Mataupu 54
O Le Folafolaga o le Tusi a Mamona
Ao le i tanumia e Moronae papatusi mo le taimi mulimuli, na ia tusia se folafolaga i tagata Sa Lamana ma soo se tasi lava o le a faitau i nei tusi.
Na fai atu o ia i tagata e faitau i tusi, e mafaufau lelei i ai, ona fesili atu lea i le Tama Faalelagi pe moni ia mea.
Na folafola atu e Moronae afai latou te ole atu ma le faamaoni, ma le faatuatua ia Keriso, o le a fesoasoani le Agaga Paia latou te iloa ai le moni o nei mea.
Na tusia e Moronae afai e salamo tagata, mulimuli ia Iesu Keriso, ma alolofa i le Tama Faalelagi, o le a faaatoatoaina i latou.
Ina ua maea tusitusiga a Moronae i papatusi auro, ona ia natia lea i se pusa maa i le Mauga o Kumora ma ufiufi le pusa i se maa tele. Ua maea lana galuega i lenei olaga.