Mataupu 45
Ua Aoao Atu Iesu Keriso E Uiga i le Faamanatuga ma le Tatalo
Na auina atu e Iesu Keriso ona soo e aumai ni areto ma ni uaina. Na fetalai atu o ia i tagata Sa Nifae e nonofo i lalo i le eleele.
Ina ua foi mai le au soo, na tofitofi e le Faaola le areto ma faamanuia. Na ia tuuina atu se vaega i ona soo ma tuu atu ia i latou e tufatufa atu i tagata.
Na fetalai atu Iesu o i latou na aai i le faamanatuga ua folafola mai o le a latou manatua pea o ia ma lana taulaga. Ma ua latou maua lona Agaga.
Na faamanuia e Iesu Keriso le uaina ma ave atu i ona soo. Na tufatufa atu foi e ona soo le uaina i tagata.
Na fetalai atu Iesu o i latou na aai i le faamanatuga ua folafola mai o le a latou tausia ana poloaiga.
Na toe ta’u atu e Iesu i ona soo o i latou uma e aai i le faamanatuga ma manatua pea o ia, o le a mauaina lona Agaga.
Na ia ta’u atu i ona soo o le a faamanuiaina i latou pe a latou tausia ana poloaiga.
Na fetalai atu o ia ia i latou e tatalo i taimi uma e pei ona latou vaaia o ia tatalo.
Na ta’u atu e le Faaola i tagata Sa Nifae uma e tatalo atu i le Tama Faalelagi i lona suafa. Na ia poloaiina foi i latou e tatalo ma o latou aiga.
Na ia ta’u atu e tatau ona faapotopoto soo tagata. Ma e tatau foi ona latou aumaia nisi tagata i a latou faapotopotoga, tatalo mo i latou, ma faia ni faataitaiga lelei mo i latou.
Na tuuina atu e le Faaola i ona soo le pule e tuuina atu ai le Agaga Paia. Ona ufitia lea o tagata uma i se ao ina ia mafai ai e soo ona vaai atu na o i latou ia Iesu Keriso ua afio a’e i le lagi.