Ua faaali atu Iesu i sa Nifae

The Light of His Countenance Did Shine upon Them, saunia e Gary L. Kapp

28 Setema–11 Oketopa

3 Nifae 17--19

“Faauta, Ua Atoatoa Lo’u Olioli”

Ao e faitau i le 3 Nifae 17--19, mafaufau po o a mau, aafiaga, gaoioiga, ma tala o le a fesoasoani i tamaiti ia malamalama i upumoni i nei mataupu.

Tusi Faamaumau Ou Lagona Uunai

aikona o fefaasoaaiga

Valaaulia le Fefaasoaai

Faaali atu se ata o le Faaola, ma valaaulia tamaiti e faasoa mai ni o latou lagona pe afai o le a Ia asiasi atu ia i latou e pei ona sa faia e sa Nifae.

aikona o le aoao atu

Aoao atu le Aoaoga Faavae: Tamaiti Laiti

3 Nifae 17:7, 20--25

E alofa le Faaola i fanau uma a le Tama Faalelagi.

Na faaalia e Iesu Lona alofa mo tamaiti ina ua Ia faamanuiaina ma tatalo mo i latou. E faapefea ona e fesoasoani i tamaiti e te aoaoina ia lagona Lona alofa mo i latou?

Gaoioiga e Mafai Ona Fai

• Aotele le otootoga i le 3 Nifae 17 a’o faaali se ata e pei o le ata i le otootoga o lenei vaiaso i le Sau, Mulimuli Mai ia te A’u---Mo Tagata Taitoatasi ma Aiga. E mafai ona e faʻaaoga le “Mataupu 44: Ua Faamanuia e Iesu Keriso Tamaiti,” (Tala o le Tusi a Mamona, 124--25, po o le vitio talafeagai i luga o le ChurchofJesusChrist.org). Faitau fuaitau ma fuaiupu mai le 3 Nifae 17 lea e faamamafaina ai le alofa o le Faaola mo tagata (e pei o fuaiupu e 7 ma le 20--25). Tuu atu i tamaiti e auauai i le uuina o le ata ma taʻu atu le mea na faia e Iesu ona sa alofa o Ia i tagata.

• Faaaoga le itulau gaoioiga o lenei vaiaso e fesoasoani ai i tamaiti e tusi se ata oi latou lava ma Iesu. A o latou faia, fesoasoani ia i latou e mafaufau i auala na faaalia ai e Iesu Lona alofa mo i latou.

  O loo Faamanuia e Iesu Tamaiti sa Nifae

  Behold Your Little Ones, saunia e Gary L. Kapp

3 Nifae 18:1--12

E mafai ona ou mafaufau ia Iesu pe a ou tagofia le faamanatuga.

O a ni nai mea e mafai ona faalavelave i se tamaitiiti i le taimi o le faamanatuga. E mafai faapefea ona e fesoasoani i tamaiti o lau vasega ia malamalama i le taua o le mafaufau e uiga i le Faaola ma Lona alofa mo i latou i le taimi o lenei sauniga paia?

Gaoioiga e Mafai Ona Fai

• Valaaulia tamaiti e tau mai ia te oe le mea e tupu i le taimi o le faamanatuga. Faitau fuaiupu mai le tala ia Iesu o loo faatautaia le faamanatuga i sa Nifae (tagai i le 3 Nifae 18: 1-12), ma fai atu i tamaiti e tutu i luga pe a latou faalogo i se mea e talitutusa ma mea tatou te faia i le taimi o le faamanatuga. O le a le mea e finagalo Iesu Keriso tatou te “manatua” pe mafaufau i ai i le taimi o le faamanatuga? (tagai 3 Nifae 18:7.11).

• Usuusu lemu [hum], pepese, pe taina se viiga po o se pese a le Peraimeri ao valivali e tamaiti ia ata e mafai ona fesoasoani ia i latou e manatua ai le Faaola i le taimi o le faamanatuga (tagai i le itulau o gaoioiga o lenei vaiaso). Uunai i latou e tilotilo i nei ata e fesoasoani latou te manatua ai Iesu pe a latou aai i le faamanatuga.

3 Nifae 18:15, 20–21, 24; 19:16–17, 30

Na aoao mai Iesu ia te au i le auala e tatalo ai.

O le a se mea ua e aoaoina e uiga i le tatalo aʻo e su’esu’e 3 Nifae 17-19? E faʻapefea ona e faʻaaogaina mea ua e aoaoina e aʻoaʻo ai tamaiti pe faapefea ona tatalo?

Gaoioiga e Mafai Ona Fai

• Faaali ata o tagata o tatalo (e pei o ata i le “Mataupu 46: Ua Aoao Atu Iesu Keriso ma Tatalo Faatasi ma sa Nifae” i le Tala o le Tusi a Mamona, 128--30). Valaaulia tamaiti e faasino mai auiliiliga i ata e faaalia ai o loo tatalo nei tagata. Faitau le 3 Nifae 19:16--17 e faamalamalama atu na aoaoina i tatou e Iesu i le auala e tatalo ai. Fai i tamaiti e faamatala atu ia te oe o latou lagona pe a latou tatalo.

• Faitau le 3 Nifae 18:21, ma valaaulia tamaiti e tusi se ata o i latou lava po o latou aiga o tatalo. Uunai tamaiti e valaaulia o latou aiga e tatalo faatasi ma i latou.

• Usu faatasi se pese e faatatau i le tatalo, e pei o le “O Le Tatalo A Le Tamaitiiti” (Tusipese a Tamaiti, 6--7). Valaaulia tamaiti e faasoa mai mea na latou aoaoina e uiga i le tatalo mai le pese. Faasoa atu lau molimau e uiga i le tatalo.

aikona o le aoao atu

Aoao atu le Aoaoga Faavae: Tamaiti Matutua

3 Nifae 17

E alofa le Faaola i fanau a le Tama Faalelagi.

Na aoao mai Peresitene Ezra Taft Benson: “Ou te folafola atu ia te outou, fanau pele, o le a auauna atu foi agelu ia te outou. Atonu e te le vaʻaia i latou, ae o le a latou i ai iina e fesoasoani ia te oe, ma o le a e lagona lo latou i ai” (“To the Children of the Church,” Ensign, May 1989, 83).

Gaoioiga e Mafai Ona Fai

• Faitau faatasi ni nai fuaiupu mai le 3 Nifae 17 e te manatu o le a aoga i tamaiti o e aoaoina. Ao e faitauina fuaiupu taitasi, fai atu i tamaiti e filifili se upu po o se fuaitau latou te manatu e taua ona faasoa atu lea pe aisea na taua ai na upu ia i latou. Molimau atu e alofa tele Iesu i tamaiti, ma o le mafuaaga lea na Ia faamanuiaina ai i latou ma tatalo mo i latou.

• Valaaulia tamaiti e faasoa mai ni o latou lagona pe afai latou te i ai faatasi ma tamaiti o e na faamanuiaina e le Faaola. Pe a mafai, faaali le vitio “My Joy Is Full” (ChurchofJesusChrist.org) e fesoasoani ia i latou e vaai faalemafaufau i lenei mea na tupu. O le a le mea na fai e le Faaola e faaali atu ai Lona alofa? O le a se mea e mafai ona tatou faia e saunia ai i tatou lava ina ia faatasi ma Ia pe a toe afio mai o Ia?

3 Nifae 18:1--12

A o ou tagofia le faamanatuga, e mafai ona faatumuina a’u i le Agaga Paia.

E mafai ona tatou aoao mai le 3 Nifae 18 le taua o le faamanatuga i le Faaola. E faʻapefea ona e fesoasoani i tamaiti ia lagona e taua ia i latou?

Gaoioiga e Mafai Ona Fai

• Fesoasoani i tamaiti e faitau le 3 Nifae 18:1--12. O le a se mea ua tatou aoao e uiga i le faamanatuga mai nei fuaiupu? Fesoasoani ia i latou e faitau tatalo o le faamanatuga i le Mataupu Faavae ma Feagaiga 20:77 ma le 79 ma su’e upu ma fuaitau i totonu o tatalo lea foi e maua i le 3 Nifae 18:1--12. O a uiga o nei upu ma fasi fuaitau? E faapefea ona saunia i tatou e fetagofi i le faamanatuga? O a mea tatou te folafola atu, po o feagaiga, e fai pe a tatou aai i le faamanatuga?

• Usu faatasi se pese e faatatau i le migao, e pei o le “Ia Migao Filemu” (Tusipese a Tamaiti,11). E mafai faapefea e le tagofia ma le migao o le faamanatuga ona fesoasoani tatou te lagona ai le Agaga? E faapefea ona fesoasoani ia i tatou le faia o filifiliga amiotonu?

3 Nifae 18:15–24; 19:6–9, 15–36

O le tatalo o le a fesoasoani ia te au e latalata ai i le Tama Faalelagi.

E mafai ona tatou lagonaina le latalata mai o le Tama Faalelagi ia i tatou e ala i le tatalo. O a savali e uiga i le tatalo i le 3 Nifae 18-19 o le a fesoasoani i tamaiti o e aoaoina ia faaleleia a latou tatalo?

Gaoioiga e Mafai Ona Fai

• Tusi mau faasino nei i ni fasipepa, ma tuu atu i tamaiti taitoatasi po o ni vaega laiti o tamaiti: 3 Nifae 18:15; 3 Nifae 18:20; 3 Nifae 18:21; 3 Nifae 19:19; ma le 3 Nifae 19:24. Valaaulia tamaiti e faitau tusitusiga paia, saili mo mea na aoao mai e Iesu Keriso po o Ona soo e uiga i le tatalo. Fai atu ia i latou e lipoti mai mea na latou aoaoina i le vasega.

• I luga o le laupapa, tusi Ou te faafetai ia te oe mo . Tuu atu i tamaiti se minute se tasi e mafaufau ai i le tele o mea e mafai ona latou faia e faatumu ai le avanoa. Aisea e lelei ai mo i tatou le faailoa atu o le faafetai i le Tama Faalelagi? Ona tusi lea Ou te ole atu mo i luga o le laupapa, ma faitau faatasi le 3 Nifae 18:18--21 ma le 19:9--23, saili mo manatu e uiga i mea e tatau ona tatou tatalo ai.

• Faasoa atu lau molimau po o se mea na e oo i ai e uiga i le mana o le tatalo, ma uunaia tamaiti e faasoa mai a latou molimau po o mea na tutupu.

aikona o le aoaoina

Fautuaina le Aoaoina i le Aiga

Uunaia tamaiti e talanoa i o latou matua po o isi tagata o le aiga e uiga i auala e mafai ona latou maua ai se aafiaga sili atu ona anoa i le faamanatuga i le Aso Sa e sosoo ai.

Faaleleia o Lo Tatou Aoao Atu

Fesoasoani i tamaiti laiti e aoao mai tusitusiga paia. Ina ia fesoasoani i tamaiti e aoao mai tusitusiga paia, taulai i se fuaiupu se tasi o le mau pe na o se fasi fuaitau autu foi. E mafai ona e valaaulia i latou e tutu i luga pe a latou faalogo i se upu po o se fasi fuaitau patino.

itulau o gaoioiga: E mafai ona ou manatuaina le Faaola