“Jeptōm̧ba 19–25. Aiseia 40–49: ‘Kom̧win Kaaenōm̧m̧an ro Aō Ri Aelōn̄,’” Itok, Ļoor Eō—N̄an Kajjojo Armej im Baam̧le Ko: Kallim̧ur M̧okta 2022 (2021)

“Jeptōm̧ba 19–25. Aiseia 40–49,” Itok, Ļoor Eō—N̄an Kajjojo Armej im Baam̧le Ko: 2022

Pija

Jisōs ej kōmour juon em̧m̧aan ebilo

Healing the Blind Man[Kōmour Em̧m̧aan eo Ebilo, jān Carl Heinrich Bloch

Jeptōm̧ba 19–25

Aiseia 40–49

“Kom̧win Kaaenōm̧m̧an ro Aō Ri Aelōn̄”

Aiseia ekkā an kōjerbal kajin eo ej kōjerbal kōkaļļe. Leļo̧k am̧ n̄an ļōmņak ko im en̄jake ko me kōkaļļe kein rej bōktok n̄an kōļmenļo̧kjeņ eo am̧ im būruōm̧. Menin emaron̄ jipan̄ eok bwe en em̧m̧an am̧ meļeļe ta eo ekar katakin eok.

Je En̄jake ko Rej Im̧we Eok

“Kaaenōm̧m̧an” ej naan eo jinoin an Aiseia jebta40. Ej kajejjet jinoin juon tōņ eoktak, im kwaļo̧k oktakin an aorōk ilo ennaan eo an rikanaan. Ijo jeje ko an Aiseia jinoin tata ekar kakkōl Israel im Juda kōn kakkure im kōm̧akoko eo me ej itok kōn jerawiwi ko aer, kanaan kein tokālik rekar n̄an kaaenōm̧m̧an Riju ro ium̧win 150 iiō ko ilju im jekļaj—ālkin kakkure eo an Jerusalem, kar kakkure tampeļ eo, im armej ro kar bōk er n̄an kōm̧akoko jān Babilon ro. Ak kanaan kein rej bar tōpar ilju im jekļaj ijjelo̧kin an Riisrael ro kar luuji im būrom̧ōj. Rej kōnono n̄an kōj, eo me bar jet iien jej en̄jake bwe jeluuj, būrom̧ōj, im jako.

Ennaan eo an Aiseia n̄an er im n̄an kōj eļam waan: “Jab Mijak” (Aiseia 43:1). Ak aolep rej jab jako. Irooj ekar jab meļo̧kļo̧k eok, im E ewōr an kajoor n̄an anjo̧ ioon jekjek ko me kwojjab maron̄ kantōrooli. Ejjab ke Irooj eo “ear kōm̧anm̧an lan̄ ko, im eo ear erļo̧ke laļ, im … im ej leļo̧k menono n̄an armej ro ioon”? Aiseia 42:5 Ejjab ke E eo eļapļo̧k An kajoor jān Babilon, ijjeļo̧kin jerawiwi, ijjeļo̧kin ta eo ej depij eok ilo kamakoko? “Jepļaaktok n̄an Ippa,” Ej akweļap, “bwe Iar lo̧mo̧o̧ren eok” (Aiseia 44:22). Emaron̄ kōmour, kāājmour, kōkajoor, jeorļo̧k bōd, im kaenōm̧m̧an—ta eo emenin aikuj n̄an kwe, ilo jekjek eo am̧, n̄an maron̄ bōk lo̧mo̧o̧r.

N̄an ekkatak wāween an Nipai mi Jekab kar keidi Aiseia 48–49 n̄an armej ro aer, lale 1Nipai22 im 2Nipai6.

Pija

pija ej bōk jikin ekkatak an juon make

Ļōmņak ko n̄an Ekkatak Jeje Ko Rekwojarjar Ippam̧ Make

Aiseia 40–49

Jisōs Kraist remaron̄ kaenōm̧m̧an eō im letok n̄an eō kōjatdikdik.

Emaron̄ kar lukkuun kabwereer, aaet kabūrom̧ōjm̧ōj, n̄an Riisrael ro n̄an ļōmņak aer pād ium̧win kōm̧akoko an Babilon. Elōn̄ emaron̄ bwilōn̄ etke eto aer luuji jikin ko aer āinwōt armej in bujen im kālet an Anij. Ilo am̧ riiti Aiseia 40–49, kappukot eoon ko me remaron̄ letok kaenōm̧m̧an im kōjatdikdik. N̄an kajjojo eoon ko kwoj kappukoti, kejōkļo̧kjeņ im rekoote ta eo Irooj emaron̄ kar ba n̄an eok ilo eoon kein. Ijin rej jejjo eoon ko kwomaron̄ ijjino kaki:

Ewi wāween am̧ kwaļo̧k ennaan kein ippān bar juon eo me kwoj aikuj kapilōk ak kōjatdikdik? (lale Aiseia 40:1–2).

Bar lale JeffreyR. Holland, “Juon Kōjatdikdik Emeram,” Ensign ak Liaona, Māe 2020, 81–84.

Ilo ad pokake Irooj, jemaron̄ en̄jake “aenōm̧m̧an … āinwōt juon reba” (Aiseia 48:18).

Aiseia 40:3–8, 15–23; 42:15–16; 47:7–11

Kajoor eo an Anij eļapļo̧k jān kajoor eo an laļ.

Aiseia ekar āliji an kakeememej armej ro an kōn kajoor eo an Anij me ban maron̄ keidi, aaet keidi n̄an kajoor eo an laļ in me ej jepooļe er. Kappukot eoon in ilo am̧ riiti Aiseia 40:3–8, 15–23; 42:15–16; im 47:7–11 (jeiki bwe jebta47 ej n̄an ro rekar kōm̧akokoik Israel, Babilon). Ta eoon ko rej katakin eok kōn men ko an laļ in? Ta eo rej katakin eok kōn Anij? Kejōkļo̧kjeņ etke ennaan in emaron̄ kar aorōk n̄an Riju me rekar pād ilo kōm̧akoko. Etke eaorōk n̄an eok?

Bar lale “Abide with Me!” Hymns, no.166.

Aiseia 41:8–13; 42:1–7; 43:9–12; 44:21–28; 45:1–4; 48:10; 49:1–9

“Kwōj rikarejera.”

Ilo aolepen Aiseia 40–49 Irooj ej kōnono “Rikarejeran” im An “rikam̧ool.” Ilo jet eoon naan kein rej kōnono kōn Jisōs Kraist (lale Aiseia 42:1–7), ko jet rej kōnono kōn m̧ōn Israel (lale Aiseia 45:4), im ko jet rej kōnono kōn King Cyrus, eo ekar kōtļo̧k bwe Riju ro ren jepļaak n̄an Jerusalem im kalōk tampeļ eo (lale 44:26–45:4). Ilo kajjojo wāween, men̄e, kwomaron̄ barāinwōt ļōmņak kōn wāween an eoon ko iookwaj eok āinwōt juon rikarejar im rikam̧ool an Irooj. N̄an waanjon̄ak, kejōkļo̧kjeņ kōn kajjitōk ko āinwōt kein:

Aiseia 41:8–13; 42:6; 44:21. Ta eo Irooj ekar kūr eok n̄an kōm̧m̧ane? Ļōmņak kōn kūr ko an Kabun̄ in barāinwōt eddo in bujen ko jet n̄an jerbal n̄an E. Ewi wāween An rie eok im “jibwe Peim̧” (Aiseia 42:6) ilo am̧ jipan̄? Ewi wāween an kar “kōm̧anm̧an” eok n̄an erom̧ Rikarejeran? (bar lale Aiseia 48:10).

Aiseia 43:9–12. Ilo wāween ta kwoj juon rikam̧ool an Jisōs Kraist? Ta en̄jake ko ilo mour eo am̧ rej kwaļo̧k bwe E ej Rilo̧mo̧o̧r?

Aiseia 49:1–9. Ta ennaan eo kwoj loe ilo eoon kein me emaron̄ jipan̄ n̄e kijejeto ko am̧ im am̧ jerbal in jipan̄ rej “pata im waan”? (eoon4).

Bar lale Mosaia 18:9; HenryB. Eyring, “A Child and a Disciple,” Ensign or Liahona, May 2003, 29–32.

Pija

pija eo ej bōk jikin ekkatak an baam̧le

Ļōmņak ko n̄an Ekkatak Jeje ko Rekwojarjar an Baam̧le im Nokon in Jota

Aiseia 40:3–4.N̄an etale ta meļeļein n̄an “prepare … the way of the Lord,” baam̧le eo am̧ emaron̄ kajim̧we juon men eo ekar ib ak ko̧p, karreoik juon būļoor ettoon, ak kōm̧m̧an iaļ ilo juon iaļ erekeke. Kwomaron̄ kwaļo̧k pija ko an Jon Ripeptaij im Josep Smith (lale Gospel Art Book, nos. 35,87). Ewi wāween aer kōpooj iaļ eo n̄an itok eo an Irooj? (lale Luk 3:2–18; Katak im Bujen Ko 135:3). Ewi wāween ad jipan̄ kōpooj iak eo n̄an E? (n̄an waanjon̄ak, lale Katak im Bujen Ko 33:10).

Aiseia 40:28; 43:14–15; 44:6.Ta āt ko ak taitōļ ko an Jisōs Kraist me jej loe ilo eoon kein? Ta eo kajjojo āt ko rej katakin kōn E?

Aiseia 41:10; 43:2–5; 46:4.Eoon kein rej waļo̧k ilo al in jar eo “Pedped eo Ebin” (Al ko Al in Ajri, peij 19). Baam̧le eo am̧ emaron̄ lan̄lōn̄ ilo an al al in jar ko ippān doon im kappukot naan ko me rej āinwōt naan ko ilo eoon ko. Ta eo naan kein rej katakin kōj kōn Jisōs Kraist?

Aiseia 44:3–4; 45:8.Ālkin riiti eoon kein, baam̧le eo emaron̄ utdikdiki juon menin eddōk ilo an kōnono kōn kōjeraam̧m̧an ko Irooj ekar lutōkleplep ioer. Ta eo ej waļo̧k n̄an juon menin eddōk n̄e jej utdikdik i? Ta eo Irooj ej kōtmāne jān kōj ilo An kōjeraam̧m̧an kōj?

Aiseia 48:17–18.Ļōmņak in kwaļo̧k pija ko ak pija in alooj ko kōn reba in ņo ko lik. Ewi wāween an aenōm̧m̧an erom̧ āinwōt juon reba? Ewi wāween ad mour jim̧we āinwōt ņo ko?

N̄an ļōmņak ko reļļapļo̧k kōn katakin ajri ro, lale laajrak eo an wiik in ilo Itok, Ļoor Eō—N̄an Būraimere.

Al eo kar elmakote: “Pedped eo Ebin,” Al ko im Al in Ajri, peij 19.

Kōkm̧anm̧anļo̧k Am̧ Make Ekkatak

Kōmeļeļeik naan ko. Kajjieon̄ kappukot meļeļein naan ko ilo eoon ko kwojjab meļeļe kake—im naan ko kwoj ļōmņak komeļeļe. Jet iien meļeļe ko remaron̄ jipan̄ eok riiti juon eoon eoktak im eoktak am̧ meļeļe im en̄jake kake ilo jetōb.