’Ōmuara’a

Nā te ta’ata tai‘o

’Ua pāpa’i-ta’a-’ē-hia teie mau ’ā’amu o te Buka a Moromona nā ’oe. ’Ua ravehia mai te mau ’ā’amu nō roto mai i te hō’ē buka mo’a nō te mea nō ō mai te reira i te Metua i te Ao ra. ’Ia tai’o ’oe i teie mau ’ā’amu, e ha’amana’o ē e ’ā’amu nō te mau ta’ata tei ora mau na i te fenua Mārite e rā ē te tau.

I muri a’e i tō ’oe tai’ora’a i te mau ’ā’amu i roto i teie buka, e hina’aro ato’a ’oe e tai’o i te reira i roto i te Buka a Moromona. I raro a’e i te hōho’a tāta’itahi e ’ite mai ’oe i hea ’oe e ’ite ai i te reira ’ā’amu i roto i te Buka a Moromona. E ani i tō ’oe metua tāne, metua vahine, ’orometua ha’api’i, ’e ’aore rā, i te hō’ē hoa ’ia tauturu mai ia ’oe.

Mai te mea ’aita ’oe i ’ite i te aura’a o te hō’ē ta’o, e mā’imi i te reira i roto i te tuha’a « Te mau parau e ti’a ’ia ’ite » i muri i te buka. Ha’amāramaramara’a nō ni’a i te mau ta’ata ’e te mau vāhi tei fa’ahitihia i roto i te Buka a Moromona tei i muri ato’a i te buka.

Nā te mau metua ’e te mau ’orometua ha’api’i

E tauturu teie buka ia ’outou ’ia ha’api’i i te mau pāpa’ira’a mo’a. E fa’a’ite i tō ’outou ’itera’a pāpū nō te Buka a Moromona, ’e e fa’aitoito i te feiā tā ’outou e ha’api’i ra ’ia ’imi i tō rātou iho ’itera’a pāpū. E rahi atu ā tō rātou hāro’aro’ara’a ’a tai’o ai ’outou ia rātou te tā’āto’ara’a o te parau pāpa’i nō tā rātou ’ā’amu au roa nō te Buka a Moromona iho.