Pene 20
Alama ’e ’o Nehora
Hou te pohera’a te ari’i Mosia, ’ua mā’iti te ’āti Nephi i te mau ha’avā nō te arata’i ia rātou. ’Ua riro Alama tamaiti ’ei ha’avā rahi mātāmua. ’Ua riro ato’a ’oia ’ei fa’atere nō te ’Ēkālesia.
’Ua ha’amata te hō’ē ta’ata rahi ’e te pūai ’o Nehora te i’oa e ha’api’i i te mau ha’avare. ’Ua parau ’oia i te mau ta’ata ato’a e fa’aorahia rātou noa atu e mea maita’i ’aore rā e mea ’ino rātou. ’Ua ti’aturi te mau ta’ata ia Nehora.
’Ua ’aro Nehora i te ’Ēkālesia a te Atua, ’ua pāruru rā te hō’ē ta’ata parau-ti’a o Gideona te i’oa i te ’Ēkālesia. ’Ua mārō Nehora ia Gideona, ’ua pāto’i rā Gideona ma te mau parau a te Atua.
’Ua riri roa Nehora ’e ’ua huti mai i tāna ’o’e ’e ’ua taparahi pohe ia Gideona.
’Ua ’āfa’ihia Nehora i mua ia Alama ’ia ha’avāhia. Nehora e pāruru ra iāna iho.
’Ua parau rā Alama ē ’ua hara Nehora nō te mea ’ua ha’api’i ’oia i te nuna’a ’ia riro ’ei ta’ata ’ino ’e ’ua taparahi pohe ia Gideona.
’Ua parau Alama ’ia fa’autu’ahia Nehora nō te taparahi-pohe-ra’a ia Gideona. Mai te au i te ture, e ti’a ia Nehora ’ia pohe.
’Ua ’āfa’ihia Nehora i ni’a i te hō’ē ’āivi piri mai ’e ’ua ha’apohehia. Hou ’oia ’a pohe ai, ’ua parau ’oia ē te mau mea ato’a tāna i ha’api’i e mea hape ïa. E rave rahi rā ta’ata tē ti’aturi noa ra i te mau ha’api’ira’a ha’avare a Nehora.
’Ua here teie mau ta’ata i te tao’a rahi ’e ’aita i ha’apa’o i te mau fa’auera’a a te Atua. ’Ua fa’ao’ō’o rātou i te mau melo o te ’Ēkālesia ’e ’ua tāputo ’e ’ua ’aro ’e o rātou.
’Ua tāmau noa te feiā parau-ti’a i te ha’apa’o i te mau fa’auera’a ’e ’aita i amuamu noa atu e hāmani-’ino-hia rātou e te mau ta’ata nō Nehora.
E ’ōpere te mau melo o te ’Ēkālesia i te mau mea tā rātou e vai ra i te feiā veve ’e e aupuru i te feiā i ma’ihia. ’Ua ha’apa’o rātou i te mau fa’auera’a, ’e ’ua ha’amaita’i te Atua ia rātou.