Pene 50
Te ’āti Iareda e fa’aru’e ra ia Babela
E nā ta’ata parau-ti’a ’o Iareda ’e tōna taea’e e ora ra i roto i te hō’ē ’oire tei pi’ihia Babela. ’Ua ora rāua e rave rahi hānere matahiti hou te ’āti Nephi.
E mea rahi roa te ta’ata ’ino i Babela. ’Ua patu rātou i te hō’ē pare nō te tāpe’a atu i te ra’i. ’Ua riri te Fatu ’e taui i tō rātou reo.
’Ua ani Iareda i tōna taea’e ’ia pure ’e ’ia ani i te Fatu ’eiaha e taui i te reo o tō rāua ’utuāfare ’e te mau hoa.
’Ua pure te taea’e o Iareda, ’e ’ua pāhono mai te Fatu i tāna pure. ’Ua ta’a maita’i Iareda, tōna taea’e, ’e tō rāua ’utuāfare ’e te mau hoa te tahi ’e te tahi.
’Ua parau te Fatu i te taea’e o Iareda ’ia ha’aputuputu i tōna ’utuāfare ’e te mau hoa ’e ’ia fa’aru’e i te fenua. ’Ua rave rātou i tā rātou mau animara ’e te mau huru huero ato’a ia rātou ra.
’Ua parau te Fatu e arata’i ’oia i te ’āti Iareda i te fenua i parauhia.
’Ua mārei rātou i te mau manu ’e te ’i’a nō te ’āfa’i nā muri ia rātou.
’Ua rave rātou i te tia’a manu hāmani meli.
’Ua rātere te ’āti Iareda nā roto i te medebara. ’Ua paraparau te Fatu ia rātou nā roto i te ata ’e ’ua parau ia rātou i te ’ē’a nō te haere.
’Ua parau te Fatu animara i te nuna’a e ora i ni’a i te fenua i parauhia e ti’a ia rātou ’ia tāvini i te Atua ’aore rā e ha’amouhia rātou.
I te taera’a te ’āti Iareda i te pae tahatai, ’ua patia rātou i tō rātou puhapa. ’Ua fa’aea rātou i te pae miti e maha matahiti.