Pene 42

Te mau tāpa’o nō te fa’asātaurora’ahia te Mesia

E toru ’ahuru ma toru matahiti tei mā’iri mai te taime ’a ’ite ai te nuna’a i te mau tāpa’o nō te fānaura’a o Iesu Mesia.

3 Nephi 8:2

Tē hi’o nei rātou i teienei i te tāpa’o nō tōna pohera’a : Toru mahana pōiri.

3 Nephi 8:3

’Aita vetahi e ti’aturi ra e tae mai te tāpa’o. ’Ua mārō rātou e te feiā tei ti’aturi.

3 Nephi 8:4

I te hō’ē mahana, ’ua tupu te hō’ē vero rahi. ’Ua tupu te hō’ē mata’i ri’ari’a.

3 Nephi 8:5–6

’Ua pura mai te uira ’e ’ua fa’a’āueue te pātiri i te fenua tā’āto’a.

3 Nephi 8:6–7

’Ua tahuhia te ’oire o Zarahemela i te auahi. ’Ua mo’e te ’oire o Moroni i roto i te Miti. ’Ua tāpo’ihia te ’oire o Moroniha i te repo.

3 Nephi 8:8–10

’Ua fa’a’āueue te hō’ē ’āueuera’a i te fenua tā’āto’a. ’Ua vāvahihia te mau purumu ’e ’ua marua te mau fare patu. E rave rahi ’oire tei ha’amouhia, ’e e rave rahi ta’ata tei pohe.

3 Nephi 8:12–15

’Ua tupu te vero ’e te ’āueuera’a fenua fātata e toru hora.

3 Nephi 8:19

I te fa’aeara’a te vero ’e te ’āueuera’a fenua, ’ua tāpo’ihia te fenua i te pōiri ta’ota’o. ’Aita e māramarama nā te mau vāhi ato’a. E nehenehe te mau ta’ata e ’ite tino i te pōiri.

3 Nephi 8:19–20

’Ua tupu te pōiri e toru mahana. ’Aita te mau mori hinu e ’ama ’e e’ita te mau ta’ata e nehenehe e ’ite i te rā, te mārama ’aore rā te mau feti’a.

3 Nephi 8:21–23

’Ua ta’i te mau ta’ata nō te pōiri, te ha’amoura’a ’e te pohe. ’Ua pe’ape’a rātou nō te ’orera’a i tātarahapa i tā rātou mau hara.

3 Nephi 8:23–25

I muri iho, ’ua fa’aro’o te mau ta’ata i te reo o Iesu Mesia.

3 Nephi 9:1, 15

’Ua parau Iesu ia rātou nō te ha’amoura’a ri’ari’a i roto i te fenua. ’Ua parau ’oia ē, ’ua pohe te mau ta’ata ’ino roa a’e.

3 Nephi 9:12–13

’Ua parau ’oia ē, te feiā tei ’ore i pohe tītauhia ’ia tātarahapa. Mai te mea e nā reira rātou ’e e haere mai iāna ra, e ha’amaita’i ’oia ia rātou.

3 Nephi 9:13–14

I muri a’e i tō rātou fa’aro’ora’a i te reo, ’ua māere rahi rātou ’e ’ua fa’aea i te ta’i. ’Ua tupu te māniania ’ore e rave rahi hora.

3 Nephi 10:1–2

I muri iho, ’ua parau fa’ahou mai Iesu, ma te parau ē ’ua tāmata noa ’oia i te tauturu i te nuna’a. Mai te mea e tātarahapa rātou i teienei, e nehenehe noa rātou e ho’i mai.

3 Nephi 10:3–6

I muri a’e e toru mahana, ’ua pe’e ’ē atu te pōiri. ’Ua ’oa’oa te nuna’a ’e ma te ’oa’oa ’ua ha’amāuruuru i te Fatu.

3 Nephi 10:9–10