Mataupu 19
Ua Avea Atalii o Mosaea ma Faifeautalai
Etoafa atalii o Mosaea: O Amona, Arona, Ominea ma Himinae. Na i ai faatasi i latou ma Alema le Itiiti ina ua faaali atu le agelu ia te ia.
Na salamo atalii o Mosaea mai a latou agasala ma faanoanoa i mea leaga na latou faia. Na latou iloa e moni le talalelei, ma ua mananao e talai atu i isi.
Na mumusu uma atalii o Mosaea e avea ma tupu. Nai lo le faia o lena mea, na mananao i latou e avea ma faifeautalai i tagata Sa Lamana ma fetufaai atu ia i latou faamanuiaga o le talalelei.
Na tatalo le Tupu o Mosaea ona o lona fia iloa pe tatau ona ia tuuina atu ona atalii. Na ta’u atu e le Alii ia te ia e tuu atu i latou e o, ma o le a puipuia i latou. E toatele foi tagata Sa Lamana o le a talitonu i la latou savali.
Na o atu atalii o Mosaea e aoao atu i tagata Sa Lamana. Na anapopogi i latou ma tatalo ina ia avea i latou ma faifeautalai lelei.