Mataupu 44

Ua Faamanuia e Iesu KerisoTamaiti

Na fetalai atu Iesu Keriso i tagata Sa Nifae e aumaia a latou fanau iti ia te ia. Sa nonofo tamaiti i tafatafa o Iesu.

3 Nifae 17:11–12

Na fetalai atu le Faaola i tagata e tootutuli i lalo. Ona ia tootuli ai lea ma tatalo atu i le Tama Faalelagi.

3 Nifae 17:13, 15

O le ofoofogia o le tatalo a le Faaola na lē mafai ai ona tusia. Na faatumulia ai tagata Sa Nifae i le olioli.

3 Nifae 17:15–17

Ina ua maea le tatalo a Iesu, na ia fetalai mai, o le a faamanuiaina tagata Sa Nifae ona o lo latou faatuatua.

3 Nifae 17:20

Na tutulu o ia ona ua ia lagona le alofa ma le fiafia tele.

3 Nifae 17:21

Ona ia faamanuiaina lea o tamaiti taitoatasi. Na ia tatalo atu i le Tama Faalelagi mo i latou ma na ia toe tutulu foi.

3 Nifae 17:21–22

Na fai atu Iesu i tagata Sa Nifae e vaavaai atu i a latou fanau.

3 Nifae 17:23

A o vaavaai atu, na oo mai ni agelu mai le lagi ma siosiomia ai tamaiti. Na siomia tamaiti ma agelu i le afi.

3 Nifae 17:24