Mataupu 2
Ua Lapataia Tagata e Liae
Ole toatele o tagata na nonofo i Ierusalema i le 600 a o le i soifua mai Keriso, o ni tagata amioleaga. Na auina atu e le Atua perofeta e ta’u atu ia i latou e salamo, ae latou te le i faalogo.
O Liae sa avea o ia ma perofeta. Na tatalo o ia ina ia salamo tagata. A o tatalo o ia, na faaali mai ia te ia se afi faaniutu. Na ta’u atu e le Atua ma faaali ia Liae mea e tele.
Na toe foi atu Liae i lona aiga, ma ia maua ai se faaaliga. Na ia vaai i le Atua o siosiomia e le tele o agelu. O agelu o loo pepese ma vivii atu i le Atua.
I le faaaliga, na tuuina atu ai ia Liae se tusi o loo faamatala mai ai mea o le a tutupu i le lumanai. Na ia faitau ma iloa ai o le a faatamaia Ierusalema ona o le amioleaga o ona tagata.
Na ta’u atu e Liae i tagata o le a faatamaia Ierusalema. Na ia ta’u atu foi ia i latou le afio mai o Iesu. Na ita tagata ma taumafai e fasiotia Liae, ae na puipuia o ia e le Alii.