juon em̧m̧aan ej ekkatak jeje ko rekwojarjar

O̧kwōj 29–Jeptōm̧ba4

Jabōn Kōnnaan Ko 1–4; 15–16; 22; 31; Ekklisiastis 1–3; 11–12

“Mijak Irooj Jinoin Jeļāļo̧kjeņ”

Ļōmņak kōn wāween am̧ ekkatak jān Jabōn Kōnnaan Ko im Ekklisiastis maron̄ jipan̄ eok “kajeorļo̧k lo̧jiln̄ūm̧ n̄an mālōtlōt, im kappukot jeļāļo̧kjeņ kōn būruōm̧” (Jabōn Kōnnaan Ko 2:2).

Je En̄jake ko Rej Im̧we Eok

Ilo jebta eo jinoin ilo bok in Jabōn Kōnnaan Ko, jej lo naan kein: “Nejū, kwōn eo̧ron̄ naan in katak an jemam̧, im kwōn jab ilo̧k jān kien an jinōm̧” (Jabōn Kōnnaan Ko 1:8). Jabōn Kōnnaan Ko maron̄ bar loi āinwōt koba in naan in kapilōk ko jān ro jined im jemād ro rej iakwe kōj, lukkuun ennaan eo an ej bwe kōjeraam̧m̧an ko kōn aenōm̧m̧an im jeraam̧m̧an rej n̄an ro rej kappukot māletlet—eļaptata kain māletlet eo Anij ej letok. Ak Jabōn Kōnnaan Ko ej itok m̧okta jān Ekklisiastis, āinwōt ej ba, “Ejjab pidodo pukot jeļāļo̧kjeņ.” Rikwaļo̧k naan eo ekar kout tok jān Ekklisiastis ekar lo bwe e ekar “likūt [buruōn] n̄an jeļā mālōtlōt” ak jej lo wōt “kan̄ kōto” im “eļap būrom̧ōj” (Ekklisiastis 1:17–18). Ilo wāween ko rellōn̄, bok eo ej kajjitōk, “Emaron̄ ke lōn̄ men ko raorōk ilo juon laļ ijo aolep men ko rej waan, jidik wōt iien, im tarpok?”

Im aaet, ilo an bok kein ruo kalimjōk mour kōn ļōmņak ko roktak, rej katakin kōn m̧ool ko rej āinwōt juon. Ekklisiastis ej kwaļo̧k: “Em̧ōj ron̄jake aolepen: Kwōn mijak Anij, im pokake kien ko An: bwe en̄in aolepen kōm̧m̧an em̧m̧an an armej ro” (Ekklisiastis 12:13). En̄in ej ejja pedped in katak eo wōt me jej loe ilo Jabōn Kōnnaan Ko: “Kwōn lōke Irooj kōn aolepen būruom̧. … Kwōn jab mālōtlōt wōt ilo mejam̧: kwōn mijak Irooj” (Jabōn Kōnnaan Ko 3:5,7). Jekdo̧o̧n ta eo kwoj ioone ilo mour in, jekdo̧o̧n n̄e etarpok ak ekapokpok, aolep iien em̧m̧an n̄e jej lōke Irooj Jisōs Kraist.

N̄an juon tukaduin meļeļe an bok kein, lale “Proverbs, bookof” im “Ecclesiastes” ilo Bible Dictionary.

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Jabōn Kōnnaan Ko 1–4; 15–16

“Kwōn kajeorļo̧k lo̧jiln̄ūm̧ n̄an mālōtlōt.”

Bok in Jabōn Kōnnaan ko robrak kōn kōļmenļo̧kjeņ ko kōn mālōtlōt. Ļōmņak n̄an kōkaļļeiki naan eo “mālōtlōt” im naan ko rej ekkeijel, āinwōt “jeļāļo̧kjeņ” im “meļeļe,” ilo am̧ kappukōti ilo jebta ko 1–4 im 15–16. Ekōjkan an eoon kein im̧we wāween am̧ ļōmņak kōn māletlet? Pedped ioon ta eo kwoj loe, ewi wāween am̧ kōmeļeļeiki m̧wil eo me “Irooj ej letok”? (Jabōn Kōnnaan Ko 2:6). Ļōmņak kōn wāween am̧ kappukot jipan̄ an Irooj n̄an “mālōtlōt ilo būruon” (Jabōn Kōnnaan Ko 16:21). Ta kōjeraam̧m̧an ko rej itok jān mālōtlōt an Anij?

Bar lale Jabōn Kōnnaan Ko 8–9; Matu 7:24–27; 25:1–13.

Jabōn Kōnnaan Ko 1:7; 2:5; 16:6; 31:30; Ekklisiastis 12:13

Ta in “mijak Irooj”?

Elder DavidA. Bednar ekar kōmeļeļeiki: “Jab āinwōt mijak ko an laļ in im rej kōm̧m̧an idin̄ im mijak, mijak Anij ej men eo ej letok aenōm̧m̧an, kam̧ool, im lōke. [Ej] juon en̄jake em̧wilaļ an kautiej, jeļā ņae, im kile Irooj Jisōs Kraist; pokake kien ko An; im lem̧ōņōņō eo kōn iien ekajet eo āliktata im kien tūriam̧o̧ ilo E. … Mijak ilo Anij ej iakwe im lōke ilo E” (“Kōn Menin raar Kaenōm̧m̧an Mijak ko Aer,” Liaona, Māe 2015, 48–49).

Bar lale Jabōn Kōnnaan Ko 8:13.

Jabōn Kōnnaan Ko4

“Kwōn kanooj lale iaļ in neem̧.”

Jabōn Kōnnaan Kos4 ej kōmeļeļeiki mālōtlōt im jim̧we āinwōt juon “iaļ” ak juon “wāween” (bar lale Jabōn Kōnnaan Ko 3:5–6). Ilo am̧ riiti jebta in, kwomaron̄ lo eoon ko me rej jipan̄ eok kejōkļo̧kjeņ kōn “iaļ in neem̧” (eoon26) im wāween bun̄tōn ko kwoj bōki n̄an kepaakļo̧k eok n̄an Irooj. N̄an waanjon̄ak, ta eo eoon ko 11–12 im 18–19 rej katakin kōn kōjeraam̧m̧an ko itok jān ļoor iaļ eo ejim̧we? Ta meļeļein eoonkein26 im27 n̄an kwe?

Bar lale 2Nipai 31:18–21.

Jabōn Kōnnaan Ko 15:1–2, 4, 18,28; 16:24–32

“Juon naan in uwaak e jouj, ej kajeorļo̧k illu.”

Jet iaan jabōn kōnnaan ko ilo jebtako15 im16 remaron̄ im̧we eok n̄an kōkm̧anm̧anļo̧k wāween am̧ kōnono ippān ro jet, eļaptata ro rejitōnbōro. N̄an waanjon̄ak, ļōmņak kōn iien ko rejenoļo̧k me kwomaron̄ kar kōjerbale “juon naan in uwaak ejouj” ijjelo̧kin “naan e pen” (Jabōn Kōnnaan Ko 15:1). Ewi wāween an kapilōk in ilo Jabōn Kōnnaan Ko 16:24–32 jipan̄ eok n̄an ļōmņak kōn naan ko kwoj kōjerbali?

Ļōmņak kōn en̄jake in jān Elder W.Craig Zwick: “Juon naan in uwaak ejouj’ epād ie juon uwaak eļap tokjen—naan in kauwe jān bōro ettā. Ejjab meļeļein jej jan̄in kar kajju kwaļo̧k kake ak bōk jidik im joļo̧k jet m̧ool ko an katak ko ekkar n̄an ad kōņaan. Naan ko me remaron̄ dim ilo meļeļe remaron̄ jouj ilo jetōb” (“What Are You Thinking?” Liaona, Māe 2014,42).

juon kōrā ej naajdik seagull ko

Wōn eo Emaron̄ Lo juon Kōrā Ewānōk?II, jān Louise Parker

Jabōn Kōnnaan Ko 31:10–31

“Juon kōrā ej mijak Irooj, renaaj nōbar e.”

Jabōn Kōnnaan Ko 31:10–31 ej kōmeļeļeiki “juon kōrā em̧m̧an,” ak juon kōrā ewōr kajoor in jetōb eļap, maron̄, im im̧we. Kwomaron̄ kajjieon̄ kakaduikļo̧k ilo naan ko am̧ ta eoon kein kajjojo rej ba kōn e. Ta jet iaan m̧wil ko kwomaron̄ anōke?

Ekklisiastis 1–3;12

Mour in ej an jidik wōt iien.

Etke eaorōk n̄an eok n̄an keememej menin eļap ilo laļ in, āinwōt an Ekklisiastis 1–2 kwaļo̧k, ej “men pata” (ak an jidik wōt iien im ejjab lukkun aorōk? Ta eo kwoj loe ilo jebta12 me ej kwaļo̧k aorōk in mour indeeo?

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

JabōnKōnnaanKo.Baam̧le eo am̧ remaron̄ lan̄lōn̄ n̄an ejaake juon aer make “bok in Jabōn Kōnnaan Ko”—kobain kapilōk ko rewejepdik jān jeje ko rekwojarjar im jān rikanaan ro ilo raan ko āliktata.

JabōnKōnnaanKo 1:7; 2:5; 16:6; Ekklisiastis 12:13–14.N̄an jipan̄ ro uwaan baam̧le eo meļeļe JabōnKōnnaanKo 1:7; 2:5; 16:6; Ekklisiastis 12:13, emaron̄ jipan̄ n̄an bōk jikin naan eo mijak kōn naan ko āinwōt kautiej, iakwe ak pokake (bar lale Hibru 12:28). Ekōjkan an meļeļe in im̧we wāween ad ļōmņak kōn eoon kein? Ewi wāween ad maron̄ kwaļo̧k ke jej mijak Irooj?

Jabōnkōnaan Ko3:5–6.N̄an jipan̄ ro uwaan baam̧le eo pijaikļo̧k eoon kein rej katakin kaki, kwomaron̄ karuwaineneik er n̄an atartar ņae dipin juon em̧ eo epen im edim. Innem remaron̄ kajjieon̄ atartar ņae juon men eo ejjab pen, āinwōt juon būruum̧. Etke jej aikuj “jab atartar ioon jeļāļo̧kjeņ ko [ad] make”? Ewi wāween ad kwaļo̧k bwe jej lōke Jisōs Kraist kōn aolepen buruōd?

Jabōn Kōnnaan Ko 15:1–2,18; 16:24,32.Ewi wāween an naan ko ad jelet jetōb eo ilo m̧weo im̧ōd? Bōlen ro uwaan baam̧le eo remaron̄ kaminene leļo̧k “juon naan in uwaak ejouj” n̄an “naan epen” im kajjieon̄ kōjerbal ta eo rej ekkatak ilo iien aer ippān doon. Juon al āinwōt “Kindness Begins with Me” (Children’s Songbook,145) emaron̄ jipan̄ kōkajoorļo̧k pedped in katak in.

N̄an ļōmņak ko reļļapļo̧k kōn katakin ajri ro, lale unin tōl eo an wiik in ilo Itok, Ļoor Eō—N̄an Būraimere.

Al eo kar elmakote: “Where Love Is,” Children’s Songbook, 138–39.

Kōkm̧anm̧anļo̧k Am̧ Make Ekkatak

Naan ko ilo jeje ko rekwojarjar rej n̄an aolep. Jet iaan eoon ko ilo jeje ko rekwojarjar rej iookļo̧k wōt em̧m̧aan ro im kōrā ro (āinwōt Jabōn Kōnnaan Ko 3:13; 31:10). Ilo eitōn aolep jekjek ko, mekarta, pedped in katak ko ilo eoon kein rej iookļo̧k aolep.

Jisōs ej tōl ruo sip ilo būļōn mar ko

“Kwōn kwaļo̧k E ilo iaļ ko am̧ otemjeļo̧k, innām Enaaj ba kajjien iaļ ko am̧.” (Jabōn Kōnnaan Ko 3:5–6). He Leadeth Me, jān Yongsung Kim, havenlight.com