Pene 54
Te fafaura’a o te Buka a Moromona
Hou Moroni ’a huna ai te mau papa’a i te taime hope’a, ’ua pāpa’i ’oia hō’ē fafaura’a i te ’āti Lamana ’e i te feiā ato’a e tai’o i te mau papa’a parau.
’Ua parau ’oia i te mau ta’ata ’ia tai’o i te mau papa’a parau, ’ia feruri i te reira, ’e i muri iho e ani i te Metua i te Ao ra e parau mau ānei te reira.
’Ua fafau Moroni ē, mai te mea e ani te mau ta’ata ma te hina’aro mau, ma te fa’aro’o i te Mesia, e tauturu te Vārua Maita’i ia rātou ’ia ’ite ē e parau mau te mau papa’a parau.
’Ua pāpa’i Moroni ē mai te mea e tātarahapa te mau ta’ata, e pe’e ia Iesu Mesia, ’e e here i te Metua i te Ao ra, e riro mai rātou e mea maita’i roa.
I te otira’a Moroni i te pāpa’i i ni’a i te mau papa’a ’auro. ’Ua huna ’oia i te reira i roto i te hō’ē ’āfata ’ōfa’i i roto i te ’āivi nō Kumora ’e ’ua tāpo’i i te ’āfata i te hō’ē ’ōfa’i rarahi. ’Ua hope tāna ’ohipa i te tāhuti nei.