Tala o Tusitusiga Paia
Mataupu 25: Ua Aoaoina e Arona le Tama o le Tupu o Lamonae


Mataupu 25

Ua Aoaoina e Arona le Tama o le Tupu o Lamonae

Ata
Aaron and companions traveling

Ua taitaiina e le Agaga Arona ma ana soa i le nuu o Nifae e aoao le tama o Lamonae, le tupu o loo pule i Sa Lamana uma.

Ata
Aaron talking to king

Na tau atu e Arona i le tupu o ia o le uso o Amona. Na mafaufau pea le tupu i le agalelei o Amona ma le mea na ta’u atu e Amona ia te ia.

Ata
Aaron talking to king

Na fesili atu Arona i le tupu pe talitonu i le Atua. Na faapea mai le tupu e na te le mautinoa, ae o le a talitonu pe afai e faapea mai Arona o loo soifua le Atua. Na faamautinoa atu e Arona i le tupu o loo soifua le Atua.

Ata
Aaron reading scriptures to king

Na faitau atu e Arona tusitusiga paia i le tupu. Na ia aoa ia te ia e uiga i le Foafoaga, Pa’ū o Atamu, ma le misiona a Iesu Keriso.

Ata
king talking to Aaron

Na fesili atu le tupu ia te ia pe o le a se mea na te faia e maua ai e ia le Agaga Paia ma saunia ai e ola faatasi ma le Atua. Sa naunau le tupu e faia soo se mea, e oo lava i le foaiina atu o lona malo.

Ata
Aaron talking to king

Na tau atu e Arona i le tupu e moomia lona salamo atoatoa i ana agasala. E manaomia lona tatalo ma faatuatua i le Atua.

Ata
king praying

Na tatalo le tupu i lona fia iloa pe i ai moni se Atua. Na ia faapea mai o le a ia tuueseina ana agasala uma.

Ata
king on ground

Na pau le tupu i le eleele e foliga mai ua oti. Ina ua iloa atu o ia e le masiofo, na manatu o ia ua fasiotia e Arona ma ana soa le tupu.

Ata
queen ordering servants

Na faatonuina e le masiofo ana auauna e fasioti Arona ma ana soa, ae sa fefefe ana auauna. Ma sa ia auina atu i latou e saili mai ni tagata e mafai ona latou fasiotia Arona ma ona uso.

Ata
Aaron commanding king to rise

A o le i oo mai le toatele o tagata ma amata ni fevesiaiga, na uu e Arona le lima o le tupu ma fai atu ia te ia e tu i luga. Na tu i luga le tupu.

Ata
king calming wife

Na faatoafilemu e le tupu le fefefe o lona toalua ma ana auauna ma aoao atu ia i latou le talalelei. Na talitonu uma i latou ia Iesu Keriso.

Lolomi