Veivakavulici tiko ena bai o Samuela na Leimanaiti

Samuela na Leimanaiti ena Bai, mai vei Arnold Friberg

31 ni Okosita–6 ni Sepiteba

Ilamani 13–16.

“iTukutuku Vinaka Mo Dou Reki Vakalevu Kina”

Vakarau mo veivakavulici ena wiliki ni Ilamani 13–16 ka tugana se itaviqaravi cava soti ena vukei ira vinaka sara na gone ni vulica na dina eso ena veiwase oqo.

Vola na Veika o Uqeti Kina

ivakatakilakila ni veiwasei

Sureta na Veiwasei

Vakaraitaka na iyaloyalo i Samuela na Leimanaiti, ka sureti ira na gone me ra wasea e dua na ka era kila me baleti koya. Me ivakaraitaki, e rawa ni ra veivosakitaka na italanoa i Samuela ni veivakavulici tu ena bai se na ivakatakilakila eso a kaya o koya ena basika ni sa sucu o Jisu?

ivakatakilakila ni veivakavulici

Vakavulica na iVunau: Gone Sobu

Ilamani 13:2–5

Na Yalotabu e rawa ni vosa ki na yaloda.

Ni sa vakaroti o Samuela na Leimanaiti me vunau vei ira na Nifai, a vukei koya na Tamada Vakalomalagi ni kila e vunilomana na ka me tukuna.

iTaviqaravi e Rawa ni Caka

• Vakavulici ira na gone ni gauna eda veivosaki kina vakavosa, sa rawa ni tukuna na Yalo Tabu na veika eda vakila e lomada. Sureti ira me ra tara tu na lomaseredra ena veigauna o wilika kina na vosa “lomaqu” ena Ilamani 13:2–5. Vukei ira ni ukutaka na veitiki ni pepa buli vakayate ka tukuna, “Na Yalotabu sa vosa vei au ena lomaqu.”

• Tukuna vei ira na gone ni gauna era sa papitaiso ka vakadeitaki kina, ena tiko vei ira na isolisoli ni Yalo Tabu me vukei ira ni kila na ka e vinakata na Tamada Vakalomalagi me ra kitaka ka tukuna. Vukei ira ni vakasamataka na veika ena rairai tukuna vei ira na Yalo Tabu, ka sureti ira mera wasea na ka era rawa ni cakava me ra muria na Nona veivakauqeti.

Ilamani 14:2–7, 20–25

Era vakatavulici Jisu Karisito na parofita.

Na itukutuku i Samuela na Leimanaiti e sa dua na madigi levu mera vakavulici kina na gone ni ra sa vakatavulici Jisu Karisito na parofita kecega.

iTaviqaravi e Rawa ni Caka

• Vakaraitaka na iyaloyalo i Samuela na Leimanaiti ena ituvatuva ni macawa oqo ena Lako Mai, Mo Muri Au—Me Baleta na Tamata Yadua kei na Matavuvale, ka tukuna vei ira na gone, ena veivosa rawarawa, baleta na veika a sotava ena Ilamani 13–16. E rawa talega ni o vakayagataka na “Wase 40: Sa Tukuni Jisu Karisito o Samuela na Leimanaiti” (iTalanoa ni iVola i Momani, 111–13, se na kena vidio ena ChurchofJesusChrist.org). Me ra qai wasea na gone na veika era kila baleti Samuela na Leimanaiti.

• Lagata vata na “Samuel Tells of the Baby Jesus” se nai ka vitu ni qaqana ni “Book of Mormon Stories” (Children’s Songbook, 36, 118–19). Wasea e dua na ka o taleitaki Samuela kina, ka me ra qai wasea na gone na ka era vinakata baleta na kena italanoa.

• Vunitaka ena loma ni rumu na yaloyalo era matataka na ivakatakilakila eso a parofisaitaka o Samuela ena Ilamani 14:2–7 kei na 20–25. Wilika na malanivosa e vakamacalataka e dua na ivakatakilakila, ka kerei ira na gone me ra raica na iyaloyalo ni ivakatakilakila oya. Vakamacalataka ni a vukei ira na Nifaiti mera kilai Jisu Karisito na veivakatakilakila oqo. Vakadinadinataka ni, vakataki Samuela, ra sa vakadinadinataki Jisu Karisito na parofita kecega.

Peresitedi Russell M. Nelson

Na parofita e dusimaki keda vei Jisu Karisito.

Ilamani 16:1-6

Au sa vakalougatataki niu muria na parofita.

Sa solia vei keda na Tamada Vakalomalagi e dua na parofita me vukei keda meda kila na Lomana ka muria na Nona ituvatuva. Eda sa vakalougatataki ena noda vakarorogo ki na vosa ni parofita, ka muria.

iTaviqaravi e Rawa ni Caka

• Vukei ira na gone ni tara e dua na bai lailai ena buloko se ivola. Ni vakayagataki tu e dua na ka ni vakatatalo lailai se doli me matataki Samuela, mera qai veivukevuke na gone ni vukei “Samuela” me kabata na bai ka vakavulici ira na tamata baleti Jisu Karisito. (Raica talega na tabana ni itaviqaravi ena macawa oqo.) Wasea na veimalanivosa mai na Ilamani 16:1 kei na 5 me vakamacalataka ni so na tamata a vakabauti Samuela ka papitaisotaki. Vakayagataka na veimalanivosa mai na Ilamani 16:2 kei na 6 me vakaraitaka ni so tale era sega ni vakabauta ka sa cudruvi Samuela. Vakadinadinataka ni ra sa vakalougatataki na tamata ka muria na parofita.

• Vakaraitaka na iyaloyalo ni iVakabula, ka kerei ira na gone mera matataka na parofita ka liutaki ira wavoki na vo ni gone ena rumu ni ra lagata tu e vica na qaqa ni “Follow the Prophet” (Children’s Songbook, 110–11) se dua tale na sere baleti ira na parofita. Qai kerea na gone e matataka tiko na parofita me liutaki ira na gone ki na iyaloyalo ni iVakabula. Vakadinadinataka ni kevaka eda muria na parofita, ena liutaki keda o koya kivei Jisu Karisito. Wasea eso na ka e sa vakavulica walega oqo na noda parofita me baleti Jisu. E rawa vakacava meda muria na nona ivakasala?

ivakatakilakila ni veivakavulici

Vakavulica na ivunau: Gone Qase Cake

Ilamani 13:2–4

Na Yalotabu e rawa ni vosa ki na yaloda.

Ena dua na siga, era na gadreva ni kila na gone o vakavulica na sala me caka kina na ka e cakava o Samuela: wasea na itukutuku e biuta na Turaga ki na lomadra.

iTaviqaravi e Rawa ni Caka

• Vakaraitaka e dua na iyaloyalo i Samuela na Leimanaiti (vaka na kena ena Lako Mai, Mo Muri Au—Me Baleti Ira na Tamata Yadua kei na Matavuvale), ka tarogi ira na gone se a kila vakacava o Samuela na ka me tukuna ni vunau voli mai na bai ni koro. Sureti ira mera vaqara na Ilamani 13:2–4 ena kena isau. Tukuna e dua na gauna a vukei iko kina na Yalo Tabu mo kila ena vunilomamu na ka e vinakata vei iko na Kalou mo kitaka se tukuna. Kerei ira na gone me ra wasea eso na ka e via vaka tu oya era a sotakaya.

• Vakaraitaka e dua na iyaloyalo ni parofita bula ni vosa tiko ena koniferedi raraba. Tukuna vei ira na gone ni sa dau tukuna na Kalou vua na parofita na ka me kaya vei keda, me vaka ga e a tukuna vei Samuela na ka me kaya vei ira na Nifaiti. Veivosakitaka vata na veika e tukuna na parofita e sa bau veivakauqeti vei iko se vei ira na gone.

Ilamani 14:2–28

Era vakatavulici Jisu Karisito na parofita.

Na inaki ni itukutuku i Samuela oya me vakadinadinataki Jisu Karisito ka sureti ira na tamata me ra veivutuni ka lako mai Vua. Sa tautauvata ga na nodra itavi na noda parofita edaidai.

iTaviqaravi e Rawa ni Caka

• Sureta na veimama ni gone me wilika na Ilamani 14:2–6 ka droinitaka na iyaloyalo ni ivakatakilakila eso ni sucu i Jisu. Sureta na veimama kadua ni kalasi me wilika na Ilamani 14:20–28 ka droinitaka na iyaloyalo ni ivakatakilakila eso ni mate i Jisu. Qai kerea na ilawalawa yadua me wasea na ka era sa droinitaka. Wilika vata na Ilamani 14:11–12, ka kerei ira na gone mera rogoca na vuna a parofisaitaka kina o Samuela na veivakatakilakila oqo. Eda dau vulici Jisu Karisito vakacava edaidai?

• Vakamacalataka ni vaka ga a vakatavulici Jisu Karisito o Samuela na Leimanaiti, era sa cakava vakakina na parofita bula edaidai. Wasea e dua na itukutuku mai na koniferedi walega oqo e a vakadinadinataki Karisito kina na parofita bula. Kerei ira na gone me ra wasea na veika sa vakavulici ira kina na parofita me baleti Jisu Karisito.

Ilamani 16:1–6

Au sa vakalougatataki niu muria na parofita.

Sa solia vei keda na Tamada Vakalomalagi e dua na parofita me vukei keda meda kila na Lomana ka muria na Nona ituvatuva. Eda sa vakalougatataki ni da rogoca ka muria na vosa ni parofita.

iTaviqaravi e Rawa ni Caka

• Wilika i cake na Ilamani 16:1 kei na 5, ka kerei ira na gone me ra tucake ni ra rogoca e dua na ka era cakava na tamata ni ra vakabauta na vosa i Samuela. Qai wilika na tikina e 2 kei na 6, ka kerei ira na gone me ra dabe sobu ni ra rogoca e dua na ka era cakava na tamata ni ra sa sega ni vakabauta. Eda na vakaraitaka vakacava ni da vakabauta na nodra vosa na parofita bula?

• Vakaraitaka na iyaloyalo ni parofita bula, ka sureti ira na gone me ra wasea na ka era kila baleti koya. Wasea na sala o saga tiko kina mo muria na nona ivakavuvuli kei na nomu sa vakalougatataki ena kena caka vakakina.

ivakatakilakila ni vuli

Vakauqeta na Vuli e Vale

Sureti ira na gone me ra vulica e dua na ka e sa kaya na parofita ka wasea ki na kalasi ena macawa mai oqo.

Vakatorocaketaki Noda Veivakavulici

Vakauqeti ira na gone me ra taro. “Segata mo raica nodra taro [na gone] me madigi eso, sega ni ra veivagolei tani se vakalatilati ki na nomu lesoni. … Na veitaro vakaoqori e solia vei iko na raiyawa yaga eso ki na ka era vakasamataka tiko na gone, na kauwai eso e tiko vei ira, kei na ivakarau ni nodra sausaumi voli ki na veika era sa vulica tiko” (raica talega na Veivakavulici ena iVakarau ni Turaga, 25–26).

tabana ni itaviqaravi: Au rawa ni muria na parofita