Mataupu 20
O Alema ma Ne’oa
Ao le i maliu le Tupu o Mosaea, na filifilia e tagata Sa Nifae ni faamasino e taitaia i latou. O Alema le Itiiti na avea ma uluai faamasino sili. O ia foi o le taitai o le Ekalesia.
O se tagata tino ese, e igoa ia Ne’oa na amata ona aoao atu mataupu pepelo. Na ia ta’u atu e faasaoina tagata uma lava e tusa lava pe lelei pe leaga foi. E toatele tagata na talitonu ia Ne’oa.
Na faasagatau atu aoaoga a Ne’oa i le Ekalesia, ae o se tagata amiotonu e igoa ia Kiteona na lavea’iina le Ekalesia. Na feupua’i Neo’a ma Kiteona, ae na tautala Kiteona i afioga a le Atua.
Na ita tele Ne’oa ma ua ia se’i foi lana pelu ma fasiotia ai Kiteona.
Na auina atu Ne’oa ia Alema ina ia faamasinoina. Na finau malosi Ne’oa ina ia puipuia o ia.
Ae na fai mai Alema na ta’usalaina Ne’oa ona o lona aoaoina o tagata ia amioleaga ma lona fasiotia o Kiteona.
Na faapea atu Alema o le a faasalaina Ne’oa ona ua ia fasiotia Kiteona. E tusa ai ma le tulafono, e tatau ona oti Ne’oa.
Na latou aveina o ia i le tumutumu o se mauga e latalata ane ma fasiotia ai. A o le i oti o ia, na ia faapea mai, o mea uma na ia aoao atu, e sese. Ae e toatele lava tagata na talitonu i aoaoga pepelo a Ne’oa.
O nei tagata na fiafia i latou i oa ma latou te le i usitai i poloaiga a le Atua. Na latou faatauemu i tagata o le Ekalesia, ma feupua’i ma tau ma i latou.
O tagata amiotonu na faaauau pea ona latou usitai i poloaiga ma latou te le i muimui foi, e ui lava ina fasia i latou e tagata na mulimuli ia Ne’oa.
Na fetufaai atu e tagata o le Ekalesia mea na latou maua i tagata matitiva, ma latou tausi i e mama’i. Na latou usitai i poloaiga, ma sa faamanuiaina i latou e le Atua.