Pene 33
Te mau ta’ata-hina’aro-ari’i i mua i te mau ta’ata-ti’amā
’Ua hina’aro te tahi mau ’āti Nephi, ’ia taui te ha’avā rahi ’o Pahorana i te tahi mau ture.
I tō Pahorana pāto’ira’a, ’ua riri te nuna’a ’e ’ua hina’aro e tātara ia Pahorana ’ei ha’avā rahi. ’Ua hina’aro rātou i te hō’ē ari’i, ’eiaha ra te mau ha’avā.
Pi’ihia te mau ta’ata-hina’aro-ari’i, ’ua ti’aturi rātou ē e riro mai hō’ē o rātou ’ei ari’i ’e e mana tōna i ni’a i te nuna’a.
Te mau ’āti Nephi tei hina’aro ’ia tāpe’a noa ia Pahorana ’ei ha’avā rahi, ’ua pi’ihia te mau ta’ata-ti’amā. ’Ua hina’aro rātou ’ia vai ti’amā nō te ora ’e ’ia ha’amori mai tā rātou i mā’iti.
’Ua mā’iti te nuna’a i roto i te ta’ata-ti’amā ’e te ta’ata-hina’aro-ari’i. E rahira’a o rātou ’ua mā’iti te ta’ata-ti’amā.
I te reira iho taime, ’ua ha’aputuputu Amalikia i te hō’ē nu’u rahi o te ’āti Lamana nō te ’aro i te ’āti Nephi.
I tō te mau ta’ata-hina’aro-ari’i fa’aro’ora’a ē tē haere mai ra te ’āti Lamana, ’ua ’oa’oa rātou ’e ’ua pāto’i i te tauturu nō te pāruru i tō rātou fenua.
’Ua riri te tāpena Moroni i te mau ta’ata-hina’aro-ari’i i te ’orera’a e ’aro. ’Ua ha’a itoito rātou nō te tāpe’a i te ti’amāra’a o te ’āti Nephi.
’Ua ani ’oia i te tāvana rahi i te mana ’ia ’aro te mau ta’ata-hina’aro-ari’i i te ’āti Lamana ’aore rā ’ia taparahi-pohe-hia rātou.
I tō te tāvana rahi Pahorana hōro’ara’a ia Moroni teie mana, ’ua arata’i Moroni i tōna nu’u i mua i te mau ta’ata-hina’aro-ari’i.
E rave rahi mau ta’ata-hina’aro-ari’i tei taparahi-pohe-hia, tei tāpe’ahia i te fare tāpe’ara’a. Te toe’a ’ua haere atu e tauturu i te pārurura’a i tō rātou fenua i mua i te ’āti Lamana.