Tamnein Eritaia ngke e kaota te kaa te ai nakon ana toro, © Review & Herald Publishing/licensed from goodsalt.com

Turai 4–10

2 Uea 2–7

“Bon Iai te Burabeti i buakoia Iteraera”

Ao ngkana ko wareware ni koroboki aika tabu, te Tamnei ae Raoiroi e na uota nakon ami iango mwakoro ni kibuntaeka ao rongorongo. Iangoia korei bwa bukin tera ngkai a rangi ni boongana rongorongo akanne nakoim.

Korei Am Namakin

Oin ana mition te burabeti bon te reirei ao te kakoaua ibukin te Tia Kamaiu Iesu Kristo. Ara rongorongo ibukin te burabeti ae Eritaia, e ngae n anne, akea taekan rongorongon ana anga reirei ke ana kakoaua ae karinaki. Te rongorongo are e tii karinaki bon tii ana kakai Eritaia are e karaoi, n raonaki ma kateirakean te ataei man te mate (taraa 2 Uea 4:18–37), kamwarakeaia te uanao n aomata ma te amwarake ae aki rang tau mwaitina (taraa 2 Uea 4:42–44), ao ni kamarurunga te rebera (taraa 2 Uea 5:1–14). Ngaia are ngkai akea ana taeka Eritaia ni kakoaua ibukin Kristo, iai iroura, rinanon ana mwakuri Eritaia, te kaotioti ae rangi ni korakora n te maiu are e anga te Uea, te kanuaaki, ao te mwaaka ni kamaiu. Kaotioti n aron aikai a rangi ni mwaiti inanon maiura nakon riki are ti ataia. N te aro bwa ti na kona n noori, ti kainnanoia n ukora te kakai are e ukoria Eritaia ngke e tataro n tei ibukin ana toro ae ataei ae kimamaaku, “Iehova I butiko ba Ko na kaure matana ba e na noraba” (2 Uea 6:17).

Ibukin rongorongon riki te ka 2 Uea, taraa “aia boki, Uea” n te Bible Dictionary.

Iango ibukin te Kamatebwai i bon Iroum ni Koroboki aika Tabu

2 Uea 2–6

E kona ni karaoi kakai te Atua inanon maiu.

N angiin te tai ao kakai a buokiira n tokanikai iaon kangaaga n te maiu ae mamate—n ana tai Eritaia, te aba ae mwauteretere e kainnanoa te ran ae itiaki ao te angaraa are e bua e kainnanoa kaokana (taraa 2 Uea 2:19–22; 6:4–7). Ma taian kakai a bitii nanora nakon te Uea ao n reiireiniira reirei n te maiu n tamnei. Ngkai ko wareka 2 Uea 2–6, iangoia korei rinanin taian kakai ake ko kunei, ao iangoi reirei n te maiu n tamnei ake ko reiakin man te kakai teuana ma teuana. Tera ae ko reiakinaki man kakai aikai ibukin te Uea ao tera ae E kona ni karaoia inanon maium?

Taraa naba 2 Nibwaai 26:12–13; 27:23; Momoon 9:7–21; Moronaai 7:35–37; Donald L. Hallstrom, “Has the Day of Miracles Ceased?” Riaona, Nob. 2017, 88–90.

2 Uea 4:8–17; 7:1–16

A kakoroaki bukin ana taeka te Uea rinanoia Ana burabeti.

N aron ae koreaki n 2 Uea 4:8–17; 7:1–16, te Uea e anaa nanon Eritaia bwa e na taetae ni burabetii bwaai aika a na roko—bwaai ake a taraa, n aki koro nanoia, man aia nonoori tabeman. Ngkai ko wareki kiibu aikai, iangoia bwa ko na kanga ni kaeka ana taeka te uea rinanoia Ana burabeti n te bong aei. Tera anga reirei, taetae ni burabeti, ke berita ake ko ongo mairouia burabeti aika a maiu? Tera ae ko karaoia ni mwakuri inanon te onimaki berita akanne?

Taraa naba 3 Nibwaai 29:6; Reirei ao Berita aika Tabu 1:37–38.

2 Uea 5

Ngkana I nanorinano ao n ongotaeka, e kona ni kamaiuai Iesu Kristo.

N taai tabeti e bebete kakaeakin nanon te bwai ae onoti ni koroboki aika tabu ngkana ko kabotaui bwaai n te rabwata inanon te karaki ma bwaai n tamnei. N aron te katooto, inanon warekan 2 Uea 5, ko kona ni kabotaua reeberan Naaman ma kaewenakoam n te maiu n tamnei are ko kaitara ma ngaia. N aron Naaman, tao ko kantaingaia bwa te Uea e na “karaoa te bwai teuana ae abwabwaki” (te kibu 13) ni buokiko. Tera ana taneiai Naaman ae ko reiakinaki iai? Inanon maium, a na tera te booraoi n ririmwian bebeten te reirei n “tebotebo, ao n itiaki”?

Ataia bwa e kanga ana taneiai Naaman n roota ana onimaki iroun Atuan Iteraera (taraa te kibu 15). Tera taneiai ae a tia ni kakorakora am onimaki iroun te Atua?

Taraa naba Ruka 4:27; 1 Betero 5:5–7; Aramwa 37:3–7; Ita 12:27; L. Whitney Clayton, “Whatsoever He Saith unto You, Do It,” Liahona, Meei 2017, 97–99; “Naaman and Elisha” (witeo), ChurchofJesusChrist.org.

2 Uea 6:8–23

“Tai maaku: bwa a mwaiti riki aika mena iroura nakoia aika a mena irouia.”

Ko a tia n namakina ae ko aki warekaki ao ni maaku, n miimi, n aron are e riki nakon ana toka ae ataei Eritaia, “Tera arora ae ti na karaoia?” (taraa 2 Uea 6:8–23). Tera ae kaunga nanom ibukin ana kaeka Eritaia? E kanga te rongorongo aei ni bita am iango ao am namakin ibukin kataakim, katabeam, ke am kekeiaki ni maiuakina te euangkerio?

Ngka ko iangoia, iangoa ana taeka Beretitenti Henry B. Eyring: “N aron ana toro Eritaia, a mwaiti riki ake a mena irarikim nakoia naake ko nooria bwa a kaitarako. Tabeman ake a mena iraikim ko aki kona n nooria ni matam n rabwata. E na tabekikorake te Uea ao e na bon karaoia inanon te tai man weteia tabeman bwa a na mena irarikim” (“O Ye That Embark,” Riaona, Nob. 2008, 58).

Tara naba Taian Areru 121; Reirei ao Berita aika Tabu 84:88.

Iango ibukin Kamatebwai ni Koroboki aika Tabu n te Utu ao te Bootaki n te Tairiki

2 Uea 2:1–14.Iangoia aomata ake a noora Eritaia n “anaa” niniran Eria (ke kunnikaina—kanikinaean te nakoa ni burabeti). E na kanga aei n roota te aro are a na kaeka nakon ana mwakuri Eritaia? (Taraa naba 2 Uea 19:19.) A kona kaain te utu n ikaruoruo ni karina iaoia te “ninira” ao ni kakoauai kawai ake a tia n noora iai ana boutoka te Uea ao ni kakorakoraia naake a weteaki bwa a na beku n ana Ekaretia.

2 Uea 4.Ko kona ni kaoia kaain te utu bwa a na wareka teuana te kakai inanon 2 Uea 4 (tarai kiibu 1–7, 14–17, 32–35, 38–41, 42–44) ao korea te kamwaninga are e na buokiia kaain te utu ake tabeman ni keetinna bwa tera te kakai are e kabwarabwara teuanne ke neienne. Tera ae ti reiakinna ibukin te Uea ao Ana kakai man te mwakoro aei? Tera kakai—a bubura ke a uarereke—ake ti a tia n noori inanon maiura?

2 Uea 5:1–15.Ngkai ko wareki kiibu aikai ao iangoa te bwai ae bebete are e tuangaki Naaman bwa e na karaoia, iangoi bwaai aika a uarereke ake a tuangiira ara burabeti bwa ti na karaoi. A na kanga ara utu n irii raoi ana reirei?

A kona naba am utu ni mataku n te witeo “Naaman and Elisha” (ChurchofJesusChrist.org) ke wareka “Eritaia ngke e Kamarurunga Naaman” (inanon Karaki n te O Tetemantil).

2 Uea 5:20–27.E kanga Keati n reke arona man warekan “Kokoaua ao Etieti” inanon Ibukin Kakorakorakiia Kairake? (iteraniba 19). Ti na kanga n rootaki n te aki kokoaua? Ti kanga ni kakabwaiaaki ngkai ti riki ni kokoaua?

2 Uea 6:13–17.A kona am utu ni kukurei ngkana a korea tamnein te bwai are e rinanon Eritaia ao ana toka are e kabwarabwaraaki inanon kiibu aikai. A kanga kiibu aikai ni buokiira ngkana ti namakina te maroaa ke ni karawawataaki?

Ibukin riki iango ibukin reiakinaia ataei, taraa te kamataata n te wiiki aei inanon Nakomai, Iriirai—Ibukin te Moanrinan.

Te anene are rineaki: “Dearest Children, God Is Near You,” Boki n Anene, no. 96.

Kanakoraoan Ara Anga reirei

Titiraki aika a kaunganano. Titiraki mairouia ataei bon kaotana bwa a tauraoi nakon te reiakinaki. Ngkana ko aki ataa kaekaan aia titiraki, kakaei kaeka ma ngaiia. (Taraa Reirei n Ana Kawai te Tia Kamaiu, 25–26.)

Tamnein Naaman ngke e kamarurungaki man te aoraki ae te rebera, iroun Paul Mann