Pene 19
’Ua riro te mau tamaiti a Mosia ’ei mau misiōnare
E maha tamaiti tā Mosia : Amona, Aarona, Omonera ’e ’o Himeni. Tei reira ato’a rātou te fāra’a mai te hō’ē melahi ia Alama tamaiti.
’Ua tātarahapa te mau tamaiti a Mosia i tā rātou mau hara ’e ’ua pe’ape’a rātou nō te fifi tā rātou i fa’atupu. ’Ua ’ite rātou e parau mau te ’evanelia, ’e ’ua hina’aro rātou e ha’api’i i te reira ia vetahi ’ē.
’Ua pāto’i te mau tamaiti a Mosia ’ia riro ’ei ari’i. ’Ei monora’a, ’ua hina’aro rātou ’ia riro ’ei mau misiōnare i te ’āti Lamana ’e ’ia ’ōpere i te mau ha’amaita’ira’a o te ’evanelia ia rātou.
’Ua pure te ari’i Mosia nō te ’ite e vaiiho ānei ’oia i tāna mau tamaiti ’ia haere. ’Ua parau te Atua iāna ’ia vaiiho ia rātou ’ia haere, ’e e pāruruhia rātou. E rave rahi ’āti Lamana tei ti’aturi i tā rātou parau poro’i.
’Ua haere te mau tamaiti a Mosia e ha’api’i i te ’āti Lamana. ’Ua ha’apae rātou i te mā’a ē ’ua riro mai rātou ’ei mau misiōnare maita’i.