Pene 29
’Ua ha’api’i Alama nō ni’a i te fa’aro’o ’e te parau a te Atua
’Ua ha’api’i Alama i te ’āti Zorama nō ni’a i te fa’aro’o. ’Ua parau ’oia i teie nuna’a ē te feiā e ani i te hō’ē tāpa’o hou rātou e ti’aturi ai ’aita tō rātou e fa’aro’o.
’Ua parau Alama te fa’aro’o ’o te ti’aturira’a ïa i te ’ohipa e parau mau ma te ’ite ’ore mau i te reira.
’Ua fa’ata’a mai ’oia ē e tupu rahi te fa’aro’o mai te mea e hina’aro te hō’ē ta’ata i te ti’aturi ’e i te fa’aro’o i te parau a te Atua. I muri iho ’ia tanuhia te parau i roto i te ’ā’au o te ta’ata, ’e mai te hō’ē huero e ha’amata te reira i te tupu i te rahi.
Mai te hō’ē ta’ata e ha’api’i rahi atu ā nō ni’a i te ’evanelia, e a’ahia te huero ’e tāmau noa i te rahi mai. ’Ua ’ite te hō’ē ta’ata ē e huero maita’i ’e e tupu pūai mai tōna fa’aro’o.
’Ua parau Alama ē, mai te hō’ē huero maita’i e hōro’a mai i te mau hotu maita’i, e hōpoi mai te parau a te Atua i te mau ha’amaita’ira’a nō te mau ta’ata e fa’aro’o tō rātou.