te Mesia tei ti’afa’ahou mai ’e tāna mau ’āpōsetolo

Te Mesia ’e te mau ’āpōsetolo, nā Del Parson

30 nō Māti–12 nō ’Ēperēra

Pāsa

« E ti’afa’ahou mai ai ’oia mai te pohe mai ma te ora »

’A tai’o ai ’outou i te mau pāpa’ira’a mo’a i hōro’ahia atu i’ō nei ’e i roto i te Mai, pe’e mai—nō te ta’ata hō’ē ’e te ’utuāfare, e tauturu mai te Vārua ia ’outou ’ia ’ite e aha te mea e fa’atumu i ni’a iho nō te tauturu i te mau tamari’i ’ia ’ite i te here o te Fa’aora i te sābati pāsa.

Pāpa’i i te mau mana’o e tae mai

ītona fa’a’itera’a

Tītau i te mana’o

E paraparau i te mau tamari’i nō ni’a i te mau mea tā ’outou e rave nei nō te ha’amana’o i te Fa’aora i te Pāsa. Ani ia rātou ’ia fa’a’ite mai e aha tā rātou i rave.

ītona ha’api’ira’a

Ha’api’i i te ha’api’ira’a tumu : Mau tamari’i ’āpī

1 Nephi 11:27 ; Mosia 3:5 ; 15:7 ; Helamana 14:16–17

’Ua ’ite te mau peropheta o te Buka a Moromona ē, e haere mai Iesu Mesia.

Nā te ’apora’a mai e aha tā te mau peropheta o te Buka a Moromona i ha’api’i nō ni’a i te misiōni a Iesu Mesia ’e tāna tau ’ohipa i te fenua nei, e nehenehe e tauturu ’ia ha’apūai i te fa’aro’o o te mau tamari’i nōna.

Mau ’ohipa e nehenehe e rave

• Fa’a’ite i te mau hōho’a nō te Fa’aora e bāpetizohia ra, tē fa’aora ra ia vetahi ’ē, tē fa’asātaurohia ra, ’e ’ei tino tei ti’afa’ahou (hi’o i te ’api ’ohipara’a nō teie hepetoma ’e ’aore rā, te Vaira’a hōho’a ’evanelia, mau nūmera 35, 41, 57, 59). Ani i te mau tamari’i ’ia parau mai ia ’outou e aha te mea e tupu ra i roto i te hōho’a tāta’itahi. E fa’ata’a ē, e rave rahi matahiti hou Iesu ’a haere mai ai i te fenua nei, ’ua heheu mai te Atua i te mau peropheta i roto i te Buka a Moromona ē, e rave ’oia i teie mau mea. Tai’o i te 1 Nephi 11:27 ; te Mosia 3:5 ; 15:7 ; ’e te Helamana 14:16–17, ’e e tauturu i te mau tamari’i ’ia fa’atano i teie mau pāpa’ira’a mo’a i ni’a i te mau hōho’a.

• ’A ’ohipa ai te mau tamari’i i ni’a i te ’api ’ohipara’a nō teie hepetoma, e paraparau nō ni’a i te mau peropheta i fa’ahōho’ahia ’e e aha tā rātou i ha’api’i nō ni’a ia Iesu Mesia. E fa’a’ite i te mau tamari’i i te tahi o te mau mea fa’ahiahia tā Iesu i rave nō tātou.

3 Nephi 11:1–17

’Ua ti’afa’ahou Iesu.

E ha’api’i i te mau tamari’i ē, ta’a ’ē atu te mau ta’ata tei ’ite i te Fa’aora tei ti’afa’ahou i Ierusalema, e rave rahi tauatini tei ’ite iāna i tōna fāra’a atu i tō Amerika.

Mau ’ohipa e nehenehe e rave

• Fa’a’ite i te mau hōho’a nō te pohera’a ’e te ti’afa’ahoura’a o te Fa’aora. Ani i te mau tamari’i e aha te mea tā rātou i ’ite nō ni’a i teie mau ’ohipa i tupu. Mai te mea e hina’arohia, e fa’a’ohipa i te « Pene 53 : ’Ua fa’asātaurohia Iesu » ’e te « Pene 54 : ’Ua ti’afa’ahou Iesu » (Mau ’ā’amu o te Faufa’a ’Āpī, 136–38, 139–44, ’e ’aore rā te mau video e tano i ni’a i te ChurchofJesusChrist.org) nō te fa’ati’a i te mau tamari’i i teie mau ’ā’amu.

• Ma te fa’a’ohipa i te mau hōho’a i roto i te Vaira’a hōho’a ’evanelia ’e ’aore rā i roto i te Mai, pe’e mai—nō te ta’ata hō’ē ’e te ’utuāfare, e fa’ati’a i te mau tamari’i nō ni’a i te tere o te Fa’aora tei ti’afa’ahou i tō Amerika, mai tei fa’ata’ahia i roto i te 3 Nephi 11:1–17. Fa’ati’a fa’ahou i te ’ā’amu e rave rahi taime, ma te ani i te mau tamari’i ’ia tauturu mai ia ’outou. Ha’apāpū i te mau tuha’a tā ’outou e mana’o ra ē, e riro ’ei mea faufa’a nō te mau tamari’i. Ha’apāpū ta’a ’ē ē, noa atu ’ua pohe Iesu i ni’a i te sātauro, e nehenehe te ta’ata e ’ite ē, ’ua ti’afa’ahou ’oia i teienei. E vaiiho i te mau tamari’i te tahi i muri mai i te tahi ’ia fa’ati’a fa’ahou mai i te ’ā’amu nā roto i tā rātou iho mau parau.

• Hīmene ’āmui i te « Easter Hosanna »(Children’s Songbook, 68–69) ’e ’aore rā te ’īrava hōpe’a o « Dans le Livre de Mormon » (Chants pour les enfants, 62). Ani i te mau tamariʼi ʼia pāpaʼi hōhoʼa i te hō’ē mea tā te hīmene e fa’ata’a ra. I muri iho e ani i te mau tamari’i ’ia fa’a’ite mai i tā rātou mau hōho’a pāpa’i ’e e aha tō rātou mana’o ē e hina’aro ānei rātou e ti’a ato’a i reira ’a haere mai ai Iesu e fārerei i te ’āti Nephi.

Mosia 3:7; Alama 7:11–12

’Ua ’ite Iesu Mesia nāhea ’ia tāmāhanahana iā’u.

Nō te mea ’ua fa’a’oroma’i Iesu Mesia i te « māuiui ’e te ’ati o tōna mau ta’ata » (Alama 7:11), ’ua ’ite ’oia e aha tā tātou e mamae ra, ’ore noa atu te hō’ē ta’ata i ’ite.

Mau ’ohipa e nehenehe e rave

• Tai’o i te mau tamari’i i te tahi mau rēni mātāmua o Mosia 3:7, ’e e ani ia rātou ’ia fa’ahua ē, « tē māuiui ra rātou …  tē po’ia ra, tē po’ihā ra, ’e tē rohirohi ra ». Ani ia rātou ’ia fa’a’ite mai i te mau taime ’a fāri’i ai rātou i teie mau mea. I muri iho, e parau i te mau tamari’i ē, tē fa’ata’a ra teie ’īrava i te tahi mau mea tā Iesu Mesia i fāri’i ’a māuiui ai ’oia i roto i te ’ō nō Getesemane Nō te reira ’ohipa, ’ua ’ite ’oia nāhea ’ia tauturu ia tātou ’ia fāri’i ana’e tātou i teie mau mea.

• Tai’o pūai i te Alama 7:11 ’e e ani i te mau tamari’i, ’ua mātau ānei rātou i te hō’ē ta’ata tē ma’ihia ra ’e ’aore rā, tē māuiui ra. E fa’a’ite pāpū ē, ’ua ’ite Iesu Mesia i tō tātou « mau māuiui ’e te mau ma’i ato’a » nō reira, e nehenehe ’oia e hāro’aro’a e nāhea ’ia tāmāhanahana ia tātou (Alama 7:12).

ītona ha’api’ira’a

Ha’api’i i te ha’api’ira’a tumu : Mau tamari’i pa’ari

2 Nephi 9:10–15 ; Alama 11:41–45 ; 40:21–23

Nō te mea ’ua ti’afa’ahou ’oia, e ti’afa’ahou ato’a vau.

Tē fa’a’ite pāpū ra te Buka a Moromona e aha te aura’a te ti’afa’ahoura’a ’e ’o vai tē ti’afa’ahou. Nāhea e ti’a ia ’outou ’ia tauturu i te mau tamari’i ’ia ’ite i teie mau parau mau ?

Mau ’ohipa e nehenehe e rave

• Ani i te mau tamari’i ’ia parau mai e aha tā rātou i ’ite nō ni’a i te pohera’a ’e te ti’afa’ahoura’a o Iesu Mesia. Pāpa’i i ni’a i te tāpura ’ere’ere i te mau uira’a mai teie E aha te aura’a te parau, ’ia ti’afa’ahou ? ’e ’O vai tē ti’afa’ahou ? Tauturu i te mau tamari’i ’ia ’imi i te mau pāhonora’a i roto i te 2 Nephi 9:10–15 ; te Alama 11:41–45 ; ’e te Alama 40:21–23 ’e e fa’a’ite mai i te piha ha’api’ira’a e aha tā rātou i ’ite mai.

• E parau i te mau tamariʼi nō ni’a i te hō’ē ta’ata tā ’outou i ’ite ’ua pohe. E ani ia rātou ’ia feruri ē, ’aita ’outou i ’ite i te parau nō te ti’afa’ahoura’a. Nāhea rātou i te tauturu ia ’outou ’ia hāro’aro’a e aha te reira ? E fa’aitoito ia rātou ’ia fa’a’ohipa i te 2 Nephi 9:10–15 ; te Alama 11:41–45 ; ’e ’aore rā te Alama 40:21–23 nō te ha’api’i ia ’outou i te parau nō te ti’afa’ahoura’a. E ani ato’a ia rātou ’ia fa’a’ite mai i tō rātou ’itera’a pāpū nō ni’a i te ti’afa’ahoura’a o te Fa’aora, ’ei tuha’a nō tā rātou pāhonora’a.

Iesu e pure ra i roto i te ’ō nō Getesemane

Getesemane,nā Michael T. Malm Malm

Enosa 1:2–8 ; Mosia 27:8–24 ; Alama 13:11–12 ; 24:7–19

E tāmā te tāra’ehara a Iesu Mesia iā’u ’e e taui ho’i iā’u.

Tē hōro’a nei te Buka a Moromona e rave rahi hi’ora’a nō te mau ta’ata tei tauihia nā roto i te tāra’ehara a te Fa’aora. Feruri nāhea teie mau ’itera’a e fa’auru i te mau tamari’i ’ia tātarahapa ’e ’ia fāriu i ni’a i te Fa’aora.

Mau ’ohipa e nehenehe e rave

• Fa’a’ite i te mau tamari’i i te hō’ē ’ahu ’uo’uo mā ’e hō’ē ’ahu ’uo’uo repo. Tai’o ’āmui i te Alama 13:11–12. Nāhea te ta’ata i te tāmāhia i tā rātou mau hara ? E aha tā te reira mana’o i fa’atupu i roto ia rātou nō ni’a i te hara ? E parau e aha te tupu i roto ia ’outou ’ia tātarahapa ana’e ’outou ’e ’ia fāri’i i te fa’a’orera’a hara, ’e e fa’a’ite i tō ’outou ’itera’a pāpū nō te mana o te Fa’aora ’ia tāmā ia tātou i te hara.

• E ani i te mau tamari’i ’ia mā’iti i te hō’ē o teie mau ta’ata i muri nei nō te ha’api’i mai nō ni’a ia rātou : Enosa (hi’o Enosa 1:2–8), Alama tamaiti (hi’o Mosia 27:8–24), ’e ’aore rā te mau Aneti-Nephi-Lehi (hi’o Alama 24:7–19). ’A tai’o ’āmui ai ’outou i te ’ā’amu, e ani i te mau tamari’i ’ia hi’o, nāhea teie ta’ata ’e ’aore rā, teie pupu ta’ata i te tauira’a nā roto i te tāra’ehara a Iesu Mesia. Nāhea tātou i te pe’e i te mau hi’ora’a o teie mau ta’ata ?

Mosia 3:7 ; 15:5 ; Alama 7:11

’Ua rave Iesu Mesia i ni’a iāna iho i tā’u mau hara, tō’u mau māuiui ’e tō’u mau ma’i.

Ta’a ’ē atu i tē māuiuira’a nō tā tātou mau hara, ’ua māuiui ato’a te Fa’aora i tō tātou mau ’oto, te mau ma’i ’e te tahi atu mau paruparu ’ia ti’a iāna ’ia ’ite nāhea ’ia tāmāhanahana ia tātou.

Mau ’ohipa e nehenehe e rave

• Fa’aue i te tamari’i tāta’itahi ’ia ’imi i te hō’ē o te mau ’īrava i muri nei nō te ’ite e aha tā Iesu Mesia i māuiui : Mosia 3:7 ; Mosia 15:5 ; ’e ’aore rā Alama 7:11. Ani ia rātou ’ia pāpa’i i ni’a i te tāpura ’ere’ere i te mea tā rātou i ’ite mai ’e ’ia feruri i te mau taime ’a fārerei ai rātou i te tahi o te reira mau mea. ’Ia au i te Alama 7:12, nō te aha Iesu i māuiui ai i teie mau mea ato’a ? Nō te aha e mea faufaʼa ’ia ʼite ē, ’ua māuiui ’oia i teie mau mea nō tātou ?

• Hīmene ’āmui i te hō’ē hīmene nō ni’a i te Fa’aora mai te « ’Ua ’ite au tē ora nei to’u Fatu » (Te mau hīmene, no. 69). E ani i te mau tamari’i ’ia ’imi i roto i te hīmene i te mau pereota e fa’ata’a ra e mea nāhea te Fa’aora i te tāmāhanahana ia tātou, ’e e ’āparau nō te aha teie mau pereota i riro ai ’ei mea faufa’a nō rātou. Fa’a’ite i tō ’outou mana’o nō ni’a ia Iesu Mesia, ’e e ani i te mau tamari’i ’ia fa’a’ite mai i tō rātou.

ītona ’apora’a ha’api’ira’a

Fa’aitoito i te ha’api’ira’a mai i te fare

Ani te mau tamari’i ’ia ’imi i te hō’ē ta’ata i teie hepetoma e hina’aro ra i te tāmāhanahanara’a. Fa’aitoito ia rātou ’ia fa’a’ite i teie ta’ata i te mea tā rātou i ha’api’i mai nō ni’a i te Fa’aora, i te ravera’a i ni’a iāna i tō tātou ’oto ’ia nehenehe iāna ’ia tāmāhanahana ia tātou.

Ha’amaita’ira’a i tā tātou ha’api’ira’a

Ani ’ia fa’a’ite mai. Ani i te mau tamari’i i tō rātou mau mana’o, tō rātou mau mana’o hōhonu, ’e tō rātou mau ’itera’a. E ’ite ’outou ē, e mea pinepine rātou i te fāri’i i te mau mana’o ’ōhie ’e te hōhonu.

’api ’ohipara’a : ’Ua fa’a’ite pāpū te mau peropheta o te Buka a Moromona nō Iesu Mesia.