“EyeSilimela 20–26. 2 Samuweli 5–7; 11–12; 1 OoKumkani 3; 8; 11: ‘Buya Kuqina Ubukumkani Bakho Kude Kuse Ephakadeni,’” Uze, Undilandele—Eyabantu Ngabanye kunye Neentsapho: iTestamente eNdala 2022 (2021)

“EyeSilimela 20–26. 2 Samuweli 5–7; 11–12; 1 OoKumkani 3; 8; 11,” Uze, Undilandele—Eyabantu Ngabanye kunye Neentsapho: 2022

Umfanekiso

UKumkani uDavide ehleli kwitrone

King David Enthroned, nguJerry Miles Harston (Ukumkani uDavide Ehleli Etroneni)

EyeSilimela 20–26

2 Samuweli 5–7; 11–12; 1 OoKumkani 3; 8; 11

“Buya Kuqina Ubukumkani Bakho Kude Kuse Ephakadeni”

“Sonke isibhalo, siphefumlelwe nguThixo nje, sikwancedela ukufundisa, ukohlwaya, ukululeka, ukuqeqesha okusebulungiseni” (2 Timoti 3:16).

Bhala Iimvakalelo Zakho

Ulawulo lukaKumkani uDavide lwaqala ngesithembiso esikhulu. Ukholo lwakhe olungathandabuzekiyo ekweyiseni uGoliyati lwaluyimbali edumileyo. Njengokumkani, waye wakhusela iYerusalem njengondlunkulu wakhe kwaye wamanyanisa uSirayeli (bona 2 Samuweli 5). Ubukumkani abuzange bubeliqilima ngoluhlobo. Kwaye ngokunjalo uDavide wanikezela kwisihendo kwaye waphelelwa ngamandla akhe okomoya.

Ulawulo lonyana kaDavide uSolomon ngokufanayo nalo lwaqala ngesithembiso esikhulu. Ubulumko bakhe owabufumana ngobuThixo kunye nocalulo lwakhe lwaluyimbali edumileyo. Njengokumkani, waye wandisa imida kaSirayeli kwaye wokhela iNkosi itempile entle. Ubukumkani abuzange bubeliqilima ngoluhlobo. Ngokunjalo naye uSolomon ngobudenge wavumela intliziyo yakhe ukuba iguqukele kwabanye oothixo.

Yintoni esinokuyifunda kula mabali abuhlungu ngoluhlobo? Mhlawumbi isifundo esinye sesokuba kungakhathalisekanga ukuba ngawaphi amava ethu wexesha elidlulieyo, amandla ethu okomoya axhomekeke kukhetho esilwenzayo namhlanje. Singabona kwakhona kwezi ngxelo ukuba akungawo amandla ethu okanye inkalipho yethu okanye ubulumko bethu obuya kusisindisa—kungobeNkosi. La mabali asibonisa ukuba ithemba lokwenene likaSirayeli—kunye nelethu—alikho kuDavide, kuSolomon, okanye nakweyiphina ikumkani yasemhlabeni, kodwa komnye “unyana kaDavide”: uYesu Krestu (Mateyu 1:1), uKumkani waNaphakade oya “kuxolela isono sabantu [baKhe]” ukuba thina “sibuyela [kuYe]” (1 OoKumkani 8:33–34).

Ngesishwankathelo ngeencwadi zika 2 Samuweli kunye no 1 OoKumkani, bona “Samuweli, iincwadi zika” kunye no“Ookumkani, iincwadi zika” kwiSichazi–magama seBhayibhile.

Umfanekiso

umfanekiso wokuzifundela wedwa

Iingcebiso Zokuzifundela Izibhalo Wedwa

2 Samuweli 5:17–25

INkosi ingandinika isikhokelo.

Akuba uDavide ekwazile ukumanya uSirayeli (bona 2 Samuweli 5:1–5), kwakumele akhusele abantu bakhe kumaFilisti. Njengoko ufunda 2 Samuweli 5:17–25, cingisisa ngendlela umzekelo kaDavide ongakunceda ngayo kwimicelingeni ojongene nayo (bona futhi 1 Samuweli 23:2, 10–11; 30:8; 2 Samuweli 2:1). Ingaba usifuna kanjani isikhokelo seNkosi ebomini bakho? Ingaba usikeleleka kanjani ngokwenza intshukumo kwisityhilelo osifumanayo?

Bona futhi 1 IziKronike 12.

2 Samuweli 7

Yintoni “indlu” iNkosi eyayiyithembise uDavide?

Xa uDavide wanikela ngokwakhela iNkosi indlu, kutsho itempile (bona 2 Samuweli 7:1–3), iNkosi yaye yaphendula ngokwenene ukuba unyana kaDavide wayeya kuyokha (bona imiqolo 12–15; bona futhi 1 IziKronike 17:1–15). INkosi yatsho kwakhona ukuba Yona yayiya kwakhela uDavide “indlu,” kutsho ukuthi inzala, kwaye ukuba itrone yakhe yayiya kuqhubeka ngonaphakade (bona 2 Samuweli 7:11, 16, 25–29; IiNdumiso 89:3–4, 35–37). Esi sithembiso saye sazalisekiswa kuYesu Krestu, uKumkani wethu waNaphakade, owayeyinzala kaDavide (bona Mateyu 1:1; Luka 1:32–33; Yohane 18:33–37).

2 Samuweli 11; 12:1–14

Kumele ndisoloko ndilungele ukuqobisana nesono.

Ukunyaniseka kukaDavide eNkosini kwixesha elidlulileyo akuzange kumenze ukuba akhululwe esihendweni xa yena “wahamba wahamba phezu kophahla lwendlu” kwaye “wabona umfazi ezihlamba” (2 Samuweli 11:2). Cingisisa ngezifundo ongazifunda kula mava wakhe. Imibuzo efana nale isenokukunceda ufunde le ngxelo:

Loluphi ukhetho uDavide awalwenzayo olwathi lwamkhokelela phantsi emgaqweni ogcwele isono esikhulayo? Loluphi ukhetho olulungileyo awayenokulwenza endaweni yoko?
Ingaba utshaba lungazama kanjani ukukukhokelela phantsi emgaqweni ogcwele isono ebomini bakho? Loluphi ukhetho ongalwenza ngoku ukubuyela elukhuselekweni?

Bona futhi 2 Nifayi 28:20–24.

1 OoKumkani 3:1–15

Isipho sokwahlula sindinceda ukuba ndohlule phakathi kokulungileyo nokugwenxa.

Ukuba iNkosi ibingathi kuwe, “Cela into, ndikuphe” (1 OoKumkani 3:5), yintoni ubungayicela? Yintoni ekuchazayo malunga nesicelo sikaSolomon? Cinga nzulu malunga nokuba kutheni “intliziyo evayo” yokuba “ahlule phakathi kokulungileyo nokungendawo” (umqolo 9) isisipho esixabisekileyo? Yintoni ongayenza ukufuna esi sipho?

Bona futhi 2 IziKronike 1; Moronayi 7:12–19.

1 OoKumkani 8:12–61

Itempile yindlu yeNkosi.

Eminyakeni engamakhulu ngamakhulu, ubukho bukaThixo babuboniswa ngumnquba ophathwayo owawokhiwe nguMoses. Nangona uDavide wayefuna ukwakhela uThixo indawo yokuhlala esisigxina, uThixo endaweni yoko waye wakhetha unyana kaDavide, uSolomon ukuba okhe itempile yeNkosi. Njengoko ufunda umthandazo kaSolomon kunye namazwi awaye wawathetha ebantwini bakhe emveni kokugqiba itempile, qaphela indlela awayeziva ngayo malunga neNkosi kunye nendlu yaYo. Usenokwenza uluhlu lweentsikelelo uSolomon awazicelayo emthandazweni wakhe. Yintoni oyiqaphelayo malunga nezi ntsikelelo? Ingaba usikelelwa kanjani yindlu yeNkosi namhlanje?

Bona futhi 2 IziKronike 6.

Umfanekiso

umfanekiso wofundo losapho

Iingcebiso Zofundo Lwezibhalo Zosapho kunye Nomhlangano Wangorhatya Wosapho

2 Samuweli 5:19, 23.Siye “sabuza kuYehova” nini isikhokelo kunye nolwalathiso? Ingaba Yena usiphendule kanjani?

2 Samuweli 7:16.Xa iNkosi yayixelela uDavide, “Itrone yakho iya kuqiniseka kude kuse ephakadeni,” Yona yayibhekisa kwikumkani yexesha elizayo emgceni wosapho lukaDavide eyayiya kulawula naphakade: uYesu Krestu. Mhlawumbi usapho lwakho lungonwabela ukudala izithsaba ezenziwa ekhaya xeshikweni luxoxa ngokuba kutheni lunombulelo ngokuba uYesu Krestu eyiKumkani yenu yaNaphakade.

2 Samuweli 11.Ukufunda malunga nezono zikaDavide ezibuhlungu kusenokuba lithuba elilungileyo lokuxoxa ngeengozi zoburheletya, zeengcinga ezingcolileyo, kwakunye nezobubi. Ezi zixhobo zilandelayo zingabaluncedo olukhulu kwingxoxo yenu: ukukhutshwa kweLiyahona, yeDwarha 2019 izixhobo zeBandla ezijongana noBurheletya (ChurchofJesusChrist.org/addressing-pornography). Amalungu osapho angenza isicwangciso malunga nento awaza kuyenza xa ehlangabezana noburheletya.

1 OoKumkani 11:9–11.Ngabaphi abanye “oothixo bambi” (umqolo 10) abangaguqula iintliziyo zethu kude neNkosi? Ingaba singazigcina kanjani iintliziyo zethu zigxile kuBawo OseZulwini kunye nakuYesu Krestu?

Ngeengcebiso ezithe vetshe malunga nokufundisa abantwana, bona isishwankathelo saleveki kwiCome, Follow Me—For Primary.

Iculo elicetyiswayo: “More Holiness Give Me,” Hymns, no. 131.

Ukuphucula Ukufundisa Kwethu

Qwalasela kwimigaqo eya kusikelela usapho lwakho. Njengoko ufunda ngokuthandaza ilizwi likaThixo, zibuze oku, “Yintoni endiyifumana apha eya kubanentsingiselo ngakumbi kusapho lwam?” (bona Teaching in the Savior’s Way, 17).