Pene 2
Tē fa’aara nei Lehi i te mau ta’ata
E mea ’ino roa te rahira’a o te mau ta’ata e ora ra i Ierusalema e 600 matahiti hou te fānaura’a o te Mesia. ’Ua tono te Atua i te mau peropheta nō te parau ia rātou ’ia tātarahapa, ’aita rā rātou i fa’aro’o.
E peropheta ’o Lehi. ’Ua pure ’oia ē ’ia tātarahapa te mau ta’ata. ’A pure ai ’oia, ’ua fā mai te hō’ē pou auahi. ’Ua parau te Atua ’e ’ua fa’a’ite ia Lehi i te mau mea e rave rahi.
’Ua ho’i Lehi i te fare ’e ’ua fāri’i i te hō’ē ’ōrama. ’Ua ’ite ’oia i te Atua i te fa’a’atira’ahia e te mau melahi e rave rahi. ’Ua hīmene te mau melahi ’e ’ua ’ārue i te Atua.
I roto i tāna ’ōrama, ’ua fāri’i Lehi i te hō’ē buka e parau ra i te mau mea e tupu i te mau mahana i mua nei. ’Ua tai’o ’oia ē e ha’amouhia Ierusalema nō te mea e mea ’ino roa te mau ta’ata.
’Ua parau Lehi i te mau ta’ata ē e ha’amouhia Ierusalema. ’Ua parau ato’a ’oia nō i te taera’a mai o Iesu. ’Ua riri te mau ta’ata ’e ’ua tāmata i te taparahi pohe ia Lehi, ’ua pāruru te Fatu iāna.