« ថ្ងៃទី ២០–២៦ ខែ កក្កដា អាលម៉ា ៣៦–៣៨ ៖ ‹ មើលទៅព្រះ ហើយរស់នៅ › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរមរមន ឆ្នាំ ២០២០ ( ឆ្នាំ ២០២០ )

« ថ្ងៃទី ២០–២៦ ខែ កក្កដា អាលម៉ា ៣៦–៣៨ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២០

រចនារូបភាពដោយ យ៉ូស្វេ ដេននីស

ថ្ងៃទី ២០–២៦ ខែ កក្កដា

អាលម៉ា ៣៦–៣៨

« មើលទៅព្រះ ហើយរស់នៅ »

ពេលអ្នកសិក្សា អាលម៉ា ៣៦–៣៨ ប្រកបដោយការអធិស្ឋាន នោះចំណាប់អារម្មណ៍ផ្សេងៗអំពីកុមារដែលអ្នកបង្រៀនអាចកើតមានដល់អ្នក ។ សូមកត់ត្រាចំណាប់អារម្មណ៍ទាំងនេះ វាអាចផ្តល់ជាគំនិតសម្រាប់សកម្មភាពរៀនសូត្រ ។

កត់ត្រាចំណាប់អារម្មណ៍របស់អ្នក

អញ្ជើញឲ្យចែកចាយ

សូមអញ្ជើញកុមារទាំងអស់ឲ្យចែកចាយអ្វីមួយដែល ឪពុកម្ដាយរបស់ពួកគេបានបង្រៀនពួកគេ ។ សូមសួរពួកគេ ប្រសិនបើពួកគេដឹងពីអ្វីដែលអាលម៉ាបានបង្រៀនកូនប្រុសរបស់លោក ។

បង្រៀនគោលលទ្ធិ ៖ កុមារតូចៗ

អាលម៉ា ៣៦:៦, ២០, ២៤

ការប្រែចិត្តនំាមកនូវអំណរដល់ខ្ញុំ ។

ការបង្រៀនកុមារអំពីអំណរនៃការប្រែចិត្តកាលពួកគេនៅក្មេង អាចបំផុសគំនិតពួកគេឲ្យប្រែចិត្ត ពេលពួកគេធំឡើង ។

សកម្មភាពដែលអាចជ្រើសរើស

សូមអាន អាលម៉ា ៣៦:២០ ឲ្យកុមារស្តាប់ ហើយសូមឲ្យពួកគេស្តាប់រកអារម្មណ៍របស់អាលម៉ា ។ សូមឲ្យកុមារប្រាប់អ្វីមួយចំនួនដែលធ្វើឲ្យពួកគេមានអំណរ ។ សូមបង្ហាញរូបភាពមួយរបស់ព្រះអង្គសង្គ្រោះ ហើយពន្យល់ថា អាលម៉ាមានអំណរ ដោយសារព្រះយេស៊ូវគ្រីស្ទបានអត់ទោសបាបឲ្យលោក ។
សូមឲ្យក្រដាសទៅកុមារម្នាក់ៗ ដែលមានរូបមុខមនុស្សរីករាយនៅម្ខាង និងរូបមុខមនុស្សកើតទុក្ខនៅម្ខាងទៀត ។ សូមឲ្យពួកគេស្តាប់ខណៈអ្នកអាន អាលម៉ា ៣៦:៦ ហើយជ្រើសរើសមុខណាមួយដែលពួកគេគួរតែលើកបង្ហាញ ។ សូមពន្យល់ថា អាលម៉ាបានប្រែចិត្ត ហើយទទួលបានអារម្មណ៍អំណរ ដោយសារព្រះយេស៊ូវគ្រីស្ទបានអត់ទោសលោកចំពោះជម្រើសអាក្រក់ដែលលោកបានធ្វើ ។ សូមឲ្យកុមារស្តាប់ខណៈអ្នកអាន អាលម៉ា ៣៦:២៤ អំពីជម្រើសល្អដែលលោកបានធ្វើនាពេលក្រោយមក ហើយលើករូបមុខដែលត្រូវ ។
សូមច្រៀងចម្រៀងមួយបទអំពីព្រះយេស៊ូវគ្រីស្ទជាមួយគ្នា ដូចជាបទ « ទ្រង់បញ្ជូនបុត្រាទ្រង់មក » ( សៀវភៅចម្រៀងកុមារ ទំព័រ ២០–២១ ) ។ សូមថ្លែងទីបន្ទាល់របស់អ្នកថា ព្រះយេស៊ូវបានយាងចុះមកផែនដី ដើម្បីសង្គ្រោះយើងចេញពីអំពើបាប និងនាំអំណរមកកាន់ពួកយើង ។

អាលម៉ា ៣៧:៦–៧

« តាមរយៈកិច្ចការតូចតាច និងងាយទើបនាំឲ្យកើតកិច្ចការដ៏ធំៗបាន » ។

តើអ្នកអាចបង្រៀនកុមារឲ្យទទួលស្គាល់ថា ព្រះអម្ចាស់ប្រើកិច្ចការតូចតាច ឬងាយ ដើម្បីសម្រេចកិច្ចការរបស់ទ្រង់ដោយរបៀបណា ?

សកម្មភាពដែលអាចជ្រើសរើស

សូមអាន អាលម៉ា ៣៧:៦–៧ ហើយអញ្ជើញកុមារឲ្យក្រាបចុះ គ្រប់ពេលដែលពួកគេអានពាក្យ « តូចតាច » ។ សូមបង្ហាញពួកគេនូវវត្ថុតូចៗពីរបី ដែលអាចធ្វើឲ្យរឿងធំកើតឡើងបាន ឬរំកិលវត្ថុធំៗបាន ដូចជាថ្មពិល ឬសោឡាន ។ តើរឿងធំអ្វីខ្លះអាចកើតឡើង ឬអាចរំកិលបាន ដោយសារកិច្ចការតូចតាចនោះ ? សូមជួយកុមារឲ្យគិតអំពីកិច្ចការតូចតាច ឬងាយមួយចំនួនដែលព្រះសព្វព្រះទ័យឲ្យពួកយើងធ្វើ ។ តើរឿងធំអ្វីខ្លះអាចកើតឡើងដោយសារបទបញ្ញត្តិតូចតាច ឬងាយទាំងនេះ ?
សូមបង្ហាញរូបភាពមួយ ឬពីរអំពីវត្ថុតូចៗដែលផ្គុំចូលគ្នាក្លាយជាវត្ថុធំបាន ដូចជាធាងស្មៅ និងវាលស្រែ ឬតំណក់ទឹកភ្លៀង និងបឹង ។ សូមថ្លែងទីបន្ទាល់ថា សូម្បីតែទង្វើតូចតាច ងាយៗក៏អាចធ្វើឲ្យមានការផ្លាស់ប្តូរដ៏ធំនៅក្នុងជីវិតរបស់យើង និងជីវិតមនុស្សដទៃបានដែរ ។ សូមលើកទឹកកុមារឲ្យនិយាយអំពីកិច្ចការតូចតាច កិច្ចការល្អៗមួយចំនួនដែលពួកគេធ្វើរៀងរាល់ថ្ងៃ ឬចែកចាយបទពិសោធន៍ផ្ទាល់របស់អ្នក ។ សូមឲ្យកុមាររើសយកកិច្ចការងាយ និងល្អៗ ដែលពួកគេអាចធ្វើនៅសប្តាហ៍នេះ ហើយគូររូបភាពរបស់ពួកគេកំពុងធ្វើកិច្ចការនោះ ។ សូមឲ្យពួកគេយករូបគំនូររបស់ពួកគេទៅផ្ទះ ហើយចែកចាយរូបភាពនោះជាមួយក្រុមគ្រួសារពួកគេ ។

អាលម៉ា ៣៧:៣៨–៤៧

ព្រះគម្ពីរអាចជួយយើងរៀងរាល់ថ្ងៃ ។

ទោះបីកុមារតូចៗជាច្រើនពុំអាចអានបានក្តី ក៏អ្នកអាចជួយពួកគេឲ្យទទួលបានទីបន្ទាល់មួយអំពីអំណាចនៃព្រះគម្ពីរដែលដឹកនាំជីវិតប្រចាំថ្ងៃរបស់ពួកគេដែរ ។

សកម្មភាពដែលអាចជ្រើសរើស

សូមបង្ហាញរូបភាពលីអាហូណា ( ដូចជា សៀវភៅរូបភាពដំណឹងល្អ លេខ ៦៨ ) ឬអញ្ជើញកុមារឲ្យគូររូបលីអាហូណាមួយ ខណៈពួកគេចែកចាយអ្វីដែលពួកគេចងចាំអំពីវា ( សូមមើល នីហ្វៃទី ១ ១៦:១០, ២៨–២៩ ) ។ សូមលើកព្រះគម្ពីរឡើង ហើយឲ្យកុមារចែកចាយអំពីរបៀបដែលព្រះគម្ពីរប្រៀបដូចជាលីអាហូណា ។ សូមប្រើ អាលម៉ា ៣៧:៣៨–៤៧ និងទំព័រសកម្មភាពសប្តាហ៍នេះជាកិច្ចបន្ថែមលើការពិភាក្សានេះ ។
សូមច្រៀងចម្រៀងមួយបទអំពីការសិក្សាព្រះគម្ពីរជាមួយគ្នា ដូចជាបទ « ស្វែងរក គិត អធិស្ឋាន » ឬបទ « ពេលខ្ញុំស្វែងយល់គម្ពីរពិសិដ្ឋ » ( សៀវភៅចម្រៀងកុមារ ទំព័រ ៦៦ ទំនុកតម្កើង លេខ ១៥៩ ) ។ តើមានពរជ័យអ្វីខ្លះស្តីពីការសិក្សាព្រះគម្ពីរត្រូវបានលើកឡើងក្នុងចម្រៀងនេះ ?

ព្រះគម្ពីរបង្រៀនយើងពីរបៀបធ្វើតាមព្រះ ។

បង្រៀនគោលលទ្ធិ ៖ កុមារធំៗ

អាលម៉ា ៣៦

ខ្ញុំអាច « កើតមកអំពីព្រះ » ពេលខ្ញុំធ្វើតាមព្រះយេស៊ូវ ហើយប្រែចិត្តពីអំពើបាបរបស់ខ្ញុំ ។

« ការប្រែចិត្តជឿ…គឺជាការផ្លាស់ប្តូរលក្ខណៈរបស់យើង ។ វាគឺជាការផ្លាស់ប្តូរយ៉ាងចាំបាច់មួយដែលព្រះអម្ចាស់ និងពួកព្យាការីរបស់ទ្រង់ចាត់ទុកថា ជាការចាប់កំណើតជាថ្មី » ( « ការប្រែចិត្តជឿ » Gospel Topics topics.ChurchofJesusChrist.org ) ។

សកម្មភាពដែលអាចជ្រើសរើស

សូមរំឭកជាមួយកុមារអំពីដំណើររឿងនៃការប្រែចិត្តជឿរបស់អាលម៉ាជាកូននៅក្នុង អាលម៉ា ៣៦:៦–២១ ។ សូមសរសេរពាក្យ និងឃ្លានានាចេញពីខគម្ពីរទាំងនេះនៅលើចម្រៀកក្រដាស ដែលពិពណ៌នាអំពីអារម្មណ៍អាលម៉ា ហើយបិទវានៅលើក្តារខៀន ។ សូមឲ្យកុមាររៀបចម្រៀកក្រដាសនោះជាពីរក្រុម ៖ អារម្មណ៍ដែលអាលម៉ាបានមានពីមុនលោកបានចាំអ្វីដែលឪពុករបស់លោកបានបង្រៀនអំពីព្រះអង្គសង្គ្រោះ និងអារម្មណ៍ដែលលោកមានបន្ទាប់ពីលោកបានចាំ ។ សូមអាន អាលម៉ា ៣៦:១៧–២០ ហើយថ្លែងទីបន្ទាល់ដល់កុមារថា ព្រះយេស៊ូវគ្រីស្ទអភ័យទោសឲ្យយើង ពេលយើងប្រែចិត្ត ។
សូមសរសេរពាក្យ កើតមកអំពីព្រះ និងបទគម្ពីរដូចតទៅនេះនៅលើក្ដារខៀន ៖ យ៉ូហានទី ១ ៤:៧; ម៉ូសាយ ៥:៧; ២៧:២៥–២៦; អាលម៉ា ៥:១៤; ២២:១៥ ។ សូមជួយកុមារឲ្យអានខគម្ពីរទាំងនោះ ហើយរកមើលឃ្លាដែលពិពណ៌នាអំពីអត្ថន័យនៃការកើតមកអំពីព្រះ ។ តើមនុស្សម្នាក់មានលក្ខណៈដូចម្តេចបន្ទាប់ពីបានកើតមកអំពីព្រះ ? តើយើងអាចបង្ហាញថា យើងបានកើតមកអំពីព្រះតាមរបៀបណា ?

អាលម៉ា ៣៧:៦–៩, ៣៨–៤៧

« តាមរយៈកិច្ចការតូចតាច និងងាយទើបនាំឲ្យកើតកិច្ចការដ៏ធំៗបាន » ។

សូមជួយកុមារដែលអ្នកបង្រៀនឲ្យយល់ថា ការអានព្រះគម្ពីររៀងរាល់ថ្ងៃសូម្បីតែរយៈពេលខ្លីក្តី ក៏អាចនាំមកនូវពរជ័យដ៏មហិមាដល់ពួកគេបានដែរ ។

សកម្មភាពដែលអាចជ្រើសរើស

សូមគូររូប ឬបង្ហាញរូបធុងទឹកមួយ ។ តើវាត្រូវការទឹកប៉ុន្មានតំណក់ដើម្បីបំពេញធុងទឹកនោះ ? សូមជួយកុមារឲ្យទទួលស្គាល់ថា វាត្រូវការទឹកជាច្រើនតំណក់តូចៗ ដើម្បីបំពេញធុងទឹកនោះ ។ តើវាទាក់ទងនឹង អាលម៉ា ៣៧:៦–៧ ដូចម្តេច ? តើការអានព្រះគម្ពីរដូចទៅនឹងការបន្ថែមតំណក់ទឹកតូចៗចូលទៅក្នុងធុងទឹកមួយដូចម្តេច ?
សូមឲ្យកុមាររកមើលក្នុង អាលម៉ា ៣៧:៦–៩ នូវពរជ័យដែលកើតមានមកពី « បញ្ជី » ឬព្រះគម្ពីរ ។ សូមធ្វើបញ្ជីមួយអំពីអ្វីដែលពួកគេរកឃើញជាមួយសិស្សក្នុងថ្នាក់ ។ តើការអានព្រះគម្ពីរផ្តល់ពរដល់ជីវិតរបស់អ្នកដូចម្តេច ? សូមចែកចាយទីបន្ទាល់របស់អ្នកអំពីព្រះគម្ពីរ ហើយលើកទឹកចិត្តកុមារឲ្យធ្វើដូច្នោះផងដែរ ។
សូមបង្ហាញ ឬដាក់រូបភាពលីអាហូណា ( ដូចជា សៀវភៅរូបភាពដំណឹងល្អ លេខ ៦៨ ) ហើយសូមឲ្យកុមាររំឭកពីអ្វីដែលពួកគេចាំពីលីអាហូណាមកពី នីហ្វៃទី ១ ១៦:១០, ២៨ ។ សូមជួយកុមារឲ្យអាន អាលម៉ា ៣៧:៣៨–៤២ ។ តើលីអាហូណាធ្វើការដូចម្ដេច ? តើការណ៍នេះស្រដៀងគ្នាទៅនឹងរបៀបដែលព្រះគម្ពីរជួយយើងយ៉ាងដូចម្ដេច ? សូមអាន ខទី ៤៣–៤៧ ដើម្បីជួយឆ្លើយសំណួរនេះ ។ សូមឲ្យកុមារបំពេញទំព័រសកម្មភាពទុកជាផ្នែកមួយនៃសកម្មភាពនេះ ។

លើកទឹកចិត្តឲ្យមានការរៀនសូត្រនៅឯគេហដ្ឋាន

សូមលើកទឹកចិត្តកុមារឲ្យចែកចាយមូលហេតុមួយ ដែលពួកគេមានអំណរគុណចំពោះព្រះគម្ពីរ ហើយអញ្ជើញសមាជិកគ្រួសារពួកគេឲ្យចែកចាយផងដែរ ។

ការកែលម្អការបង្រៀនរបស់យើង

សូមជួយកុមារឲ្យក្លាយជាអ្នករៀនកាន់តែពូកែ ។ គោលបំណងរបស់អ្នកក្នុងការបង្រៀនកុមារ គឺពុំគ្រាន់តែផ្ទេរសេចក្ដីពិតទៅឲ្យពួកគេនោះទេ ។ អ្នកក៏អាចជួយពួកគេឲ្យក្លាយជាអ្នកស្វែងរកសេចក្ដីពិតដែលមានភាពខ្លួនទីពឹងខ្លួនដែរ ។ ឧទាហរណ៍ ជំនួសឲ្យការតំណាលប្រាប់កុមារអំពីសេចក្តីពិតដែលមាននៅក្នុងរឿងនៃការប្រែចិត្តជឿរបស់អាលម៉ា នោះអ្នកអាចគ្រោងធ្វើសកម្មភាពផ្សេងៗអំឡុងពេលដែលពួកគេស្វែងរកសេចក្ដីពិតដែលមាននៅក្នុងរឿងនោះដោយខ្លួនពួកគេ ។

ទំព័រសកម្មភាព ៖ ព្រះគម្ពីរនាំយើងឲ្យខិតកាន់តែជិតព្រះគ្រីស្ទ