Ua sosola ese tagata o Limae

Minerva K. Teichert (1888–1976), Solaaga a le Tupu o Limae ma Lona Nuu, 1949 1949, suauu i luga o le laupapa, 35 7/8 x 48 inisi. Falemataaga mo Faatufugaga a le Iunvesite a Polika Iaga, 1969.

11--17 Me

Mosaea 18–24

Ua Outou Ulu Atu i se Feagaiga faatasi ma Ia

A o e faitauina le Mosaea 18--24, mafaufau i tamaiti o e aoaoina. E mafai e le Agaga Paia ona fesoasoani ia te oe e iloa upumoni o le a aoga mo i latou.

Tusi faamaumau Ou Lagona Uunai

aikona o le fefaasoaai

Valaaulia le Fefaasoaai

Faaali atu se ata o se tasi ua papatisoina, ma valaaulia tamaiti e faasoa mai se mea latou te iloa e uiga i le papatisoga. E mafai ona latou faasoa mai se mea na latou aoaoina a’o faitauina Mosaea 18--24 ma o latou aiga, a’o auai i se papatisoga, po o se isi nofoaga.

aikona o le aoao atu

Aoao atu le Aoaoga Faavae: Tamaiti Laiti

Mosaea 18:7--16

Pe a ou papatiso, ou te osia se feagaiga ma le Atua.

O se tasi o auala pito sili ona taua e fesoasoani ai i tamaiti e saunia mo le papatisoga o le aoao atu ia i latou e uiga i le feagaiga latou te osia pe a papatisoina i latou.

Gaoioiga e Mafai Ona Fai

• Toe faamanatu le tala ia Alema ma ona tagata i le Vai o Mamona e faaaoga ai le Mosaea 18:7–16 po o le “Mataupu 15: Ua Aoao Atu Alema ma Papatisoina Tagata” (Tala o le Tusi a Mamona, 43–44, po o le vitio talafeagai i luga o le ChurchofJesusChrist.org). Faaali atu le ata o loo maua i le otootoga o lenei vaiaso i le Sau, Mulimuli Mai ia te A’u—Mo Tagata Taitoatasi ma Aiga, ma tuu atu i tamaiti e taʻu atu ia te oe mea latou te iloa e uiga i le tala.

• I le faaaoga ai o le Mosaea 18:8--10 o se taiala, aoao tamaiti i au oe lava upu nisi o mea o le a latou folafola atu e fai pe a papatisoina i latou. Mo se faataitaiga, o le a latou folafola atu e mulimuli i le Tama Faalelagi ma Iesu e ala i le faamafanafanaina o tagata o faanoanoa. Faasoa atu se tala i le auala na e tausia ai nei folafolaga po o se tasi e te iloa. (Tagai foi MF&&F 20:77, 79; Carole M. Stephens, “E I Ai se Mafuaaga Sili mo i Tatou e Olioli Ai,” Ensign po o le Liahona, Nov. 2013, 115–17.)

• Faamalamalama atu afai tatou te papatiso, e faia foi e le Tama Faalelagi folafolaga ia i tatou. Faasoa atu nei folafolaga, e pei ona faamatalaina i le Mosaea 18:9--10.

Mosaea 18:17--28

Pe a ou papatiso, e avea au o se tagata o le Ekalesia a Iesu Keriso.

Fesoasoani i tamaiti ia malamalama i le uiga o le avea ma tagata o le Ekalesia e ala i le papatisoga ma le faamauga.

Gaoioiga e Mafai Ona Fai

• Valaaulia se tasi e lei leva ona papatiso e faasoa atu lona aafiaga. Faitau Mosaea 18:17, ma faamatala atu pe a papatisoina i tatou ua avea i tatou ma tagata O Le Ekalesia a Iesu Keriso o le Au Paia o Aso e Gata Ai ma folafola atu e mulimuli ia Iesu.

• Faaali atu i tamaiti ata o loo suitulaga i mea o loo faamatalaina i totonu o le Mosaea 18:17--28. Mo se faataitaiga, o le ata Faauuga i le Perisitua (Tusiata o le Talalelei, nu. 106) e mafai ona fai ma sui o le fuaiupu 18, ma le ata Totogiina o le Sefuluai (Tusiata o le Talalelei, nu, 113) e fai ma sui o fuaiupu 27--28. Tuu atu i tamaiti e faamatala mai mea latou te vaaia i ata, ma faaaoga ia ata ma fuaiupu e fesoasoani ia i latou e iloa ai le uiga o le avea ma tagata o le Ekalesia.

papatisoga i le sami

Tatou te osia se feagaiga ma le Atua pe a papatisoina i tatou.

Mosaea 24:8--17

E mafai e le Atua ona faamamaina au avega.

O anafea na faia ai e le Atua au avega ia mama? Mafaufau i ni auala e mafai ai ona e faʻamatalaina ou aafiaga ma molimau i tamaiti.

Gaoioiga e Mafai Ona Fai

• Fesoasoani i tamaiti e mafaufau i ni taga faigofie e mafai ona latou faia a’o e faamatalaina le mea na tupu i le nuu o Alema i le Mosaea 24:8--17. Faamanino atu talu ai na filifili Alema e mulimuli i aoaoga a Apinati e uiga ia Iesu, sa agaleagaina o ia ma lona nuu, ae sa le mafai lava ona taofia lo latou talitonu ia Iesu.

• Faitau le Moaea 24:14–15 i tamaiti. Faatumu se taga i mea mamafa (e fai ma sui o avega), ma valaaulia se tamaitiiti e uu le ato. Faamalamalama atu pe a tatou faanoanoa, maʻi, pe i ai foi isi faʻafitauli, e mafai ona e lagona le tauaveina o se mea mamafa. Valaaulia tamaiti e auauaʻi e fesoasoani i le tamaititi e amo le ato ina ia mama. Faamalamalama atu e mafai e le Tama Faalelagi ona faamamaina a tatou avega pe a tatou sailia Lana fesoasoani e ala i le tatalo, auauna atu i isi, ma isi mea faapena.

aikona o le aoao atu

Aoao atu le Aoaoga Faavae: Tamaiti Matutua

Mosaea 18:7--16

Pe a ou papatiso, ou te osia se feagaiga ma le Atua.

E mafai faapefea ona e fesoasoani i tamaiti o loʻo e aoaoina ia malamalama i feagaiga tatou te osia i le papatisoga?

Gaoioiga e Mafai Ona Fai

• Tuu atu i tamaiti uma se fasipepa. Faitau faatasi Mosaea 18:8--10, ma valaaulia tamaiti e tusi i le isi itu oa latou pepa ia folafolaga tatou te faia i le papatisoga ma, i le isi itu, o faamanuiaga ua folafola mai e le Tama Faalelagi ia i tatou. Tuu atu ia i latou e faasoa atu i le vasega mea latou te maua. Ao latou fefaasoaai, fai ni fesili faapenei: E faapefea ona tatou “faanoanoa faatasi ma e e faanoanoa”? O le a le uiga o le avea ma molimau a le Atua “i nofoaga uma”? (fuaiupu e 9). O le a se mea e mafai ona tatou faia e tausia ai a tatou feagaiga?

• Valaaulia ni nai tamaiti ua uma ona papatisoina e faasoa mai mea latou te manatuaina e uiga i o latou aafiaga. O le a le mea na faapitoa ai lena aso? O a ni o latou lagona? Faamalamalama atu o Aso Sa taitasi latou te faafou ai a latou feagaiga o le papatisoga pe a latou tagofia le faamanatuga. Fesoasoani i tamaiti e faatusatusa le feagaiga o le papatisoga o loo faamatalaina i totonu o le Mosaea 18:8--10 ma tatalo o le faamanatuga (tagai MF&&F 20:77, 79). E mafai faapefea ona tatou faia le faamanatuga o se taimi faapitoa, faaaloalo, e pei lava oo tatou papatisoga?

• Fai atu i se tagata faatoa liliu mai e faasoa mai pe na faapefea ona ia aoao e uiga i le Ekalesia ma le lagona ina ua papatisoina. Tuu atu i tamaiti e fai ni fesili, e pei o le mea na fesoasoani i lena tagata e manaʻo ai e faia folafolaga i le Mosaea 18:7--16.

Mosaea 18:17--28

Ou te auai i Le Ekalesia a Iesu Keriso o le Au Paia o Aso e Gata Ai

E mafai faapefea ona e uunaia tamaiti ia loto faafetai mo faamanuiaga o le avea ma tagata o le Ekalesia?

Gaoioiga e Mafai Ona Fai

• Valaaulia tamaiti e faitau Mosaea 18:17--28, vaavaai mo aoaoga o le Ekalesia a Keriso i taimi o Alema ia e tutusa ma o tatou aso. Tusi a latou tali i poloka po o ipu, ma tuu atu i tamaiti latou te faaaogaina e fausia ai se fausaga e faatusa i le Ekalesia a Iesu Keriso.

• Usu faatasi ma tamaiti pe faitau upu o le “O Le Ekalesia A Iesu Keriso” (Tusipese a Tamaiti, 48), ma valaaulia i latou e faalogo mo mea ua tatou folafola atu e fai o ni tagata o le Ekalesia. Fesoasoani ia i latou e mafaufau i ni auala e mafai ai ona latou tausia ia folafolaga.

Mosaea 21:1–5, 13–16; 22:1–11; 24:8–22

E mafai e le Atua ona faamamaina au avega.

O le tala i tagata o Alema e mafai ona faaali atu i tamaiti o nisi taimi e fesoasoani ai le Atua e ala i le faamalosia o i tatou ina ia onosaia o tatou tofotofoga ae le o le aveesea. E mafai faapefea ona e fesoasoani ia i latou ia aoao mai i lenei tala?

Gaoioiga e Mafai Ona Fai

• Fesoasoani i tamaiti e faailoa vaega taua na tutupu mai tala o le nuu o Limae i le Mosaea 21:1–5, 13–16; ma le 22:1–11 ma tagata o Alema i le Mosaea 24:8–22. Ona fai atu lea i tamaiti taitoatasi e tusi se ata o se tasi o nei mea na tupu. Valaaulia tamaiti e tuu a latou ata i le faasologa sao e faamatala ai le tala. Ao latou faia, ia faamamafa atu na fesoasoani le Atua i tagata e tauaveina a latou avega.

• Valaaulia tamaiti e faitau le Mosaea 21:14–15 ma le 24:13–14. Na faapefea ona tali atu le Alii i tatalo a tagata o Limae ma tagata o Alema? Fai i tamaiti e faasoa mai ni taimi na latou tatalo ai mo se fesoasoani i se tofotofoga ma na fesoasoani le Tama Faalelagi ia i latou, pe faasoa atu foi sou lava aafiaga.

aikona o le aoaoina

Fautuaina le Aoaoina i le Aiga

Valaaulia tamaiti e faamatala atu i se isi mea o le a latou folafola atu pe na folafola atu e fai o se vaega o a latou feagaiga o le papatisoga.

Faaleleia o Lo Tatou Aoao Atu

Mata’ituina tamaiti. Afai e foliga mai ua lelavava le fanau, atonu o le taimi lea e taumafai ai se isi gaoioiga pe fai se savaliga puupuu, ma le migao. I le isi itu, afai o latou auai ma aoaoina, aua le lagonaina le faamalosia e agai i luma ina ia tele seisi vaega e aofia o le lesona.

itulau o gaoioiga: tatou te osia feagaiga pe a tatou papatiso