba? Njengosapho, ningacinga ngeendlela iNkosi esimemele ngazo ukuba sithathe inxaxheba emsebenzini waYo. Singawulandela njani umzekelo wamaSirayeli?
-
Eksodus 40.Njengoko nifunda Eksodus 40 kunye, ninokumema amalungu osapho ukuba aphakamise izandla ngalo lonke ixesha esiva ibinzana elithi “njengoko iNkosi iyalelayo.” Sifunda ntoni kwesi sahluko ngokuthobela iNkosi?
-
Eksodus 40:1–34.Njengoko nifunda ngokudityaniswa komnquba kwi-Eksodus 40, ningasebenzisana ekuchongeni iindawo ezohlukeneyo zomnquba, nisebenzisa umfanekiso ohamba nesi sishwankathelo. Ukudibanisa le ngxoxo nonqulo lwasetempileni kule mihla yethu, ninokuphonononga kunye “Kutheni abaNgcwele beMihla yokuGqibela Besakha iiTempile”(temples.ChurchofJesusChrist.org) okanye nibukele umboniso bhanybhanya “Iitempile” (ChurchofJesusChrist.org).
-
Levitikus 19.Amalungu osapho angafumana umqolo kwesi sahluko awaziva ukuba uya kubanceda “babe ngcwele” (Levitikus 19:2) kwaye babelane ngawo nosapho.
Ngeengcebiso ezithe vetshe malunga nokufundisa abantwana, bona isishwankathelo saleveki kwi-Come, Follow Me—For Primary.
Iculo elicetyiswayo: “More Holiness Give Me,” Hymns, no. 131.
Ukuphucula Ukuzifundela Izibhalo Wedwa
Khangela uYesu Krestu. Zonke izibhalo ezingcwele, kwaneTestamente eNdala, ziyangqina ngoYesu Krestu. Njengoko ufunda iTestamente eNdala, cingisisa ukuba yintoni imiqondiso, nabantu, kunye neziganeko ezinokukufundisa yona ngoMsindisi.
The Ancient Tabernacle, nguBradley Clark (Umnquba Wamandulo)