Iesu i te fāra’a i te ’āti Nephi

’O vau te māramarama o te ao nei, nā James Fullmer

14–20 nō Tetepa

3 Nephi 8–11

« ’A ti’a mai i ni’a, ’e ’a ha’afātata mai iā’u »

E tai’o i te 3 Nephi 8–11 ma te feruri i te mau tamari’i tā ’outou e ha’api’i ra. E nehenehe te mau mana’o i roto i teie arata’i ha’api’ira’a e tauturu i te arata’ira’a i tā ’outou fa’aineinera’a.

Pāpa’i i te mau mana’o e tae mai

ītona fa’a’itera’a

Tītau i te mana’o

E fa’a’ite i te hō’ē hōho’a nō Iesu Mesia i te fāra’a atu i Amerika, mai terā i roto i te arata’i ha’api’ira’a nō teie hepetoma i roto Mai, pe’e mai—nō te ta’ata hō’ē ’e te ’utuāfare. E ani i te mau tamari’i ’ia ha’apāpū mai i te mau mea i roto i te hōho’a ’e e fa’a’ite mai i te tahi ’ohipa tā rātou i ’ite nō ni’a i te ’ā’amu e fa’ati’ahia ra.

ītona ha’api’ira’a

Ha’api’i i te ha’api’ira’a tumu : Mau tamari’i ’āpī

3 Nephi 8–11

Tē ani nei Iesu Mesia iā’u ’ia haere iāna ra.

E’ita paha e ti’a ia ’outou ’ia fa’a’ite i te mau tamari’i i te tā’āto’ara’a o te mau mea nō ni’a i te fāra’a mai te Fa’aora i te mau ta’ata o Nephi, e nehenehe rā tā ’outou e tauturu ia rātou ’ia ’ite i te here tāna i fa’a’ite i te ta’ata i roto i te 3 Nephi 8–11.

Mau ’ohipa e nehenehe e rave

• E parau i te mau tamari’i nō ni’a i te mau vero ’e te pōiri i fa’a’itehia i roto i te 3 Nephi 8, ma te ha’apa’o maita’i ’eiaha rātou ’ia ri’ari’a ’e ’aore rā, ’ia ’ino’ino. E nehenehe ’outou e fa’a’ohipa i te « Pene 42 : Te mau tāpa’o nō te fa’asātaurora’ahia te Mesia » (Mau ’ā’amu o te Buka a Moromona, 117–19). E ani i te mau tamari’i e aha tō rātou mana’o ’āhiri ē, tei ’ō rātou i roto i taua mau vero ra ’e te pōiri. E fa’ata’a ē, te mau vero ’e te pōiri e mau tāpa’o fa’a’ite ïa ē, ’ua pohe o Iesu, ’e e fa’a’ite i te hō’ē hōho’a nō te fa’asātaurora’a (hi’o i te Buka hōho’a o te ’evanelia, nūmera 57). I muri iho e tai’o 3 Nephi 9:13. E aha tā Iesu i parau e rave ’oia nō te feiā ’o tei tātarahapa ? E tauturu i te mau tamari’i ’ia hāro’aro’a ē, te ta’o « fa’aora » i roto i teie ’īrava, ’oia ho’i, e fa’a’ore Iesu i tā rātou hapa.

• E fa’a’ite i te hōho’a i roto i te arata’i ha’api’ira’a nō teie hepetoma i roto i te Mai, pe’e mai—nō te ta’ata hō’ē ’e te ’utuāfare ’a tātara ai ’outou nā roto i tā ’outou iho mau parau, i te fāra’a mai te Fa’aora tei ti’afa’ahou i te ’āti Nephi ’e te ’āti Lamana. E tai’o i te mau tuha’a poto i roto i te 3 Nephi 11 ’o te tauturu ia rātou ’ia ’ite i te huru mo’a o teie ’ohipa. E ani ia rātou ’ia tāpiri i tō rātou mata ’e ’ia feruri e aha tā rātou e fāri’i ’āhiri ē, tē ’ite ra rātou ia Iesu. E parau i te mau tamari’i e aha tō ’outou huru ’ia tai’o ’e ’ia feruri ana’e ’outou i teie mau ’ohipa i tupu. E fa’a’ite pāpū ē, tē hina’aro nei Iesu ia tātou pā’āto’a ’ia haere iāna ra ’e ’ia ’ite i tōna here. E fa’a’ī i te ’api ’ohipara’a ’e te mau tamari’i.

3 Nephi 10:4–6

Tē pāruru nei Iesu i tōna mau ta’ata mai te hō’ē moa e pāruru i tāna mau fanau’a.

E nehenehe te hōho’a o te hō’ē moa e ha’aputuputu ra i tāna mau fanau’a e ha’api’i i te mau tamari’i nō ni’a i te māhanahana ’e te pārurura’a tā te Fa’aora e pūpū mai mai te mea e haere tātou iāna ra.

Mau ’ohipa e nehenehe e rave

• E fa’a’ite i te hō’ē hōho’a o te hō’ē moa e ’atu’atu ra i tāna mau fanau’a. E tai’o i te 3 Nephi 10:6, ’e e parau i te mau tamari’i nāhea te hō’ē moa ’ia pi’i i tāna mau fanau’a ’e ’ia pāruru ia rātou i raro a’e i tōna pererau ’ia tupu ana’e mai te hō’ē fifi. E ’āparau e mea nāhea Iesu e riro ai mai te moa ’e tātou mai te mau fanau’a. Nāhea e ti’a ai ia tātou ’ia haere iāna ra nō te ’ite mai i te pārurura’a ?

• E tu’u i te hō’ē hōho’a nō Iesu i ni’a i te papa’i. E ani i te mau tamari’i ’ia haere fa’a’ati i te piha ’a tai’o ai ’outou i te 3 Nephi 10:4 ma te pūai. E parau ia rātou ’ia haere i mua i te hōho’a o Iesu ’ia fa’aro’o ana’e rātou i te mau ta’o « ha’aputuputuhia » ’e ’aore rā, « ha’aputuputu ». E rave fa’ahou i teie ’ohipara’a ’a tai’o ai ’outou i te mau ’īrava 5 ’e te 6. E fa’a’ite i te mau tamari’i e mea nāhea ’outou i te haerera’a mai i te Fa’aora nō te pārurura’a, ’e e fa’a’ite pāpū ē, e pāruru ’oia ia tātou i te mau fifi pae vārua mai te mea ē, e ha’apa’o tātou i te mau fa’auera’a.

3 Nephi 11:21–26

Tē hina’aro nei Iesu Mesia ’ia bāpetizohia vau.

Tē fa’aineine nei te mau tamari’i tā ’outou e ha’api’i nei ’ia bāpetizohia rātou. E nehenehe te mau ha’api’ira’a a te Mesia i roto i teie mau tuha’a parau e tauturu ia rātou ’ia ’ite ē, nō te aha e mea faufa’a te bāpetizora’a.

Mau ’ohipa e nehenehe e rave

• E tai’o i te 3 Nephi 11:21–26, ’e e ani i te mau tamari’i ’ia ti’a i ni’a i te mau taime ato’a e fa’aro’o rātou i te ta’o ra « bāpetizo ». E fa’ata’a ē, ’ua ha’api’i mai Iesu ia tātou i te ravera’a ti’a nō te bāpetizora’a. E fa’a’ite i te hō’ē hōho’a o te hō’ē tamari’i e bāpetizohia ra (hi’o Vaira’a hōho’a ’evanelia, nūmera 104). Mai te mea ē, ’ua ’ite a’e nā te mau tamari’i i te hō’ē bāpetizora’a, e ani ia rātou ’ia fa’ata’a mai i te mea tā rātou i ’ite. Nā vai i rave i te bāpetizora’a, ’e e mea nāhea tōna ravera’a ?

• Nā mua a’e, e ani i te hō’ē metua tāne o te hō’ē o te mau tamari’i ’ia haere mai i roto i te piha ha’api’ira’a ’e ’ia fa’a’ite mai i te mau tamari’i nō te aha e mea faufa’a ’ia bāpetizohia tātou nā roto i te utuhira’a nā te hō’ē ta’ata tei mau i te autahu’ara’a. E nehenehe ato’a ’oia e fa’ata’a i te mau tamari’i, e aha te tupu mai ’ia oti ana’e rātou i te bāpetizohia ’e te mau ha’amaita’ira’a tā rātou e fāri’i. E fa’aitoito iāna ’ia fa’a’ohipa i te 3 Nephi 11:23–26 i roto i tāna tātarara’a.

ītona ha’api’ira’a

Ha’api’i i te ha’api’ira’a tumu : Mau tamari’i pa’ari

3 Nephi 8–11

Tei roto ana’e au i te pōiri, e riro Iesu Mesia ’ei māramarama nō’u.

Hō’ē parau poro’i pūai o teie mau pene ’oia ho’i, o Iesu Mesia te māramarama o te ao nei, ’e e nehenehe ’oia e riro ’ei māramarama nō tō tātou orara’a.

Mau ’ohipa e nehenehe e rave

• E tai’o ’āmui 3 Nephi 8:5–7, 11–23, ’e 10:9–13 (mai te mea ē, e nehenehe, e ha’apōiri i te piha ’a tai’o ai ’outou). E fa’aea te tai’ora’a i te tahi taime ’e e ani i te mau tamari’i e aha tā rātou e fāri’i ’āhiri ē, ’ua fārerei rātou i teie mau ’ohipa i tupu. E tai’o ’e te mau tamari’i i te tahi o te mau parau tā Iesu Mesia i parau i te mau ta’ata ’a vai ai rātou i roto i te pōiri (hi’o 3 Nephi 9:13–14, 18). Nō te aha Iesu Mesia i parau ai iāna iho te māramarama o te ao nei ? E aha tā Iesu i ani i te mau ta’ata, ’e ia tātou, ’ia rave ’ia ti’a iāna ’ia riro ’ei māramarama nō tātou ? (hi’o 3 Nephi 9:20–22).

• E fa’a’ite i te mau tamari’i i te hō’ē hōho’a fenua, ’e e tauturu ia rātou ’ia ’imi ia Ierusalema ’e i te fenua Amerika. E fa’ata’a ē, te ha’amoura’a i fa’a’itehia i roto i te 3 Nephi 8, ’o te hō’ē ïa tāpa’o nō te ta’ata i te fenua Amerika ē, ’ua fa’asātaurohia Iesu i Ierusalema. E tai’o ’āmui 3 Nephi 11:1–15, ’e e ani i te mau tamari’i ’ia fa’a’ite mai ia ’outou ’ia ’ite-ana’e-hia hō’ē mea ia rātou i roto i teie mau ’īrava ’o te tauturu ia rātou ’ia ’ite i te here o te Atua. E fa’a’ite i te ’īrava 37, ’e e fa’a’ite pāpū ē, tē here nei te Fa’aora i te mau tamari’i ato’a. E fa’a’ite i tō ’outou ’itera’a pāpū nō ni’a i te parau mau o te mea tā ’outou e tai’o nei.

Tē fa’a’ite ra Iesu i te āti Nephi i te mau puta i roto i tōna nā rima.

Ta’ihō’ē, nā Walter Rane.

3 Nephi 11:1–8

E nehenehe tā’u e ha’api’i nō te ite i te reo o te Atua i roto i tō’u orara’a.

I te ha’amatara’a ’aita te ta’ata i māramarama i te reo nō te ra’i mai tā rātou i fa’aro’o. E aha tā te mau tamari’i e nehenehe e ’apo mai nā roto mai i teie ’ā’amu nō ni’a i te fāri’ira’a i te heheura’a ?

Mau ’ohipa e nehenehe e rave

• E tai’o i te 3 Nephi 11:1–4 ’e te mau tamari’i, ma te fa’afa’aea nō te ani i te mau uira’a mai teie « I tō ’outou mana’o nō te aha ’aita te ta’ata i māramarama i te reo ? » I muri iho e ani ia rātou e tai’o i te mau ’īrava 5–7 nō te ’imi mai, e aha tā te ta’ata i rave tei tauturu ia rātou ’ia māramarama i te reo i roto i tō rātou ’ā’au. Nāhea e ti’a ai ia tātou ’ia tāmata i te fa’aro’o i te Atua ’ia paraparau ana’e mai ’oia i tō tātou ’ā’au nā roto i te Vārua Maita’i ?

• E fa’ata’i marū i te hō’ē hīmene haruharuhia ’e ’aore rā, hō’ē hīmene a te mau tamari’i e mea fifi ’ia fa’aro’o. E ani i te mau tamari’i, e nehenehe ānei tā rātou e māramarama i te mau parau o te hīmene. I muri iho e tauturu i te mau tamari’i ’ia ’imi 3 Nephi 11:3 nō te mau fa’ata’ara’a o te reo nō te ra’i mai. Nō te aha ’aita te Atua e paraparau mai ia tātou ma te reo « pūai » ’e ’aore rā, ma te reo « teimaha » ? E aha tā tātou e nehenehe e rave nō te fa’aro’o maita’i a’e iāna ?

ītona ’apora’a ha’api’ira’a

Fa’aitoito i te ha’api’ira’a mai i te fare

E ani i te mau tamari’i ’ia paraparau i te hō’ē ta’ata nō ni’a i te tere o Iesu i Amerika—mai te mea e nehenehe, hō’ē ta’ata ’aita ā i ’ite a’e nei i te reira.

Haʼamaitaʼiraʼa i tā tātou haʼapiʼiraʼa

E fa’atītī’aifaro i te mau ha’ape’ape’ara’a nā roto i te here. « I te tahi taime e ha’a te hō’ē tamari’i ma te ha’ape’ape’a i te ’apora’a mai a vetahi mau pīahi i roto i te piha ha’api’ira’a. ’Ia tupu ana’e te reira, e fa’a’oroma’i, e here ’e e hāro’aro’a i te mau fifi tā te reira tamari’i e fa’aruru ra. Mai te peu e hina’aro ta’a ’ē tō te tamari’i e fa’atupu ra i te ha’ape’ape’ara’a, e paraparau i te ta’ata ’aravihi nō te pae huma o te pāroita ’e ’aore rā, o te titi ’e ’aore rā, e haere atu i ni’a i te disabilities.ChurchofJesusChrist.org nō te ’ite nāhea e ti’a ai ia ’outou ’ia pāhono maita’i a’e i te reira mau hina’aro » (Haʼapiʼiraʼa mai tā te Faʼaora, 26).

’api ’ohipara’a : tē ani nei Iesu iā’u ’ia haere mai iāna ra.