“Māe 4–10. Mosaia 11–17: ‘Juon Meram … Eo Emaron̄ Jab Tinaad,’” Itok, Ļoor Eō—N̄an Būraimere: Bok in Mormon 2020 (2020)
“Māe 4–10. Mosaia 11–17,” Itok, Ļoor Eō—N̄an Būraimere: 2020
Abinadai ej Pād Im̧aan Kiin̄ Noa jān Andrew Bosley
Māe 4–10.
Mosaia 11–17
“Juon Meram … Eo Emaron̄ Jab Tinaad”
Kejōkļo̧kjeņ im jar n̄an jeļā ekōjkan am̧ maron̄ kōjerbal bwebwenato eo an Abinadai im katak ko an ilo Mosaia 11–17 n̄an jipan̄ ajri ro kwoj katakin. Ļo̧o̧ke imwe ko am̧ kwoj būki.
Ļo̧o̧ke Im̧we ko Am̧
Kajjitōk Kwaļo̧ke
Kōm̧m̧an bwe ajri ro ren kwaļo̧k ta eo rejeļā kōn bwebwento eo an Abinadai im Kiin̄ Noa. Pija eo ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko emaron̄ jipan̄.
Katakin Katak eo: Ajri ro Reddikļo̧k
Imaron̄ jutak kōn m̧ool eo, men̄e imakeļo̧k iaaō.
Abinadai im Alma jim̧or raar peran ilo jutak m̧ool eo. Ekōjkan am̧ maron̄ kōjerbal bwebwenato in n̄an kalōk peran eo an ajri ro n̄an tōre ko n̄e rej aikuj in jutak kōn tōmak ko aer?
M̧akūtkūt ko Maron̄ Kōjerbali
-
Kwaļo̧k ilo tukadu in bwebwanto eo an Abinadai, Kiin̄ Noa, im Alma loe ilo Mosaia 11–13 im 17. Komaron̄ kōjerbal “Jebta 14: Jepta Abinadai im Kiin̄ Noa” (Bwebwenato ko jān Bok in Mormon, 38–42, ak pija eo an ilo ChurchofJesusChrist.org). Kajjitōk ippān ajri ro n̄an kōm̧m̧an kōl kōn bwebwenato eo, leļo̧k n̄an er kajjojo iien n̄an kōm̧m̧ani jekjek ko rokoktaktak.
-
M̧aaj ilo jikin eo ippān ajri ro ilo ami al juon al me ej kōketak peran, eo āinwōt “I Will Be Valiant” (Children’s Songbook, 162). Riiti naan ko an al eo ippān doon, im jipan̄ ajri ro kalikkare ta eo juon ajri ekajoor ak peran ej kōm̧m̧ane. Kālet jet eoon ko jān Mosaia 11–13 im 17 n̄an riiti n̄an ajri ro n̄an kwaļo̧k ekōjkan an Abinadai im Alma kar peran (n̄an waanjon̄ak, lale Mosaia 13:1–4, 9).
Ij aikuj pokake Kien ko Jon̄oul.
Pris ro an Kiin̄ Noa raar jeļā kien ko bōtaab rekar jab ļoori. Naan ko an Abinadai remaron̄ jipan̄ ajri ro meļeļe aorōk eo an pokake kien ko.
M̧akūtkūt ko Maron̄ Kōjerbali
-
Kajjitōk ippān ajri ro n̄an bōnbōn n̄an 10. Ak leļo̧k n̄an er m̧ōttan peba ko nōm̧baik juon n̄an 10 im kōm̧m̧an bwe ren likūt peba ko ilo laajrak ejim̧we. Kōmeļeļeik bwe Jemedwōj Ilan̄ eaar letok Jon̄oul Kien ko n̄an jipan̄ kōj bar jepļaak n̄an mour Ippān. Jipan̄ ajri ro ba ippam̧ jet iaan Kien ko Jon̄oul jān Mosaia 12:33–36 im 13:11–24.
-
Kwaļo̧k juon pijja in Moses ippān Kien ko Jon̄oul (eo āinwōt Gospel Bok Pija, nō. 14), im ilo tukadu in kōmeļeļeik ekōjkan an Moses kar bōk kien ko jān Anij (lale Exodus 19–20). Innām kwaļo̧k pija in Abinadai (lale lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko), im jiron̄ ajri ro bwe Abinadai eaar kakeememej Kiin̄ Noa im pris ro an kōn Kien ko Jon̄oul. Kālet jet iaan kien ko jān Mosaia 12:33–36 im 13:11–24 me kwoj en̄jake rej lukkuun in aorōk n̄an ajri ro kwoj katakin, im ekōnono kaki ippāer kōjeraam̧m̧an ko me rej itok jān pokake kein kein.
-
Al ippān doon kōn juon al kōn kein ko, eo āinwōt “Keep the Commandments” (Children’s Songbook, 146). Etke jej kōjparok kein ko?
Rikanaan ro rej peran ilo kam̧ool kōn Jisōs Kraist.
Abinadai eaar katakin Kiin̄ Noa im ro jet kōn Jisōs Kraist, jekdo̧o̧n n̄e eaar kauwōtata. Ekōjkan an bwebwenato eo an Abinadai maron̄ kōkajoorļo̧k naan in kam̧ool ko an ajri ro kōn rikanaan ro?
M̧akūtkūt ko Maron̄ Kōjerbali
-
Kwaļo̧k ippān ajri ro jet iaan men ko Abinadai eaar katakin kōn Jisōs Kraist ilo Mosaia 14:5 im 15:7–9. Jipan̄ ajri ro meļeļe bwe Abinadai eaar kōņaan bwe Kiin̄ Noa im armej do doon ren ļoor Jisōs bwe ren maron̄ kar mōņōņō. Ilo tōre in ad, rikanaan ro remour rej katakin kōj kōn Rilo̧mo̧o̧r eo. Riiti juon ennaan jān kweilo̧k eo eļap, ak kwalo̧k juon pija ekadu kōn juon iaan rikanaan ro remour ej kwaļo̧k naan in kam̧ool eo an kōn Jisōs Kraist n̄an waanjon̄ak, lale “Special Witnesses of Christ” videos on ChurchofJesusChrist.org.
-
Kwaļo̧k ak pijaik pija ko kōn jein (chains) ko, juon jikin kalbuuj, im kūjeek. Katakin ajri ro bwe Abinadai eaar m̧ōņōņō bwe ren lukwōje, likūt ilo kalbuuj, ak em̧ool tūle kōn kijeek kōn an kwaļo̧k naan in kam̧ool eo an kōn Jisōs Kraist. Men̄e jejjamin naaj bōlen jelm̧ae kain kauwōtata rōt kein, ekōjan ad maron̄ peran āinwōt Abinadai ilo kwaļo̧k naan in kam̧ool ko ad kōn jim̧or naan ko ad im kālet ko ad?
Katakin Katak ko: Ajri ro Rerūttoļo̧k
Imaron̄ jutak kōn jim̧we eo, jekdo̧o̧n n̄e ij makeļo̧k iaō.
Ekōjkan am̧ maron̄ kōpooj ajri ro kwoj katakin n̄an jutak ilo peran kōn jim̧we eo, jekdo̧o̧n eļan̄n̄e rej aikuj kōm̧m̧ane menin makeļo̧k iaer?
M̧akūtkūt ko Maron̄ Kōm̧m̧ani
-
Kajjitōk ippān ajri ro n̄an jin̄aik pija ko kōn m̧ōttan ko roktak kōn bwebwenato eo an Abinadai, Kiin̄ Noa, im Alma loi ilo Mosaia 11–13 im 17. Jipan̄ er kōjerbal pija ko aer n̄an bar bwebwenato kōn bwebwnato eo, ak kōjerbal “Jebta 14: Abinadai im Kiin̄ Noa” (Bwebwenato ko jen Bok in Mormon, 38–42,ak pija eo an ilo ChurchofJesusChrist.org). Ekōjkan an Abinadai im Alma kar kajjojo jutak kōn jim̧we eo? Etke Kiin̄ Noa eaar jab jutak kōn jim̧we eo? (lale Mosaia 17:11–12). Jipan̄ ajri ro ļōmņak kōn iien ko ke raar jutak kōn ta eo ejim̧we.
-
Jipan̄ ajri ro ļōmņak kōn jekjek ko me raar maron̄ jutak kōn ta eo ejim̧we, im kūr er n̄an kōm̧m̧an m̧akūtkūt kōn jet iaan jekjek kein. N̄an waanjon̄ak, ta eo remaron̄ kar kōm̧mane n̄e juon ej kajieon̄ kōm̧m̧an bwe ren alooje juon pija ejjab em̧m̧an ak n̄e ro m̧ōttaer rejjab kōņaan kakobaiktok juon ilo juon ikkure rej ikkure ie?
-
Kwaļo̧k pija eo “Dare to Stand Alone” (ChurchofJesusChrist.org). Ekōjkan an kar Būreejtōn Thomas S. Monson āinwōt Abinadai?
Ij aikuj pokake Kien ko Jon̄oul.
Abinadai eaar katakin Kiin̄ Noa im pris nana ro an kōn Kien ko Jon̄oul. Ajri ro kwoj katakin er rej ke meļeļe etke jej aikuj iakwe im pokaake kien ko an Anij?
M̧akūtkūt ko Maron̄ Kōm̧m̧ani
-
Jitōn̄ kajjojo ajri n̄an riiti juon iaan kein ko ilo Mosaia 12:35 im 13:11–24. Jipan̄ ajri ro ļōmņak kōn wāween ko rejipan̄ n̄an jipan̄ doon keememej kajjojo kien (ko āinwōt naan ko eier wōt jem̧ļo̧kier (rhymn), juon kōl, ak leta ko jino in naan ko (acronym). Al eo “The Commandments” (Children’s Songbook, 112) maron̄ barāinwōt jipan̄. Leļo̧k n̄an ajri ro juon peba annan̄in wōt menono, im kajjitōk ippāer n̄an je juon ak elōn̄ļo̧k kōn Kien ko Jon̄oul ilo peba anan̄in menono eo aer (lale Mosaia 13:11)—bōlen juon eo im rej en̄jake ke rej aikuj buuļkajjieon̄ pokake.
-
Al ippān doon juon al kōn kein ko, eo āinwōt “Keep the Commandments” (Children’s Songbook, 146). Ta kōjeraam̧m̧an ko rej itok jān kōjparok kien ko?
Jeje ko rekwojarjar rej kataki kōj kien ko an Anij.
N̄e ij jerawiwi, ij erom jōbwābwe, kōnke kōn Jisōs Kraist, maron̄ bar lo eō.
N̄an katakin kōn Jisōs Kraist, Abinadai eaar kōnono jān rikanaan Aiseia, eo eaar keidi kōj n̄an jiip eo ejebwābwe. Ekōjkan am̧ maron̄ kōjerbal keidi in n̄an katakin ajri ro kōn Rilo̧mo̧o̧r eo?
M̧akūtkūt ko Maron̄ Kōjerbali
-
Kajjitōk ippān ajri ro n̄an kwaļo̧k en̄jake ko ke raar luuji juon men ak kar jōbwābwe er make raar. Ekōjkan aer kar en̄jake? Ta eo raar kōm̧m̧ane? Riit ippān doon Mosaia 14:6 im 16:4–9. Ekōjkan ad jet iien ilo̧k “jejļo̧k” jān Anij? Ekōjkan an Jisōs Kraist kar jipan̄ kōj bar ro̧o̧ltok?
-
Kajjitōk ippān ajri ro n̄an pijaik ilo kōlmenļo̧kjeņ juon baru in jiip. Ta jet iaan un ko juon iaan jiip ko remaron̄ in jōbwābwe? Kōllaajraki uwaak ko aer ioon boot eo. Ekōjkan ad āinwōt jiip eo ej jōbwābwe bajjōk? Ekōjkan an Jemedwōj Ilan̄ maron̄ en̄jake n̄e rej “lo” kōj kōn ukweļo̧k im Pinmuur eo an Rilo̧mo̧o̧r eo? (lale K&B 18:10–13). Kwaļo̧k naan in kam̧ool eo am̧ kōn Rilo̧mo̧or eo im kōn ukweļo̧k.
Kōketak Ekkatak ilo Mweo
Kajjitōk ippān ajri ro n̄an kajjitōk ippān ro uwaan baam̧ļe eo aer n̄an kwaļo̧k en̄jake ko me raar aikuj in jutak kōn m̧ool eo, ak kōketak ajri ro n̄an kwaļo̧k en̄jake ko aer make.
Kōkōm̧anm̧anļo̧k Ad Katakin
Bar āliji ej ki eo n̄an ekkatak. Ajri ro rej jeraam̧m̧an jān ron̄jake juon pedped an gospel eo ak kōm̧m̧ane juon m̧akūtkūt elōn̄ļo̧k jān juon alen. Kajjieon̄ bar āliji m̧akūtkūt ko ilo elōn̄ wāween kōm̧m̧ani.