Mataupu 9

O Se Aiga Fou I Le Nuu o le Folafolaga

Na sopoia le vasa e le vaa na malaga ai le aiga o Liae ma taunuu atu i le nuu o le folafolaga. Na faatutu e tagata o latou faleie.

1 Nifae 18:23

Na latou saunia le eleele ma toto ai fatu na latou aumaia.

1 Nifae 18:24

A o latou feoa’i i lo latou nuu fou, na latou maua ai le tele o ituaiga o manu. Na latou maua ai foi auro, ario ma apamemea.

1 Nifae 18:25

Na faatonu e le Atua Nifae e fai ni papatusi i maa e tusitusi ai. Na tusia e Nifae tala e uiga i lona aiga ma la latou malaga. Na ia tusia foi afioga a le Atua.

1 Nifae 19:1, 3

Ua matua Liae. Ao le i maliu o ia, na ia talanoa atu i ona atalii e usitai i poloaiga a le Atua. Na ia faamanuiaina foi fanau a ana fanau.

2 Nifae 1:14, 16; 2 Nifae 4:3–11

Ina ua mavae le maliu o Liae, na matuai le fiafia Lamana ma Lemuelu ia Nifae, ma ua taumafai e fasioti ia te ia. E le i mananao i laua e avea lo laua uso laitiiti o Nifae ma o latou taitai.

2 Nifae 4:13;2 Nifae 5:2–3

Na faatonuina e le Alii Nifae e taitai atu tagata amiotonu i le vao. Na latou malaga i aso e tele ma taunuu i se laueleele lea na latou faaigoaina o Nifae.

2 Nifae 5:5–8

O tagata sa mulimuli ia Nifae na usiusitai i le Atua. Na galulue malosi i latou ma ua faamanuiaina. Na aoao atu e Nifae ia i latou le faiga o fale i laau ma metale. Na latou fausia se malumalu matagofie.

2 Nifae 5:10–11, 15–16

O tagata na mulimuli ia Lamana ma Lemuelu na ta’ua o sa Lamana.

2 Nifae 5:14

Sa le usiusitai sa Lamana i le Atua ma sa vavae ese i latou mai Lona afioaga. Sa le mafai ona faatasi le Agaga o le Alii ma i latou seiiloga ua latou salamo.

2 Nifae 5:20; Eteru 2:15

Sa tumu sa Lamana i le leaga ma masani ona tau ma sa Nifae.

2 Nifae 5:24, 34