Pene 1

Nāhea tō tātou fāri’ira’a i te Buka a Moromona.

Iosepha te hi’ora’a i te ’Ēkālesia

I te 14ra’a o te matahiti o Iosepha Semita, e rave rahi mau ’ēkālesia e parau ē e parau mau tā rātou ’e ’aita ’oia i ’ite ’o vai te ’āmui atu.

Iosepha Semita—’Ā’amu 1:5–10

Iosepha te tai’ora’a i te Bibilia

I te hō’ē mahana ’ua tai’o Iosepha Iakobo 1:5 i roto i te Bibilia : « Mai te mea tē ’ere ra rā te hō’ē o ’outou i te ’ite, e ani ’oia i te Atua ». ’Ua hina’aro Iosepha e ’ite tei hea te ’ekālesia mau, nō reira, ’ua fa’aoti ’oia e ani i te Atua.

Iosepha Semita—’Ā’amu 1:11–13

Iosepha i roto i te uru rā’au

I te hō’ē po’ipo’i o te tau fa’atupura’a rā’au, ’ua haere atu Iosepha i roto i te uru rā’au tāpiri i tōna fare nō te pure.

Iosepha Semita—’Ā’amu 1:14.

Iosepha e pure ra

’A tūturi ai ’oia i raro ’e ’ua ha’amata i te pure, ’ua tāmata Sātane i te tāpe’a iāna. ’Ua pure Iosepha ma te pa’ari, ma te ani i te Metua i te Ao ra i te tauturu.

Iosepha Semita—’Ā’amu 1:15–16

Te Metua i te Ao ra ’e Iesu

’Ua haere mai te Metua i te Ao ra ’e o Iesu Mesia ia Iosepha nā roto i te hō’ē pou māramarama. ’Ua parau te Metua i te Ao ra ma te tohu ia Iesu, « ’o tā’u Tamaiti Here teie. ’A fa’aro’o iāna ! »

Iosepha Semita—’Ā’amu 1:16–17.

Iesu

’Ua ani Iosepha i tei hea te ’ēkālesia tāna e ’āmui atu. ’Ua parau mai Iesu iāna ’eiaha roa e ’āmui atu i te hō’ē o rātou nō te mea ’ua hape rātou pā’āto’a.

Iosepha Semita—’Ā’amu 1:18–19

mau ta’ata e pā’ata ra ia Iosepha

I te paraura’a Iosepha i te tahi mau ta’ata i te mea tāna i ’ite ’e i fa’aro’o, ’ua pā’ata rātou iāna. ’Ua hāmani ’ino te feiā fa’atere o te mau ’ēkālesia i reira iāna.

Iosepha Semita—’Ā’amu 1:21–22

Iosepha e pure ra

’Ua topa e toru matahiti. I te hō’ē pō tē pure ra Iosepha ’ia fa’a’orehia tāna mau hara ’e ’ia ’ite e aha tāna e ti’a e rave.

Iosepha Semita—’Ā’amu 1:29

te fāra’a Moroni ia Iosepha

’Ua fā mai te hō’ē melahi o Moroni te i’oa ’e ’ua parau ia Iosepha nō ni’a i te hō’ē buka tei pāpa’ihia i ni’a i te mau ’api ’auro. E ti’a ia Iosepha e ’īriti i teie mau papa’a parau nā roto i te reo peretāne.

Iosepha Semita—’Ā’amu 1:33–35

Iosepha i ni’a i te ro’i

I muri a’e i tō Moroni revara’a, ’ua feruri Iosepha i te mea tā Moroni i parau iāna. ’Ua ho’i mai Moroni e piti taime i te reira pō.

Iosepha Semita—’Ā’amu 1:44–47

Iosepha e amo ra i te ’ōfa’i

Te mahana i muri iho, ’ua haere atu Iosepha i ni’a i te ’āivi nō Cumora, ’o tāna i ’ite i roto i te hō’ē ’ōrama. I reira ’ua ’ite ’oia i te hō’ē ’ōfa’i rahi. ’Ua amo ’oia i te ’ōfa’i i te hō’ē rā’au.

Iosepha Semita—’Ā’amu 1:50–52

Iosepha e hi’o ra i te mau ’api ’auro

I raro a’e i te ’ōfa’i tē vai ra hō’ē ’āfata ’ōfa’i. ’A hi’o ai Iosepha i roto i te ’āfata, ’ua ’ite ’oia i te mau ’api ’auro.

Iosepha Semita—’Ā’amu 1:51–52

te fāra’a Moroni ia Iosepha

’Ua fā o Moroni ’e ’ua parau ia Iosepha ’eiaha e rave i te mau papa’a parau ’ia ho’i mai rā i tera iho mahana i te mau matahiti ato’a i te roara’a e maha matahiti. I te mau taime ato’a e haere Iosepha, e ha’api’i Moroni iāna.

Iosepha Semita—’Ā’amu 1:53–54

te fāra’a Moroni ia Iosepha

E maha matahiti i muri mai ’ua fa’ati’ahia Iosepha e rave i te mau ’api ’auro. ’Ua fa’a’ohipa ’oia i te Urima ’e te Tumima nō te ’īriti i te tahi pae o te reira.

Iosepha Semita—’Ā’amu 1:59, 62

Iosepha ’e te pāpa’i parau

’Ua tauturu te mau pāpa’i parau ia Iosepha nā roto i te pāpa’ira’a i te mau parau ’a ’īriti ai ’oia i te reira nā roto mai i te mau ’api auro.

Iosepha Semita—’Ā’amu 1:67

Iosepha ’e te ta’ata nene’i

’Ua ’āfa’i Iosepha i te mau parau tei ’īritihia i te ta’ata nene’i ’e ’ua hāmani i te reira ’ei buka.

’Ā’amu o te Ēkālesia,1:71

Buka a Moromona

’Ua pi’ihia te buka te Buka a Moromona. Tē fa’ati’a nei te reira i te mau ta’ata tei ora na i te fenua Marite e rave rahi matahiti. E parau ato’a ra nō Iesu Mesia, te Tamaiti a te Atua.

’Ōmuara’a o te Buka a Moromona