Enosa i tōna tamari’ira’a ’e tōna metua tāne, Iakoba, ’e te metua vahine

Iakoba ’e Enosa, nā Scott Snow

23-29 nō Māti.

Enosa–Te mau parau a Moromona

Tē rave nei ’oia i roto iā’u nō te rave mai te au i tōna hina’aro

Enosa, Iaroma, Omoni, ’e Te mau Parau a Moromona e mau buka poto teie, tei roto e rave rahi ha’api’ira’a faufa’a rahi nō te mau tamari’i tā ’outou e ha’api’i nei. E ’imi i teie mau ha’api’ira’a, ’e ’a feruri i te mau rāve’a e nehenehe ai ’outou e tauturu i te mau tamari’i ’ia ha’api’i mai i te reira. E nehenehe te mau manaʼo i roto i teie faʼanahoraʼa e tauturu.

Pāpa’i i te mau mana’o e tae mai

ītona fa’a’itera’a

Fa’a’ite i te mana’o

Tauturu i te mau tamari’i ’ia ha’amana’o i te mea tā rātou i ha’api’i mai i roto i te ha’api’ira’a i te hepetoma i ma’iri. ’Ua fa’a’ite ānei rātou i tā rātou i ha’api’i mai i tō rātou ’utuāfare ’e ’aore rā, ia vetahi ’ē ?

ītona ha’api’ira’a

Ha’api’i i te ha’api’ira’a tumu : Mau tamari’i ’āpī

Enosa 1:1–19

E nehenehe au e paraparau i te Metua i te Ao ra nā roto i te pure.

Tē ha’api’i nei te ’ohipa i tupu i ni’a ia Enosa e rave rahi mau parau mau nō ni’a i te pure. Nāhea ’outou i te fa’auru i te mau tamari’i ’ia pe’e i te hi’ora’a o Enosa ’ia pure ana’e rātou ?

Mau ’ohipa e nehenehe e rave

• Fa’a’ite i te hō’ē hōho’a o Enosa ; ’ei hi’ora’a, e hi’o te fa’anahora’a nō teie hepetoma i roto i te Mai, pe’e mai—nō te ta’ata hō’ē ’e te ’utuāfare, ’e ’aore rā, e fa’a’ohipa i te hōho’a Enosa e pure ra (Buka hōho’a nō te ’evanelia, no. 72). Ani i te mau tamari’i ’ia paraparau mai nō ni’a i te mea e tupu ra i roto i te hōho’a, ’e i muri iho, e fa’a’ite ia rātou i te ’ohipa i tupu i ni’a ia Enosa. E nehenehe tā ’outou e fa’a’ohipa i te « Pene 11 : Enosa » (’Ā’amu nō te Buka a Moromona, 30–31, ’e ’aore rā te video e tano i ni’a i te ChurchofJesusChrist.org).

• Ani i te mau tamari’i ’ia fa’a’ite mai i te mau mea tā rātou e au ’ia paraparau i tō rātou mau metua. E fa’ata’a ē, te purera’a i te Metua i te Ao ra ’o te huru ïa e nehenehe rātou e paraparau iāna. ’A tai’o ai ’outou i te Enosa 1:1–4 i te mau mau tamari’i, e ani ia rātou ’ia feruri ē, ’o Enosa rātou nā roto i te ha’utira’a i te a’ua’ura’a animala, te tūturira’a nō te pure ’e tē vai atu ra. E fa’ata’a ē, ’ua fa’aro’o te Metua i te Ao ra i te pure a Enosa ’e ’ua fa’a’ore i tāna mau hara.

• E hīmene ’āmui i te hō’ē hīmene nō ni’a i te pure, mai te « La prière d’un enfant » (Chants pour les enfants,, 6-7). Ani i te mau tamari’i ’ia ’āfa’i i te rima i ni’a i te mau taime ato’a e fa’aro’o rātou i te ta’o « pure » ’e ’aore rā, i te tahi atu ta’o e fa’ahitihia. E fa’a’ite pāpū atu i te mana o te pure i roto i tō ’outou orara’a.

’utuāfare e pure ra

’Ei tamari’i nā te Atua, e nehenehe tātou e pure i tō tātou Metua i te Ao ra.

Te mau Parau a Moromona 1:3–8

E nehenehe au e ha’amaita’i ia vetahi ’ē ’ia fa’aro’o ana’e au i te Vārua Maita’i.

’A ’āpapa ai ’oia i te Buka a Moromona, ’ua fa’auruhia Moromona ’ia tu’u i te mau ’api na’ina’i a Nephi i roto. ’Aita ’oia i ’ite nō te aha i hina’arohia ai te mau ’api na’ina’i, i teie rā mahana ’ua ha’amaita’ihia tātou nō te mea ’ua pe’e ’oia i teie fa’aurura’a. E nehenehe teie hi’ora’a e fa’auru i te mau tamari’i ’ia pe’e i te Vārua.

Mau ’ohipa e nehenehe e rave

• Ani i te mau tamari’i ’ia fa’a’ite mai i te mau ’ā’amu tā rātou i ha’api’i mai nā roto mai i te Buka a Moromona mai te ’ōmuara’a o teie matahiti (e nehenehe te mau hōho’a nō roto mai i te Mai, pe’e mai—nō te ta’ata hō’ē ’e te ’utuāfare ’e ’aore rā te Buka hōho’a nō te ’evanelia e tauturu ia rātou ’ia ha’amana’o). E fa’ata’a ē, tē vai nei teie mau ’ā’amu i roto i te Buka a Moromona nō te mea ’ua fa’aro’o Moromona i te Vārua Maita’i i te paraura’a iāna ’ia tu’u i te reira i roto. Nō te aha te Metua i te Ao ra i hina’aro ai ’ia fāri’i tātou i teie mau ’ā’amu ?

• Fa’a’ite i te hō’ē ’ā’amu nō roto mai i te ve’a a te ’Ēkālesia ’e ’aore rā, nō roto mai i te hō’ē parau poro’i nō te ’āmuira’a rahi nō ni’a i te hō’ē ta’ata tei pe’e i te mau fa’aurura’a a te Vārua Maita’i. ’E ’aore rā, e fa’a’ite i te hō’ē o tō ’outou iho mau ’itera’a. Ani i te mau tamari’i ’ia pāpa’i i te hōho’a o te ’ā’amu. E mea nāhea te mau ta’ata i roto i teie mau ’ā’amu i te ha’amaita’ira’ahia nō te pe’era’a rātou i te Vārua Maita’i ?

• Ani i te hō’ē melo nō te pāroita ’ia haere mai i roto i te piha ha’api’ira’a ’e ’ia fa’a’ite mai i te hō’ē ’itera’a ’a pe’e ai ’oia i te hō’ē fa’aurura’a nō ’ō mai i te Vārua Maita’i ra. Nāhea tāna ’ohipa i te ha’amaita’ira’a ia vetahi ’ē ? E fa’ata’a ē, tē hina’aro nei te Metua i te Ao ra ia tātou ’ia tauturu ’e ’ia ha’amaita’i ia vetahi ’ē, nō reira ’ua tono mai ’oia i te Vārua Maita’i nō te arata’i ia tātou.

• Hīmene ʼāmui i te hōʼē hīmene nō niʼa i te Vārua Maitaʼi, mai « Petite voix douce » (https://www.ChurchofJesusChrist.org/music/library/church-magazine-music-liahona?lang=fra#d). Hīmene i te reira e rave rahi taime ma te huru rau, ma te vitiviti, te tāere, ’e ’aore rā, ma te muhumuhu. ’Ia muhumuhu ana’e ’outou i te hīmene, ’a ’īriti i Te mau Parau a Moromona 1:7, ’e ’a fa’a’ite atu ē, ’ua fa’ata’a mai Moromona i te Vārua Maita’i mai te hō’ē muhumuhu.

ītona ha’api’ira’a

Ha’api’i i te ha’api’ira’a tumu : Mau tamari’i pa’ari

Enosa 1:1–19

Tē fa’aro’o ’e tē pāhono nei te Metua i te Ao ra i tā’u mau pure ’ā’au tae.

E mea ’ōhie nō tā tātou mau pure ’ia riro mai ’ei ’ohipa mātaro-noa-hia ’e te tāu’a ’ore. ’Ua riro te ’ohipa i tupu nō Enosa ’ei fa’aha’amana’ora’a ē, te fāri’ira’a i te mau pāhonora’a i tā tātou mau pure, e tītau te reira i te tahi taime i te hō’ē « tōra’a » ’e « te mau pure ’ū’ana » (Enosa 1:2, 11).

Mau ’ohipa e nehenehe e rave

• Ani i te mau tamari’i ’ia tāpiri i tō rātou mata ’e ’ia feruri ē, tē paraparau ra rātou i te Metua i te Ao ra. E aha tā rātou e hina’aro e paraparau iāna ? Ani i te mau tamari’i ’ia feruri i te paraparaura’a mata ’e mata i te Metua i te Ao ra i te mau taime ato’a e pure rātou.

• Ani i te mau tamari’i ’ia ’ohipa ’āpipiti ’e ’ia tai’o i te Enosa 1:1–5. Ani ia rātou ’ia ’imi i roto i teie mau ’īrava i te hō’ē ta’o ’e ’aore rā, i te hō’ē pereota e fa’ata’a mai nei i te huru o te mau pure a Enosa, ’e i muri iho, e fa’a’ite i te piha ha’api’ira’a i te mea i ’itehia e rātou. E aha tā teie mau ta’o e fa’ahiti nei nō ni’a ia Enosa ’e te ’ohipa i tupu nōna ? ’Ia fa’a’ite mai te mau tamari’i i te tahi atu mau mea tā rātou e fa’ahiahia nei i te mau pure a Enosa. E fa’ati’a atu i te hō’ē taime ’a « hia’ai ai » tō ’outou vārua ’e « ’ua pi’i hua atu ra » i te Fatu (Enosa 1:4). Vaiiho i te mau tamari’i ’ia feruri i te hō’ē mea tā rātou e nehenehe e rave nō te fa’ariro i tā rātou mau pure ’ei mau pure faufa’a a’e.

• Ani i te mau tamari’i ’ia tāpura mai i te mau mea ’o tā rātou e pure tāmau noa, i ni’a ānei i te tāpura ’ere’ere ’aore rā i ni’a i te ’api ’ohipara’a o teie hepetoma. I muri iho e ani ia rātou ’ia ’imi i roto i te Enosa 1:2, 9, 13–14, ’e 16 i te mau mea tā Enosa i pure, ’e e tu’u atu i te reira mau mea i roto i te tāpura. E ’āparau nāhea e ti’a ai i te mau tamari’i ’ia pe’e i te hi’ora’a o Enosa i roto i tā rātou mau pure ; ’ei hi’ora’a, e nehenehe ’outou e paraparau nō te aha Enosa i ineine ai e pure nō te mau ’āti Lamana—tei riro ’ei mau ’enemi nōna—’e e ani i te mau tamari’i ’ia pure i teie hepetoma nō te hō’ē ta’ata ’ino i ni’a ia rātou.

Te mau Parau a Moromona 1:3–8

E nehenehe au e ha’amaita’i ia vetahi ’ē ’ia fa’aro’o ana’e au i te Vārua Maita’i.

’Ua ’ite te Fatu ē, e mo’e nā 116  ’api mātāmua i ’īritihia o te Buka a Moromona (hi’o PH&PF 10; Feiā Mo’a, buka  1, pene  5). Nō te mono i teie mo’era’a, ’ua fa’auru ’oia ’ia Moromona nā roto i te Vārua ’ia tu’u i te mau ’api na’ina’i a Nephi i roto i te Buka a Moromona. Nāhea e ti’a ai ia ’outou ’ia fa’auru i te mau tamari’i ’ia pe’e i te hi’ora’a o Moromona ’e ’ia fa’aro’o i te Vārua ?

Mau ’ohipa e nehenehe e rave

• Ani i te mau tamari’i ’ia tai’o te tahi i muri mai i te tahi i te mau ’īrava i roto i Te mau Parau a Moromona 1:3–8, hō’ē i te taime hō’ē, ’e i muri iho, e tauturu ia rātou ’ia ha’apoto mai i te mea tā rātou i ha’api’i mai i roto i te ’īrava tāta’itahi. E fa’ata’a ē, ’ua pe’e Moromona i te Vārua nā roto i te tu’ura’a i te mau ’api na’ina’i a Nephi (tei ia tātou nei te reira, ’oia ho’i, te 1 Nephi ē tae atu ia Omoni) i roto i te Buka a Moromona. Nāhea tātou i te ha’amaita’ihia nō te fa’aro’ora’a Moromona i te Vārua ? Nāhea te Buka a Moromona e ta’a ’ē ai ’āhiri ’aita ’oia i fa’aro’o ? Fa’a’ite i te hō’ē taime i reira tō ’outou fa’aurura’ahia e te Vārua Maita’i ’ia rave i te hō’ē mea ’o tei ha’amaita’i i te tahi ta’ata. Ani i te mau tamari’i ’ia fa’a’ite mai i te tahi mau ’ohipa mai te reira ato’a tei tupu nō rātou.

• Ani i te hō’ē tamari’i ’ia tai’o i Te mau Parau a Moromona 1:7 ’e i te tahi atu ’ia tai’o i Te Harau Ha’api’ira’a e Te mau Parau Fafau 8:2–3. E aha tā teie mau ’īrava e ha’api’i nei nō ni’a i te huru o te Vārua Maita’i ’ia paraparau mai ia tātou ? Tauturu i te mau tamari’i ’ia ’imi i te mau taime ’a fāri’i ai rātou i te mau fa’aurura’a nō ’ō mai i te Vārua Maita’i. Fa’a’ohipa i te Moroni 7:12 nō te fa’ata’a ē, mai te mea e mea maita’i te hō’ē mana’o ’e tē fa’auru ra ia tātou ’ia rave i te mau ’ohipa maita’i, nō ’ō mai ïa te reira i te Metua i te Ao ra ra. ’Ei hi’ora’a, ’a feruri e fa’a’ite i te video « Fa’aineinera’a o Thomas S. Monson : E pe’e tāmau noa i te mau fa’aurura’a a te Vārua » (ChurchofJesusChrist.org). Ani i te mau tamari’i ’ia fa’aro’o i te mau fa’aurura’a nō te rave i te maita’i ’e ’ia pe’e i te reira.

ītona ’apora’a ha’api’ira’a

Fa’aitoito i te ha’api’ira’a mai i te fare

Fa’aitoito i te mau tamari’i ’ia ani i te mau melo o tō rātou ’utuāfare ’ia fa’a’ite mai i te mau ’itera’a tei roa’a ia rātou nā roto i te pure ’e ’aore rā, nā roto i te Vārua Maita’i.

Ha’amaita’ira’a i tā tātou ha’api’ira’a

Fa’a’ohipa i te pehe. E nehenehe te mau hīmene nō te Paraimere e tauturu i te mau tamari’i nō te mau fāito matahiti ato’a ’ia hāro’aro’a ’e ’ia ha’amana’o i te mau parau mau o te ’evanelia. E nehenehe ato’a te hīmenera’a e fa’aitoito i te mau tamari’i ’ia tāmau noa i te ha’api’i. (Hi’o Ha’api’ira’a mai tā te Fa’aora, 22.)

’api ’ohipara’a : E nehenehe au e pure i te Metua i te Ao ra.