’Ia ’ite i te mau ta’ata

Mau ’ā’amu o te pāpa’ira’a mo’a

Aarona: te tamaiti a te ari’i Mosia ’e hō’ē misiōnare i te ’āti Lamana
Abinadi: hō’ē peropheta tei tonohia nō te ha’api’i i te ari’i Noa, tei tahu ia Abinadi i te auahi.
Adamu: te ta’ata mātāmua i te fenua nei
Alama: hō’ē tahu’a nō te ari’i Noa tei ti’aturi i te mau ha’api’ira’a a Abinadi ’e ’ua riro mai i muri iho ’ei ti’a fa’atere nō te ’Ēkālesia
Alama tamaiti: ’O Alama tamaiti tei ’ōrure hau ’e tei tāmata i te ha’amou i te ’Ēkālesia, ’ua tauihia rā te ’ā’au ’e ’ua ha’amata i te ha’api’i i te ’evanelia. ’Ua riro mai ’oia ’ei ti’a fa’atere nō te ’Ēkālesia ’e te ha’avā rahi mātāmua.
Amaliki: hō’ē ta’ata ’ino tei hina’aro ’ia riro ’ei ari’i nō te ’āti Nephi. I tōna ’itera’a ’aita ’oia e riro ’ei ari’i, ’ua haere ’ē ’oia ’e tōna mau ta’ata, ’ua ’aro i te ’āti Nephi, ’e ’ua ’āmui atu i te ’āti Lamana.
Amalikia: hō’ē ta’ata ’ino tei hina’aro ’ia riro ’ei ari’i nō te ’āti Nephi ’o te ’īriti rā i te ti’amāra’a o te ta’ata. I tōna ’itera’a ’aita ’oia e riro ’ei ari’i, ’ua ’āmui atu ’oia i te ’āti Lamana.
Amarona: hō’ē ta’ata parau-ti’a tei hōro’a ia Moromona te mau pāpa’a parau nō te pāruru i te reira.
Amona, te mau ta’ata o: E mau ’āti Lamana tei fa’afāriuhia e te mau tamaiti a Mosia. ’Ua huna rātou i tā rātou mau mauiha’a ’e ’ua fafau e’ita roa rātou e ’aro fa’ahou.
Amona¹: te ta’ata fa’atere nō te hō’ē pupu ’āti Nephi nō Zarahemela mai tei haere atu i te fenua o Nephi ’e ’ua tauturu i te ’āti Nephia ’ia mahemo.
Amona²: hō’ē o te mau tamaiti a Mosia tei pāruru i te nana a te ari’i Lamoni i te feiā ’eiā. ’Ua ha’api’i ’oia ’e ’ua fa’afāriu e rave rahi ’āti Lamana i roto i tāna misiōni.
Amuleka: hō’ē hoa misiōnare nō Alama tamaiti. ’Ua tu’uhia rāua i roto i te fare tāpe’ara’a, ’ua fa’a’ohipa rā i te mana o te Atua nō te fa’atopa i te mau papa’i o te fare tāpe’ara’a.
Amulona: hō’ē tahu’a ’ino o te ari’i Noa tei fa’arirohia ’ei fa’atere i ni’a i te nuna’a o Alama. ’Ua fa’arave ’oia ia rātou i te ’ohipa tai’atā ’e ’ua ha’amāta’u e taparahi pohe i te ta’ata e ’itehia tē pure ra.
Aniti-Nephi-Lehi: (hi’o Amona, te mau ta’ata o)
’Āti Amaliki: e mau ta’ata nō Amaliki ’Ua tu’u i te tāpa’o ’ute’ute i ni’a i tō rātou rae ’e ’ua ’āmui atu i te ’āti Lamana.
Beniamina, te ari’i: hō’ē ari’i parau-ti’a tei ti’a i ni’a i te hō’ē pare nō te ha’api’i i tōna nuna’a nō ni’a ia Iesu Mesia
Enosa: hō’ē tamaiti a Iakoba tei pure i te mahana tā’āto’a ’e tae roa i te pō. ’Ua pure ’oia nō te ’āti Nephi ’e te ’āti Lamana.
Etera: hō’ē peropheta tei fa’aara i te ’āti Iareda ’ia tātarahapa ’e tei pāpa’i i tō rātou ha’amoura’ahia
Eva: te vahine mātāmua i te fenua nei
Gideona: hō’ē ’āti Nephi parau-ti’a tei pāruru i te ’Ēkālesia ’a ha’amata ai Nehora i te ha’api’i i te nuna’a i te parau ha’avare. ’Ua tāparahi pohe o Nehora iāna.
Hagota: hō’ē ’āti Nephi hāmani pahī tei fa’auta i te mau ’āti Nephi e rave rahi nō te tere i te mau fenua apato’erau
Helamana: te tamaiti matahiapo a Alama tamaiti. ’Ua hōro’ahia iāna te mau pāpa’a ’e ’ua parauhia iāna ’ia pāpa’i i te ’ā’amu o tōna nuna’a. ’Ua riro ato’a ’oia ’ei ta’ata fa’atere nō nā 2 000 fa’ehau ’āpī.
Himeni: hō’ē tamaiti a te ari’i Mosia ’e hō’ē misiōnare o te ’āti Lamana
Iakoba: te tamaiti a Lehi ’e a Saria. ’Ua ’aimārō atu ’oia ’e o Serema, tei parau ē ’aita e Mesia e vai ra.
Iosepha: hō’ē tamaiti parau-ti’a a Lehi ’e a Saria tei fānauhia i roto i te medebara
Iosepha Semita, tamaiti: hō’ē peropheta nō te mau mahana hope’a nei tei ’īriti i te Buka a Moromona nā roto mai i te mau ’api ’auro
Isema’ela: hō’ē ta’ata nō Ierusalema mai tei rātere atu i te fenua i parauhia ’e te ’utuāfare o Lehi. ’Ua fa’aipoipohia tāna mau tamāhine i te mau tamaiti a Lehi.
Korianetumera: hō’ē ari’i ’ino ’o ’oia te ’āti Iareda hope’a tei ora mai
Korianotona: hō’ē tamaiti a Alama tamaiti tei ’ore i riro ’ei hō’ē misiōnare ha’apa’o maita’i ’e te parau-ti’a
Korihora: hō’ē ta’ata ’ino tei hina’aro i te hō’ē tāpa’o nō te fa’a’ite ē tē ora nei te Atua. ’Ua hōro’a te Atua ia Korihora hō’ē tāpa’o nā roto i te ravera’a i tōna reo.
Labana: hō’ē ta’ata ’ino i Ierusalema tei ’ore i hōro’a i te mau ’api veo i te mau tamaiti a Lehi
Lamana: te tamaiti matahiapo a Lehi ’e a Saria. E ta’ata ’ino ’oia ’e te ’ōrure hau i mua i te Atua.
Lamana, te ari’i: hō’ē ari’i ’āti Lamana ’ino tei hōro’a nō Zenifa ’e tōna mau ta’ata ’āti Nephi e piti ’oire i muri iho rā ’ua ’aro ia rātou
Lamoni, te ari’i: hō’ē ari’i ’āti Lamana tei ha’api’ihia i te ’evanelia ’e tei ti’aturi. Amona² e pāruru ra i te mau nana a te ari’i i te feiā ’eiā.
Lamoni, te metua tāne o te ari’i: hō’ē ari’i ’āti Lamana tei ha’api’ihia i te ’evanelia ’e tei ti’aturi. ’Ua parau ’oia ē, e ha’apae ’oia i tāna mau hara ato’a nō te ’ite i te Atua.
Lehi¹: hō’ē peropheta tei fa’aara ē, e ha’amouhia Ierusalema. ’Ua fa’aro’o ’oia i te paraura’a te Atua iāna ’ia rave i tōna ’utuāfare nō te haere i te medebara.
Lehi²: te tamaiti a Helamana. ’Ona ’e tōna taea’e, o Nephi, ’ua hurihia i roto i te fare tāpe’ara’a ’e ’ua fa’a’atihia e te auahi.
Lemuela: hō’ē tamaiti ’ino a Lehi ’e a Saria
Limehi, te ari’i: hō’ē tamaiti maita’i a te ari’i ’ino o Noa. ’Ōna ’e tōna nuna’a tei fa’atītīhia e te ’āti Lamana ’ua horo ’ē rā.
Maria: te metua vahine o Iesu
mau ’āti Iareda: e mau ta’ata tei pe’e ia Iareda ’e tōna taea’e tei fa’aru’e ia Babela ’e ’ua tere i te fenua i parauhia ra nā roto i te pahī
mau ta’ata-hina’aro-ari’i: mau ’āti Nephi tei hina’aro ’ia fa’aterehia e te hō’ē ari’i, ’eiaha rā nā te mau ha’avā. ’Aita ana’e hō’ē ari’i, e ’āmui atu rātou i te ’āti Lamana ’e e ’aro i te ’āti Nephi.
mau ta’ata ti’amā: ’Ua hina’aro te ’āti Nephi i te ti’amāra’a nō te ’ora ’e nō te ha’amori mai tā rātou i mā’iti. ’Ua fa’aterehia rātou nā te mau ha’avā, ’eiaha ra nā te hō’ē ari’i.
mau tamaiti a Mosia: mau tamaiti a te ari’i Mosia : Aarona, Amona,² Himeni ’e Omonera, tei riro ’ei mau misiōnare itoito nō te mau ’āti Lamana
Moromona: hō’ē ti’a fa’atere nō te nu’u ’āti Nephi ’e hō’ē o te mau peropheta ’āti Nephi hope’a. ʼUa ’āmui ʼoia i te Buka a Moromona.
Moroni: te tamaiti a Moromona ’e te peropheta ’āti Nephi hope’a. ’Ua huna ’oia i te mau ’api ’auro ’e i muri iho ’ua fā mai ia Iosepha Semita mai te hō’ē melahi.
Mosia, te ari’i: te ari’i hope’a āti Nephi. E maha tamaiti tāna.
Nā piti tauatini fa’ehau ’āpī: hō’ē nu’u tamāroa ’āpī ’āti Amona tei arata’ihia e Helamana. ’Ua ’aro rātou nō tō rātou mau metua tei fafau e ’ore roa rātou e ’aro fa’ahou, ’ia ’ore rātou ’ia ’aro.
Nehora: hō’ē ta’ata ’ino tei ’aro pūai i te ’Ēkālesia a te Atua. ’Ua taparahi pohe ’oia ia Gideona ’e ’ua tu’uhia ia pohe.
Nephi¹: hō’ē tamaiti parau-ti’a a Lehi ’e a Saria. ’Ua haere ’oia e ti’i i te mau ’api veo ia Labana ra ’e ’ua hāmani i te pahī tei ’āfa’i i tōna ’utuāfare i te fenua i parauhia ra.
Nephi²: te tamaiti a Helamana. ’Ōna ’e tōna taea’e, o Lehi, ’ua hurihia i roto i te fare tāpe’ara’a ’e ’ua ha’a’atihia e te auahi. ’Ua fa’atupu Nephi i te hō’ē o’e nō te ha’api’i i te nuna’a ’ia tātarahapa.
Nephi³: hō’ē ta’ata parau-ti’a tei mā’itihia e Iesu Mesia ’ia riro ’ei pipi ’e ’ei ti’a fa’atere nō te ’Ēkālesia
Noa, te ari’i: hō’ē ari’i ’āti Nephi ’ino tei here i te tao’a rahi ’e ’ua ha’api’i i tōna nuna’a ’ia riro ’ei ta’ata ’ino. ’Ua tūtu’i tōna iho nuna’a iāna i te auahi ’ia pohe.
Omonera: te tamaiti a te ari’i Mosia ’e hō’ē misiōnare nō te ’āti Lamana
Pahorana: hō’ē ha’avā rahi o te ’āti Nephi tei tauturu i te tāpena Moroni ’ia ha’amou i te mau ’āti Nephi ’ino
Samu: hō’ē tamaiti parau-ti’a a Lehi ’e a Saria
Samuela te ’āti Lamana: hō’ē peropheta tei tohu i te ’āti Nephi nō ni’a i te mau tāpa’o o te fānaura’a ’e te pohera’a o Iesu Mesia
Saria: te vahine a Lehi¹
Seanatuma: te taea’e ’e tei tāparahi pohe ia Zeezorama
Serema: hō’ā ’āti Nephi ’ino tei hina’aro i te hō’ē tāpa’o hou ’oia e ti’aturi ai ia Iesu Mesia
Siza: hō’ē ’āti Iareda ’ino tei arata’i i te hō’ē nu’u i mua ia Korianetumera ’e tei riro ’ei hō’ē o te mau ’āti Iareda hopea tei ora
Tāpena Moroni: hō’ē ti’a fa’atere nō te nu’u ’āti Nephi. ’Ua hāmani ’oia i te tāpa’o nō te ti’amā ’a ’ua parau i tōna nu’u ’ia ’aro nō tō rātou ti’amāra’a.
te ’āti Lamana: mau hua’ai ’aore rā mau ta’ata nō Lamana ’e Lemuela ’aore rā te nuna’a tei pāto’i i te ’evanelia
te ’āti Nephi: mau ta’ata nō Nephi ’aore rā te nuna’a tei fāri’i i te ’evanelia
te ’āti Zorama: nuna’a ’ino tei riro nā i muta’a iho ra ’ei mau ta’ata nō te ’Ēkālesia a te Atua. E pure rātou i roto i te mau sunago i ni’a i te hō’ē pa’epa’e tei pi’ihia Rameumepitoma.
te taea’e o Iareda: hō’ē peropheta tei ani ia Iesu ’ia fa’ati’a’ia i nā 16 ’ōfa’i nō te hōro’a i te māramarama i roto i te pahī ’o tā te ’āti Iareda e tere atu i te fenua i fafauhia
Zeezeroma: hō’e ha’avā tei pūpū i te moni ia Amuleka ’ia parau ’aita e Atua e vai ra. Alama tamaiti tei ha’api’i iāna i te ’evanelia, ’e ’ua tātarahapa ’oia.
Zeezorama: hō’ē ha’avā rahi tei taparahi-pohe-hia e tōna taea’e
Zenifa: hō’ē ti’a fa’atere parau-ti’a tei ’āfa’i i te hō’ē pupu ’āti Nephi nō Zarahemela i te fenua o Nephi, i reira ’ua riro rātou ’ei mau tītī nā te ari’i ’ino o Lamana.
Zerahemana: hō’ē fa’atere ’āti Lamana tei ’aro te mau ’āti Nephi ’e ’ua hina’aro ’ia riro rātou ’ei tītī nāna. ’Ua tāpūhia tōna ’iri upo’o i roto i te hō’ē ’arora’a e te nu’u fa’ehau a te tāpena Moroni.
Zorama: hō’ē tāvini a Labana tei rātere atu ’e te ’utuāfare o Lehi i te fenua i parauhia