Mataupu 26

O Tagata O Amona

Na aoao atu e atalii o Mosaea le talalelei i tagata Sa Lamana. E faitau afe tagata Sa Lamana na salamo ma auai i le Ekalesia.

Alema 23:4–5

O tagata Sa Lamana ia na auai i le Ekalesia, na latou ta’ua i latou o Aneti-Nifae-Liae, po o tagata o Amona. O i latou o ni tagata lelei ma le galulue malosi.

Alema 23:17–18; 27:26

O tagata Sa Lamana e le i salamo sa le fiafia i tagata o Amona ma sa latou sauniuni e tau ma i latou.

Alema 24:1–2

Na iloa e tagata o Amona ua filifili tagata leaga o Sa Lamana e fasioti i latou ae latou te le i mananao e tau ma i latou. Na salamo i latou mai le fasioti tagata.

Alema 24:5–6

Na latou tanumia a latou auupega i le palapala ma folafola atu i le Atua latou te le toe fasioti tagata.

Alema 24:17–18

Ina ua o mai tagata leaga o Sa Lamana ma amata ona fasioti i latou, na latou faapauu ma ifo i le eleele ma tatalo.

Alema 24:21

Ina ua vaaia e lē o tau tagata o Amona ma i latou, o lea na taofia ai e le toatele o tagata leaga o Sa Lamana le fasiotia o i latou.

Alema 24:23–24

Na faanoanoa tagata o Sa Lamana ona ua fasiotia i latou. Na latou lafoina a latou auupega i lalo, ae faatasi atu ma tagata o Amona. O le a le toe tau lava i latou.

Alema 24:24–27

Na faateleina tagata Sa Lamana na o mai e fasioti tagata o Amona. Ae latou te le i tau atu lava ia i latou, ma e toatele na fasiotia.

Alema 27:2–3

Ona e le i manao o ia e faatamaia tagata o loo ia alofa i ai, o lea na tatalo ai Amona mo se fesoasoani. Na fai atu le Alii ia te ia e ave ona tagata ma o ese mai le nuu.

Alema 27:4–5, 10–12

Na tuuina atu e tagata Sa Nifae o loo i Saraemila ia Amona ma ona tagata le nuu o Seasona, ma puipuia i latou. Na avea i latou ma uo.

Alema 27:22–23